ကိုယ်ခံအားကောင်းစေမယ့် သဘာဝစွပ်ပြုတ် 🍲

 ဖျားနာမှုတွေ အဖြစ်များတဲ့ ခုလို ရာသီမှာ သက်ကြီးရွယ်အိုတွေ နဲ့ ကလေးတွေအတွက် မဖြစ်မနေ လုပ်ကျွေးသင့်တဲ့ စွပ်ပြုတ်လေးမို့ လုပ်နည်းအဆင့်ဆင့်ကို ပုံလေးတွေနဲ့ ပြောပြပေးလိုက်ပါတယ်ရှင်။

မိမိ ကြိုက်နှစ်သက်ရာ အရိုး နှင့် ပဲတစ်မျိုးမျိုးကို သုံးပါ။ နန္ဒာကတော့ ဆိတ်ဒူးရိုးကို အသုံးပြုထားပါတယ်ရှင်။ အရိုးတွေကို ရေနွေးဆူဆူမှာ ၁၀ မိနစ်ခန့် တစ်ရေပြုတ်သွန်ပြီးမှ အသုံးပြုလည်းရပါတယ်နော်။

မတူညီတဲ့ အသီးအနှံ အနည်းဆုံး ၃ မျိုးထည့်ပါမယ်။ ပြီးရင် ကြက်သွန်မြိတ်၊ ဂျင်းထည့်ပါမယ်။ ကြက်သွန်ဖြူကိုတော့ ကြက်ရိုး၊ ဝက်ရိုး အသုံးပြုမယ့်သူတွေ ထည့်ပေးပါ။

အားလုံးကို ကိုယ်ပြုတ်မယ့် အိုးတစ်ခုထဲ ထည့်ပါမယ်။ ဘယ်အိုး မဆို၊ ဘယ် မီးဖိုမဆို ရပါတယ်။ ရေကို အရိုး နဲ့ အသီးအနှံတွေမြုပ်အောင် ထည့်ပြီး အရသာအတွက် ဆားတစ်မျိုးပဲ အနည်းငယ်ထည့်ပေးပါတယ်ရှင်။ အချိုအရသာက အရိုး နဲ့ အသီးအနှံတွေထဲက စိမ့်ထွက်လာမှာမို့ တခြား ဘာဟင်းခတ်မှုန့်မှ ထည့်စရာမလို သဘာဝအတိုင်း ပြုတ်လို့ရပါတယ်နော်။

နန္ဒာကတော့ ဒီ လျှပ်စစ်မြေအိုးလေးကို သုံးပါတယ်။ အားလုံးပြီးရင် အဓိကက အဖုံးဖုံးပြီး မီးအအေးဆုံးလေးနဲ့ အချိန် ၃ နာရီခန့် အနည်းဆုံး ပြုတ်ပေးဖို့ပါ။ အဲ့လိုပြုတ်ရင် ရေလည်း တအားမခမ်းပါဘူး။ ခမ်းသွားရင်လည်း ရေနွေးလေး လိုသလို လိုက်ပြီး တည်ပေးပါ။

နန္ဒာကတော့ ၄ နာရီလောက် တောက်လျှောက်တည်ထားလိုက်တာ နောက်ဆုံးမှာ အရိုးထဲကရော အသီးအနှံတွေထဲကပါ သဘာဝ အာဟာရ နဲ့ အချိုဓာတ်တွေ စိမ့်ထွက်ပျော်ဝင်နေတဲ့ ကိုယ်ခံအားမြှင့်စွပ်ပြုတ်တစ်ခွက် ရလာပါတယ်ရှင်။ လူကြီး နဲ့ ကလေးတွေ၊ နလန်ထစ လူမမာတွေအတွက် ခွန်အားပြည့်စေပြီး လုပ်ပေးတဲ့သူအဖို့လည်း လုပ်ရလွယ်လွန်းတာမို့ မဖြစ်မနေ လုပ်သောက်ကြပါနော်။

စေတနာဖြင့် -
အချက်တစ်လိုင်း နန္ဒာ

ဟင်းချက်နည်း ရိုးရိုးရှင်ရှင်းနဲ့ အရသာရှိမယ့် ထမင်း ဟင်းလျာများ

 ဟင်းလျာချက်ပြုတ်ခြင်းနဲ့ အကျွမ်းတဝင်မရှိသူများအတွက်ရည်ရွယ်ပြီး ဟင်းချက်နည်း ရိုးရိုးရှင်ရှင်းနဲ့ အရသာရှိမယ့် ထမင်း ဟင်းလျာများကို ချက်ပြုတ်နိုင်မယ့်နည်းလမ်းများကို မျှဝေပေးထားပါတယ်….

