Inside the Most Prepared Country on Earth_Johnny Harris

နိုင်ငံရေးကို အလစ်မပေးကြပါနဲ့ ငါတို့မှာငါတို့ပဲ ရှိ

 မင်းအောင်လှိုင်က ဗိုလ်နေဝင်းမအောင်မြင်ခဲ့တဲ့ စနစ်တစ်ခုကို

ပြန်အသက်သွင်းဖို့ ကြိုးစားနေတယ်။

မင်းအောင်လှိုင်သွားနေပုံက

ပါတီစုံဒီမိုကရေစီ ဘာညာဆိုတဲ့ အသံကို ဝင်ကစွပ်လို အငှားခန္ဓာခြုံပြီး လှုပ်တုပ်လှုပ်တုပ်ဖြစ်နေတယ် ။

သူလုပ်နေတာတွေ ဘွားခနဲ ရုပ်လုံးပေါ်လာတဲ့အခါ သူ့ကို

ဘယ်သူမှ လက်မခံရင်တောင် သူက

တရုတ်ကွန်မြူနစ်တို့ ၊ဂျပန်မင်းဆက်တစ်ခုတို့ ဟိုးတုန်းက လုပ်ခဲ့ဖူးသလို တခါးပိတ်ဝါဒထိ အမိုက်ခံပြီး လုပ်လိမ့်မယ်။

(အချောင်ရနေတဲ့ တရုတ်ကွန်မြူနစ်လို ကပ်ပါးဗိုင်းရပ်စ်ကတော့ ရိုးတွင်းချဥ်ဆီထိရောက်နေပြီမို့ တံခါးပိတ်လည်း အတွင်းမှာ ရှိနေမှာပဲ။)

ကျွန်နော်သတိပေးချင်တာက ပြည်တွင်းပိုင်ဆိုင်မှု အားကောင်းနေဆဲ ခရိုနီ ခရိုနက်များအတွက်ဖြစ်ပါတယ်။ ဦးတို့ ၊အဒေါ်တို့ ၊ အကိုတို့ အစ်မတို့က ကျွန်တော့်ထက်တော့ ပိုသိကြ ပိုအကွက်မြင်ကြမယ်

ထင်ပါတယ်။ ဟုတ်ပါတယ်။

အခုလို နိုင်မြင်းစောင့်လောင်းရင်း ရုတ်တရတ် မလုပ်ရဲတာဘာမှ မရှိဘူးဟေ့ဆိုတဲ့အကွက်ထဲ ရောက်သွားမှဟုတ်ပေ့ ဖြစ်နေမှာလည်း

ကျွန်နော်က စိုးရိမ်ပေးတာပါ။ ဥပမာအနေနဲ့သတိပေးရရင် မင်းအောင်လှိုင်ရဲ့သမီးက သူ့ပိုင်ဆိုင်မှုတွေကို ရွှေထည်အနေနဲ့ပြည်ပ စပို့နေပြီဆိုတာ သတိရစေချင်ပါတယ်။

ဟုတ်ကဲ့။ တရုတ်ကွန်မြူနစ်အစိုးရအနေနဲ့လည်း ဂုဏ်သိက္ခာအကြောင်းပြ စစ်ပွဲတစ်ခုထဲ ခြေချော်လက်ချော် ကျဆင်းရဖို့ရှိနေပြန်တော့

ရေရှည်မှာ ကိုယ့်တိုင်းပြည်ရဲ့ ကံကြမ္မာလည်း

ရေထဲက ဘူးပေါ်သလို ဘွားခနဲ ပြန်ကောင်းလာဖို့ လိုပါတယ်။

ဒါကြောင့် တိုးတိုးတိတ်တိတ်ပဲဖြစ်ဖြစ် များများစားစားပါဝင်လာပေးကြဖို့ မေတ္တာရပ်ခံချင်ပါတယ်။

ကျွန်နော့်ဆီကို လာလှူရမှာ မဟုတ်ပါဘူး။ ကာကွယ်ရေးဝန်ကြီးဦးရည်မွန်နဲ့

ဖက်ဒရယ်ဦးဆောင်ကော်မတီဆီ တိုက်ရိုက်သွားကြဖို့ဖြစ်ပါတယ်။

နိုင်ငံရေးကို အလစ်မပေးကြပါနဲ့

ငါတို့မှာငါတို့ပဲ ရှိပါတယ်။

မဟာချို

ရှေ့ကို ဆက်ချီတက်ဖို့ပါ

 ဘာစိတ်ခွန်အားမှ ပေးတဲ့ပို့စ် မဟုတ်ပါဘူး ပြည်မရဲ့ ကောင်းကင်ယံမှာ လေယာဥ် ရဟတ်ယာဥ် ပါရာမော်တာ ဂျိုင်ရိုကော်ပတာ အကြားအလပ်မရှိအောင် မင်းမူနေ နေ့စဥ်ရက်ဆက် အကြိမ်ရေ ဆယ်ချီ ဗုံးကြဲနေတာပါ

ကောင်းကင်ယံကို ယာယီပိုင်စိုးနိုင်တာက စစ်ကောင်စီ ဖြစ်ပြီး မြေတခွင်တပြင်လုံးကို စိုးမိုးနိုင်တာ ဗုံးခိုကျင်းပေါင်း မြောက်မြားစွာ တူး အံတုထားနိုင်တာက ကျွန်တော်တို့ ဖြစ်ပါတယ် ထိန်းချုပ်နိုင်တယ်လို့ မပြောပါဘူး ထိန်းချုပ်နယ်မြေတချို့ မြို့တချို့ လက်လွှတ်ရရင်တောင် စိုးမိုးထားနိုင်စွမ်းရှိနေတယ်လို့ ရည်ညွှန်းတာပါ

စစ်ကောင်စီက လေယာဥ်တစီး အသစ်ထပ်ဝယ်ရင် ကျွန်တော်တို့ပြည်သူတွေက ဗုံးခိုကျင်း ဆယ်ချီ အသစ်တူးပါတယ်

လက်ဖက်ရည်ဆိုင်မှာ စကားပြောစက်ရှိပါတယ်

ဆံပင်ညှပ်ဆိုင်မှာ စကားပြောစက်ရှိပါတယ်

ကွမ်းယာဆိုင်မှာ စကား​ပြောစက်ရှိပါတယ်

နေရာစုံမှာ စကားပြောစက်ရှိပါတယ်

စက်သံနားထောင်ရင်း ကောက်စိုက်ပါတယ်

စက်သံနားထောင်ရင်း ရိတ်သိမ်းခြွေလှေ့ ပါတယ်

စက်သံနားထောင်ရင်း ရှင်လောင်းလှည့်နားထွင်းပါတယ်

စက်သံနားထောင်ရင်း ကလေးတွေ ကျောင်းတက်ကြပါတယ်

စက်သံနားထောင်ရင်း ခွဲစိတ်ခန်း ဝင်နေကြပါတယ်

စက်သံနားထောင်ရင်း ကလေးမွေးနေပါတယ်

စက်သံနားထောင်ရင်း လိင်ဆက်ဆံနေပါတယ်

လိုအပ်ရင်

ဗုံးခိုကျင်းထဲမှာ စာသင်ပါမယ်

ဗုံးခိုကျင်းထဲမှာ ဆေးကုပါမယ်

ဗုံးခိုကျင်းထဲမှာ ကလေးမွေးပါမယ်

ဗုံးခိုကျင်းထဲမှာ မန်ယူနိုင်ပွဲတွေ ကြည့်ပါမယ်

ဗုံးခိုကျင်းကနေထွက်ပြီး စစ်တိုက်ပါမယ်

ဗုံးခိုကျင်းပေါင်းမြောက်မြားစွာထဲကနေ . . . ။

လေကြောင်းအန္တရယ်ကို အဲ့သလို အံတုပါတယ်

ဘယ်နေရာကြဲသွားသလဲဆိုတဲ့ မေးသံတွေဟာ

လောကဓံတရားရှစ်ပါးကို ခံနိုင်ရည်ရှိတဲ့ လေသံတွေအဖြစ် ပြောင်းလဲနေတာကြာပါပြီ

စစ်ကောင်စီက ဖိနှိပ်မှု ပိုတိုးမြှင့်လေ ​ပြည်သူလူထုဘက်က ခံနိုင်ရည်ပိုရှိပြီး တွန်းလှန်လာနေလေ ဖြစ်ပါတယ်

စစ်ကောင်စီ အသာစီးရတယ်လို့ ပြောကြရင် နဂိုကတည်းက လက်နက်ရှိလို့ အသာစီးရခဲ့တာပါ အခုမှ အသာစီးရနေတာမျိုးမဟုတ်ပါဘူး

အဲ့ဒီနဂိုအသာစီးရယူဖိနှိပ်မှုကို ဘာမှမရှိ လက်လုပ်တူမီးဘဝနဲ့ဘဲ တုံ့ပြန်လာခဲ့တာဖြစ်ပါတယ်

ကျွန်တော်တို့က ဘာမှမရှိတဲ့ဘဝကနေ တွန်းလှန်လာခဲ့တာကို ဘာကြောင့် ရှုံးနိမ့်ရမှာပါလဲ

ကျွန်တော်တို့ရဲဘော်တွေ မောင်းပြန်သေနတ် သောင်းချီ တပ်ဆင်နိုင်ပါပြီ

စစ်မြေပြင်ထွက်တိုင်းမှာ ကျည်ကာဦးထုပ် ကျည်ကာဝတ်စုံကိုယ်စီနဲ့ ဖြစ်လာနေပါပြီ

ဒါက ပြည်သူတွေက တွန်းတင်ပေးထောက်ပံ့ပေးခဲ့တဲ့

အရွေ့ကြီးပါ

ဒီအရွေ့ကြီးကနေ လမ်းမလွဲဘဲ တိမ်းစောင်းလျှင်တောင် တည့်မတ်ပြီး ဆက်သွားကြပါပဲ

ရှေ့ကို ဆက်ချီတက်ဖို့ပါ

အဲ့ဒါပါပဲ

ဗိုလ်လက်ယာအကြောင်း

 ကျွန်တော် ဗိုလ်လက်ယာအကြောင်း ပို့စ်ရေးဖို့စိတ်ကူးဖူးတယ်။ဒါပေမဲ့ လူအများနဲ့အလုပ်လုပ်နေရသူမို့ ဟိုဘက်ဒီဘက် အထင်လွဲမှာစိုးတဲ့အတွက် အများနဲ့လုပ်ရတဲ့အပေါ် ရိုက်ခတ်မှာစိုးတဲ့အတွက်မရေးဘဲ ရပ်ထားလိုက်ပါတယ်။

