ချစ်သူ့နယ်မြေ - စန္ဒယားချစ်ဆွေ (တေးရေး - ကိုလေးညွန့်)

 

သီးနှံများအား မြေမချဘဲ အိတ်ဖြင့်ထည့်၍ စိုက်ပျိုးခြင်း-ဒေါက်တာဝဏ္ဏထွန်း

 သီးနှံများအား မြေမချဘဲ အိတ်ဖြင့်ထည့်၍ စိုက်ပျိုးခြင်း

ဒေါက်တာဝဏ္ဏထွန်း

----------------------------------

ဒီလောက်စိုက်ပျိုးမြေတွေရှိနေပါလျှက် သီးနှံတွေကို အိတ်နဲ့စိုက်ပျိုးထားတာမြင်တော့ ကျွန်တော်ဖြင့် အံ့ဩမိခဲ့ပါတယ်။

မြေဆီလွှာဂေဟဗေဒရှုထောင့်ကနေကြည့်မိရင်လည်း သက်ရှိတွေနဲ့ အသက်ဝင်၊ သံသရာလည်ပတ်နေတဲ့ မြေဆီလွှာထဲမှာပဲ အပင်တွေကို စိုက်ပျိုးစေချင်မိပါတယ်။

ဒါပေမယ့် စိုက်ပျိုးတဲ့သီးနှံတွေ၊ အသုံးပြုတဲ့ ဓာတ်မြေဩဇာနဲ့ ဓာတုဆေးတွေကြောင့် သူ့ကိုလက်ခံထားရတဲ့ ပထဝီမြေကြီးဟာ ဒဏ်ရာတွေရ၊ ပျက်စီးရရှာတာကို ကျွန်တော်တို့ မေ့ထားလို့မရပါဘူး။

o မြေဆီလွှာထဲမှာ အာဟာရတွေကုန်ခမ်းသွားတယ်။

o မြေတည်ဆောက်ပုံ ပျက်စီးကုန်တယ်။

o ရေတွေမထိန်းနိုင်တော့ဘူး။

o မြေဆောင်ရောဂါပိုးနဲ့ ဖျက်ပိုးတွေနဲ့ မြေကြီးထဲ ပြည့်နေတယ်။

o သီးနှံတွေ မကြီးထွားနိုင်တော့ဘူး၊ မကျန်းမာတော့ဘူး၊ အထွက်နှုန်းမကောင်းတော့ဘူး။

Greenhouse ထဲမှာ သီးနှံတွေစိုက်ပျိုးရင်လည်း အချိန်ကြာလာသည်နှင့်အမျှ ဓာတ်မြေဩဇာ၊ အော်ဂဲနစ်မြေဩဇာ၊ အသုံးပြုသည့်ရေ၊ CO2 များရေတွင်ပျော်ဝင်လာမှု စသည့်အကြောင်းရင်းများကြောင့် မြေဆီလွှာချဥ်ခြင်း၊ ငန်ခြင်း၊ မြေပျက်စီးခြင်းများ ဖြစ်လာတတ်ပါတယ်။

ဒါကြောင့်မို့ စိုက်ခင်းကြီးတစ်ခုလုံးက မြေဆီလွှာကို အချိန်ကြာမြင့်စွာ ပြန်လည်ကုစားမယ့်အစား၊ စိုက်ပျိုးမြေကိုလိုအပ်သလိုပြင်ဆင်၊ လိုအပ်သလို အာဟာရထည့်သွင်း၊ လိုအပ်သလို ရေပေး၍ သီးနှံတွေကို အိတ်ထဲထည့်စိုက်ပျိုးလာကြပါတယ်။ မြေနေရာရှားပါးတဲ့နေရာတွေ၊ မြို့ပြအဆောက်အဦးတွေနဲ့ ခေါင်မိုးတွေပေါ်မှာ သီးနှံတွေကို အိတ်နဲ့ထည့် စိုက်ပျိုးလာကြပါတယ်။

အခုဆိုရင် သီးနှံအလိုက် အပြည့်အစုံတွက်ချက်ထားတဲ့ မြေဩဇာတွေအပါအဝင် အသင့်သုံးအိတ်တွေကို စီးပွားဖြစ်ရောင်းချ၍၊ စီးပွားဖြစ်စိုက်ပျိုးနေကြပါပြီ။ အိတ်ကိုထိပ်ဖွင့်၊ ရေဆင်၍ အပင်တန်းစိုက်ရုံပါပဲ။

အိတ်ဖြင့်စိုက်ပျိုးခြင်းရဲ့ အခြားကောင်းကျိုးတွေကတော့-

• နေရာမယူခြင်း၊ နေရာမရွေးခြင်း၊ အိမ်ဝရန်တာ၊ လသာဆောင်၊ မီးဖိုချောင်များ၌ စိုက်ပျိုးနိုင်ခြင်း

• Greenhouse ထဲ၌ ရာသီမရွေးစိုက်ပျိုးနိုင်ခြင်း

• မြေပျက်စီးသည့်နေရာများ၌ စိုက်ပျိုးနိုင်ခြင်း

• အိတ်များကို ရွှေ့ပြောင်းနိုင်သောကြောင့် ပင်ကြားတန်းကြားကို လိုသလိုပြင်ဆင်နိုင်ခြင်း၊

• အပင်များနေရောင်ခြည်ရရှိရန် လိုအပ်သလို ရွှေ့နိုင်ခြင်း

• ဆိုးရွားသည့်ရာသီဥတု၌ အပင်များကို ရွှေ့ပြောင်းနိုင်ခြင်း

• အပင်များ၌ ရေမဝပ်ခြင်း

• မြေဆောင်ရောဂါဖြစ်ပွားမှုကို လျှော့ချနိုင်ခြင်း

• အာဟာရလေလွင့်ဆုံးရှုံးမှုနည်းခြင်း

• စိုက်ပျိုးရေကို ခြွေတာနိုင်ခြင်း

• မြေထွန်ယက်စရာမလိုအပ်ခြင်း

• ပေါင်းနှိမ်နင်းရသက်သာခြင်း

• အပင်အသေအပျောက်ရှိပါက အလွယ်တကူ အစားထိုးလဲလှယ်နိုင်ခြင်း

• ကုန်ကျစရိတ် ထိရောက်မှုရှိခြင်း

• သီးနှံပြပွဲများ၌ စနစ်တကျ သေသပ်လှပစွာ ပညာပေးပြသနိုင်ခြင်း စသည်တို့ဖြစ်ကြပါတယ်။

(က) စိုက်ပျိုးမည့်အိတ်အမျိုးအစား

• ပလပ်စတစ်အိတ်တွေလဲရှိသလို၊ ချည်သား/ဂုန်နီ/ပေါ်လီစများဖြင့် ယက်လုပ်ထားသည့်အိတ်များက အကောင်းဆုံးဖြစ်ပါတယ်။ ပလပ်စတစ်အိတ်တွေထက် လေဝင်လေထွက်ကောင်းတယ်၊ ရေမဝပ်ဘဲ ရေစီးဆင်းစေပါတယ်။