ဘီယာနဲ့စိမ်ပြီးနှပ်တဲ့နံရိုးနှပ်

https://www.facebook.com/share/r/1BnzBB17e3/?mibextid=wwXIfr

ဝက်မှိုထမင်း

https://www.facebook.com/share/r/1A2ZLZBoH5/?mibextid=wwXIfr

ပဲငံပြာရည် ငါးပိစိမ်းစားတို့နဲ့ကြော်တဲ့ ထမင်းကြော်

https://www.facebook.com/share/r/1Aj4kPUnh1/?mibextid=wwXIfr

အုန်းထမင်း

https://www.facebook.com/share/r/1C9pNQ5MnG/?mibextid=wwXIfr

ဆိတ်သားနှပ်

https://www.facebook.com/share/r/1JViCzE1GG/?mibextid=wwXIfr

Kachin house အသားကင်

https://www.facebook.com/share/r/1FHF68hXtp/?mibextid=wwXIfr

Kachin house အမှုန့်နဲ့ အရသာသွင်းပုံ

https://www.facebook.com/share/r/1CnhLHPJL6/?mibextid=wwXIfr

အနောက်တိုင်းပုံစံအသားကင်

https://www.facebook.com/share/r/17ZwoNWVN8/?mibextid=wwXIfr

ကြက်သားဒိန်ချဉ်နှပ်

https://www.facebook.com/share/r/19x2kfpboq/?mibextid=wwXIfr

သီးစုံထောပါတ်ထမင်း

https://www.facebook.com/share/r/17noG49xS2/?mibextid=wwXIfr

စာဖတ်သူများ ကိုယ်ကျန်းမာ စိတ်ချမ်းသာရှိကြပါစေ

ဆိတ်ရိုးပဲဟင်းမွှေးမွှေးလေး

ဆိတ်ခေါင်းရိုးနဲ့ပဲဟင်း ချက်နည်း

 ကဲ ကဲ ကိုရာဂျစ်ရဲ့ ဇနီးလောင်းအဖြစ် အရွေးခံမယ့်မမတို့အတွက် ဆိတ်ခေါင်းရိုးနဲ့ပဲဟင်း ချက်နည်း