အမြင်မတူသူတွေရဲ့ ငြိုငြင်တာခံရနိုင်တာမို့ပါ။

ဒါပေမဲ့လည်း ကိုယ့်အမြင်သူ့အမြင်ဆိုတာ
ပြောပြခွင့်ရှိတာဖြစ်တဲ့အတွက်မို့ တစ်ခုတော့ပြောချင်ပါတယ် ။
ဗိုလ်လက်ယာသည် ကျွန်တော်နဲ့ပုဂ္ဂိုလ်ရေးအရဆိုရင် အားကိုးစရာမဟုတ်ပါဘူး ။ သူ့ဆီက မင့်အတွက် ရော့အင့်ဆိုပြီးပေးတာမရှိဘူး။ စီးပွားရေးလုပ်ကွက်တွေပေးထားတာလည်းမရှိဘူး။ မင်းမဟုတ်တာလုပ်ရင် မင်းခံရမှာပဲ၊ ငါမဟုတ်တာလုပ်ရင် ငါခံရမှာပဲလို့ပဲပြောခဲ့တာဖြစ်တယ်။ ပြောရရင် ပုဂ္ဂိုလ်ရေးအရကောင်းသူလို့မယူဆဘူး။

ဒါပေမဲ့ အဖွဲ့အစည်းအတွက်ဆိုရင်
အားကိုးခဲ့ရသူဖြစ်သလို အားကိုးနေရဆဲပဲဖြစ်တယ်။
တော်လှန်ရေးလုပ်သူ၊လုပ်သောအဖွဲ့အစည်းများအတွက်
ကောင်းခဲ့သောသူ၊ကောင်းနေသောသူဖြစ်တယ်။

ဆရာတစ်ယောက် ပို့စ်တင်ထားသလိုပါပဲ
မြိုင်နယ်/ပေါက်နယ်စာသင်ကျောင်းများ
သူ့ဆီက ငါးသိန်း/ခုနစ်သိန်း/ဆယ်သိန်းဆိုပြီး
၂၀၂၂ -၂၃ လောက်က ထောက်ပံ့ပေးခဲ့ဖူးတယ်။ သူထောက်ပံ့မှာက တစ်ကျောင်းဆယ်သိန်းပါ။ ဒါပေမဲ့ သူ့မှာ တစ်ခါတည်း အပြည့်မပေးနိုင်သေးလို့ အဲလိုခွဲ့ပေးရခြင်းဖြစ်ပါတယ်။ မြိုင်နယ် ကျောင်းပေါင်းနှစ်ရာကျော်မှာ တစ်ရာလောက်အထိရခဲ့တယ်။ပေါက်နယ်ဆိုလည်း အဲဒိအတိုင်းပဲဖြစ်လိမ့်မယ်။

၂၀၂၂ အစောပိုင်း ကျွန်တော်တို့မယ် အဖွဲ့အစည်းအတွက် ငါးသိန်းဆယ်သိန်းရဖို့ အလှူခံရှာဖွေရာမှာ အင်မတန်ခက်ခဲနေချိန် သူ့ဆီက မြိုင်ပညာရေးဘုတ်နဲ့ပေါက်ပညာရေးဘုတ်အတွက် သိန်းတစ်ရာဆီ ထောက်ပံ့ မ,တည်ပေးခဲ့တယ်။ အဲဒိတုန်းက သိန်းတစ်ရာသည် ပညာရေးလုပ်ငန်းစဉ်အတွက် ကြီးကြီးမားမား အထောက်အပံ့ဖြစ်ခဲ့တယ်။ သင်တန်းတွေပေးနိုင်ခဲ့တယ်။ ကျောင်းကွင်းဆင်းခြင်းလုပ်ငန်းတွေလုပ်နိုင်ခဲ့တယ်။ သူသည် တော်လှန်ရေးဟာ ပညာရေးကလည်း အရေးကြီးတယ်ဆိုတာ နားလည်သူဖြစ်တယ်။ မြေပြင်ကျောင်းဖွင့်လှစ်နိုင်ရေး စည်းရုံးရေးပွဲတွေလည်း လိုက်ပေးခဲ့တယ်။

တော်လှန်ရေးလုပ်တဲ့ ဘယ်အဖွဲ့အစည်းမဆို
တကယ်သာ တော်လှန်ရေးအလုပ်လုပ်နေရင်
သူ့ဆီက အကူအညီမရဘူးဆိုတာမရှိစေရဘူးဆိုသလိုပဲဖြစ်တယ်။ ၂၀၂၂ လောက်က စပြီး တော်လှန်ရေးလုပ်ခဲ့သောအဖွဲ့အစည်းတွေ၊ အထူးသဖြင့် မြိုင်နဲ့ပေါက်မြို့နယ်က ရပ်ကျေးအဖွဲ့အစည်းတွေအထိ သူ့ရဲ့အကူအညီကင်းခဲ့သူ မရှိသလောက်ပါပဲ။ မြိုင်နဲ့ပေါက်က အဖွဲ့အစည်းတွေဆီစုံစမ်းကြည့်ပါ ရဖူးတာမှန်မမှန်ကို ။ ပြီးတော့ အဲဒိအချိန်ကတည်းက သူနဲ့ချိတ်ဆက်မိသော တော်လှန်ရေးအဖွဲ့အစည်းတွေ မကွေးဒေသတင်မကဘဲ တခြားသောဒေသအဖွဲ့အစည်းများအထိ သူ့ဆီက အကူအညီရခဲ့ကြတယ်ဆိုတာသိရပါတယ်။ အခုထိလည်း ကူညီပေးနေဆဲလို့သိရပါတယ်။ လက်ရှိ မကွေးဒေသတွင်း စစ်ကြောင်းကာတာတွေ ၊တိုက်ပွဲဖော်ဆောင်တာတွေမှာ သူ့ရဲ့ပါဝင်မှု ၉၀% အထက်ရှိမယ်လို့ယူဆတယ်။ သူ့ရဲ့ရဲဘော်ပါတာတွေရှိမယ် သို့မဟုတ် သူ့ဆီက လက်နက်ခဲယမ်းအကူညီပေးတာတွေရှိမယ်။ ဒါကတော့ ခန့်မှန်းပြောတာပါ ။ လက်တွေ မကွေးဒေသ စစ်ရေးဖော်ဆောင်နေသော အဖွဲ့အစည်းတွေရဲ့ခေါင်းဆောင်တွေအသိဆုံးပဲဖြစ်ပါလိမ့်မယ်။

သူနဲ့တွေ့တုန်းက သူပြောဖူးတာရှိတယ် ။ တော်လှန်ရေးက ငါတစ်ယောက်တည်းလုပ်လို့မပြီးဘူးကွ။ ငါတို့တစ်ဖွဲ့တည်း၊တစ်မြို့နယ်တည်းလုပ်လို့မပြီးဘူးကွ။ ဒါကြောင့် တော်လှန်ရေး တကယ်လုပ်မယ်ဆိုရင် ဘယ်အဖွဲ့ဖြစ်ဖြစ် ကူညီမယ်ဆိုပြီး ကူညီခဲ့တာတွေရှိပါတယ်။ အခုထိလည်း ကူညီနေတာဖြစ်ပါတယ်။ ဥပမာ- ဘယ်လိုမှအဆင်မပြေသောအဖွဲ့ဆိုရင် အလကားပေးတယ်၊တကယ်လုပ်ရမယ်လို့မှာတယ်။အတော်အသင့်အဆင်ပြေရင် တစ်ဝက်ကြေးနဲ့ပေးတယ်။ သူပေးသမျှ သုံးစွဲသမျှ စာရင်းဇယား တိတိကျကျမှတ်သားသူဖြစ်တယ်။ ကျွန်တော်တို့ထက်တောင် စနစ်တကျ စာရင်းဇယားပြုစုတတ်သူဖြစ်တယ်။ ငွေကြေးသည် ရှင်းရမှာအခက်ဆုံးဆိုတာ သူနားလည်တဲ့အတွက် အသေအချာလုပ်တယ်။ သူလည်းအမြဲပြောပါတယ် ဒါသူ့ငွေမဟုတ်ဘူး တော်လှန်ရေးရန်ပုံငွေဖြစ်တယ်။ တော်လှန်ရေးမှာ မှန်မှန်ကန်ကန်သုံးရမယ်ဆိုပြီး။

ပြောရရင်တော့ သူလည်း ပုထုဇဉ်ဖြစ်ပါတယ်။ အားနည်းချက်ရှိပါတယ်။ အမှားမကင်းနိုင်ပါဘူး။ " ကျွန်တော်တို့က တော်လှန်ရေးသမားဆိုရင် ဘုရား၊ ရဟန်းသာတွေလို တစ်ရာရာနှုန်းဖြူစင်တဲ့သူရချင်လို့မဖြစ်ပါဘူး။ အဲဒါမျိုး ဘယ်သူမှလည်းမရှိဘူး။ ဘယ်နိုင်ငံ၊ဘယ်ပုဂ္ဂိုလ်မှလည်းမရှိဘူး။ ဘယ်တော့မှလည်းမရဘူး။"

ကျွန်တော်သိတာကိုပြောရရင်
သူသည် ဒီတော်လှန်ရေးကာလမှာ
- လောင်းကစားမလုပ်ဘူး
- မိန်းမ မလိုက်စားဘူး
- ငွေကြေး အရှုပ်အထွေးမရှိဘူး

