❝ ဘဝမှာ “လွှတ်ထားတတ်ခြင်း” က “ကြိုးစားခြင်း” လောက် အရေးကြီးပါတယ် ❞

ကိုယ်မထိန်းချုပ်နိုင်တဲ့ အရာတွေကို လိုက်ထိန်းချုပ်ဖို့ ကြိုးစားနေရသရွေ့… ကိုယ့်ဘဝက မလိုအပ်တဲ့ ပင်ပန်းမှုတွေနဲ့ ပြည့်နေဦးမှာပါ။စီးပွားရေးလုပ်လာတဲ့ နှစ်တွေတလျှောက်ရော၊ ဘဝအတွေ့အကြုံတွေများလာတာနဲ့အမျှရော… ကျမ သင်ယူခဲ့ရတဲ့ အရေးကြီးဆုံး သင်ခန်းစာတွေထဲက တစ်ခုကတော့ “ထိန်းချုပ်နိုင်တာနဲ့ မထိန်းချုပ်နိုင်တာကို ခွဲသိတတ်ခြင်း” ပါပဲ။ငယ်ငယ်တုန်းကတော့… လူတိုင်းကို ကိုယ်နားလည်စေချင်ခဲ့တယ်။ ကိုယ့်စေတနာကို လူတိုင်းမြင်စေချင်ခဲ့တယ်။ ကိုယ်မှန်နေရင် နောက်ဆုံးမှာ လူတိုင်းလက်ခံမယ်လို့ ထင်ခဲ့ဖူးတယ်။

ဒါပေမယ့်… အတွေ့အကြုံတွေက သင်ပေးလိုက်တာကတော့ အဲဒီလို မဟုတ်ဘူးဆိုတာပါ။တချို့လူတွေက ကိုယ့်ကို ကြိုက်မယ်။တချို့လူတွေက မကြိုက်ဘူး။တချို့က အားပေးမယ်။တချို့က ဝေဖန်မယ်။တချို့က ကိုယ်မလုပ်တဲ့အရာကိုတောင် ကိုယ်လုပ်တယ်လို့ ပြောမယ်။အဲဒီအရာတွေထဲက အများစုဟာ… ကျမ ထိန်းချုပ်နိုင်တဲ့အရာတွေ မဟုတ်ပါဘူး။အစပိုင်းမှာတော့ အဲဒါတွေကို လိုက်ရှင်းပြဖို့ ကြိုးစားခဲ့တယ်။လူတိုင်းနားလည်အောင် လုပ်ဖို့ ကြိုးစားခဲ့တယ်။လူတိုင်းကျေနပ်အောင် နေဖို့ ကြိုးစားခဲ့တယ်။

နောက်ဆုံးမှာ ပင်ပန်းသွားတာက… ကိုယ်ပဲ ဖြစ်တယ်။
အဲဒီနေ့ကစပြီး ကျမ စဉ်းစားပုံ ပြောင်းလိုက်တယ်။လူတွေ ဘာပြောမလဲဆိုတာထက်… ကျမ ဘာလုပ်မလဲဆိုတာကို ပိုအာရုံစိုက်တယ်။Customer တွေအားလုံးကို မထိန်းချုပ်နိုင်ဘူး။ဈေးကွက်အခြေအနေကို မထိန်းချုပ်နိုင်ဘူး။စီးပွားရေးအတက်အကျကို မထိန်းချုပ်နိုင်ဘူး။
တခြားသူရဲ့ အတွေးအမြင်ကိုလည်း မထိန်းချုပ်နိုင်ဘူး။
ဒါပေမယ့်…ကိုယ့်ရဲ့ အလုပ်လုပ်ပုံကိုတော့ ထိန်းချုပ်နိုင်တယ်။ကိုယ့်ရဲ့ စကားပြောပုံကိုတော့ ထိန်းချုပ်နိုင်တယ်။ကိုယ့်ရဲ့ ရိုးသားမှုကိုတော့ ထိန်းချုပ်နိုင်တယ်။ကိုယ့်ရဲ့ သင်ယူမှုနဲ့ ကြိုးစားမှုကိုတော့ ထိန်းချုပ်နိုင်တယ်။

စီးပွားရေးလောကမှာ အောင်မြင်တဲ့သူတွေကို ကြည့်လိုက်ရင်… သူတို့အချိန်အများစုကို တခြားသူတွေ ဘာလုပ်နေသလဲဆိုတာ ကြည့်ရင်း မကုန်ဆုံးကြဘူး။သူတို့က ကိုယ်လုပ်သင့်တဲ့အရာကို နေ့တိုင်း ပိုကောင်းအောင် လုပ်နေကြတာပါ။ဘဝမှာလည်း အတူတူပါပဲ။ကိုယ်မထိန်းချုပ်နိုင်တဲ့ အရာတွေအတွက် စိတ်ပူနေတဲ့ မိနစ်တိုင်းဟာ… ကိုယ်တိုးတက်နိုင်မယ့်အချိန်တွေကို ဆုံးရှုံးနေတာပါ။ကျမ သဘောပေါက်လာတာ တစ်ခုရှိတယ်။အင်အားကြီးတဲ့သူဆိုတာ… အရာအားလုံးကိုထိန်းချုပ်နိုင်တဲ့သူ မဟုတ်ဘူး။ကိုယ်ထိန်းချုပ်နိုင်တဲ့ အရာတွေကိုပဲ စိတ်ရှည်ရှည်နဲ့ အာရုံစိုက်နိုင်တဲ့သူ ဖြစ်တယ်။

အဲဒီစိတ်ဓာတ်က လူတစ်ယောက်ကို တည်ငြိမ်စေတယ်။

ဆုံးဖြတ်ချက်တွေကို ပိုမှန်စေတယ်။စီးပွားရေးမှာလည်း ရေရှည်အောင်မြင်မှုကို တည်ဆောက်ပေးတယ်။နောက်ဆုံးမှာ…ဘဝကို ပင်ပန်းစေတာက ပြဿနာတွေ မဟုတ်ပါဘူး။ကိုယ်မထိန်းချုပ်နိုင်တဲ့ အရာတွေကို လက်မလွှတ်နိုင်သေးတဲ့ စိတ် ဖြစ်ပါတယ်။ဘဝကို ပိုပေါ့ပါးချင်ရင် အရင်ဆုံး လွှတ်ထားတတ်ဖို့ သင်ယူပါ။ဘဝကို ပိုအင်အားကြီးချင်ရင်…ကိုယ်ထိန်းချုပ်နိုင်တဲ့ အရာတွေအပေါ်မှာပဲ နေ့တိုင်း အာရုံစိုက်ပါ။ဘာလို့လဲဆိုတော့…ကိုယ့်ရဲ့ အနာဂတ်ကို ပြောင်းလဲပေးနိုင်တာက… ကိုယ်မထိန်းချုပ်နိုင်တဲ့ အရာတွေ မဟုတ်ဘူး။ ကိုယ်နေ့တိုင်း ရွေးချယ်ပြီး လုပ်ဆောင်နေတဲ့ အရာတွေပဲ ဖြစ်ပါတယ်။ 