• ပလပ်စတစ်အိတ်တွေကတော့ ‌ရေထိန်းအား ပိုကောင်းပါတယ်။

• တခါတလေ ဘိလပ်မြေအိတ်၊ ဆန်အိတ်၊ ပီနံအိတ်၊ ပလပ်စတစ်ပုံးတွေနဲ့လည်း စိုက်ပျိုးလေ့ရှိကြပါတယ်။

(ခ) သီးနှံအလိုက် အသုံးပြုရမည့် အိတ်အရွယ်အစား

• အိတ်သေး (၅-၁၀ ဂါလံဆန့်)- ရွက်စားများ၊ ဆလတ်၊ ဟင်းနုနယ်၊ ကိုက်လန်၊ ပတ်ချွိုင်၊ ကန်စွန်း၊ ပင်စိမ်း၊ နံနံပင်

• အိတ်လတ် (၁၀-၁၅ ဂါလံဆန့်) - ငရုတ်၊ တိုင်လွတ်ပဲ၊ မုန်လာဥဖြူ/နီ၊ ကြက်သွန်နီ၊ ချဥ်ပေါင်၊ နဂါးမောက်

• အိတ်ကြီး (၂၀-၃၀ ဂါလံဆန့်) - ခရမ်းချဥ်၊ ခရမ်း၊ အာလူး၊ သခွား၊ သခွားမွှေး၊ ဖရဲ၊ ဖရုံ၊ တိုင်ထောင်ပဲ၊ ရုံးပတီ၊ စပျစ်

• ဥစားသီးနှံများစိုက်ပျိုးပါက ဇောက်ပိုနက်သည့် အိတ်များဖြင့် စိုက်ပျိုးရပါမယ်။

• အာလူးကဲ့သို့ အမြစ်ပျံ့နှံ့မှုကောင်းသည့် သီးနှံများအတွက် အိတ်ကျယ်ကျယ်ဖြင့် စိုက်ပျိုးရပါမယ်။

(ဂ) အိတ်မြေပြင်ဆင်ခြင်း

အလွန်အရေးကြီးပါတယ်။ စိုက်ပျိုးမြေကောင်းမှ အပင်ကျန်းမာရေး၊ အထွက်နှုန်းနဲ့ ရေထိန်းထားနိုင်မှုများ ကောင်းမွန်လာမှာဖြစ်ပါတယ်။

ကောင်းမွန်တဲ့အိတ်မြေဆိုတာ လေဝင်လေထွက်နဲ့ ရေစီးရေလာကောင်းရမယ်၊ အာဟာရလည်း ပြည့်စုံရပါမယ်။

အိတ်မြေကောင်းတစ်ခုကို ပြင်ဆင်မယ်ဆိုပါက ပါဝင်သင့်တာတွေကတော့-

• ၅၀% -မြေသားတည်ဆောက်မှုကောင်းစေတဲ့ပစ္စည်းများ (အပေါ်ယံမြေ၊ ပျိုးမြေ၊ အုန်းဆံမှုန့်၊ ရေညှိခြောက်)

• ၃၀% -အော်ဂဲနစ်ပစ္စည်းများ (မြေဆွေး၊ တီကျစ်စာ၊ ကောင်းမွန်စွာဆွေးမြည့်ထားသည့် နွားချေး၊ ကြက်ချေးများ)

• ၂၀% -လေဝင်လေထွက်နှင့် ရေစီးရေလာကောင်းစေသောပစ္စည်းများ (သဲ၊ စပါးခွံ၊ ဖွဲပြာ၊ မီးတောင်ကျောက်များ၊ ကျောက်ပွများ၊ ဇီဝမီးသွေး)

အပေါ်ယံမြေသို့မဟုတ် ပျိုးခြံစပ်မြေများကို အသုံးမပြုမီ မီးဖိုထဲ၌ (၈၂ °C)ဖြင့် မိနစ် (၃၀) ခန့် အပူပေး၍ ပိုးသတ်ပေးပါ။

သို့မဟုတ် နေရောင်ခြည်ပြင်းပြင်းအောက်၌ မြေများ ခပ်ပါးပါးဖြန့်ခင်း၍ အစိုဓာတ်နည်းနည်းရစေရန် ရေလောင်းပေးပါ၊ ထို့နောက် ပလစ်စတစ်အကြည်စ (၁-၄)မီလီမီတာအထူဖြင့် ခပ်တင်းတင်းဆွဲဖုံး၍ နေရောင်ခြည်အောက်၌ ၄-၆ ပတ်ခန့် အခြောက်လှန်းပေးပါ။

ထို့နောက် အအေးခံ၍ အခြားပစ္စည်းများဖြင့် ရောစပ်ပေးပါ။

စပ်ထားသည်မြေကို ရေအနည်းငယ်ဖျန်းပြီးမှ အိတ်ထဲထည့်ပေးပါ (လေဟာနယ်မရှိစေရန်ဖြစ်သည်)။ အပြည့်မထည့်ဘဲ အိတ်၏ ၄ ပုံ ၃ ခန့်သာ ဖြည့်ပေးပါ။

မြေမကျပ်စေရန် အထူးသတိထားရမည်ဖြစ်ပါသည်။

(ဃ) အိတ်တစ်အိတ်တွင်ထည့်ရမည့် မြေဩဇာတွက်ချက်ခြင်း

အိတ်အရွယ်အစား၊ မြေသားထုထည်နှင့် အပင်ကြီးထွားမှုအဆင့်အပေါ်မူတည်၍ မြေဩဇာကို တွက်ချက်ရပါမည်။

အပင်များ၌ ထည့်သွင်းရမည့် မြေဩဇာများကို သီးနှံအလိုက်အကြမ်းဖျင်းကြည့်မည်ဆိုပါက..

• ရွက်စားသီးနှံများ၌ နိုက်ထရိုဂျင်ပိုလိုအပ်သောကြောင့် ထည့်ရမည့် ကွန်ပေါင်းမြေဩဇာကို (၁၀-၅-၅)အချိုး သုံးပါ။

• ဥစားသီးနှံ (၅-၁၀-၅)အချိုး

• ဟင်းသီးများ (၁၀-၁၀-၁၀)အချိုး

စိုက်ပျိုးမည့် တစ်အိတ်လျှင် ဓာတ်မြေဩဇာထည့်ရမည့် ယေဘူယျနှုန်းထားများမှာ အောက်ပါအတိုင်းဖြစ်ပါသည်။ သီးနှံတစ်ရာသီစာလုံးအတွက်ဖြစ်ပြီး အကြိမ်ကြိမ်ခွဲထည့်ပေးရမည်ဖြစ်ပါသည်။