တင်ပေးလိုက်ပြီနော်။ ကိုရာဂျစ်ကြိုက်တဲ့ ပူရီ

ဖောင်းဖောင်းလေး ကြော်နည်းပါ အစစ်ထည့်ပေးလိုက်ပါတယ်။

ကဲ အမြန်လေး ချက်ပြီး ဝင်ရွေးကြတော့ ဗျာ

အဆင်ပြေသွားရင် ဂဲဖိုးမမေ့နဲ့နော်

အရိုးပြုတ်ရည်အကြောင်း

 "အရိုးပြုတ်ရည်အကြောင်း"

~~~~~~~~~~~~~~~~
အရိုးပြုတ်ရည်အကြောင်းပြောလို့ကျွန်တော်
နှစ်ပေါင်းများစွာသင်္ဘောပေါ်မှာအတူတူလက်တွဲ
အလုပ်လုပ်ခဲ့တဲ့ကိုရီးယားလူမျိုးတွေရဲ့ရိုးရာဓလေ့
အစားစာထဲမှာကင်ချီမုံ့ညှင်းချဉ်ပါတ်၊တနင်္ဂနွေနေ့
စပယ်ရှယ်အနေနဲ့ကိုရီးယားဂျင်စင်းကြက်ပေါင်းမှာ
ဇီးသီးစေ့လေးတွေပါတယ်၊နောက်တခုကတော့သူ
တို့တန်ဖိုးထားပြီးသောက်ကြတဲ့အမဲရိုးပြုတ်ရည်
ပြုတ်နည်းအကြောင်းလေးပြောပြပါမယ်။
ကိုးရီယားပြုတ်ကိုပိုမိုနှစ်သက်ရတဲ့အကြောင်းရင်းကတော့အရိုးတွေပြုတ်ရည်တွေပြုတ်ပြီးတာနဲ့တိရစ္ဆာန်အဆီတွေကိုဖယ်ထုတ်ပြစ်လိုက်ပြီးလိုအပ်တဲ့ကော်လက်ဂျင်နဲ့ဂလူကိုမင်တွေကယ်လဆီယမ်စသည်ဖြင့်ဗီတာမင်တွေကိုရယူလိုက်တာပါ၊အရိုးပြုတ်ရည်ကိုအရိုးတွေထည့်ပြုတ်ပြီးတခါထဲစားသုံးတာမျိုးဆိုရင်တိရစ္ဆာန်အဆီတွေပါစားသုံးသလို့ဖြစ်လို့သိပ်မပြေပါဘူး၊အဲဒါကြောင့်ကိုရီးယားအရိုးပြုတ်ရည်နည်းစနစ်ပိုနှစ်သက်မိပါတယ်။
အမဲရိုးကိုသန့်စင်အောင်ဆေးကြောပြီးအရိုးကိုရေ
မြုတ်အောင်ထည့်ပြီးအိုးကိုရေဆူအောင်High heat
ပေးပြီးရေဆူတာနဲ့Low heat လျှော့ချလိုက်ပြီးအရိုး
ပြုတ်ရည်အိုးကိုချလိုက်ပြီးအရိုးပြုတ်ရေတွေသွန်ချလိုက်ပြီးအရိုးတွေကိုရေအေးနဲ့သန့်ရှင်းအောင်ဆေးကြောပြစ်ပါလိုက်ပါ၊ပြီးတာနဲ့အရိုးအိုးပြုတ်ထဲကိုအရိုးမြုတ်အောင်ထည့်ပြီးမီးဖိုကိုHigh heat ပြန်တင်ပေးပြီးအိုးရေဆူတာနဲ့မီးကိုလျှော့ချလိုက်ပြီးSlow cook နဲ့ဆက်တည်ထားပါ၊စွပ်ပြုတ်ရည်ပေါ်တက်လာတဲ့အမြှုပ်တက်ရင်ဇွန်းနဲ့ခတ်ထုပ်ပြစ်ပါ၊အရိုးပြုတ်ရင်းတက်လာတဲ့အညစ်အကြေးတွေခပ်ထုတ်ပြစ်ပါ၊
Slow cook နဲ့ဘယ်နာရီပြုတ်ရမလဲဆိုရင်အနည်းဆုံး၈နာရီပြုတ်ပေးရပါမယ်၊‌အရည်ခမ်းရင်အရိုးမြုတ်ရုံရေထပ်ထပ်ထည့်ပေးရပါမယ်၊ဒီနေရာမှာSlow cookerရှိတဲ့သူဆိုရင်ပိုအဆင်ပြေပါမယ်၊Pressue cookerနဲ့ပြုတ်လို့အဆင်မပြေပါ၊ဘာလို့လဲဆိုတော့အညှီအဟောက်အမြှိုပ်တွေခပ်ထုပ်ပြစ်ဘို့အဆင်မပြေလို့ပါဘဲ၊အဲလိုခပ်ထုပ်ပြစ်မှကောင်းတဲ့အနံအသက်တွေထုတ်နိုင်မှာဖြစ်ပါတယ်။