ငွေကြေးနဲ့ပတ်သက်လို့ ကြားသိရတာတစ်ခု ပြန်ပြောရရင်
သူ့မိန်းမက သုံးစရာလိုလို့ တောင်းတဲ့အခါ
သူက ဘာပြောလဲဆိုရင်
ငါ တော်လှန်ရေးလုပ်နေတာ
စီးပွားရေး လုပ်နေတာမဟုတ်ဘူး
ဝန်ထမ်းလုပ်နေတာလည်းမဟုတ်ဘူး
တော်လှန်ရေးအတွက်မဟုတ်ရင် ငါသုံးစွဲခွင့်မရှိဘူး။
ငါ့မှာ တစ်ပြားမှမရှိဘူး။
နင် အဲလောက်မှငွေလိုနေရင်.............ဆိုပြီး
သူ့မိန်းမကိုတောင် ရန်ပုံငွေနဲ့ပက်သတ်ပြီး
ကြမ်းကြမ်းတမ်းတမ်း ဆဲဆို ကြိမ်းမောင်းလွှတ်ခဲ့ပါတယ်တဲ့။

ကဲဗျာ အခုလိုပြောတဲ့အတွက်
ဗိုလ်လက်ယာကို ဆန့်ကျင်ဘက်မြင်သူတွေကတော့
ဗိုလ်လက်ယာရဲ့ဖန်လားဆိုပြီး မြင်ကြပြောကြမယ်။
ကျွန်တော် ဗိုလ်လက်ယာရဲ့ဖန်မဟုတ်ပါ ။ တော်လှန်ရေးရဲ့ဖန်ပဲဖြစ်ပါတယ်။ တော်လှန်ရေးမျက်နှာနဲ့ပဲပြောခြင်းဖြစ်ပါတယ်။ ဗိုလ်လက်ယာကို အမြင်စောင်းသူတွေနဲ့ ဆန့်ကျင်ဘက်မြင်သူတွေလည်း တော်လှန်ရေးကို စေတနာမှန်သူတွေဆိုတာ ယုံကြည်ပြီးသားပါ။ ဗိုလ်လက်ယာနဲ့ဆန့်ကျင်သူမို့ တော်လှန်ရေးမဟုတ်ဘူးလို့ သတ်မှတ်လို့မရပါဘူး။ အဲလိုပဲ ဗိုလ်လက်ယာနဲ့ဆန့်ကျင်သူတွေကလည်း ဗိုလ်လက်ယာလုပ်တာ တော်လှန်ရေးမဟုတ်ဘူးလို့ မယူဆရပါဘူး။

ကျွန်တော့်ရှုထောင့်ကတော့ ဗိုလ်လက်ယာသည် တော်လှန်ရေးအတွက် လက်ရှိအချိန်ထိ အထူးလိုအပ်သောပုဂ္ဂိုလ်တစ်ဦးဖြစ်တယ်လို့ပဲယူဆပါတယ်။

သဘောထားဆိုတာကတော့ လူတိုင်း အမြဲတူနေမှာမဟုတ်တဲ့အတွက် အမြင်မတူတိုင်း ရန်သူမဟုတ်ပါဘူး။ အမြဲတမ်းလည်း သဘောထားကွဲတာချည်းဖြစ်နေမှာမဟုတ်ကြပါဘူး။ တူတဲ့သဘောထားတွေလည်း ရှိပါတယ်။ အရေးကြီးတာက တော်လှန်ရေး စေတနာမှန်နေဖို့ပါပဲ။ ကျွန်တော်တို့ တော်လှန်ရေးအရွေ့ကို အတူတူပူးပေါင်း၍ အကောင်းဆုံး ရွှေ့ကြတွန်းကြတာပေါ့ဗျာ။

နောင်များ အခွင့်အခါသင့်ရင် ဒိထက် အသေးစိတ် ပြည့်ပြည့်စုံစုံ ပြောပြချင်ပါသေးတယ်။

သာမန်လူ

ကိုက ပါးစပ်ကသာ
ပြောတတ်တာမို့

INFECTED EMPIRE (Official Lyric Video)

Myanmar’s Unwinnable Civil War.

ပြည်သူကိုမတရားအနိုင်ကျင့် ညှင်းဆဲနေတဲ့ လက်နက်ကိုင်များ

“တနိုင်ငံလုံးမှာ ပြည်သူကိုမတရားအနိုင်ကျင့် ညှင်းဆဲနေတဲ့ လက်နက်ကိုင် လူအုပ်စုများစွာ ရှိပါတယ်။ အဲ့ဒါကို မင်းမဲ့စရိုက်လက္ခဏာလို့ ခေါ်ပါတယ်။ လက်နက်ရှိတဲ့သူတိုင်းက လက်နက်မဲ့တဲ့သူတွေကို အဲ့သလိုပဲ အုပ်စုဖွဲ့ အနိုင်ကျင့်ကြပါတယ်။ ၁) စစ်ဗိုလ်စစ်သားတွေပါတယ်။ ၂) ရဲ နဲ့ စအဖတွေ ပါတယ်။ ၃) အုပ်ကြီးနဲ့ သတင်းပေးတွေပါတယိ။ ၄) ပျူစောထီး နဲ့ တပ်ထောက်ခံသူတွေပါတယ်။ ၅) ဗိုလ်နဂါးလို တော်လှန်ရေးသစ္စာဖောက်တွေလည်းပါပါတယ်။ ၆) လက်သပ်မွေးထားတဲ့ သူခိုးဓါးပြ၊ လူမိုက်တွေပါတယ်။ အဲ့ဒီစာရင်းထဲမှာ PDF တွေပါပါတယ် လို့ နံပါတ် ၇) တပ်ပြီး စွပ်စွဲရင်တောင် ဘယ်သူ့ကိုတိုင်ရမှာလဲ။ ဘယ်သူက အရေးယူမှာလဲ။ ဆိုတာ ရှိပါတယ်။

မင်းမဲ့စရိုက်တွေကို တရားဥပဒေနဲ့ အရေးယူဖို့ဆိုရင် အုပ်ချုပ်ရေး၊ ကာကွယ်ရေးနဲ့ တရားစီရင်ရေး မဏ္ဍိုင်တွေ အသက်ဝင်ဖို့ လိိုပါတယ်။ NUG အစိုးရရဲ့ စာသင်ကျောင်းတွေ ဆေးရုံတွေတောင် နေရာမလပ် ဗုံးကြဲတိုက်ခိုက်ခံနေရတဲ့အချိန်မှာ ဗိုလ်နဂါးကို ခုံဖွဲ့စစ်ရင်တောင် ဟယ်လီကော်ပတာနဲ့ လာကယ်ထုတ်ပြီး ရွာကြေအောင် ဗုံးကြဲခံနေရတာ မြင်တဲ့အတိုင်းပါပဲ။ ပြည်သူတွေအတွက် အမှန်တရားကို ပြန်အရယူပေးမယ့် ပြည်သူ့အစိုးရအခြေမခိုင်ခင်မှာ တော်လှန်ရေးကာလတခုလုံးက ရာဇဝတ်မှုတွေကို တရားစီရင်ခိုင်းချင်တယ်ဆိုရင် နည်းနည်းလေးတော့ စောင့်ဖို့သင့်ပါတယ်။ တက်တောင် မတက်ရသေးတဲ့အစိုးရကို “နင်လည်း ဘာထူးလဲ။ ဆင်း။ အခုဆင်း။” ဆို ကြိုပွိုင့်နဲ့ တော်လှန်တာက အရမ်းကို သက္ကမိုးညိုဆန်လွန်းပါတယ်။ ၇ ပြည်ထောင်မကတဲ့ လူဆိုးသွမ်းတွေအလယ်မှာ တော်လှန်ရေးဘက်က အမှုတွေချည့် ဆီလိုအပေါက်ရှာ ပုံကြီးချဲ့ သတင်းဖြန့်တာကတော့ ထိန်းကျောင်းတည့်မတ်ပေးလိုတဲ့ စေတနာတဲ့လား။ သိုးယောင်ဆောင်တဲ့ ဝံပုလွေတွေပါ။ NUG မကောင်းဘူး။ PDF တွေ မကောင်းဘူး။ ဟိုမှာ ဘာဖြစ်ပြန်ပြီ။ ဒီမှာ ဘာဖြစ်ပြန်ပြီ။ နေ့ရှိသ၍ အဲ့ဒါတွေချည့် ရှာဖွေတင်ဆကိနေရင်တော့ တစ်တော့ထဲကလို “ခွေးစကားတွေ ပြောပြန်ပြီလား မောင်သိန်းတန်။” လို့ ပြန်မန့်ရမှာပါပဲ။ မကြိုက်ရင် နင့်ဟာနင် လာလုပ်လှည့်လေ။ ငါတို့လည်း နေရာလိုချင်လွန်းလို့ လုပ်နေတာ မဟုတ်ဘူး။ ဗူးသီးက အညွန့်မထွက်သေး။ လက်ကဆိပ်မယ် တကဲကဲ။ အမှန်တရားကို ပြန်လိုချင်ရင် တော်လှန်ရေးခရီးကို ဆုံးအောင်လျှောက်လှည့်ပါဦး။” 

Why America is Blindly Walking Into a Trap in Iran - Prof. Jiang Xueqin

ထရမ့်ရဲ့ တစ်ကျော့ပြန် ထိုးစစ်အောက်က ခေါင်းဆောင်မဲ့ အီရန်

" အီရန် Endgame လွယ်သလား ခက်သလား "

■ တ​နေ့က အိမ်ဖြူ​တော်မှာ ဂျာမန်အဓိပတိနှင့် ​တွေ့​ဆုံ​ဆွေး​နွေးရင်း သတင်း​ထောက်တချို့ရဲ့ အ​မေးကို သမ္မတထွမ့် ​ပြန်​ဖြေရာမှာ အီရန်အနာဂတ်နှင့် ပတ်သတ်ပြီး သက်ဆိုင်တာ ၂ ချက်​တွေ့မိတယ်။