• အိတ်သေး (၅-၁၀ ဂါလံဆန့်)- စားပွဲတင်ဇွန်း ၅-၁၀ ဇွန်း

• အိတ်လတ် (၁၀-၁၅ ဂါလံဆန့်) - စားပွဲတင်ဇွန်း ၁၀-၂၀ ဇွန်း

• အိတ်ကြီး (၂၀-၃၀ ဂါလံဆန့်) - စားပွဲတင်ဇွန်း ၂၀-၄၀ ဇွန်း

• အော်ဂဲနစ်မြေဩဇာများအား တစ်လလျှင်တစ်ကြိမ် ကီလိုဝက်ခန့် ကျွေးရမည်။

• ဓာတ်မြေဩဇာများအား ၂-၃ ပတ်ခြားတစ်ကြိမ် ခွဲကျွေးရမည်။

• EM ၊ တီဆေးရည်၊ ထရိုင်ကိုဒါးမား၊ ငါးအမိုင်နိုအားဆေးကဲ့သို့ အော်ဂဲနစ်ဆေးများကို ထည့်သွင်းပေးခြင်းဖြင့် မြေဆီဩဇာကို တက်စေပါသည်။

• ရွက်ဖျန်းအားဆေးများအား အပတ်စဥ် သို့မဟုတ် ၂ ပတ်ခြားတစ်ခါ ပက်ဖျန်းပေးရမည်။

(င) စိုက်ပျိုးရန် ပြင်ဆင်ခြင်း

• မြေပေါ်တွင်စိုက်ပျိုးပါက ပေါင်းနှိမ်နင်းရသက်သာစေရန် ပလပ်စတစ်စ၊ စကာစများ၊ ပလပ်စတစ်စင်/အခင်းများ သို့မဟုတ် ဒေသထွက်ပစ္စည်းများဖြစ်သည့် ဖျာ၊ ဝါးကဒ်၊ ဝါးထရံ၊ သစ်သား၊ သစ်ရွက်ခြောက်များတို့ကို ခင်းပေးပါ။

• ထို့နောက် အိတ်များကို သက်ဆိုင်ရာသီးနှံများ၏ ပင်ကြားတန်းကြားအကွာအဝေးအလိုက် နေရာချပါ။ အပင်ငယ်စဥ်တွင် ခပ်စိပ်စိပ်ထားနိုင်သည်။

• ရေအစက်ချ၊ Sprinkler စသည်ဖြင့် ရေပေးစနစ်ပြင်ဆင်ပေးပါ။

• တစ်နေ့လျှင် နေရောင်ခြည် (၆-၈)နာရီခန့်ရသည့်နေရာများ၌ အိတ်များကို ထားရမည်။

• အလင်းမရရှိပါက ရွှေ့ပေးပါ။

• မျိုးစေ့ချပါ သို့မဟုတ် ပျိုးပင်ထည့်ပျိုးပါ။ အိတ်အရွယ်အစားအလိုက် တစ်အိတ်လျှင် ၂-၃ ပင်ခန့်အထိ စိုက်ပျိုးနိုင်ပါသည်။

(စ) ရေသွင်းခြင်း

• ရေဝပ်ခြင်း၊ ရေများခြင်းမှရှောင်ကြဥ်ရန်အတွက် ရေကိုပုံမှန်သွင်းပေးပါ။

• ရေအစက်ချစနစ်ဖြင့် ရေသွင်းခြင်းကို အထူးအကြံပြုပါသည်။

• အောက်ခံအခင်း သို့မဟုတ် ကွန်ကရစ်ခင်း အလွန်အမင်းမပူစေရန် ရေဖျန်းပေးပါ။

(ဆ) အခြားသိသင့်သည့်အချက်များ

• တွယ်တက်မည့်နွယ်သီးနှံများအတွက် တိုင်ထောင်ပေးပါ၊ ကြိုးတန်းပေးပါ။ ပိုက်ကွန်များဆင်ပေးပါ။

• ကောက်ရိုးသို့မဟုတ် သစ်ရွက်ခြောက်များဖြင့် အိတ်ကိုအုပ်ပေး၍အစိုဓာတ်ထိန်းပေးပါ။

• ခူးဆွတ်ရိတ်သိမ်းပြီးနောက် မြေသားများကိုထုတ်၍ ပိုးသတ်ခြင်း၊ မြေဆွေးများနှင့် ပြန်လည်ရောစပ်ခြင်းများကို ဆောင်ရွက်ပေးပါ။

• သီးလှည့်စနစ်ဖြင့် စိုက်ပျိုးပေးပါ။

• ပိုးမွှားရောဂါကျရောက်မှုကို အချိန်မှန်စစ်ဆေး၍၊ လိုအပ်သလို ကာကွယ်နှိမ်နင်းပေးပါ။

• ပလပ်စတစ်အိတ်ဟောင်းများကို အတွင်းအပြင်လှန်သေချာဆေးကြော၊ အခြောက်လှန်း၍ ပြန်လည်အသုံးပြုနိုင်ပါသည်။

• သီးနှံများအိတ်ဖြင့်ထည့်၍ စိုက်ပျိုးခြင်းကို GAP နှင့် အော်ဂဲနစ်စနစ်များ၌ပါ ခွင့်ပြုထားပါသည်။

ကောင်းမွန်စွာ အစာချေဖို့- To A Better Health

 အကြံကောင်းတစ်ခု

ဖြည့်စွက်စာတွေ ဈေးကြီးနေသည့်အခါမှာ ကိုယ်တွေ့အကြံလေး ပေးပါဦးမယ်။

အကြံပေးနေတာပါနော်။ မိမိတို့ သဘောအတိုင်းပါ။

အစာစားသည့်အခါ ကောင်းမွန်စွာ အစာချေဖို့ လိုအပ်တာကြောင့် အရင်ကဆိုရင် Ox bile/ digestive enzyme/ Betaine HCL with Pepsin ကို မှန်မှန်သောက်လေ့ ရှိပါတယ်။

ဈေးတွေကလဲ တရိပ်ရိပ်နဲ့ တက်လာတာကြောင့် ပြန်စဉ်းစားကြည့်မိပါတယ်။

ဘာကို မသောက်ဘဲနေရင် ရမလဲပေါ့။

အစာ မစားခင် ပန်းသီး ရှာလကာရည်ကို ရေနဲ့ရောပြီး “မှန်မှန်သောက်ကြည့်တာ” အခြားဘာမှ သောက်စရာ မလိုတော့တာကို တွေ့ရပါတယ်။

စမ်းသပ်ကြည့်တာပါ။

ရေ၈အောင်စ + ပန်းသီးရှာလကာရည် ထမင်းစား၂ ဇွန်း ဆိုရင် ရပါပြီ။

Organic apple cider vinegar with the mother ဖြစ်ရပါမယ်။

1 cup = 8 fluid oz = ရေတစ်ဖန်ခွက်

ကိုယ်တွေ့ စမ်းသပ်ကြည့်နေတာ တစ်လနီးပါး ရှိနေပါပြီ။

အတော်လေးကို အဆင်ပြေနေတာကို လက်တွေ့ကျကျ တွေ့နေရပါတယ်။

အစာကြေပြီး နေလို့ထိုင်လို့ အလွန်အဆင်ပြေနေပါတယ်။

မကုန်သင့်တဲ့နေရာမှာ မကုန်ရအောင်ပါ။

တစ်ယောက်နဲ့ တစ်ယောက်ဟာလဲ မတူကြတာမို့ မိမိတို့ အဆင်ပြေသလိုသာ —-

Credit to: https://www.facebook.com/share/p/14gLvWidZC/

Frozen shoulder-To A Better Health

 