Easy One Pot Dinner! Sausage

မာလာမှုန့် ပြုလုပ်နည်း

 အိမ်မှာတင် အလွယ်တကူ လုပ်စားလို့ရမယ့် ရှယ်မာလာမှုန့် ပြုလုပ်နည်း

လူ ၁၀၀မှာ ၉၉ယောက်လောက်ကြိုက်ကြတဲ့… မာလာရှမ်းကောတို့၊ မာလာဒုတ်ထိုးတို့၊ မာလာဟင်းတို့ စားတဲ့အခါ အဓိက အသက်က "မာလာမှုန့်" ပဲမလား?  ဒီနေ့တော့ ဆိုင်ကဝယ်စားစရာမလိုဘဲ အနံ့ရော အရသာပါ ရှယ်မွှေးပြီး စားလို့ကောင်းမယ့် "အိမ်လုပ် မာလာမှုန့်" လုပ်နည်းလေးကို မျှဝေပေးလိုက်ပါတယ်ရှင်။
ကဲ... ပါဝင်ပစ္စည်းလေးတွေနဲ့ လုပ်နည်းကို ကြည့်လိုက်ရအောင်နော် 
 ပါဝင်ပစ္စည်းများ
ငါးမျိုးစပ် ပေါင်ဒါမှုန့် (Five Spices Powder) - ၁ ထုပ်
(သစ်ဂျပိုးခေါက်၊ နာနတ်ပွင့်၊ လေးညှင်းပွင့်၊ ဇီယာစေ့၊ စမုန်စပါး ကြိတ်ထားသော အမှုန့်)
အထုံစေ့ (Sichuan Pepper) - ၁ ထုပ်
နှမ်း - ၁ ထုပ် (ထောင်းရန်အတွက် တစ်ဝက်ချန်ထားပါ)
ငရုတ်သီး အလှော်မှုန့် - ၂ ဇွန်း
ငရုတ်သီး ပေါင်ဒါမှုန့် (သို့) အရောင်တင်မှုန့် - ၁ ထုပ်
ဆား - မိမိစိတ်ကြိုက် (အချိုးအစားအလိုက်)
ကြက်သားမှုန့် (သို့) အချိုမှုန့် - မိမိစိတ်ကြိုက်
သကြား - နည်းနည်း (တရုတ်အရသာ စစ်စစ် ကြိုက်နှစ်သက်သူများအတွက်)
 ပြုလုပ်နည်း အဆင့်ဆင့်
အဆင့် (၁) - ပါဝင်ပစ္စည်းများ လှော်ခြင်း
၁။ အရင်ဆုံး နှမ်းတွေကို အိုးထဲထည့်ပြီး မီးအေးအေးနဲ့ ဖြည်းဖြည်းချင်း မွှေးလာပြီး အရောင်ပြောင်းတဲ့အထိ လှော်ပေးပါ။
၂။ ပြီးရင် အထုံစေ့ကိုလည်း အိုးထဲထည့်ပြီး လှော်ပေးပါ။ ( အရမ်းမွှန်ပြီး အနံ့ပြင်းလို့ လှော်တဲ့အချိန် Mask တပ်ထားဖို့ မမေ့နဲ့နော်!)
၃။ နောက်ဆုံးမှာတော့ ဝယ်ထားတဲ့ ငါးမျိုးစပ် ပေါင်ဒါအမှုန့်လေးကိုလည်း မီးအေးအေးလေးနဲ့ မွှေးသွားအောင် ခဏလှော်ပေးရပါမယ်။
အဆင့် (၂) - ထောင်းခြင်းနှင့် ရောစပ်ခြင်း
၄။ လှော်ထားတဲ့ အထုံစေ့ကို ညက်သွားအောင် အရင်ဆုံး ထောင်းပေးပါ (ကြိတ်စက်ရှိရင် ကြိတ်စက်နဲ့ ကြိတ်လို့ရပါတယ်ရှင်)။
၅။ အထုံစေ့ ညက်ပြီဆိုရင် ခုနကလှော်ထားတဲ့ နှမ်းတစ်ဝက်ကို ထည့်ပြီး "မညက်တညက်လေး" ထပ်ထောင်းပေးပါ။
၆။ ပြီးရင်တော့ ဇလုံတစ်ခုထဲမှာ ထောင်းထားတဲ့ အထုံစေ့နဲ့ နှမ်း၊ လှော်ထားတဲ့ ငါးမျိုးစပ် ပေါင်ဒါမှုန့်၊ ငရုတ်သီးအလှော်မှုန့် (၂ ဇွန်း) နဲ့ ငရုတ်သီးပေါင်ဒါမှုန့် (သို့) အရောင်တင်မှုန့်တို့ကို ထည့်ပြီး သမအောင် ရောမွှေလိုက်ပါ။
အဆင့် (၃) - အရသာသွင်းခြင်း
၇။ အကုန်လုံး သမသွားပြီဆိုရင် အရသာအတွက် ဆား၊ ကြက်သားမှုန့် (သို့) အချိုမှုန့် ထည့်ပါ။ တရုတ်အရသာစစ်စစ်လေး ကြိုက်ရင် သကြားနည်းနည်း ထည့်နိုင်ပြီး၊ မြန်မာတွေအကြိုက်ဆိုရင်တော့ သကြားမထည့်ဘဲ စားနိုင်ပါတယ်ရှင်။
၈။ မိမိစိတ်ကြိုက် အရသာ အပေါ့အငန် မြည်းပြီး လိုအပ်တာ ထပ်ဖြည့်လိုက်ရင်တော့ ရှယ်ကျကျ ကွက်တိ မာလာမှုန့်လေး ရပါပြီနော်။ 
 ပုလင်းလေးထဲ ထည့်သိမ်းထားပြီး မာလာဟင်းပဲလုပ်စားစား၊ မာလာမုန့်ပဲ လုပ်စားစား အဆင်ပြေပြီပေါ့။ အားလုံးပဲ အဆင်ပြေကြပါစေရှင်~

ပြည်ပမှာအလုပ်လုပ်ရင်တော့ အနှိမ်ခံရမှာပဲ 😔

Sandwich

Just 3 minutes to make a delicious and tasty breakfast sandwich filled with soft ham cheese, perfect for breakfast

A genius trick to cook salmon that everyone should know!