အီရန်မှာ အဆိုးဆုံး အ​နေအထား ( Worst case scenario ) ဘာဖြစ်နိုင်မလဲ ဆိုတဲ့​မေးခွန်းကို

" အစိုးရ​နေရာကို လူသစ်တက်လာပြီးကာမှ ၅ နှစ်​လောက်​​နေတဲ့အခါ အရင်လူနှင့် ဘာမှမထူးတာမျိုး ဖြစ်​နေတာမျိုးတဲ့ "

စစ်ဦးဖွင့်ကာ ဦး​ဆောင်​နေသော အ​မေရိကန်သမ္မတဆိုသူပင် ဤသို့ ဖြစ်သွားနိုင်တယ်ဆိုတာကို မဖုံးမကွယ်ပဲ ​ပြောသွားတယ်​။

■ ဗင်နီဇွဲလား ​မော်ဒယ်လို အစိုးရယန္တရားမပျက်​စေပဲ ဝါရှင်တန်နှင့် အဆင်​ပြေသူဖြင့် အစားထိုးမလား။ ဤအတွက်လည်း အ​ဖြေ​ပေးသွားတယ်။

အယာတိုလာကြီး​နေရာ အစားထိုးတင်ဖို့ ​" မျှော်မှန်းထားတဲ့ အီရန်အစိုးရပိုင်းက ပုဂ္ဂိုလ်တချို့ရှိပါတယ်တဲ့ ( ပါဆင်နယ် Biography ကို​နောက်​ကြောင်းလိုက်ထားပြီး အလုပ်တွဲလုပ်လို့ရမယ်လို့ ရည်ရွယ်ထားသူ​တွေ ဖြစ်မယ် )။

ပြသာနာက အဆိုပါ ပထမဦးစား​ပေး လျာထားသူ တအုပ်စုလုံးလည်း အယာတိုလာနှင့် အတူသွားရှာပြီ။ ​နောက်ထပ် ဒုတိယတန်းစား လျာထားသူများလည်း ​ခြေမှုန်းခံရတဲ့အထဲ ပါသွားပြန်တယ်တဲ့။ ဒါ​ကြောင့် တတိယအသုတ်လူများကို ​လေ့လာ​နေ​ပေမယ့် ထိုသူ​တွေအ​ကြောင်း ဘာမှ​​ရေ​ရေရာရာ မသိ​သေးဘူး " ဆို၏။ မှတ်က​ရောပဲ။

■ အ​မေရိကန်နှင့် အစ္စ​ရေးတို့၏ အီရန် နိုင်ငံ​ရေး စစ်​ရေး ဦး​ဆောင်သူ တစုတစည်းလုံးကို ​အမြစ်ကနှုတ်သ​လို ​ခြေမှုန်း​ခဲ့​သော စစ်​ရေးရည်မှန်းချက်သည် ​ရာနှုန်းပြည့်နီးပါး ​အောင်မြင်ပါတယ်။ ​​နောက်ထပ် အယာတိုလာ ​ရွေးချယ်ခံရလို့ တက်လာလျှင်လည်း ပစ်မှတ် အသစ်ဖြစ်မယ်လို့ အစ္စ​ရေးက ​ရာဇသံ​ပေးထားပြန်တယ်။ ​​

အီရန်၏ နိုင်ငံ​ရေး ယန္တရားဖွဲ့စည်းထားပုံသည် ရှုပ်​ထွေးပြီး နက်ရှိုင်းပါတယ်။ ဘာသာ​ရေးအာဏာပိုင် , ဗျူရိုက​ရေစီစနစ် , အစ္စလာမ္မစ်အ​စောင့်တပ် , စစ်တပ် , ပြည်သူ့စစ်များ စသဖြင့် အ​လွှာအဆင့်ဆင့် , ဝင်ရိုးသီးခြား ခွဲထားတယ်။ ဆိုရရင် ရုရှားထက်ပင် ပို၍ နားလည်ရခက်၍ ဖြိုဖို့ခက်သော စနစ်ဖြစ်တယ်။

ပထမရက်အတွင်း ​ဦးစီးဦး​ဆောင် အာဏာပိုင်များ သုတ်သင်ခံရအပြီးတွင် စနစ်သည် ​ရှောခ့်​တော့ရသွားခဲ့တယ်။ ၃ ဦးပါ ကြားဖြတ် ဦး​​ဆောင်​ကောင်စီ ဖွဲ့စည်းထားပြီး အာဏာစဥ်ဆက်မပျက်ဖို့ လုပ်ထားတယ်။ ယင်းအဖွဲ့သည် The Assembly of Experts ဆို​သော ဘာသာ​ရေး ဦး​ဆောင်ပုဂ္ဂိုလ်များက​နေ ​ခေါင်း​ဆောင်အသစ် ​ရွေးချယ်သည်အထိ တာဝန်ယူထားမယ်။ တ​နေ့က ၈၈ ဦးတို့ စု​ဝေး​နေစဥ် အစ္စ​ရေးက ထပ်မံတိုက်ခိုက်သည်ဆိုသည်မှာ အဆိုပါ ပုဂ္ဂိုလ်များကို မှတ်ပစ်ထားတာ ဖြစ်တယ်။ ယခုထိ​​တော့ ​ခေါင်း​ဆောင်သစ် မ​ရွေးရ​သေး​သော်လည်း အယာတိုလာခါ​မေနီ၏ သားဖြစ်သူက အ​ဖေ​နေရာ ဆက်ခံဖို့ အလားအလာ​ကောင်း​နေတယ်။

လက်​တွေ့ ​နောက်ကွယ်က တကယ်တမ်း ထိမ်းချုပ်​နေသူက အမျိုးသားလုံခြုံ​ရေး​ကောင်စီ​၏ အတွင်း​ရေးမှူး အလီလာရီဂျာနီ ဟုလည်း ဆိုကြတယ်။

အထက်​ဖော်ပါပြ ပုဂ္ဂိုလ်များအားလုံးသည်လည်း အ​မေရိကန်-အစ္စ​ရေး ပူး​ပေါင်းစစ်​ရေး၏ ပစ်မှတ်ဖြစ်​နေတာမို့ အချိန်မ​ရွေး သုတ်သင်ခံရဖို့ ဖြစ်နိုင်​​ချေ များ​နေပြန်တယ်။

■ ​လက်တ​လော ​မြေပြင်တွင်​ကော အစိုးရအ​နေဖြင့် ဘယ်​လောက်ထိ ထိ​ထိ​ရောက်​ရောက် လည်ပတ်​နေ​သေးသလဲ သိရခက်တယ်။ ယန္တရားသည် ဆက်ရှိ​နေတယ် , သို့​သော် ​အထက်​အောက် Coordination မည်မျှရှိ​နေ​သေးသလဲ , စကား​ပြောမည်ဆို မည်သူ့ကို ​ပြောရမလဲ , ​ဒေသခံ တပ်မှူးများ ပို၍ လွတ်လွတ်လပ်လပ် တုန့်ပြန်​နေကြသလားက ​မေးခွန်း​တွေ ဖြစ်​နေတယ်။ အီရန်ဘက်က နိုင်ငံခြား​ရေးဝန်နှင့် သံအမတ်များတို့၏ ​ပြောကြားချက်တို့နှင့် စစ်ဘက်​ရေးရာပိုင်း အချို့ကိစ္စ​တွေ ကီးမကိုက်​​နေတာ ​တွေ့ရတယ်။

Power Vaccum ရှိသလား။ ရှိလျှင် မည်မျှ လစ်ဟာ​နေပြီး မည်သူ ဝင်လာမလဲဆိုသည့် ​နေရာတွင် ဝါရှင်တန်လိုလားချက် ပြန့်မှီရာ အ​မေရိကန်နှင့် အလုပ်တွဲလုပ်နိုင်မည့် သူ ဖြစ်ဖို့လိုတယ်။ ယင်းအတွက် လူ ရှာမရ​သေး။

■ အီရန်​ရေတပ်တခုလုံး ပြုတ်ပြုတ်ပြုန်းသွားသည်ဖြစ်​စေ , ဒုံးနှင့် ဒရုန်းများ ကုန်ခမ်းသွားသည်ဖြစ်​စေ အ​နာဂတ်ပလန်အတွက် အ​ရေးမပါလှ။ ယခု ဘာသာ​ရေး အိုင်ဒီ​ယော်​​လော်ဂျီအတိုင်း ဆက်ခံမည့် ​နောက်လူ တက်လာလျှင် တနှစ်အတွင်း ဒုံးနှင့် ဒရုန်းများ ပြန်တည်​ဆောက်၍ ခြိမ်း​ခြောက်​နေပြန်ဦးမယ်။

US ၏ လိုလားချက်မှာ အီရန်သည် နျူကလီးယားရည်မှန်းချက်ကို စွန့်လွှ​တ်ရမယ်၊ တိုက်ချင်းပစ်ဒုံးများကို လက်လွှတ်ရမယ် , အစ္စ​ရေးကို ဆန့်ကျင်တိုက်ခိုက်​နေ ​ဒေသတွင်း Proxy များကို ​ထောက်ပံ့မှု ရပ်ရမယ်။ ယင်းတို့ အားလုံးအတွက် Regime Change မလုပ်ပဲ မဖြစ်နိုင်။ တဖန် ​မြေပြင်တပ်မပါပဲ Regime Change လုပ်မရသလို , ​သိုဝှက်ထားသမျှ တိုက်ချင်းပစ်များ , လက်နက်တိုက်များကို လိုက်ရှင်းဖို့ရာ Boots on the ground ရှိမှရပါမယ်။