ပခုံးအဆစ် နာကျင်ကိုက်ခဲနေပြီး လက်မြှောက်မရတာ / လက်ကို အလိုရှိသည့်အတိုင်းအတာအတိုင်း မလှုပ်ရှားနိုင်သည့် အခြေအနေတစ်ရပ်ကို ဆိုလိုပါတယ်။

ပခုံးအဆစ်ဟာ အကြောင်းတစ်ခုခုကြောင့် ရောင်ကိုင်းနေတာ ဖြစ်ပါတယ်။

ရောင်နေတယ်ဆိုကတည်းက နာကျင်တောင့်တင်းနေပြီပေါ့။

ပခုံးအဆစ်ဟာ ရောင်ကိုင်းနေတာမို့ လှုပ်ဖို့/ရွေ့ဖို့ ခက်ခဲသည့်အခြေအနေတစ်ရပ်ပါပဲ။

လူအတော်များများ ဖြစ်နေကြပါတယ်။

ထိခိုက်ဒဏ်ရာရလို့ ဖြစ်စေ/ ခွဲစိတ်ကုသမှုခံယူထားလို့ဖြစ်စေ/ မလှုပ်မရှက်နေတာကြာလို့ဖြစ်စေ စသည်ဖြင့် အကြောင်းအမျိုးမျိုးကို ပြောနေကြပါတယ်။

များသောအားဖြင့် Physical therapy ယူကြတာရယ်

အကိုက်အခဲ ပျောက်ဆေး သောက်ကြတာရယ်

ပခုံးအဆစ်ထဲသို့ အရောင်ကျဆေး steroid ထိုးထည့်တာရယ် နဲ့ ကုသလေ့ ရှိပါတယ်။

အခုလို ကုသမှုအားလုံးက အကျိုးတရားကို ဖယ်ရှားပစ်နေတာဖြစ်ပါတယ်။

သိပ်နာနေရင်တော့လဲ အကျိုးတရားကို ဦးတည်ရတာ မှန်သင့်သလောက်မှန်ပါတယ်။

ထိခိုက်ဒဏ်ရာ ရတာကြောင့်ဆိုရင်တော့ နားနားနေနေ နေလိုက်ရင် တဖြေးဖြေးနဲ့ သက်သာလာမှာ ဖြစ်ပါတယ်။

ထိခိုက်ဒဏ်ရာကြောင့် မဟုတ်ဘူးဆိုရင်တော့ အခြားအကြောင်းတွေကိုပါ စဉ်းစားရပါတော့မယ်။

အကြောင်းတရားကိုဖြတ်မှ အကျိုးတရား ပြတ်ထွက်

မှာ မဟုတ်ပါလား?

Oxalates တွေ ဖြစ်ပါတယ်။

ထုံးမှန်ကျောက်တွေ ပခုံးအဆစ်ထဲမှာ ရှိနေရင် အဆစ်ဟာ ရောင်ကိုင်းနေမယ် / နာကျင်နေမယ်/ range of motion will be limited.

မှန်ကျောက်တွေကို ထုတ်ပစ်မှာက ကျောက်ကပ်ဖြစ်ပါတယ်။

ဆီးထဲကနေ ပါသွားမှာပါ။

အရေးကြီးဆုံးက ပိုဆိုးမလာရအောင် Oxalates များသည့် အစားအသောက်တွေကိုသတိကပ်ရမှာ ဖြစ်ပါတယ်။

မဖြစ်မနေ စားရမယ်ဆိုရင်လဲ စားတဲ့အချိန်မှာ calcium citrate ကို တွဲသောက်ဖို့ မမေ့နဲ့ပေါ့နော်။

calcium citrate ဟာ Oxalates တွေနဲ့ ပေါင်းသွားပြီး ဝမ်းထဲကနေ ထုတ်ပစ်လိုက်မှာ ဖြစ်ပါတယ်။

ခန္ဓာကိုယ်ထဲ ရောက်နေတဲ့ ထုံးမှန်ကျောက်တွေကတော့ တဖြေးဖြေးနဲ့ ထွက်သွားပါလိမ့်မယ်။

အချိန်တော့ ယူရပါလိမ့်မယ်။

နောက်ထပ် တိုးမလာရအောင်လုပ်ရမှာ ကိုယ့်တာဝန်ပါပဲ။

😊😊😊

Oxalate ပမာဏ များသည့် အစားအသောက်များ

( မိတ်ဆွေများ တောင်းဆိုချက်အရ )

ဗဟုသုတအတွက်သာ ဖြစ်ပါတယ်။

မိမိကျန်းမာရေးအခြေအနေအရ ချင့်ချိန်နိုင်ရအောင် တင်ပြပေးခြင်းဖြစ်ပါတယ်။

တစ်ဦးနဲ့တစ်ဦးဟာလဲ ခန္ဓာကိုယ်ရဲ့တုန့်ပြန်မှုတွေက မတူကြတာမို့ အဆင်ပြေသလို သာ ဆုံးဖြတ်စေချင်ပါတယ်။

ဟင်းနုနွယ် Amaranth

ရုံးပတီသီး Okra

မျှစ် Bamboo shoots

ငရုပ်ပွ Bell peppers especially the green ones

ဒန့်သလွန်ရွက် Moringa

အားလူး Potatoes

ကန်စွန်းဥ Sweet potatoes

မုန်လာဥနီ Carrots

သကြားမုန်လာ Beets

အာတာလွတ် Parsnips

ပလောပီနံ Cassava

ပဲမျိုးစုံ Beans and Legumes

နှမ်းမျိုးစုံ Sesame seeds

Almonds/ Peanuts/ Cashews

Soy / Tofu

Soy milk / Almond milk

လက်ဖက်အစို/ လက်ဖက်သုပ်

လက်ဖက်ရည်ကြမ်း ( black tea ) ကြာကြာနှပ်ထားလေ Oxalates ပမာဏများလာလေ

ကွမ်းရွက်/ ကွမ်းသီး/ကွမ်းယာ Paan/ Beetle nut

ပဲမှုံ့ Chick pea powder / Chana Daahl

😊😊😊😊

Oxalates ပမာဏ အသင့်အတင့်သာပါသော ဟင်းသီး ဟင်းရွက်များ——-

ချဉ်ပေါင်ရွက် Roselle leaves

ကန်စွန်းရွက် water spinach

ခရမ်းသီး egg plant

Broccoli

ကိုင်းလန် Chinese broccoli

ဂေါ်ဖီ/ ဂေါ်ဖီပန်း Cabbage/ Cauliflower

ကညွှတ် asparagus

မှို mushroom

ခရမ်းချဉ်သီး Tomatoes

ဘူးသီး Gourd

မုန်လာဥ White radish

မုန်လာရွက်

မုန်ညှင်းရွက် Mustard leaves

Zucchini/ yellow squash

Brussels sprouts

ကြက်သွန်နီ/ ကြက်သွန်ဖြူ

ရွေးချယ်ပြီး စားစရာတွေ ရှိနေသေးပါတယ်။

Oxalates တွေ အကြောင်းသာ တွင်တွင်ပြောနေပေမဲ့ Lectins တွေ / phytates တွေအကြောင်းကို သေသေ ချာချာ ရေးမပေးရသေးပါ။