နူးညံ့အိစက်နေတဲ့ ဝက်အချိုချက်လေး

 ဝက်သားဟင်းစာ၊းတဲ့အခါမှာ

အရမ်းမအီ‌အောင်

ဆီလုံးဝမထည့်ပဲ

အခုလိုအရည်ကျဲကျဲလေးနဲ့

နူးအိနေအောင်ချက်စားကြည့်နော်

ဒီနည်းလေးနဲ့ချက်မယ်ဆို

ကလေးရော လူကြီးပါ

အကုန်ကြိုက်ကြမှာ အမှန်ပဲရှင်

ချက်နည်းလေးကိုလည်း

သေချာလေးပြောပြပေးထားပါတယ်

1. ဝက်သုံးထပ်သားကို
ပဲငံပြာရည်အကျဲ၊ဆား
ခရုဆီ၊ကြာညို့ထည့်ထားမယ်

ဂျင်း၊ကြက်သွန်ဖြူ
ဓားပြားရို၊က်ထားတာပါထည့်မယ် 

အားလုံးထည့်ပြီးရင်

သေချာနယ်ပြီး မိနစ် ၃၀/
၁ နာရီ နှပ်ထားရပါမယ်

ဒယ်ထဲကို ဆီလုံးဝမထည့်ဘဲ
သကြား ၁ ဇွန်း ရေ ၃ ဇွန်းထည့်ထားပြီး
အခုလိုအရောင်ညိုသည်ထိထားပါမယ်

ပြီးရင် နယ်ထားတဲ့ဝက်သားနဲ့
နာနတ်ပွင့်ထည့်ပြီးလုံးထားမယ်

ရေခမ်းပြီး
အခုလိုအရောင်လှလာသည်ထိ
ကြာကြာလေးလုံးထားပေးမယ်

ဝက်သားမြုပ်ရုံ
ရေနွေးထည့်ပြီး
အဖုံးလေးအုပ်ကာ
ချက်ထားမယ်

ရေလေးခမ်းပြီး
ဝက်သားတွေနူးစပြုလာရင်
ကြက်သွန်နီလေးတွေထည့်မယ်

ရေနွေးခပ်ခပ်များများထည့်ပြီး
အဖုံးလေးအုပ်ကာ ချက်ထားမယ်

ကဲ...အခုဆိုရင်တော့
အရမ်းမအီဘဲ နူးညံ့အိစက်နေတဲ့
ဝက်အချိုချက်လေး ရပါပြီရှင်

စိတ်ထားပုပ်သူလူညစ်ပတ်များနှင့်ဆက်ဆံနည်း

 စိတ်ထားပုပ်သူလူညစ်ပတ်များနှင့်ဆက်ဆံနည်း။

=•=•=•=•=•=•=•=•=•=•=•=•=•=•=•=•=

"ကျွန်တော်တို့အများစုသည်ပင် စိတ်ဖိစီးမှုနဲ့ကြုံတဲ့အခါ

စိတ်ပုပ် စိတ်ဆိုးများ ရှိတတ်ပါတယ်။ တကယ့်စိတ်ထား

ပုပ်သူ လူညစ်ပတ်တွေကတော့ တစ်မူထူးခြားတာပေါ့။

စိတ်ထားပုပ်လာချိန်မှာ အဲဒီသူတွေဟာ တခြားသူတွေကို

နာကျင်ခံစားသွားရအောင် လုပ်ချင်တဲ့သူတွေပါ"လို့ စိတ်

ပညာရှင် အလန် လွိုင်း မက်ဂနီစ် ကဆိုပါတယ်။

"စိတ်ထားဆိုးသူတစ်ဦးက သင့်ကိုခြိမ်းခြောက်ဖို့ကြိုးစား

လာပါက တစ်စုံတစ်ရာပြုမူတုံ့ပြန်လိုက်ပါ။ ငြိမ်ခံနေပါကဆိုးသူကိုအားပေးရာရောက်ပါလိမ့်မယ်"လို့ စီးပွားရေးအကြံပေးပညာရှင် ရစ် ကာ့ရ်ှနာက အကြံပြုပါတယ်။ လူညစ်ပတ်တွေဟာ သဘောလွယ်သူတွေကို ပစ်မှတ်ထားကြတယ်။ ပြောရဲဆိုရဲရှိပါ။ ပြတ်ပြတ်သားသားပြောဆိုတတ်ပါ။

"ကိုယ့်ကို ရိုင်းပြတင်စီးစွာ ခြိမ်းခြောက်ဆက်ဆံလာတာကိုကျွန်မတို့ ယဉ်ကျေးးစွာ ငြင်းပယ်ကန့်ကွက်နိုင်ပါ

တယ်။ဒါဟာလုပ်သင့်တဲ့အရာပါ"လို့ ဂျုဒစ်မာတင် ခေါ်ဆောင်းပါးရှင်က အကြံပြုပါတယ်။

၁။ ထိပ်တိုက်ရင်ဆိုင်ပါ။

မိမိအပေါ်နိုင်ထက်စီးနင်း ခြိမ်းခြောက်လာပါက ကျွန်

တော်တို့ စိတ်ညစ် စိတ်ဓါတ်ကျရမှာ အမှန်ပါပဲ။ သည်းခံ

မှုအတိုင်းအတာတစ်ခုသတ်မှတ်ပြီး ကျော်လွန်လာပါက

မိမိအပေါ်ထိုသို့ပြုမူခြင်းကို လက်မခံနိုင်ပါကြောင်း ပြတ်

ပြတ်သားသားပြောပါ။ ထိုသို့လုပ်ဆောင်၍မှ အလုပ်မ

ဖြစ်လျှင် မိမိအပေါ်ဆက်၍ စော်ကားနေသေးလျှင် သူ့အထက်လူကြီးနဲ့တွေ့ခွင့်တောင်းလိုက်ပါ။

၂။ ပါးနပ်လိမ္မာသောလူမှုပရိယာယ်သုံးပါ။

ထိပ်တိုက်ရင်ဆိုင်ခြင်းဟာ အင်အားကြီးမားတဲ့လက်နက်ဖြစ်ပါတယ်။ သို့သော် သူ့ထက်ပိုသိမ်မွေ့တဲ့နည်းလည်းရှိပါတယ်။ ဥပမာ-ကိုယ်ရှေ့က အတင်းဖြတ်တန်းစီတဲ့လူကို အော်ဟစ်ပစ်လိုက်လို့ရတယ်။ ဒါပေမယ့် သူကပြန်အော်ကောင်း အော်မယ်။ ဒါ့ကြောင့် "ကျေးဇူးပြုပြီး နောက်ကစီပါရှင်၊ လိုင်းအဆုံးက နောက်မှာပါဟု ယဉ်ကျေးစွာ ပြောရုံပါပဲဟာ ဂျုဒစ် မာတင်က ဆိုပါတယ်။