■ ​အီရန်ပြည်မတွင် ​လောက်​လောက်လားလား အတိုက်အခံ အင်အားစုရှိ​နေဖို့ အခွင့်အ​ရေးမ​ပေးခဲ့ပါ။ သို့​သော် အ​နောက်​မြောက်​ဒေသက ကာဒ့်တပ်ဖွဲ့များက​​တော့ အ​မေရိကန်၏ တိုက်တွန်းမှုဖြင့် စစ်​ရေး စတင်​နေပြီဆို၏။ အီရန်ပြည်တွင်း ​မြေပြင်တွင် Bridgehead ရရန်က​တော့ ကာဒ့်တို့မှတပါး အခြားပါ။ US အထူးတပ်ဖွဲ့များနှင့် စီအိုင်​အေ​​အေးဂျင့်များပါ ​မြေပြင်ကို စ၍ ​ရောက်​နေပြီလား , မ​ရောက်​သေးလျှင်လည်း မကြာမီ စဝင်ရဖို့များတယ်။

အ​မေရိကန်အစိုးရ အဆက်ဆက်သည် အ​ရှေ့အလယ်ပိုင်းတွင် ​ဒေသခံ​မြေပြင်တပ် လိုအက်တိုင်း ကာဒ့်တို့ကို အသုံးပြုခဲ့သည်မှာ အ​ခေါက်​ခေါက် အခါခါရှိပြီ။ ဆက်ဒမ်ဟူစိန်ကို ဆန့်ကျင်တိုက်ခိုက်ဖို့ လည်း​ကောင်း , အိုက်အက်စ်တို့ကို တန်ပြန်​ခြေမှုန်းဖို့ လည်း​ကောင်း အီရတ်နှင့် ဆီးရီယားကာဒ့်တို့ကို လက်နက်တပ်ဆင် ​, လေ​ကြောင်းပစ်ကူ​ပေးခဲ့တယ်။ ကိစ္စပြီးတိုင်းလည်း ကာဒ့်တို့ ရည်မှန်းချက်ဖြစ်​သော လွတ်လပ်သည့် ကာဒ့်နိုင်ငံ မရခဲ့ပဲ ​ဘေးဖယ်ခံရပြန်တယ်။

အခုလည်း အီရန်ကာဒ့်တို့ အလှည့်။ လူဦး​ရေ သန်း ၉၀ ခန့်ရှိ​သော အီရန်တွင် ကာဒ့်လူဦး​ရေသည် ၁၀ သန်းခန့်ရှိတယ်။ ယင်းပမာဏသည် မြန်မာရှိ ERO အားလုံး အ​ခြေခံထား​သော တိုင်းရင်းသားလူဦး​ရေ စုစု​ပေါင်းခန့် ရှိတာမို့ မနည်းလှပါ။ သို့​သော် အီရန်၏ အလုံးအထည်သည် မြန်မာထက် ၂ ဆ​ကျော် ကြီးမား​လေရာ ယင်းမျှနှင့် တီဟီရန်ကို တိုးမယ်ဆိုတာက ခဲယဥ်းတယ်​။ ​​ထိမ်းချုပ်နယ်​မြေ ရှိလာဖို့က ပို၍ ဖြစ်နိုင်တယ်။

■ အခြား​သော အဇာရစ် , ​ဘာ​လောချ့်နှင့် ​မြောက်များလှစွာ​သော လူမျိုးစုများ , Tribes များလည်း ရှိ​နေ​သေးတယ်။ အားလုံးကို လက်နက်တပ်​ပေး၍ ​​​မြှောက်​ပေးမယ်ဆိုလျှင် လစ်ဗျား , မြန်မာ , ဆီးရီးယားတို့ထက် ရှုပ်​ထွေး​သော အကျိုးဆက်များ​သော , ပြည်တွင်းစစ်တခု စတင်နိုင်တယ်။ အီရန် လက်နက်ကိုင် စစ်တပ်အတွင်းက​ကော ဆီးရီးယားမှာကဲ့သို့ ဘက်​ပြောင်းလာနိုင်သလား ဆိုလျှင် ဖြစ်နိုင်​​ခြေရှိပါ၏။

သို့​သော် အီရန်တွင် အစ္စလာမ္မစ်ရီပတ်ပလစ်၏ အမာခံလက်ကိုင်တပ်သည် အိုင်အာဂျီစီ ဖြစ်၍ ယင်းတို့သည် Believer များဖြစ်ရာ ​အယာတိုလာကြီးကို ရှင်းလင်းထားသည့် ​၄င်းတို့အမြင် ​စေတန် ဖြစ်သူနှင့် ပူး​ပေါင်းမည့်အစား ကာဗ်လာစစ်​မြေပြင်ကဲ့သို့ အာဇာနည် လုပ်သွားချင်သူများပါလိမ့်မယ်။ ရှီးယိုက် ​ပေါ်လစ်တီကယ်အစ္စလာမ်ကို ယုံကြည်သူတို့၏ အတွင်းစိတ်ကို ထည့်စဥ်းစားဖို့​တော့လိုမယ်။

■ ​လွန်ခဲ့​သော တလတာအတွင်း Armada ​ကြီး အနား​ရွေ့လာပြီး ဖိအား​ပေးရာတွင် နျူသ​​​ဘောတူညီချက်မရ​သော​ကြောင့် သမ္မတထွမ့်အ​​နေဖြင့် အ​တော်ပင် အံ့အားသင့်ခဲ့တယ်။ ယခုက​တော့ ​နောက်တဆင့် ​အ​နေဖြင့် US အလိုကျ ပူး​ပေါင်းမယ့် ​ပုဂ္ဂိုလ်တက်မလာမချင်း အီရန်​ခေါင်း​ဆောင်ပိုင်းကို သမင်​မွေးရင်း ကျားစားရင်း တရဆက် ဖြို​​နေမယ် ယူဆရတယ်။ ရ​သွား​သော် စစ်ရပ်ပါမည်။ သို့မဟုတ် ​​ဗျူဟာ​ပြောင်းပြီး ​မြေပြင်တပ် ဝင်ကြရ​တော့မလား ?

​မြေပြင်တပ်ဝင်ရ​သော အဆုံးမဲ့ ( Forever ) စစ်ပွဲ ဖြစ်စဥ်သည် မဂ်ဂါတို့ ခါးခါးသီးသီး ဖြစ်သဖြင့် မဂ်ဂါ Base အတွင်း ၂ ခြမ်းကွဲနိုင်ပါတယ်။ ယခုပင် တက်ကကာလ်ဆင်နှင့် ​မေဂျာရီဂရင်းတို့က ဂိုဏ်းခွဲ​ထောင်​နေကြတယ်။

■ အကယ်လို့ အ​ရေး​ပေါ်အက်ဥပ​ဒေ ၆ လလည်းပြည့် , အ​မေရိကန်ပြည်တွင်း နိုင်ငံ​ရေးနှင့် နိုင်ငံတကာစီးပွား​ရေး ဖိအား​တို့ကြောင့် ​ရှေ့ဆက်ဖို့ခက်လာခဲ့​သော် တနည်း ကျန်​သေးပါတယ်။ အီရန်တနိုင်ငံလုံးကို ထိမ်းချုပ်နိုင်မည့် အ​မေရိကန် မိတ်ဖက်အစိုးရတရပ်ကို တည်​ဆောက်​ပေးဖို့ ခက်ခဲ​ပေမယ့် , ​ဒေသတခုချင်းဆီကို ပိုင်နက်​မြေလုပ်ထားနိုင်​သော စင်ပြိုင် အာဏာရှင်များ ​ပေါ်​ပေါက်ဖို့က​တော့ မခက်ခဲပါ။ လစ်ဗျားတွင် ကဒါဖီပြိုကျသွားပြီး​နောက် ထရီပိုနှင့် Tobruk တွင်ညအစိုးရ ၂ ရပ် ပြည်တွင်းစစ်ဆက်၍ နွဲ​နေကြတယ်။

ယင်း​မော်ဒယ်သည် တစုတစီးတည်း အာဏာစက်ပြင်းမည့် ရန်ဘက်အစိုးရ​ကဲ့သို့ အစ္စ​ရေးကို ခြိမ်း​ခြောက်နိုင်မှု ရှိ​တော့မှာ မဟုတ်သလို , အီရန်ပြည်ပကိုလည်း Power Projection လုပ်နိုင်စွမ်းလည်း ရှိ​တော့မည်မဟုတ်ပါ။

■ အီရန် စစ်ပွဲမှာ ၆ ရက်ခန့်သာ ရှိပါ​သေးသဖြင့် အဆုံးသတ်အ​ဖြေကို ​ပြောဖို့ ခက်ပါ​သေးတယ်။ Regime Change လုပ်မည်ဆို​သော ကြုံးဝါးသံသည်လည်း အ​တော်ကျယ်​​​လောင်ထားပြီးပါပြီ။

အ​မေရိကန်-အစ္စ​ရေး တို့ဘက်က​နေ Tactical ​ပိုင်းအရ လုံးဝဥသုံနီးပါး ​အထက်စီးရ​နေသည်မှာ ငြင်းစရာမရှိပါ။ ယင်းက​နေမှ နိုင်ငံ​ရေးရည်မှန်းချက်အတွက် Endgame ကို ဘယ်လို အ​ကောင်အထည်​ဖော်ကြမည်က​တော့ ​ဝေဝါးဝါး ဖြစ်​နေဆဲပင်။

အဆုံးအဖြတ်ပွဲ

 

စစ်​ကောင်စီက လက်နက်မဲ့ ရခိုင်ပြည်သူ​တွေကို ​လေယဥ်နဲ့ ဗုံးကြဲသတ်ပြ​တော့ ​အေ​အေက အဲဒါကို မြင်ပြီး​တော့ ​နောက်ဆုတ်သွားမယ်လို့ ယူဆပုံ​ပေါက်တယ်။ ပြည်သူ​တွေ ​ကြောက်စိတ်ဝင်ပြီး ​အေ​အေကို စစ်ပွဲရပ်ပါလို့ ​ပြောမယ်လို့ ယူဆပုံ​ပေါက်တယ်။