အဲလို၈နာရီလောက်ပြုတ်ပြီးရင်အရိုးပြုတ်ရည်ကို
အအေးခံလိုက်ပါ၊အရည်အေးသွားရင်အရည်ကို
ဇကာတခုဖြင့်စစ်ပြစ်လိုက်ပြီးအရိုးပြုတ်ရည်သန့်
သန့်လေးရပါပြီ၊ပြီးရင်ရေခဲသေတ္တာအောက်အဆင့်
မှထည့်ဘို့ဘူးများဖြင့်ခွဲထည့်ပါ။
အရိုးပြုတ်ရည်ပြုတ်ဘို့၈နာရီဆိုတာတချိန်ထဲလုပ်
ဘို့အချိန်မရရင်၂ရက်၊၃ရက်နာရီအလိုက်မှတ်ထား
ပြီးပြုတ်ရပါမယ်၊ကျွန်တော်ဆိုရင်၂ရက်ပြုတ်
ပါတယ်ခင်ဗျာ။
နောက်နေ့နံနက်ကျရင်အရိုးပြုတ်ဘူးများကိုထုတ်
ယူပြီးအရိုးပြုတ်ရည်အပေါ်လွှာမှာအဆီများခပ်ပြီး
စွန့်ပြစ်လိုက်ပါ၊အရည်အောက်အလွှာကဂျယ်လီ
လိုအဖြူ‌ရောင်ရည်ပြစ်ပြစ်ရပါလိမ့်မယ်၊အဲဒီအ
ရိုးပြုတ်ရည်ကသန့်စင်ပြီးအသင့်စားသုံးလိုပါပြီ
အဲဒီမှလိုအပ်သလိုတရုတ်နံနံ၊မုံ့လာဥနီ၊မုံ့ညှင်းတို့
နဲ့ရေအနည်းငယ်ရောစပ်ပြီးအရသာမှုန့်လိုအပ်သလို
ထည့်စားလို့ရပါပြီ၊ခေါက်ဆွဲ၊ကြာဆံပြုတ်တို့လည်း
လုပ်သောက်လို့ရပါတယ်။
အမဲရိုး၊ဆိတ်ရိုး၊ဝက်ရိုး၊ကြက်ရိုးအဆင်ပြေတဲ့အရိုး
နဲ့ပြုတ်သောက်လို့ရပါကြောင်းအတွေ့အကြုံကို
Sharingလုပ်လိုက်ပါတယ်။
အရိုးပြုတ်ရည်ကိုရေခဲသေတ္တာအောက်ခန်းမှာဆိုရင်၁၀ရက်ထားလို့ရတယ်၊အပေါ်ခန်းမှာတလလောက်ခဲထားလို့ရတယ်၊ကျွန်တော်ဆိုဝက်ရိုးပြုတ်
ရည်ဆိုရင်တခါတလေကြေးအိုးလုပ်စားရင်လည်း
ရသေးတယ်။

ဆရာမကြီးဒေါက်တာဒေါ်ခင်နွယ်ဝင်းရေးတဲ့ အရိုးပြုတ်နည်းနဲ့ သူ့ရဲ့အကျိုးကျေးဇူးကိုတော့ အောက်မှာဖတ်ကြည့်ပါနော်

အရိုးပြုတ်ရည်ဟာ ရောဂါတွေသက်သာလာစေဖို့ အခြေခံအုတ်မြစ်ဖြစ်ပါတယ်။

အစာလမ်းကြောင်းဟာ‌ ကျန်းမာရေးအတွက် အဓိကအရေးကြီးတဲ့အကြောင်းတခု ဖြစ်တယ်ဆိုတာ သိလာကြပါပြီ။
ရောဂါတော်တော်များများ ဖြစ်ကြတာကလည်း အစာလမ်းကြောင်းမှာရှိနေတဲ့ပိုးတွေ မမျှတမှုကြောင့်ဖြစ်ပါတယ် သကြားတွေအများကြီးစားကြပြီး အကျိုးပြုပိုးတွေ နည်းနေခြင်းဖြစ်ပါတယ်။ အစာလမ်းကြောင်းပြဿနာတွေ အဆစ်တွေနာနေသူတွေ (ကျီးပေါင်းတက်နေသူတွေ)အတွက် အရိုးပြုတ်ရည်ဟာ အင်မတန် သင့်တော်ပါတယ်။
ရောဂါအတော်များများဟာ အူလမ်းကြောင်းမလုံခြင်း leaky gut ကြောင့် ဖြစ်လေ့ရှိကြပါတယ်။အထူးသဖြင့် allergies, autoimmune diseases တွေဖြစ်ပါတယ်။အရိုးပြုတ်ရည်မှာပါနေတဲ့ collagen ခေါ် ပရိုတိန်းဓာတ်တမျိုးဟာ အူနံရံကို ပြန်ပြီးပြုပြင်ပေးနိုင်စွမ်း ရှိလို့ဖြစ်ပါတယ်။အရိုးပြုပ်ရည်မှာ ပါတဲ့ အဟာရတွေဟာ ခန္ဓာကိုယ်ကနေ အလွယ်တကူ စုပ်ယူနိုင်ပြီး ရောဂါများ သက်သာ‌စေနိုင်ရန် အသုံးချနိုင်ပါတယ်။