စိတ်ပညာရှင် ကာတာကတော့ "လုပ်ဖော်ကိုင်ဖက်တစ်ဦးကကိုယ်ကို ဒေါက်ဖြုတ် ချောက်ချနေမယ်ဆိုရင် သူ့ဆီကိုတက်သွားပြီး "ကျွန်တော် ခင်ဗျားစိတ်ပျက်အောင် တစ်ခုခုလုပ်မိလို့လား။ ဒါမှမဟုတ် အဆင်မပြေတာ တစ်ခုခုများရှိလို့လား"လို့မေးရုံပါပဲ။ ဒါဟာ ချောက်ချတဲ့ပုဂ္ဂိုလ်ကို အဲဒီအကျိုးဆက်အတွက် စဉ်းစားသွားစေဖို့ပါ"လို့ဆိုပါတယ်။

၃။ ဟာသဉာဏ္သ်သုံးပါ။

"ကိုယ့်ကို ရိုင်းပြစွာ လာရောက်ဆဲဆိုနေပါလျှင်" ရှင်အဲလိုဆဲတတ်တာ ရှင့်အမေမသိဘူးလား။ ရှင့်အမေသိရင်တော့ ဖင်တုတ်နဲ့အဆော်ခံရတော့မှာပဲ ဆိုတာမျိုး ဟာသနှော ခတ်သောသောပြောလိုက်ပါ"လို့ လူမှုဆက်ဆံဆက်ရေးပညာရှင် ကာလီဂါ ကပြောပါတယ်။

၄။ ညစ်ပတ်သူအောက်က ထွက်ပစ်ပါ။

"ကိုယ့်အပေါ် ညစ်ပတ်အနိုင်ကျင့် ခံရတာကို ဘာမှ

မတတ်နိုင်တဲ့အခါ အခြေအနေထဲကရုန်းထွက်လိုက်ပါ"ဟုစိတ်ပညာရှင် ဘရမ်ဆမ်က ဆိုပါတယ်။ အလုပ်ကနေထွက်လိုက်ခြင်း၊ စတိုးဆိုင်ထဲကနေ မဝယ်တော့ပဲ လမ်းလျောက်ထွက်ခဲ့ခြင်းတွေဟာ သတ္တိရှိရှိနဲ့ နောက်ဆုံးကျင့်သုံရမယ့်၊ စိတ်ထဲမှာ အမြဲထားရမယ့်အရာတွေဖြစ်ပါတယ်။

၅။ ခွင့်လွှတ်တတ်ပါ။

"ခွင့်လွှတ်တတ်ခြင်းဟာလည်း ကောင်းတဲ့ဗျူဟာဖြစ်ပါတယ်။ သဘောဆိုးတဲ့ဆွေမျိုးတွေ မင်္ဂလာဆောင်ဖိတ်သင့်မဖိတ်သင့် ကျွန်တော်ကိုမေးကြတယ်"လို့ စာရေးဆရာရက်ဘီ ဟာရိုး ကွတ်ရ်ှနာက ဆိုပါတယ်။ သူ့အကြံပြုချက်က”ကိုယ်ကကောင်းပြီး တံခါးသာဖွင့်ထားလိုက်ပါ။ ဒါဟာ သူတို့ကို တံခါးဆွဲပိတ်လိုက ပိတ်၊ ဖွင့်ထားတဲ့တံခါးပေါက်ကဝင်လိုက ဝင်လာဖို့ ရွေးချယ်ခွင့်ပေးလိုက်ပါ။" လို့ဖြစ်ပါတယ်။

ခွင့်လွှတ်သည်းခံခြင်း၊ နည်းပရိယာယ် ကြွယ်ဝခြင်းတို့ကို

အသုံးပြုပါက စိတ်ထားပုပ်သူလူညစ်ပတ်များကို သင်ရင်ဆိုင်ကြံ့ကြံ့ခံကျော်လွှားနိုင်ပါလိမ့်မယ်။

စိတ်ထားပုပ်သူလူညစ်ပတ်များဟာ နောက်ဆုံးမှာ သူ့

စေတနာသူ အကျိုးပေးတာပါပဲ။ သူတို့နဲ့ထိုက်တန်တဲ့

အပြစ်ဒဏ် ပြန်ခံကြရပြီး မြောင်းထဲရောက်သွားရတဲ့သူတွေများပါတယ်။

ဒေါက်တာမြင့်လွင်(စိတ်ပညာ)

*** ဒေါက်တာမြင့်လွင်(စိတ်ပညာ)၏ လျာရှောင်လင်

သိုင်းနှင့်စိတ်ထားပုပ်သူ လူညစ်ပတ်များနှင့် ဆက်ဆံနည်းစာအုပ်မှ ကောက်နှုတ်ဖော်ပြပါသည်။

ခရမ်းချဉ်သီးငါးပိချက်

Spicy japchae & Bulgogi rice

Breakfast for husband day 45 - Spicy japchae & Bulgogi rice

1. Place 2 cups of rice, 2 cups of water, and 300g of seasoned Bulgogi in the inner pot. (Bulgogi Marinade: 300g beef, 3 tbsp soy sauce, 1 tbsp sugar, 1 tbsp minced garlic, a pinch of black pepper, sesame seeds, and 1 tbsp sesame oil)

2. Place a steamer rack over the rice.

3. In a heatproof glass container, add a handful of soaked glass noodles, 2 sheets of fish cakes (sliced), 3 tbsp soy sauce, 2 tbsp allulose, 2 tbsp cooking wine (mirin), 2 tbsp sesame oil, 1 tbsp red chili powder, and a handful of soybean sprouts.

4. Place a 3-compartment stainless steel container on the rack.

5. In the first compartment, mix 2 eggs with an equal amount of water, a splash of cooking wine, and a pinch of salt (for steamed eggs).

6. In the second compartment, add kimchi, a drizzle of sesame oil, and canned tuna (for steamed tuna-kimchi).

7. In the third compartment, place the fatsia shoots.

8. Cook on Rice mode (or Mixed Grain mode) for 10 minutes.

9. To finish: Drizzle sesame oil on the steamed eggs, serve the fatsia shoots with gochujang (spicy dipping sauce), and sprinkle sesame seeds over the tuna-kimchi.