အမှန်က ​အေ​အေစစ်သား​တွေရဲ့ ​ဒေါသကို ဆွ​ပေးတင်မက ပြည်သူ​တွေကပါ ဒီမိစ္ဆာစစ်တပ်ကို အမြစ်ဖြတ်မှ ရမယ်ဆိုတဲ့ ခံယူချက် ပိုခိုင်မာသွားတာကို သူတို့ မသိဘူးထင်တယ်။

ရခိုင်ပြည်သူ​တွေကို ​မေးကြည့်လိုက်။ စစ်ပွဲကို ရပ်မလား​မေးရင် "နိုး"ပဲ။ စစ်ပွဲကို ရပ်မှာ ​ကြောက်တဲ့ ပြည်သူပိုများတယ်။ စစ်​တွေနဲ့ ​ကျောက်ဖြူကို ဘယ်​နေ့ ​မြေပြင်ထိုးစစ် စမလဲလို့ နားစွင့် ​မျှော်နေကြသူ ပိုများတယ်။ စစ်​တွေ၊ ​ကျောက်ဖြူ၊ မာန်​အောင်ကို သိမ်းပြီးမှ ​အေးမယ်လို့ ခံယူကြသူ​တွေ ပိုများတယ်။

ကျွန်​တော်တို့ကို ​တွေ့တိုင်း စစ်ပွဲရပ်ပါလို့ ​ပြောမယ့်အစား စစ်​တွေနဲ့ ​ကျောက်ဖြူကို ဘယ်​​တော့ သိမ်းမလဲ။ မြန်မြန်သိမ်း​ပေးဖို့ ဗိုလ်ချုပ်ကို ​တွေ့ရင် ​ပြော​ပေးပါလို့ ​​ပြောသူ​တွေများတယ်။

​သေမှာကို​တော့ လူတိုင်း​ကြောက်ကြတာပဲ။ ​သေမှာထက် မလွတ်​မြောက်မှာ ပို​ကြောက်ကြတယ်။ ကျန်ခဲ့သူ ​ကောင်းစားစတမ်းပဲ။ ဒီပွဲက အဆုံးအဖြတ်ပွဲလို့ ခံယူထားကြလို့ဖြစ်တယ်

​ကျေးဇူးပြုလို့ မင်း​အောင်လှိုင်ကို ​ပြောလိုက်ပါ။ ရခိုင်​တွေက မာတယ်​နော်-

​ဝေဟင်​အောင်
24/2/2026

“အာဏာရှင်ကို အာခံခဲ့တဲ့ Rapper”

 

ဆိုတဲ့ ခေါင်းစဉ်နဲ့ ပြင်သစ်ပါလီမန် website မှာ ဟိုနေ့က ကိုဇေယာသော့်အကြောင်းလာတယ်။ အဲဒီ Documentary လေးကို သမီးကြီးနဲ့အတူကြည့်ဖြစ်ကြတယ်။ အဲဒါလေးကြည့်ပြီး မြန်မာနိုင်ငံကြီးလူယုတ်မာအာဏာရှင်စနစ်က လွတ်မြောက်ရေးအတွက် ကိုဇေယာသော်လို အသက်ပေးသွားခဲ့ကြသူ၊ ဘဝပျက်သွားကြသူတွေ အများကြီးအတွက် ခွန်အားအပြည့်နဲ့ အဆုံးထိရှေ့ဆက်ရမယ်ဆိုတာ ပိုခံစားလာရသလို (၁၄) နှစ်ပြည့်ပြီးဖြစ်တဲ့ သမီးကြီးလည်းမြန်မာ့သမိုင်းအကြောင်းနဲ့ အာဏာရှင်အကြောင်း သေချာနားလည်သွားတယ်။

သမီး (၃) လအရွယ်က ဦးဇေယျာသော်ပွေ့ချီထားတဲ့ပုံလေးတွေ ပြန်ကြည့်ကြပြီး “သူရဲကောင်း” နဲ့ “လူဖြစ်ပြီး ဘယ်သူတေတေငတေမာ တကိုယ်ကောင်းသမား” တွေ အကြောင်းပြောဖြစ်ကြတယ်။

ပြင်သစ်မှာနေတာမဟုတ်ရင် VPN မှာ France ကိုထည့်ပြီးကြည့်ပါ။ ဒီထဲမှာ သေချာရှင်းပြထားတဲ့ ကိုဇေယျာသော်ရဲ့ ခံယူချက်တွေနဲ့ လှုပ်ရှားမှုတွေအကြောင်း ရင်တလှိုက်လှိုက်နဲ့ ကြည့်လို့ရပါမယ်။

https://lcp.fr/.../birmanie-le-rappeur-qui-defia-la-junte...

တော်လှန်ရေးကိုသူတော်စင်ကြီးလိုဖြစ်ဖို့ မျှော်လင့်နေတာကမှထူးဆန်းနေတာ

 Just another နိုင်ငံရေးအာချောင်ပို့စ်

အင်္ဂလန်ပြည်တွင်းစစ်ကြီးဘယ်တော့မှမပြီးဘူးထင်ခဲ့ကြတာ။ ဒိန်းမတ်နဲ့ ဆွီဒင် ဒီနေ့လို ချစ်ကြည်ရင်းနှီး Open Societies ဖြစ်ဖို့ဆိုတာဝေး အမြဲတမ်းလိုလိုစစ်ပွဲတွေဖြစ်နေခဲ့ကြတာ။ အင်္ဂလန်မှာပြည်တွင်းစစ်ကြီးရပ် စက်မှုတော်လှန်ရေးတွေဖြစ်။ တိုးတက်သွားတာပဲ။ အင်္ဂလန်ပြည်တွင်းစစ်ကာလကနဲ့ဆက်စပ်တဲ့ ရုပ်ရှင်၊စာပေတွေလေ့လာကြည့်။ အဲ့ကာလကလူတွေလဲကျနော်တို့လိုပဲ Conflict is eternal လို့ ခံစားခဲ့ကြတာ။ အဲ့ထဲကနေပဲ အချစ်၊မေတ္တာ၊လောဘ၊ရမ္မက်တွေနဲ့ လုံးလည်ချာလည်လိုက်ရင်း တဖက်ဖက်ကဝင်တိုက်ရင်းပဲ တချိန်ကျစစ်ကြီးပြီးသွားတာပဲ။ဒါသမိုင်းတွေကအရမ်းဝေးသွားပြီ။ ခေတ်မမီဘူးဆိုလဲခုလက်ရှိဆိုလဲ အကောင်းဆုံးမဟုတ်တောင် ဆီးရီးယားက အဆိုးဆုံးအချိန်အပိုင်းခြားကာလတွေတော့ကျော်သွားပြီ။

ခုကာလကြီးမှာကိုယ့်ကိုကိုယ်တိုးတက်အောင်ကြိုးစားပြီးကိုယ့် Leverage (Wisdom, Money, Power) တက်အောင်လုပ် တဖက်ဖက်ကဝင်ကူဖို့ပဲ။

Personally ကျ နော်ကတော့ နုဂျီထဲကလူတွေကိုမကြိုက်လဲ နုဂျီကိုထောက်ခံနေမှာပဲ။ ကျနော်တို့အနာဂတ်အတွက် နုဂျီက State Actor ဖြစ်လာဖို့လိုကိုလိုအပ်တယ်။ တရားလွန်တာတွေရှိရင်တော့ ဆဲမှာပေါ့။ တလရ ခရိုနီဆိုတာလဲမကြိုက်ပေမယ့် လိုအပ်ချက်ရှိတာအမှန်ပဲလေ။ အစိုးရလိုလည်ပတ်ဖို့ဘယ်မှာလဲပိုက်ဆံ။ အစိုးရတရပ်လို ပီပြင်လာဖို့ဆိုတာ ဒေါ်လာသန်း ၇၀၀-၈၀၀ ထားဦး။ ၁ ဘီလီယံ ဆိုတာကိုတနှစ်တည်းသုံးတောင် ဘာမှမဟုတ်ဘူး။အဲ့အမောင့်က။အစိုးရတရပ်အနေနဲ့ ကာဗာဘာဖြစ်ပေးနိုင်မှာတုန်း။ တနှစ် ၁၀ ဘီလီယံလောက် အလှူငွေ/ဝင်ငွေရနေပြီး တလရက အခုလိုအဆင့်ပဲဆို ဆဲမှာပေါ့။ ၁ ဘီလီယံပတ်ချာလည်လောက်နဲ့က ဒီလောက်ပဲရမှာ။ စစ်တပ်ရဲ့ စစ်တပ်အသုံးစရိတ်တခုတည်းသီးသန့်ကတနှစ်ကို ၂.၅ ဘီလီယံကျော်တယ်နော်။ တခြား ကဏ္ဍတွေမပါဘူး။

တလရ နဲ့ပတ်သတ်ပြီးကြားထဲအလွဲသုံးစားလုပ်ကြတာတွေလဲရှိမှာပဲ။ အခုက ပေါ်တင်ကြီးအများကြီးခိုးလို့ရတဲ့အဆင့်တော့မဟုတ်တော့ဘူး။ Robust System တခုမဟုတ်သေးပေမယ့် သူတို့လဲ Auditing တွေနဲ့စနစ်တခုကပုံစပေါ်နေပြီ။

ပြည်တွင်းစစ်မှာ Greed and Grievances ကအမြဲဒွန်တွဲပြီး ကြာလေရှင်းရခက်လေဆိုတော့ စစ်ကိုမြန်မြန်ပြီးအောင်တိုက်နိုင်ဖို့တော့လိုတာပေါ့။ မြန်တယ်ဆိုတာ ၁၀နှစ် ၁၅ နှစ်။ ကြာတယ်ဆိုတာ နှစ် ၆၀။ လက်နက်ကိုင်တိုက်ရတဲ့တော်လှန်ရတဲ့စစ်ပွဲ By nature အရကို ဆယ်စုနှစ်ချီကြာတာသဘာဝပဲ။ emotion တွေဖယ်လိုက်ရင် ခု ကာလမှာဖြစ်ပျက်နေတာတွေက civil war တခုမှာတွေ့ကြုံရတဲ့သဘောသဘာဝတွေပါပဲ။ ဘာမှထူးဆန်းနေတာမဟုတ်ဘူး။ တော်လှန်ရေးကိုသူတော်စင်ကြီးလိုဖြစ်ဖို့ မျှော်လင့်နေတာကမှထူးဆန်းနေတာ။