ဟင်းသီးဟင်းရွက်တွေ/ ပဲမျိုးစုံတွေနဲ့ ပြဿနာတက်နေကြတာဆိုတော့ရေးပေးလိုက်ရင် စိတ်ရှုပ်ကုန်ကြမှာစိုးလို့ မရေးတော့ပါဘူးနော်။

ရောဂါဖြစ်နေသူတွေအတွက်ကတော့ သိဖို့လိုပါတယ်။

😊😊😊

Oxalate ပြဿနာ မရှိသော အစားအသောက်များမှာ —

ခြေလေးချောင်းသား

ကြက်သား

ငါး

ပုဇွန်

ကြက် ဥ

နွားနို့

Cheese

ဒိန်ချဉ်

ထောပတ်

😊😊😊

Oxalate မှန်ကျောက်တွေနဲ့ မျက်စိကျန်းမာရေး

“အချို့လူတွေမှာ” ပြတတ်သည့် လက္ခဏာများမှာ ——-

မျက်စိအမြင်အာရုံမှာ အမဲစက်/ မီးခိုးရောင်အစက်တွေ ပေါ်နေတတ်ပါတယ်

မျက်စိမှုံလာတတ်တယ်။

မျက်လုံးက နီနေ/ ခိုးလိုးခုလု ဖြစ်နေ/ ရောင်နေတတ်ပါတယ်။

နာနေတတ်ပါတယ်။

အရမ်းဆိုးလာရင်တော့ မျက်စိကွယ်သွားနိုင်ပါတယ်။

ကျောက်ကပ်သိပ်မကောင်းသူတွေ အထူးသတိပြုသင့်သည့်အချက်ပါ။

Oxalates တွေကို ဆီးထဲကနေ ကောင်းမွန်စွာ မစွန့်ပစ်နိုင်လျှင် သတိပြုရမှာ ဖြစ်ပါတယ်။

Oxalates ပမာဏ များသည့် အစားအသောက်တွေကို ချင့်ချိန်စားသင့်ပါတယ်။

အစားအသောက်တွေကို စားရတာနဲ့ ရောဂါဒဏ်ကို ခံရမှာက မတန်တော့ပါဘူး။

Credit to: https://www.facebook.com/share/p/1Ww32PXkL5/

ဝက်သားအချိုချက် / ဝက်သားအချိုနှပ်- Aye Thuzar Win

 ချက်နည်း ခဏခဏမေးကြတဲ့

ဝက်သားအချိုချက် / ဝက်သားအချိုနှပ်

ဝက်သားအဆီအသားတွဲရက် ၃၀ ကျပ်သား

( ပေါင်သား / သုံးထပ်သား နှစ်သက်ရာ သုံးနိုင်ပါတယ်

အဆီမစားရင် အသားချည်းလဲချက်လို့ရပါတယ်)

ကြက်သွန်နီကြီးကြီး ၄လုံး

ကြက်သွန်ဖြူ ၆မွှာ

ဂျင်း ခပ်ထူထူ ၄လွှာခန့်

ပဲငံပြာရည်အပျစ် ထမင်းစားဇွန်း ၁ဇွန်းခန့်

နနွင်းမှုန့် အနည်းငယ်

ဆီ စတီးဟင်းခပ်ဇွန်းကြီး ၄ဇွန်း

အချိုမှုန့် ဆား နှစ်သက်သလိုချိန်ဆထည့်ပါ

( ကြက်သွန်ဖြူနီဂျင်းကို ပုံမှန်ဆီပြန်ဟင်းတွေထက် ပိုသုံးရပါတယ်)

သန့်စင်ပြီးဝက်သားကို အနေတော်အရွယ်တုံးပြီး

အချိုမှုန့် ဆား ပဲငံပြာရည်အပျစ် နနွင်း(ပါရုံ) တို့နဲ့ အရသာဝင်အောင်နယ်ပြီး ခဏနှပ်ထားပါ

ကြက်သွန်ဖြူ နီ ဂျင်းတို့ကို ထောင်းထားပါ (သို့) နုတ်နုတ်စင်းထားပါ

ဆီအိုးတည်ပါ အတော်ပူလာတဲ့ထိစောင့်ပြီးမှ ကြက်သွန်ဖြူ နီ ဂျင်းဆီသတ်ပါ ကြက်သွန်အနည်းငယ်ခြောက်ပြီး နီရောင်သန်းကာ စိမ်းနံ့ပျောက်ပြီးအနံ့မွှေးလာမှ အရသာနယ်ထားတဲ့ အသားထည့်ပါ

အသားထည့်ပြီး ရေမထည့်သေးပဲ အသားကထွက်လာတဲ့ရေကုန်ပြီး အသားကျစ်အရောင်ဝင်သည်အထိ

မွှေပေးနေပါ

( ဟင်းရဲ့ အနံ့အရသာနဲ့ အရောင်အဆင်းက

ဟင်းဆီသတ်တဲ့ အချိန်နဲ့ အနေအထားပေါ်မူတည်ပြီး

မတူကြတာဖြစ်လို့ ဂရုစိုက်ရပါတယ်)

အသားကျစ် ဆီပြန်ပြီး မွှေးလာပြီဆိုမှ ရေနွေးမြုပ်ရုံထည့်ပြီး အဖုံးအုပ်တည်ပါ ဟင်းအိုးကောင်းကောင်းဆူလာရင် မီးကိုလျော့ချပြီး ဆက်တည်ထားပါ

လိုအပ်လို့ ရေထပ်ဖြည့်တဲ့အခါ အများကြီးတစ်ခါထဲ

မထည့်လိုက်ပဲ အသားမြုပ်တယ်ဆိုရုံပဲ နဲနဲချင်းစီဖြည့်ပြီး အသားနူးအိဆီပြန်တဲ့အထိ မီးအေးအေး စိတ်ရှည်ရှည်နဲ့ တည်ပေးရပါတယ်

ဟင်းအနေအထားက ဆီပြန်တယ်ဆိုပေမယ့် အနှစ်ခြောက်ခြောက်ကြီးမဟုတ်ပဲ ရေအနည်းငယ်ကျန်တဲ့ အနှစ်ခပ်စိုစိုအနေလေးပါရှင်