10. Mix the spicy soybean sprout glass noodles well and garnish with sesame seeds.

11. Add a generous amount of chopped garlic chives to the Bulgogi rice and mix thoroughly.

1. Put in 2 cups of rice, 2 cups of water and 300g of marinated bulgogi (Bulgogi Seasoning: 300g meat, 3 tablespoons of soy sauce, 1 teaspoon of sugar, 1 teaspoon of minced garlic, pepper, sesame seeds, 1 teaspoon of sesame oil) 2. Putting in the bag 3. Put in a glass container of internal heating, 2 pieces of fish, 3 tablespoons of soy sauce, 2 tablespoons of alcholos, 2 tablespoons of sweet wine, 2 tablespoons of sesame oil, 1 teaspoon of buckwheat flour, and a can of spring sprouts 4. Putting in a 3 layer stainless steel side dish 5. Coated with 2 eggs, a lot of water, baking soda, and salt 6. I put in kimchi, sesame oil and chicken tuna. 7. Gives you the brain 8. I'll do it for 10 minutes in absorber mode. 9. Sesame oil for egg rolls, sesame oil for brain rolls, and sesame for tuna kimchi rolls to finish it off 

10. Sprouted spicy pickles and stirred with sesame seeds 

Chocolate palm tree! 🌴🥥 And coconut gelato!

တလွဲလူ့အဖွဲ့အစည်း

 ရှိုပင်ဟောင်ဝါပြောသလို ငါ့ကိုမွေးဖွားပြီး ငါးမိနစ်အတွင်းမှာ လူတွေက ငါ့နာမည်၊ ငါ့ရဲ့ဘာသာ၊ ငါ့ရဲ့လူမျိုးကအစ သတ်မှတ်လိုက်ကြတယ်၊ ပြီးတော့ ငါကိုယ်တိုင်ရွေးချယ်ခဲ့တာမဟုတ်တဲ့အရာတွေကို ကာကွယ်ရင်း ကျန်ရှိနေတဲ့ဘဝတစ်ခုလုံးကို ကုန်ဆုံးဖို့ သင်ကြားခံခဲ့ရတယ်။

သူ့ဘာသာပျံနေတဲ့ ငှက်ကိုဖမ်းပြီး ဘုရားမှာ ငှက်ပြန်လွှတ်တာကို သာဓုခေါ်နေထဲက မင်းတို့သောက်တလွဲလူ့အဖွဲ့အစည်းကြီးကို ငါအယုံအကြည်မရှိတော့တာပဲ။

𝗔𝗹𝗲𝘀𝘀𝗮𝗻𝗱𝗿𝗼 𝗔𝗱𝘃𝗲𝗻𝘁𝘂𝗿𝗲

နိုင်ငံရေးကို အလစ်မပေးကြပါနဲ့ ငါတို့မှာငါတို့ပဲ ရှိ

 မင်းအောင်လှိုင်က ဗိုလ်နေဝင်းမအောင်မြင်ခဲ့တဲ့ စနစ်တစ်ခုကို

ပြန်အသက်သွင်းဖို့ ကြိုးစားနေတယ်။

မင်းအောင်လှိုင်သွားနေပုံက

ပါတီစုံဒီမိုကရေစီ ဘာညာဆိုတဲ့ အသံကို ဝင်ကစွပ်လို အငှားခန္ဓာခြုံပြီး လှုပ်တုပ်လှုပ်တုပ်ဖြစ်နေတယ် ။

သူလုပ်နေတာတွေ ဘွားခနဲ ရုပ်လုံးပေါ်လာတဲ့အခါ သူ့ကို

ဘယ်သူမှ လက်မခံရင်တောင် သူက

တရုတ်ကွန်မြူနစ်တို့ ၊ဂျပန်မင်းဆက်တစ်ခုတို့ ဟိုးတုန်းက လုပ်ခဲ့ဖူးသလို တခါးပိတ်ဝါဒထိ အမိုက်ခံပြီး လုပ်လိမ့်မယ်။

(အချောင်ရနေတဲ့ တရုတ်ကွန်မြူနစ်လို ကပ်ပါးဗိုင်းရပ်စ်ကတော့ ရိုးတွင်းချဥ်ဆီထိရောက်နေပြီမို့ တံခါးပိတ်လည်း အတွင်းမှာ ရှိနေမှာပဲ။)

ကျွန်နော်သတိပေးချင်တာက ပြည်တွင်းပိုင်ဆိုင်မှု အားကောင်းနေဆဲ ခရိုနီ ခရိုနက်များအတွက်ဖြစ်ပါတယ်။ ဦးတို့ ၊အဒေါ်တို့ ၊ အကိုတို့ အစ်မတို့က ကျွန်တော့်ထက်တော့ ပိုသိကြ ပိုအကွက်မြင်ကြမယ်

ထင်ပါတယ်။ ဟုတ်ပါတယ်။

အခုလို နိုင်မြင်းစောင့်လောင်းရင်း ရုတ်တရတ် မလုပ်ရဲတာဘာမှ မရှိဘူးဟေ့ဆိုတဲ့အကွက်ထဲ ရောက်သွားမှဟုတ်ပေ့ ဖြစ်နေမှာလည်း

ကျွန်နော်က စိုးရိမ်ပေးတာပါ။ ဥပမာအနေနဲ့သတိပေးရရင် မင်းအောင်လှိုင်ရဲ့သမီးက သူ့ပိုင်ဆိုင်မှုတွေကို ရွှေထည်အနေနဲ့ပြည်ပ စပို့နေပြီဆိုတာ သတိရစေချင်ပါတယ်။

ဟုတ်ကဲ့။ တရုတ်ကွန်မြူနစ်အစိုးရအနေနဲ့လည်း ဂုဏ်သိက္ခာအကြောင်းပြ စစ်ပွဲတစ်ခုထဲ ခြေချော်လက်ချော် ကျဆင်းရဖို့ရှိနေပြန်တော့

ရေရှည်မှာ ကိုယ့်တိုင်းပြည်ရဲ့ ကံကြမ္မာလည်း

ရေထဲက ဘူးပေါ်သလို ဘွားခနဲ ပြန်ကောင်းလာဖို့ လိုပါတယ်။

ဒါကြောင့် တိုးတိုးတိတ်တိတ်ပဲဖြစ်ဖြစ် များများစားစားပါဝင်လာပေးကြဖို့ မေတ္တာရပ်ခံချင်ပါတယ်။