ဒီလိုတွေအဆိုးတွေအများကြီးကြားထဲမှာ အမြော်မြင်ရှိရှိခံယူချက်နဲ့ဦးဆောင်နိုင်သူတွေလဲရှိနေတာပဲ။ ဒီလိုနဲ့တမြည့်မြည့်သွားရင် နိုင်ငံရေးရည်မှန်းချက်တခုအတွက် လုပ်နေကြတာဆိုရင် ပန်းတိုင်ကရောက်သွားမှာပဲ။မရောက်ခင်ကိုယ်​tay သွားရင် ရှင်သန်မှုကအလကားမဖြစ်ရအောင်ပျော်အောင်တော့နေရမယ်။ ဒါကတော့ My pov နဲ့ ခံယူချက်ပါ။ ၂၀၂၁ ကတည်းက အနည်းငယ် evolve ဖြစ်လာပေမယ့် core ကတော့ဒါတွေပဲ။

ခံယူချက်တိုက်ဆိုင်လို့ အသုံးတည့်ရင်ကြိုက်ရင် ယူ။ မကြိုက်ရင်ကျော်။ ဘယ်သူ့ကိုမှဖိအားမပေးဘူး။

Why Myanmar is Dying

Why Finland Joining NATO Checkmates Russia

Soviet Invasion of Finland: Winter War 1939-40 (Documentary)

Inside the Most Prepared Country on Earth

I Tried to Join Finland's Elite Arctic Military Unit (impossible)

တော်လှန်ရေးအဖွဲ့တွေ၊ ပြည်သူလူထုတွေ physicallyအရ mentallyအရ ပြင်ဆင်ထားဖို့လို

 ဒီနှစ်မှာ ကချင်စစ်ရေးအလှည့်အပြောင်းကနေ ကချင်- စစ်ကိုင်းအထက်ပိုင်း- ချင်း- ရခိုင်ဒေသအထိ ထူးခြားစွာပြောင်းလဲမယ့်နှစ်လို့ ဆိုချင်တယ်။

မထင်မှတ်ပဲ မပခတိုင်းစစ်ဌာနချုပ်- မြစ်ကြီးနားပါ KIAသိမ်းနိုင်ဖို့အခွင့်အရေးကလက်တကမ်းအလိုရောက်လာတယ်။ ဗန်းမော်- ဝိုင်းမော်-ဖားကန့်ကို KIA ပူးပေါင်းတပ်တွေ တိုက်ခိုက်ရင်း မြစ်ကြီးနား နမ့်ပေါင်လေတပ်စခန်းက ဗျင်းခံနေရပြီး အခုဆိုရင် နမ့်ပေါင်ရေဒါတပ်စခန်းကိုပါ ဖျက်ဆီးနိုင်လိုက်တယ်။ ဖေဖော်ဝါရီ ၁၂ရက်မှာမြစ်ကြီးနားလေဆိပ်ကို အသေခံဒရုန်းတွေ ကျရောက်လို့ လေယာဥ်ခရီးစဥ် ရပ်နားလိုက်ရတယ်။

၂၀၂၆ နှစ်စမှာ ကချင်လွတ်မြောက်ရေးတပ်မတော်-KIAနဲ့ ပူးပေါင်းတပ်ဖွဲ့တွေ စစ်ရှိန်မြှင့်လာတာကြောက်ခမန်းလိလိပဲ။ ဖေဖော်ဝါရီလအစပိုင်းမှာ မြစ်ကြီးနာနဲ့ ၇မိုင်ဝေးတဲ့ ဝိုင်းမော်မြို့ကို KIAပူးပေါင်းတပ်တွေစစ်ကောင်စီရဲ့ တစ်ခုတည်းသာကျန်တဲ့ခလရ-၅၈တပ် ကာကင်းစခန်းနှစ်ခုရအပြီး တပ်စခန်းကို ဝင်ကြိတ်နေတာ အသာစီးရနေတယ်။

ဝိုင်းမော်မှာ ခလရ-၅၈၊ ခမရ-၃၂၁တပ်ရင်းနှစ်ခုရှိပြီး ခမရ-၃၂၁ကို၂၀၂၄ မေလကတည်းက KIAသိမ်းပိုက်ထားတာပါ။ မြစ်ကြီးနားနဲ့ မြစ်တစ်ခုသာခြားတဲ့ ဝိုင်းမော်မြို့ကို KIA ဇန်နဝါရီနှောင်းပိုင်းကနေ ထိုးစစ်ဆင်လာတာ စစ်ကော်မရှင်တပ်က ဗလမင်းထင်တံတားအနီးက မှန်ပြတောင်ကနေ ခုခံနေရပြီး KIAကခလရ-၅၈တပ်စခန်းကို ဝင်ကြုံးနေ
ပြီးဖြစ်တယ်။ တကယ်တမ်း စစ်ကောင်စီ အမြတ်အစွန်းရနေတဲ့ဂိတ်ကို KIAပူးပေါင်းတပ်ဖွဲ့တွေ သိမ်း ပိုက်ရာက စစ်ကြောင်းပြန်ထိုးတာဟိုက counter နဲ့ ခလ-ရ၅၈ကို ဝင်ဗျင်းတာဖြစ်တယ်။

နှစ်ပေါက်နေပြီးဖြစ်တဲ့ ဗန်းမော်ကိုပါ KIAပူးပေါင်းတပ်ဖွဲ့တွေ စစ်ရှိန်မြှင့်ထားပြီး အဓိကစကခ-၂၁ကို ထိုးဖောက်နေပြီး အကြမ်းဖက်စစ်တပ်ဘက်ကလည်း တိုက်လေယာဥ်၊ ဒရုန်းတွေနဲ့ လက်နက်ကြီးပစ်ကူသုံးပြီးမကျအောင်ခုခံနေတယ်။ KIAအတွက်က နိူင်ငံရေးသိက္ခာအရတိုက်တဲ့ပွဲဖြစ်လို့ သွားနေကျ ခံစစ်-တိုက်စစ်မသွားပဲ တိုက်စစ်သက် သက်သွားနေရလို့ နည်းဗျူဟာ၊ မဟာဗျူဟာပိုင်းအရ လိုအပ်ချက်ရှိနေလို့ စစ်ကောင်စီတပ်ခံသာနေတာဖြစ်တယ်။

ဗန်းမော်မြို့က တရုတ်နယ်စပ်နဲ့ မဝေးလှသလို၊ ရှမ်းမြောက်၊ မန္တလေးတိုင်းအပြင်၊ စစ်ကိုင်းအထက်ပိုင်းမြို့တွေနဲ့ ထိစပ်နေလို့ စစ်ရေး၊ စီးပွားရေးအချက်အချာကျတဲ့ ဗျူဟာမြောက်နေရာမှာတည်ရှိပြီး ခေါင်းနဲ့ကိုယ်ချိတ်ဆက်တဲ့ လည်ပင်း-neckလိုနေရာမျိုးဖြစ်တဲ့အတွက် နှစ်ဖက်လုံးအပြင်းအထန်တိုက်နေရတာဖြစ်တယ်။ ပုဝါမကူ ရေမရှုတမ်းတိုက်နေရလို့ တရုတ်တောင် ဝင်မဟန့်ရဲဘူး။ ဖိအားပေးလည်း KIO/KIAရဲ့passion ကြီးကို လန့်ရတယ်။

နယ်စပ်ကုန်သွယ်ရေးမြို့တွေဖြစ်တဲ့လွယ်ဂျယ်၊ ကန်ပိုက်တီးအပြင် မြေရှားအဓိကထွက်တဲ့ ပန်ဝါ-ချီဖွေကိုရလိုက်တဲ့ KIO/KIA ၂၀၂၄နှစ်ကုန်ပိုင်းမှာ သိမ်းလိုက်နိုင်တဲ့အတွက် ဘဏ္ဍာရေးရင်းမြစ်တောင့်တင်းလာတဲ့အတွက် အကြမ်းဖက်စစ်တပ်ကို သူတင်- ကိုယ်တင် အပြိုင်ကြဲလာနိုင်ပြီး မဟာမိတ်တွေဖြစ်တဲ့NUG- PDFအပြင် AAနဲ့ပါ brotherhood
လုပ်ထားနိုင်လို့ အင်အားကြီးတရုတ်ကပါ သတိထားလာရတယ်။

ဒါတင် KIAပူးပေါင်းတပ်ဖွဲ့တွေ ရပ်တန့်မနေပဲ တနိုင်း၊ မိုးညှင်းမြို့ထဲမှာရှိတဲ့ အင်းတော်ကြီးဘက်မှာ စစ်ကောင်စီနဲ့တိုက်ခိုက်နေတယ်။ ကသာခရိုင်မှာရှိတဲ့ ဗန်းမောက်-အင်းတော်-ကသာ-ထီးချိုင့်စတဲ့မြို့တွေမှာ စစ်ကိုင်းPDFနဲအတူတိုက်တာရှေ့တိုး- နောက်ဆုတ်နဲ့ တိုက်ပွဲပြင်းထန်နေတယ်။ ဗန်းမောက်ကို သိမ်းပိုက်နိုင်ပေမယ့် စစ်ကောင်စီနဲ့ရှမ်းနီ
SNAဘက်ကအလုံးအရင်းနဲ့ဝင်တိုက်လာလို့ ဖေဖော်ဝါရီ ၈ရက်မှာ တော်လှန်ရေးပူးပေါင်းတပ်ဖွဲ့တွေနောက်ဆုတ်ပေးလိုက်ရပေမယ့် မြို့ပြင်ကနေ လေးဘက်လေးတန်ဝိုင်းညှပ်တိုက်ခိုက်နေတယ်။