(ဟင်းချက်နည်း / မုန့်လုပ်နည်း တွေကို လွတ်လပ်စွာ

share နိုင်ပါတယ် မူရင်းပို့စ်ကို direct share တာမျိုး မဟုတ်ပဲ စာသားတွေကို copy & paste နဲ့ ကူးယူပြီး ပြန်လည်ဖြန့်ဝေခွင့်မပြုပါဘူးရှင့် )

ကြက်အချိုပေါင်း - Aye Thuzar Win

 ချက်နည်းမေးထားတဲ့ သူငယ်ချင်းအတွက် ရေးပေးရင်းနဲ့

တစ်ခါထဲမျှဝေပါတယ်

ဗဗာကြက် ၆၀/၇၀ကျပ်သား အရွယ် နှစ်ကောင်ကို အသဲအမြစ်ခေါင်းလည်ပင်း ခြေထောက်စတာတွေ ဖယ် သေချာဆေးကြောသန့်စင်ပြီး တစ်ကောင်ကို ရှစ်ပိုင်းပိုင်းပါတယ်

ပဲငံပြာရည်အကျဲ စားပွဲဇွန်း ၄ဇွန်း

ပဲငံပြာရည်အ‌ပျစ် စားပွဲဇွန်း ၂ဇွန်း

အချိုမှုန့် ဆားအနည်းငယ်တို့နဲ့ အရသာဝင်အောင် သေချာနယ်‌ပေးပြီး ဆယ့်ငါးမိနစ် မိနစ်နှစ်ဆယ်လောက် နှပ်ထားပါ ( ပဲငံပြာရည်အကျဲထည့်နယ်ထားတာမို့ ဆားထည့်တဲ့အခါ သတိထားပြီး အနည်းငယ်ပဲ ထည့်‌ပေးပါ)

ချက်မယ့်အိုးထဲ ဆီ စားပွဲဇွန်း ၅ဇွန်းခန့်ထည့်ပြီး ပူအောင်တည်ပါ ဆီပူလာရင် အရသာနယ်ထားတဲ့ အသားတွေထည့်လှိမ့်ပါ

အသား‌ အနည်းငယ်တင်းလာပြီဆိုမှ အသားနူးဖို့လိုအပ်တဲ့ရေအနည်းငယ်ထည့်ပါ

ပါးပါးလှီးထားတဲ့ကြက်သွန်ဖြူ ၈မွှာ

မထူမပါးလှီးထားတဲ့ ဂျင်း ၅လွှာ

နာနတ်ပွင့် ၄/၅ပွင့်

ရှားကောမှုန့် လဘက်ရည်ဇွန်းတစ်ဝက်ခန့် နဲ့

နှမ်းဆီမွှေး လဘက်ရည်ဇွန်း ၁ဇွန်းခွဲခန့် ထည့်ပြီး အဖုံးအုပ်ကာ အသားနူးပြီး အရည်စပ်စပ်ကလေးကျန်တဲ့ထိချက်ပေးရပါတယ်

ဒီနည်းနဲ့ ချက်ထားတဲ့ ကြက်အချိုပေါင်းကို ထမင်းဖြူ ပူပူလေးနဲ့ပဲဖြစ်ဖြစ် ဆီချက်ခေါက်ဆွဲနဲ့ဖြစ်ဖြစ်

ဒါမှမဟုတ် ဂျုံခေါက်ဆွဲအလွတ်နဲ့ပဲ ဖြစ်ဖြစ် တွဲဖက်စားနိုင်ပါတယ် ကြက်သားအစား ဝက်သား ဝက်နံရိုးတို့လဲ ချက်လို့ရပါတယ် ဝက်သား/ဝက်နံရိုးကို ချက်မယ်ဆိုရင်တော့ ဗနီကာ/ရှာလကာရည်အနည်းငယ် ထည့်ချက်ပေးဖို့လိုပါတယ်

အအီပြေ တွဲဖက်စားဖို့ အချဉ်ကိုတော့

ညက်အောင်ကြိတ်ထားတဲ့ ငရုတ်သီးစိမ်း ကြက်သွန်ဖြူ

ပဲငံပြာရည်အကျဲ

သံပုရာရည်/ဗနီကာ

သကြားရည်

(အချိုမှုန့် စားရင် အနည်းငယ်) တို့ကို ရောပြီး ‌မပျစ်မကျဲကလေး ဖျော်ပေးပါတယ်

(တစ်လက်စတည်း အမေးများတဲ့ ရှားကောမှုန့်အကြောင်းလေး နဲနဲထည့်ပြောပါရစေ ရှားကော/ချောက်ကောကို ပုံစံဆင်တာကြောင့် ဇာတိဖိုလ်သီး (Nutmeg) လို့တချို့ အမှတ်မှားကြပါတယ် တကယ်ကရှားကောဆိုတာ တရုတ်ဟင်းခပ်အမွှေးအကြိုင်တစ်မျိုးပါ တရုတ်ဖာလာစေ့( Chinese cardamom / Black cardamom) လို့ ခေါ်ကြပါတယ် ကျမတို့နဲ့ ပိုရင်းနှီးတဲ့ ဖာလာစေ့ဆိုတာကတော့ အိန္ဒိယဟင်းခပ်အမွှေးအကြိုင်ဖြစ်ပြီး သူက green cardamom ဖြစ်ပါတယ်

နောက်တစ်ခုက ရှားကောနဲ့အတူတွဲပြီး အသုံးများတဲ့

ပါးကောမှုန့်ဆိုတာကတော့ နာနာပွင့် (star anise ) အမှုန့်ပါ)

(ဟင်းချက်နည်း / မုန့်လုပ်နည်း တွေကို လွတ်လပ်စွာ share နိုင်ပါတယ် မူရင်းပို့စ်ကို direct share တာမျိုး မဟုတ်ပဲ စာသားတွေကို copy & paste နဲ့ ကူးယူပြီး ပြန်လည်ဖြန့်ဝေခွင့်မပြုပါဘူးရှင့် )

Credit to:

အမဲသားငပိချက် -Aye Thuzar Win

အညာဘက်မှာ အိမ်တိုင်းလိုလို ချက်လေ့ရှိတဲ့

ဟင်းတစ်မျိုးပါ ဆိတ်သား ၊ ကြက်သား ၊ ဝက်သား တို့နဲ့ချက်ရင်လဲ စားကောင်းပါတယ်ရှင်

အမဲသား ၃၀ကျပ်သား

ခရမ်းချဉ်သီးမှည့်မှည့် ၅လုံး

ကြက်သွန်နီ ၂လုံး

ကြက်သွန်ဖြူဥကြီး ၅မွှာ

ငရုတ်သီးအရောင်တင်မှုန့် ထမင်းစားဇွန်းရှည် ၁ဇွန်းမောက်မောက်

နနွင်းမှုန့် အနည်းငယ်

ဆီ ဟင်းချက်ဇွန်းကြီး ၃ဇွန်း

ငံပြာရည် ဟင်းချက်ဇွန်းကြီး ၁ဇွန်းခန့်

အချိုမှုန့် ဆား (သို့) ကြက်သားမှုန့် အနည်းငယ်

အမဲသားကို ခပ်သေးသေးတုံးပြီး အချိုမှုန့် ဆား နနွင်း အနည်းငယ်စီနဲ့နယ်ထားပါတယ်

ခရမ်းချဉ်သီးကို ကြိတ်စက်နဲ့ကြိတ်ထားပါ (သို့)