ကျွန်နော့်ဆီကို လာလှူရမှာ မဟုတ်ပါဘူး။ ကာကွယ်ရေးဝန်ကြီးဦးရည်မွန်နဲ့

ဖက်ဒရယ်ဦးဆောင်ကော်မတီဆီ တိုက်ရိုက်သွားကြဖို့ဖြစ်ပါတယ်။

နိုင်ငံရေးကို အလစ်မပေးကြပါနဲ့

ငါတို့မှာငါတို့ပဲ ရှိပါတယ်။

မဟာချို

၄လ အချိန်ပေးရုံနဲ့ 5 ကီလိုမီတာကို မနားတမ်း မိနစ်သုံးဆယ်အောက်ပြေးနိုင်ဖို့

၄လ အချိန်ပေးရုံနဲ့ 5 ကီလိုမီတာကို မနားတမ်း မိနစ်သုံးဆယ်အောက်ပြေးနိုင်ဖို့

အပြေးလောကထဲကို အခုမှခြေချမယ့် အသစ်စက်စက် Beginner လေးတွေအတွက် သီးသန့်လမ်းညွှန်ပါ

5 Km ကို မိနစ် ၃၀ အောက် (Sub-30) ပြေးနိုင်ဖို့ အခြေခံမှ စတင်မယ့်သူများအတွက် အသေးစိတ်အကျဆုံးနဲ့ အပြည့်စုံဆုံး Guide လေးဖြစ်ပါတယ်။ Facebook ပေါ်မှာ Save ထားပြီး ကိုယ့်ရဲ့ Running Journey အတွက် အမြဲပြန်ကြည့်လို့ရအောင် ရေးသားပေးထားပါတယ်။

ရည်ရွယ်ချက်

ဒီ Guide ဟာ အပြေးကို အခုမှစလုပ်မယ့် Beginner Runner တွေအတွက် သီးသန့်ဖြစ်ပါတယ်။ 5 Km ကို မိနစ် ၃၀ အောက် (Pace 6:00 min/km) ဖြင့် ကျန်းမာစွာ၊ ဒဏ်ရာ (Injury) လုံးဝမရဘဲ၊ အခြေခံကောင်းကောင်းနဲ့ ပြေးနိုင်ဖို့ လမ်းညွှန်ပေးထားပါတယ်။

ဒီ Plan ဟာ ပြိုင်ပွဲမှာ Race အနိုင်ရဖို့ မဟုတ်ပါဘူး။ Running ကို မှန်မှန်ကန်ကန် သင်ယူပြီး အနာဂတ်မှာ 10K, Half Marathon နဲ့ Marathon အထိ ဆက်တက်နိုင်ဖို့ ခိုင်မာတဲ့ အခြေခံ Foundation တည်ဆောက်ပေးမယ့် Guide ဖြစ်ပါတယ်။

အရင်ဆုံး သိထားသင့်တဲ့ အချက်

5 Km ကို 30 မိနစ်အောက် ပြေးနိုင်တယ်ဆိုတာ...

တစ်ကီလိုမီတာကို 6:00 min/km Pace (အမြန်နှုန်း) နဲ့ ပြေးရပါမယ်။

အနားမယူဘဲ ဆက်တိုက် ပြေးနိုင်ရပါမယ်။

နှလုံး၊ အဆုတ်၊ ကြွက်သား၊ အရိုး၊ အရွတ် အားလုံး တဖြည်းဖြည်း အလေ့အကျင့်ရလာဖို့ လိုပါတယ်။

အများစုက "မြန်မြန်ပြေးရင် မြန်လာမယ်" လို့ ထင်ကြပေမယ့်... တကယ်မြန်လာတဲ့ Runner တွေရဲ့ လျှို့ဝှက်ချက်က အများစုကို ဖြည်းဖြည်းပဲ လေ့ကျင့်ကြတာပါပဲ။

ဒီ Plan က ဘယ်သူတွေအတွက်လဲ?

အခုမှ စပြေးမယ့်သူ

လုံးဝ မလေ့ကျင့်ဖူးသူ

Overweight ဖြစ်နေသူ (ကိုယ်အလေးချိန်များသူ)

အသက် ၂၀ ကနေ ၆၀ ကျော်အထိ (ကျန်းမာရေးပြဿနာမရှိသူ, အသက်ငယ်ရွယ်သူများ အချိန်ပိုမြန်နိုင်)

5 Km ကို တစ်ခါမှ မပြေးဖူးသူ

မစခင် ဆရာဝန်နဲ့ တိုင်ပင်သင့်တဲ့သူများ

အောက်ပါအခြေအနေတွေ ရှိရင် လေ့ကျင့်ရေး မစခင် ဆရာဝန်နဲ့ အရင်တိုင်ပင်ပါ-

နှလုံးရောဂါ

သွေးတိုး မထိန်းနိုင်သေးခြင်း

ဆီးချို မထိန်းနိုင်သေးခြင်း

ဒူး၊ ခြေကျင်းဝတ်၊ ခါးနာတာ ပြင်းထန်ခြင်း

အသက်ရှူလမ်းကြောင်းရောဂါ ပြင်းထန်ခြင်း

Timeline ဘယ်လောက်ကြာမလဲ? (လက်တွေ့ကျကျ တွက်ချက်မှု)

Sub-30 5K ဆိုတာ လွယ်တဲ့ ပန်းတိုင်မဟုတ်ပါဘူး။ လူတိုင်း Timeline မတူနိုင်ပါဘူး။ လက်တွေ့ကျကျ အချိန်ယူရမယ့် ခန့်မှန်းခြေတွေကတော့-

အသက်ငယ်၊ Active ဖြစ်သူ: 12–16 ပတ်

ပုံမှန် မလေ့ကျင့်ဖူးသူ: 16–24 ပတ်

Overweight (ကိုယ်အလေးချိန်များသူ): 24–30+ ပတ်

အသက် 50+ ကျော်: 24–30+ ပတ် (Recovery အတွက် အချိန်ပိုလိုပါတယ်)

(မှတ်ချက် - အသက်၊ ကိုယ်အလေးချိန်၊ အလုပ်အကိုင်၊ အိပ်ချိန်၊ စားသောက်ပုံနဲ့ Recovery အပေါ်မူတည်ပြီး Timeline ပြောင်းလဲနိုင်ပါတယ်။ မြန်မြန်မရတာ မအောင်မြင်တာ မဟုတ်ပါဘူး။ ခန္ဓာကိုယ်ကို အချိန်ပေးပါ။)

Weight က အရေးကြီးလား?