ပွဲမပြတ်သေးဘူး။

ဒီတောအတွင်း underatted ဖြစ်လာတဲ့ ကန့်ဘလူပကဖ၊ စစ်ကိုင်း- PDFတွေ၊ တနိုင်ငံလုံးမှာနေရာယူထားနိုင်တဲ့ အာရက္ခတပ်တော်-AAတို့ ဇန်နဝါရီ ၂၈-၃၁ရက်ထိ စစ်ကိုင်းတိုင်း ကန့်ဘလူမြို့နယ်၊ကျွန်းလှမြို့ပေါ်က အင်းတိုင်စခန်းကိုးတောင်ဘို့စခန်းမှာရှိတဲ့ စစ်ကောင်စီနဲ့ ပျူစောထီးတပ်တွေကိုဝင်ဗျင်းတာ တပ်စခန်း၄ခုကိုသိမ်းယူနိုင်သလို စစ်ကောင်စီတပ်သား ၉၆သေ၊ ၃၈ဦးဒဏ်ရာရပြီး ဒုဗိုလ် မှူးကြီးအောင်မျိုးဦးအပါအဝင် ၁၀၁ဦးကို လက်ရဖမ်းမိခဲ့တယ်။

လူသူ၊ လက်နက်ခဲယမ်းအတော်အထိသွားတဲ့စစ်ကောင်စီတပ်က ဂျက်ဖိုက်တာတွေနဲ့ အကြိမ်၃၀ကျော်တိုက်ခိုက်ခဲ့သလို လက်နက်ကြီးပစ်ကူတွေ၊ စစ်ကြောင်းထိုးတာတွေ အကြိမ်ကြိမ်လုပ်ခဲ့တယ်။ဗန်းမောက်မြို့ကို စစ်ကောင်စီသိမ်း
ပြီး ကြွယ်မလို့ရှိသေးတာ၊ ဒီလိုဗျင်းခံရတာ အကုန်ပဒပ်ရပ်ကုန်တယ်။

တရုတ်ဖိအားကြောင့် TNLAက စစ်ကောင်စီကိုမိုးကုတ်၊ မိုးမိတ်ပြန်ပေးရတာတွေ၊ တရုတ်ကြောင့် ရှမ်း-မန်းစစ်ဆင်ရေးရပ်တာ၊ အချိန်ဆွဲထားနိုင်လို့ အင်အားအပြည့်အဝဖြည့်ခွင့်ရတဲ့ စစ်ကောင်စီတပ်က မန္တလေးတိုင်းထဲကလက်လွတ်ရတဲ့ သပိတ်ကျင်း-စဥ့်ကူးကနေ မန္တလေးတိုင်းထဲ တော်လှန်ရေးအဖွဲ့တွေတစ်ခုတည်းထိန်းချုပ်ထားတဲ့ တကောင်းမြို့ကိုပါ ဦးတည်စစ်ကြောင်းထိုးလာပြီးဖြစ်တယ်။

စစ်ရေးမှာ နှစ်ဖက်လုံးအပြန်အလှန်အနိုင်-အရှုံးရှိပေမယ့် ရေရှည်မှာစစ်ကောင်စီဟာ KIAနဲ့ AAကို လုံးဝမနိုင်တော့ဘူး။ စစ်ကောင်စီတစ်ခု၊နှစ်ခုသာဆိုရင် နိုင်နိုင်ပေမယ့်စစ်မျက်နှာပေါင်းများစွာဖွင့်နေရတဲ့အတွက်ချိနဲ့လာသလို Underrated ဖြစ်တဲ့ NUG-PDF တွေ၊ ချင်းညီနောင်-CBအဖွဲ့တွေ၊ ကရင်နီ- KNPPကလည်းအား ကောင်းလာတဲ့အတွက် တော်လှန်ရေးခေါင်းကိုင်အဖွဲ့တွေ ညီညွတ်တာနဲ့ စစ်ကောင်စီလဲပြိုမှာအမှန်။

စစ်ကော်မရှင်လုပ်တဲ့ ရွေးကောက်ပွဲက အာဆီယမ်ကပါ အသိအမှတ်မပြုတော့ ပြည်တွင်းအသိအမှတ်ပြုရင် ရပြီးလို့ လျှော့ချတယ်။ သမ္မတရူးပေမယ့် တပ်လက်ကိုင်မရှိတာနဲ့ ရှင်းခံရမှာကြောက်လို့ နိုင်ငံတော်အတိုင်ပင်ခံကောင်စီဖွဲ့ပြီး ထိန်း ကျောင်းဖို့လုပ်တယ်။ ဟိုဘက်လည်းခွချင်၊ ဒီဘက်လည်းကုတ်ထားချင်တဲ့ MAL အဖြစ်က phine-ငြောင့်ဝင်မယ့်အကွက်...

MALလည်း သိတယ်။ တော်လှန်ရေးအဖွဲ့တွေ၊ EAOsကိုလည်း ကြာလေမနိုင်တော့တာ တပ်ချုပ်ဘဝဆက်ယူမှသာ လုပ်လို့ရမယ်။ တစ်ဘက်ကလည်း ဂမ်ဘီယာစွဲထားတဲ့ genocide အမှုကလည်း ICCကိုလွှဲရင် ရှောင်လွှဲဖို့က တပ်ချုပ်ထက် သမ္မတနေရာယူမှသာ အောက်လူကိုထိုးကျွေးလို့ရမှာဖြစ်ပြီး တကယ့်ကိုdilemma ဖြစ်နေတယ်။

တရုတ်ဘက်ကလည်း MALကိုအတော်စိတ်ကုန်နေပြီး မြန်မာအရေးပေါ် ၎င်းတို့ပါဝင်စွက်ဖက်မှုကနေအပြစ်ပြောခံရမယ့်အခြေအနေရှိလာတယ်။ ဒါက ထိုင်ဝမ်အရေးနဲ့ဂျပန်အကြားတင်းမာမှုက မြန်မာအရေးမှာ တရုတ်ရဲ့စွက်ဖက်မှုက နိုင်ငံတကာထောက်ပြမှုတွေ ဖြစ်လာနိုင်တဲ့သော့ချက်တွေပဲ။

ဒါကြောင့် ကျားဖြန့်ကိစ္စမှာ ပြည်ထဲ ရေးဝန်ကြီးဒုဗိုလ်ချုပ်ကြီးထွန်းထွန်းနောင်ပါဝင်ပတ်သတ်နေလို့ ဖြုတ်လိုက်ရတယ်။ တရုတ်က လှမ်းပြောတာနဲ့ ချက်ချင်းဖြုတ်ပေးလိုက်ရတဲ့MALက နောက်ထပ်အသက်ရူကြပ်စေမယ့် Brave Burma Act [H.R. 3190]၂၀၂၆ ဖေဖော်ဝါရီ၉ရက်မှာ အမေရိကန်အောက်လွှတ်တော်ကအတည်ပြုပေးလိုက်တယ်။

Brave Burma Act အဓိကရည်ရွယ်က စစ်ကောင်စီရဲ့ ဘဏ္ဍာရေးအရင်းအမြစ်များဖြတ်တောက်ရန်၊ မြန်မာစီးပွားရေးဘဏ်- MEBနဲ့ စစ်တပ်ကအသုံးပြုနေသည့် လေယာဥ်ဆီကိစ္စတွင် တင်သွင်းသူများကို အရေးယူရန်ပါဝင်နေတယ်။ ဆီးနိတ်နဲ့ ခေါင်းဝါ Trump တို့က အတည်ပြုပေးမှသာအသက်ဝင်ပေမယ့် တရုတ်ဘက်က MALကို ဖိအားပေးထားမှာပဲ။

စစ်ကောင်စီက ဆုံးရှုံးသွားတဲ့မြို့ဒေသတွေကို လေကြောင်းကနေဗုံးကြဲတိုက်ခိုက်နေတာ စိနတို့အပေါ်မှာ ကိုယ့်ရှူးကိုယ်ပတ်လာနိုင်တယ်။အခုဆိုရင် ကြားနေတဲ့ RCSS ဗိုလ်ချုပ်ကြီးရွက်ဆစ်ကတောင် စစ်ကောင်စီရဲ့အရပ်သားအပေါ် လေကြောင်းတိုက်ခိုက်မှုက တရုတ်ကြောင့်ဆိုပြီး ဒဲ့-ဖြဲသွားတယ်။

MALနဲ့ စစ်ဗိုလ်ချုပ်တစ်သိုက်ရဲ့၎င်းတို့သွားနေတဲ့ အခြေအနေ ExitStrategy အရ ဘယ်လိုမှကို ထွက်ပေါက်မရှိတော့ဘူး။ ဒီတော့ လုပ်နေကျအတိုင်း အကုန်ဖျက်ဆီးပြီးသားကောင်ကို ချနင်းမှာပဲ။ ဒီလိုသွေးချောင်းစီးတဲ့နည်းနဲ့ တိုင်းပြည်အာဏာကို လုယူလာခဲ့တာ ဒီအချိုးအတိုင်းဆက်သွားမှာပဲ။

ကျနော်တို့ တော်လှန်ရေးအဖွဲ့တွေ၊ပြည်သူလူထုတွေ physicallyအရ mentallyအရ ပြင်ဆင်ထားဖို့လိုတယ်။ သေသေကြေကြေ ချရတစ်နှစ်ပဲ။ သွေးချောင်းစီးလည်းတစ်ခါပဲ။ ဒါကို ကျော်ဖြတ်နိုင်ရင်တော့ ကျနော်တို့ နိုင်ငံနဲ့ အနာဂတ်
မျိုးဆက်တွေအတွက် နင်းကြမ်းတစ်ခု ဖြစ်ပေးနိုင်ရမယ်။

Written by:
A.M.H#(Irony)

Photo Credit#