သေးသေးနုတ်လှီးထားပါတယ်

ကြက်သွန်ဖြူ နီ နုတ်နုတ်စဉ်းထားပါတယ်

ဆီအိုးတည်ပါ ဆီပူလာရင် ကြက်သွန်ဖြူ နီ ဆီသတ်ပါ ကြက်သွန်ဝါရောင်သန်းလာမှ နနွင်းမှုန့်နဲ့ ငရုတ်သီးမှုန့်ထည့်ပြီးခဏမွှေပါတယ်

ငံပြာရည်ထည့်ပါတယ် (မတူးပါစေနဲ့နော်)

ခရမ်းချဉ်သီးထည့်ပါတယ်

ရေမထည့်ပဲ ခရမ်းချဉ်သီး အနှစ်ကျသည်အထိ

မီးအေးအေးနဲ့မွှေပေးနေပြီး ခရမ်းချဉ်သီးအနှစ်ကျလာမှ အရသာနယ်ထားနဲ့ အမဲသားထည့်ပါတယ်

အသားနူးဖို့ လိုအပ်တဲ့ရေကို နဲနဲချင်းစီ ထပ် ထပ်​ဖြည့်

ထည့်ပေးပြီး မီးအေးအေးနဲ့ တည်ပေးပါတယ်

အသားနူး ဆီပြန်ပြီး မခြောက်တခြောက်အနေအထားရောက်လာရင် အရသာမြည်းပြီး အချိုမှုန့် ဆား(သို့) ကြက်သားမှုန့်ကို လိုအပ်သလိုချိန်ထည့်ပေးကာ

အရသာစိတ်ကြိုက်ဖြစ်ပြီဆို မီးဖိုပေါ်က ချပါတယ်ရှင်

edited # ငပိမပါပဲ ဘာလို့ ငပိချက်ခေါ်လဲ မေးကြတဲ့သူတွေ အတွက်ပါရှင်

အညာဘက်မှာ ခရမ်းချဥ်သီးကို ငံပြာရည်အရသာကဲပြီး လေးလေးပင်ပင်လေး ချက်ထားတာကို ခရမ်းချဥ်သီးငပိချက် ခေါ်ပါတယ် ( အဲဒါကိုပဲ ထမင်းနဲ့နယ်စား / အတို့အမြုပ်တွေနဲ့ စားတတ်ကြပါတယ်)

အသားတွေကို အဲ့လိုချက်ရင်တော့ အမဲသားငပိချက် ဝက်သားငပိချက် စသဖြင့်ခေါ်ကြပါတယ် ဒေသအခေါ်ပါရှင်

(ဟင်းချက်နည်း / မုန့်လုပ်နည်း တွေကို လွတ်လပ်စွာ share နိုင်ပါတယ် မူရင်းပို့စ်ကို direct share တာမျိုး မဟုတ်ပဲ စာသားတွေကို copy & paste နဲ့ ကူးယူပြီး ပြန်လည်ဖြန့်ဝေခွင့်မပြုပါဘူးရှင့် )

Credit to: https://www.facebook.com/share/p/15cSJbgevV/

Simple Bodyweight Burner without equipment!- Jordan Yeoh

Organizational Behavior

 

Unintentional slips of the tongue

 Be silent and work hard on your dream. Unintentional slips of the tongue are the most dangerous behavior in the human nature.

မယုံလိုက်နဲ့

======

Tom Hanks ရဲ့

Saving Private Ryan ဇာတ်ကားကို

ကြည့်ဖူးတယ် မှလား။

အဲ့ဒီကား အစက

နော်မန်ဒီ ကမ်းခြေ တိုက်ပွဲကြီးကို

ပုံဖော်ထားတဲ့ ဇာတ်ဝင်ခန်းတွေကို

မှတ်မိလား။

သံဒလက် ကြီးတွေ စိုက်ထားတဲ့

ကမ်းခြေ ကို ပြေးတတ်ရတဲ့ အခန်းလေ

အမေရိကန် ဦးဆောင်တဲ့

မဟာမိတ် တပ်ဖွဲ့တွေ

ပက်ပက်စက်စက် အပစ်ခံရတဲ့ ဇာတ်ကွက်ပေါ့

ခေါင်းကို မဖော်နိုင်ဖူးလေ

မှတ်မိတယ် မှလား။

ဒီ ဇာတ်ကွက်ကို ပုံဖော် ဖို့ အတွက်

ဒါရိုက်တာ လုပ်တဲ့

Steven Spielberg က

အထောက်အထား ရှာတော့

ဓာတ်ပုံ နဲ့ ပတ်သတ်ပြီး

၁၀ ပုံပဲ ရှာတွေ့တယ်တဲ့

“ကမ္ဘာ့သမိုင်းမှာ

အကြီးကျယ်ဆုံးသော တိုက်ပွဲကြီး

စစ်သင်္ဘောပေါင်း ရာနဲ့ချီ၊

စစ်လေယာဉ်ပေါင်း ထောင်ချီ၊

စစ်သား သိန်းချီ

ဟိုဘက် ဒီဘက် ထိပ်တိုက်တွေ့ပြီး

ရေအဆုံးမြေအဆုံး တိုက်ကြ တဲ့ မဟာစစ်ပွဲကြီး.”