အရေးကြီးပါတယ်။ ကိုယ်အလေးချိန်များလေလေ ဒူးအပေါ် ဖိအားပိုများပြီး Recovery ပိုကြာတတ်ပါတယ်။ အစပိုင်း Pace နှေးတာ ပုံမှန်ပါ။

ဒါပေမယ့်... အရင် Weight လျှော့ဖို့ မလိုပါဘူး။ Running နဲ့ Nutrition ကို မှန်မှန်လုပ်ရင်း Weight က သဘာဝကျကျ လျော့လာပါလိမ့်မယ်။

အသက်အရွယ်ရဲ့ သက်ရောက်မှု

20–35 နှစ်: Recovery မြန်နိုင်ပါတယ်။

35–50 နှစ်: Recovery ကို ပိုဂရုစိုက်ပါ။

50+ နှစ်: တိုးနှုန်းကို နှေးစေပြီး Rest Day ပိုထားပါ။ (အသက်ကြီးလို့ မပြေးနိုင်တာ မဟုတ်ပါဘူး၊ Recovery အချိန်ကို ပိုလေးစားဖို့ လိုတာပါ။)

Beginner တွေ လုပ်မိတတ်တဲ့ အမှားများ

အစနေ့မှာတင် အမြန်ပြေးခြင်း

နေ့တိုင်းပြေးခြင်း

Warm-up လုံးဝမလုပ်ခြင်း

Strength Training မလုပ်ခြင်း

အိပ်ရေးမဝခြင်း

အစားမစားဘဲ ပြေးခြင်း

တခြားသူရဲ့ Pace ကို အတင်းလိုက်ပြေးခြင်း

Training Principle (လေ့ကျင့်ရေး မူဝါဒ)

80% Easy Run (စကားပြောနိုင်သေးတဲ့ အေးဆေးအရှိန် ဖြစ်ရပါမယ်)

20% Hard Workout (အားစိုက်ရသော လေ့ကျင့်ခန်း)

အပတ်စဉ် Training Plan ပုံစံ (ဥပမာ)

တနင်္လာ: အနားယူ / လမ်းလျှောက် 20–30 မိနစ်

အင်္ဂါ: Easy Run

ဗုဒ္ဓဟူး: Strength Training

ကြာသပတေး: Easy Run + Running Drill

သောကြာ: Recovery Walk + Mobility

စနေ: Long Easy Run

တနင်္ဂနွေ: Rest + Stretching

Long Run ကို ဘယ်လိုတိုးမလဲ?

2 km 3 km 4 km 5 km 6 km 7 km 8 km

(စည်းကမ်း - တစ်ပတ်ကို Distance ရဲ့ 5–10% လောက်သာ တိုးပါ။)

Nutrition Guide (အာဟာရ လမ်းညွှန်)

မပြေးခင် (1–3 နာရီ အလို)

စားရန်: ထမင်း၊ Oatmeal၊ ငှက်ပျောသီး၊ ပေါင်မုန့်၊ အာလူး။

ရှောင်ရန်: အဆီများတဲ့ အစားအစာများ၊ အရက်သေစာ။

ပြေးပြီး (30–60 မိနစ်အတွင်း)

Protein (20-30g) နဲ့ Carbohydrate ကို ပြန်ဖြည့်ပေးပါ။

စားရန်: ကြက်ဥ၊ ကြက်သား၊ ငါး၊ နို့၊ ထမင်း၊ အသီး။

ရေသောက်နည်း

နေ့စဉ် ရေလုံလောက်စွာ (2-3 လီတာ) သောက်ပါ။

30–45 မိနစ် Easy Run: အများအားဖြင့် ရေသောက်ဖို့ မလိုပါ။ (မပြေးခင် 300-500 ml သောက်ထားပါ)

45–60 မိနစ်: ရေရှိရင် သောက်နိုင်ပါတယ်။

60 မိနစ်ကျော်: ရေ + Electrolyte ဓာတ်ဆား ကို မဖြစ်မနေ စဉ်းစားပါ။

Recovery (ပြန်လည်အားဖြည့်ခြင်း)

Recovery က Training ထက်မနည်း အရေးကြီးပါတယ်။

အိပ်စက်ခြင်း: တစ်နေ့ 7–9 နာရီ အိပ်ပါ။ Sleep က Recovery အတွက် အကောင်းဆုံး Supplement ပါပဲ။

Stretching (Run ပြီးတိုင်း လုပ်ရန်): Calf, Hamstring, Quad, Hip Flexor, Glute တွေကို Stretch လုပ်ပါ။

Foam Roller: ရှိရင်သုံးပါ၊ ကြွက်သားတင်းတာ လျော့စေပါတယ်။

Recovery Walk: Run ပြီးရင် 5–10 မိနစ် လမ်းလျှောက်ပါ။

Strength Training (တစ်ပတ် 2 ကြိမ်)

Runner တွေ Injury Prevention (ဒဏ်ရာကာကွယ်ဖို့) အတွက် အလွန်အရေးကြီးပါတယ်။

Squat (12 ကြိမ် x 3)

Lunge (10 ကြိမ် x 3)

Glute Bridge (15 ကြိမ် x 3)

Calf Raise (20 ကြိမ် x 3)

Plank (30–60 စက္ကန့် x 3)

Side Plank (2 ကြိမ်)

Running Drill (Run မစခင် Warm-up)

5–10 မိနစ်ခန့် Brisk Walk အပြင် အောက်ပါတို့ကို လုပ်ပါ။

Leg Swing

High Knee

Butt Kick

A Skip

Hip Circle

Injury ဖြစ်လာရင်...

Run တာကို ချက်ချင်းရပ်ပါ။ အောက်ပါအခြေအနေတွေ ရှိရင် ဆက်မပြေးပါနဲ့-

ချွန်ထက်တဲ့ နာကျင်မှု (Sharp pain)

ဒူးရောင်ခြင်း

ခြေကျင်းဝတ် ရောင်ခြင်း

လမ်းလျှောက်ရင်တောင် နာနေခြင်း

(မှတ်ချက် - "No Pain, No Gain" ဆိုတဲ့စကားကို Running မှာ မသုံးသင့်ပါဘူး။)

Do & Don't အနှစ်ချုပ်

Do (လုပ်သင့်သည်များ)

ဖြည်းဖြည်း စပါ။

Easy Run များများလုပ်ပါ။ တစ်ပတ် ၃ ရက်ပြေးရင် လုံလောက်ပါတယ်။

Warm-up, Stretch, Strength Training မဖြစ်မနေလုပ်ပါ။

အိပ်ရေးဝအောင် အိပ်ပါ။ ရေလုံလောက်စွာ သောက်ပါ။

ကိုယ့် Progress ကို ကိုယ်နဲ့ပဲ နှိုင်းယှဉ်ပါ။ Training Log ရေးပါ။

Recovery ကို အလေးထားပါ။ စိတ်ရှည်ပါ။

Don't (မလုပ်သင့်သည်များ)