မဟာမိတ် တပ် ၅၀၀၀ လောက်

အသက်ပေးလိုက်ရတဲ့ တိုက်ပွဲကြီး

ဒီစစ်ပွဲကြီးရဲ့

ဓာတ်ပုံ မှတ်တမ်းက

၁၀ ပုံပဲ တဲ့။

ဒါဟာ စစ်မှတ်တမ်း တင်တဲ့

သူတွေ ညံ့လိုက်တာ လို့

ထင်ဖွယ်ရာ ရှိတယ်

ဒါပေမယ့်

တကယ့် အဖြစ်အပျက်က

အခုမှ စမှာ

ဒီဓာတ်ပုံတွေ အားလုံးကို

ရိုက်ခဲ့တဲ့ ဓာတ်ပုံဆရာက

တစ်ယောက်ထည်းပဲ။

သူ့နာမည် ရောဘတ်ကာပါ တဲ့။

ဖိုက်တာ ဓာတ်ပုံဆရာပေါ့

ရောဘတ်ကာပါ က

မဟာမိတ် တပ်ဖွဲ့တွေနဲ့အတူ

နော်မန်ဒီကမ်းခြေကို

ပထမဆုံး ချဉ်းကပ်တဲ့

စက်လှေတစ်စင်းနဲ့ လိုက်သွားပြီး

စစ်ပွဲရဲ့

အလယ်ဗဟိုတည့်တည့်မှာ

အသက် ကို ဖက်နဲ့ထုပ်

ဝပ်ရင်း

ဒီ ဓာတ်ပုံတွေ ရိုက်ခဲ့ရတာ တဲ့

မတော်လို့ ကျည်ဆံမှန် ရင်

ပြီးပြီ။

အဲဒီလို ဝပ်နေရင်းနဲ့

သူနဲ့အတူတူ ဘေးမှာ

အကာအကွယ်ယူနေတဲ့ စစ်သားတွေရဲ့ဓာတ်ပုံတွေ

လှိုင်းလုံးတွေကြားကနေ

ကမ်းခြေဆီ ကြိုးစားချီတက်နေတဲ့

စစ်သည်တွေရဲ့ ဓာတ်ပုံတွေ

ရန်သူ့ ကျည်မှန်ပြီး

ကျသွားတဲ့ ဓာတ်ပုံတွေ၊

ဒဏ်ရာရပြီး

အော်ဟစ် နေကြတဲ့ ဓာတ်ပုံတွေ၊

ဟိုဘက်ကို

ပြန်လှန်ပစ်ခတ်နေကြတဲ့ ဓာတ်ပုံတွေ၊

ကျည်လမ်းကြောင်းနဲ့ ဝေးရာကို

ထွက်ပြေးနေကြတဲ့ ဓာတ်ပုံတွေ

ဒီလို ဓာတ်ပုံတွေကို

ရနိုင်သမျှ ကြိုးစားပြီး ရိုက်။

ကင်မရာထဲက

ဖလင်လိပ်ကုန်သွားတော့

ပင်လယ်ထဲက

နောက်ထပ် ဆိုက်ရောက်လာတဲ့

စက်လှေ တွေဆီ

ပြန်ပြေးဆင်း

“ကျွန်တော် ဓာတ်ပုံဆရာပါ။

ဒီကင်မရာထဲက

ဖလင်လိပ်ကိုဓာတ်ပုံ ကူးဖို့အတွက်

အပြန်လှေနဲ့ ပြန်လိုက်ပါရစေ”-ဆိုပြီး

တောင်းပန်ပြီး

ပြန်လိုက်ပေါ့။

သူနဲ့ပါလာတာက

ဓာတ်ပုံ ၁၀၈ ပုံ

ဖလင်လိပ် ၃ လိပ်။

အဲ့အချိန်

ရောဘက်ကာပါ ရဲ့

အဖြစ်ကို မြင်ယောင်ကြည့်

ပင်ပန်းပေမယ့်

အသက်လုနေရပေမယ့်

ဒုတိယကမ္ဘာစစ်ရဲ့

သမိုင်းဝင် တိုက်ပွဲကြီး ကို

မှတ်တမ်းတင်ခွင့် ရလို့

ဂုဏ်ယူနေတဲ့

မျက်နှာဘေးနဲ့ ပေါ့

သူ ကြာကြာ ဂုဏ်ယူလိုက်ရတယ်

မထင်ပါဘူး

လန်ဒန်ရောက်တော့

ဖလင်လိပ်တွေကိုယူ

လိုက်ဖ် မဂ္ဂဇင်းဆီ သွားပြီး

ဓာတ်ပုံကူးခိုင်းလိုက်တယ်။

မဂ္ဂဇင်း ဓာတ်ပုံဌာနရဲ့

ဖလင်ကူးတဲ့ သူက

အတွေ့အကြုံ သိပ်မရှိတဲ့

၁၅ နှစ်အရွယ် ကောင်လေး။

ကိုယ်တိုင်မှ ကူးခွင့်မရှိတော့လည်း

ဒီကလေးကို ပုံအပ်လိုက်ရတာပေါ့။

အဲ့ဒီမှာ ပြဿနာ စတာပဲ။

ဒီကလေးက

နမော်နမက်နဲ့

ဖလင်ကို အခြောက်ခံရင်း

အပူပေးတာများသွားတော့

ဖလင်လိပ်တွေ

အကုန်လုံးနီးပါး

အရည်ပျော် ပျက်စီးသွားရော။

သူ ရိုက်လာတဲ့ ဓာတ်ပုံ ၁ဝ၈ ပုံထဲမှာ

အဖတ်ဆယ် လို့ ရတာဆိုလို့

၁၀ ပုံတည်း ရလိုက်တယ်တဲ့။

ဒီအဖြစ်ကို စဉ်းစားကြည့်

ကိုယ် သက်စွန့်ဆံဖျား

ကြိုးစားထားတဲ့ အလုပ်ရဲ့

၉ဝ ရာခိုင်နှုန်း

ပျက်စီးသွားတဲ့ အဖြစ်

ကမ္ဘာ့သမိုင်းရဲ့

အကြီးကျယ်ဆုံးသော တိုက်ပွဲကြီး

နောက်ကြုံမှ

ပြန်ရိုက်လို့ရတဲ့ အရာလည်း မဟုတ်။

နော်မန်ဒီကမ်းခြေတိုက်ပွဲ

ပြန်လည်ကျင်းပပေးဖို့လည်း မဖြစ်နိုင်။

အသက်နဲ့ရင်းခဲ့သမျှ

အားလုံး သဲထဲရေသွန်ပဲတဲ့။

ခင်ဗျား

ရောဘက်ကာပါ ကို

ကိုယ်ချင်းစာမိတယ်မှလား

သူ ဘယ်လောက် တင်းနေမလဲ ဆိုတာ။

တခါတခါ

ဘဝတွေက

ရောဘက်ကာပါ ရဲ့

ဒီဇာတ်လမ်းလိုပါပဲ

ကိုယ်ကြိုးစားသမျှ

အရာမထင်တာမျိုး

$ရူး တကောင်ကြောင့်

ကိုယ်ကြိုးစားပမ်းစား

လုပ်ထားတာတွေ

ပျက်စီးသွားရတာမျိုးတွေပေါ့

ဘဝ မှာ ဒါတွေ

များစွာ ကြုံရအုံးမှာ ပါပဲ။

တချိုတွေလည်း

ကြုံပြီးကြပြီထင်ပါတယ်

အရင်ကတော့

ဒီလိုကြုံရတဲ့အခါ

စိတ်ဆိုးဒေါသထွက်ပေမယ့်

ရောဘတ်ကာပါ ရဲ့ အဖြစ်ကို

သိပြီးတဲ့နောက်

ဘယ်ကောင်ကိုမှ

မယုံရဲတော့ဖူး။

အရေးကြီးလား

အရေးကြီးရင်

ကိုယ်တိုင် ဝင်ကြုံးတော့တာပါပဲ။

ခင်ဗျားရော

တခုခု အရေးကြီးပြီထင်ရင်

ရောဘက်ကာပါ ကို သတိရပါ။

အမှတ်ရှိပါ။

https://www.facebook.com/share/p/1NmotgHR72/