နေ့တိုင်း Hard Run မလုပ်ပါနဲ့။ နေ့တိုင်း ပြေးဖို့ မလိုပါ။

Week တစ်ခုကို Distance 10% ထက် ပိုမတိုးပါနဲ့။

Pain ကို မလျစ်လျူရှုပါနဲ့။ ဒဏ်ရာကို အတင်းခံမပြေးပါနဲ့။

အစာမစားဘဲ Long Run မထွက်ပါနဲ့။ အိပ်ရေးမဝဘဲ Hard Workout မလုပ်ပါနဲ့။

Social Media ပေါ်က သူများ Pace ကို မလိုက်ပါနဲ့။

ဈေးအကြီးဆုံးဖိနပ်ရှိရင် မြန်မယ်လို့ မထင်ပါနဲ့။

Sub-30 5K အတွက် အရေးကြီးဆုံး အချက် (၅) ချက်

Consistency: တစ်ပတ် ၃–၄ ရက် ပုံမှန်ပြေးပါ။

Easy Run: အများစုကို အေးအေးဆေးဆေး ပြေးပါ။

Recovery: အနားယူခြင်းကို Training တစ်ပိုင်းအဖြစ် သတ်မှတ်ပါ။

Strength: ကြွက်သားသန်မာမှ ဒဏ်ရာနည်းပါမယ်။

Patience: အလျင်မလိုပါနဲ့၊ ခန္ဓာကိုယ်ကို အချိန်ပေးပါ။

လက်တွေ့ကျသော 16 ပတ် Training Plan

(လိုအပ်ရင် အပတ်စဉ်တွေကို ထပ်ခါထပ်ခါ လုပ်သွားနိုင်ပါတယ်။ အလျင်မလိုပါနဲ့။)

Phase 1 (Week 1–4): Habit & Body Adaptation

Week 1: (Run 1 min, Walk 2 min) x 10 ကြိမ် (အင်္ဂါ၊ ကြာသပတေး) | စနေနေ့ 30 မိနစ် လမ်းလျှောက်

Week 2: (Run 2 min, Walk 2 min) x 8 ကြိမ် (အင်္ဂါ၊ ကြာသပတေး) | စနေနေ့ 30 မိနစ် လမ်းလျှောက်

Week 3: (Run 3 min, Walk 2 min) x 7 ကြိမ် (အင်္ဂါ၊ ကြာသပတေး) | စနေနေ့ 30 မိနစ် လမ်းလျှောက်

Week 4: (Run 5 min, Walk 2 min) x 5 ကြိမ် (အင်္ဂါ၊ ကြာသပတေး) | စနေနေ့ 30 မိနစ် လမ်းလျှောက်

Phase 2 (Week 5–8): Continuous Running

Week 5: Run 10 min, Walk 2 min, Run 10 min (အင်္ဂါ) | Easy Run 20 min (ကြာသပတေး) | Long Run 3 km (စနေ)

Week 6: Easy Run 25 min (၂ ရက်) (အင်္ဂါ၊ ကြာသပတေး) | Long Run 4 km (စနေ)

Week 7: Easy Run 30 min (၂ ရက်) (အင်္ဂါ၊ ကြာသပတေး) | Long Run 5 km (စနေ) (အရှိန်မကြည့်ပါ)

Week 8: Easy Run 35 min (အင်္ဂါ), Easy Run 30 min (ကြာသပတေး) | Long Run 6 km (စနေ)

Phase 3 (Week 9–12): Build Endurance

Tuesday: Easy Run 35–40 min

Thursday (Tempo Intro): Warm-up 10 min > 10 min Pace (6:30–6:45) > Cool Down

Saturday (Long Run): Week 9 (6 km) Week 10 (7 km) Week 11 (8 km) Week 12 (8 km)

Phase 4 (Week 13–16): Build Speed for Sub-30

Tuesday: Easy Run 40 min

Thursday (Speed):

Week 13: 400m Fast, 400m Walk (x4)

Week 14: 400m (x5)

Week 15: 800m (x3)

Week 16: 1 km (x3)

(အပိုင်းတစ်ခုချင်းကြား 2–3 မိနစ် လမ်းလျှောက်ပါ)

Saturday (Long Run & Trial): Week 13 (8 km) Week 14 (9 km) Week 15 (10 km) Week 16 (5K Time Trial - Target Pace 6:00/km)

အောင်မြင်မှုကို ဘယ်လိုတိုင်းတာမလဲ?

Week 4 20 မိနစ် ဆက်တိုက်ပြေးနိုင်တယ်။

Week 8 5 km ကို မရပ်ဘဲ ပြေးနိုင်တယ်။

Week 12 8 km Long Run ပြေးနိုင်တယ်။

Week 16 5 km ကို 30 မိနစ်အောက်နဲ့ ပြေးနိုင်ဖို့ ကြိုးစားတယ်။

နောက်ဆုံး အကြံပြုချက်

5 Km ကို မိနစ် ၃၀ အောက် ပြေးနိုင်တာက အစပဲ ဖြစ်ပါတယ်။ တကယ်အရေးကြီးတာက...

ကျန်းမာတဲ့ ခန္ဓာကိုယ်၊ ဒဏ်ရာကင်းတဲ့ Running Life နဲ့ နှစ်ပေါင်းများစွာ ဆက်ပြေးနိုင်တဲ့ အလေ့အကျင့် ကို တည်ဆောက်နိုင်ဖို့ ဖြစ်ပါတယ်။ အရေးကြီးဆုံးက "Sub-30" မဟုတ်ပါဘူး။ ပျော်ပျော်ရွှင်ရွှင်နဲ့ ဆက်ပြေးနိုင်တဲ့ Runner ဖြစ်လာဖို့ပါ။

Runner ကောင်းတစ်ယောက်ဟာ မြန်မြန်ပြေးတဲ့သူ မဟုတ်ဘူး။ မှန်မှန်၊ စိတ်ရှည်ရှည်နဲ့ နှစ်ရှည်လများ ဆက်ပြေးနိုင်တဲ့သူပါ။

"Run Slow. Recover Well. Stay Consistent. The Speed Will Follow."

ဒီ Post လေးကို Share ထားပြီး ကိုယ့်ရဲ့ ပထမဆုံး 5K Sub-30 Goal ကို ဒီနေ့ပဲ စတင်လိုက်ပါ!