အရိုးပြုတ်ရည်မှာ ပါနေတဲ့အဓိကအဟာရများကတော့ -
၁. Calcium, phosphorus နှင့်အခြားသတ္ထုဓါတ်များ

၂. Glucosamine နှင့် chondroitin sulfate အရိုးအဆစ်တွေအတွက် အဓိကသဘာဝဓာတ်များ(Move Free မှာပါနေတဲ့များ သဘာဝဓါတ်များ)

၃.အရိုးမှာ ပါဝင်နေတဲ့ ပရိုတင်း collagen

၄.ရိုးတွင်းချဉ်ဆီ

၅.ခန္ဓာကိုယ်ကလိုအပ်တဲ့ amino acid များဖြစ်ကြတဲ့ glutamine (အူလမ်းကြောင်းပြန်ပြင်ရမှာ အဓိကလိုအပ်တဲ့ဓာတ်)၊Proline နဲ့ Glycine တို့ဖြစ်ပါတယ်။

ဂလူတမင်း(Glutamine)ဆိုတာ အသားဓါတ်ဖြစ်တဲ့ ပရိုတိန်းဓါတ်ကို ခန္ဓာကိုယ်ထဲမှာ အစာခြေပြီးထွက်လာတဲ့ Amino Acid ဖြစ်ပါတယ်။ခန္ဓာကိုယ် ကျန်းမာရေးအတွက် အလွန်ရေးကြီးတဲ့ဓါက်တမျိုးဖြစ်ပါတယ်။အစာမှစွမ်းအင်သို့ ကူးပြောင်းပြီး ကြီးထွားအောင်ပြုတဲ့ ဓါတုဖြစ်စဉ် တိုင်းလိုလိုမှာ ပါနေလို့ဖြစ်ပါတယ်။ဒီဓါတ်ဟာ ခန္ဓာကိုယ်အတွင်းရှိ သွေး ဦး‌ဏှောက် ကလီစာ(Organs)နဲ့ကြွက်သားတွေမှာ အတော်များများ ပါဝင်နေပါတယ်။
Glutamine ဟာ အူနံရံကျန်းမာရေးအတွက်ဖြစ်ပါတယ်။အူနံရံမပေါက်ပျက်ဘူးဆိုရင် ခန္ဓာကိုယ်ခုခံအား‌ ကောင်းလာမှာဖြစ်ပါတယ်။
ဦးနှောက်နဲ့အာရုံကြောတွက်အလွန်ကောင်းပါတယ်။

ကြွက်သား တည်ဆောက်ရာမှာ အဓိက ပါဝင်တာမို့ အသက်ကြီးလာတဲ့အခါ ကြွက်သားတွေ လျော့ပါးလာတတ်တာကြောင့် ကြွက်သားထု ပြန်လည်အားကောင်းလာရအောင် အထောက်အကူပေးပါတယ်။အထူးသဖြင့် အသက်ကြီးလာတာနဲ့အမျှ ယောက်ျားမိန်းမတိုင်းလိုလိုဟာ အရိုးပါးလာတတ်ကြပါတယ်။အရိုးကို ထောက်ကူပေးနေတာ ကြွက်သားစုများ ဖြစ်တာကြောင့် ကြွက်သား အားကောင်းလာရင် အရိုးလွယ်လွယ်ကူကူ ကျိုးခြင်းမှလည်း ကာကွယ်နိုင်မှာဖြစ်ပါတယ်။ အထူးသင့်တော်တာကတော့ အရိုးပါးနေသူများ အတွက် ဖြစ်ပါတယ်။

အရိုးအဆစ်များ ချို့ယွင်းနေသူများအတွက်လည်း အလွန်သင့်တော်ပါတယ်။အရိုး အရိုးနုတွေကို ပြန်လည်ပြုပြင် ပေးနိုင်စွမ်းလည်း ရှိပါတယ်။

ကင်ဆာဖြစ်သည့်အခါ ဓါတ်ကင်ခြင်း chemotherapy ကီမိုဆေးပေးခြင်းကြောင့် အူနံရံကလာပ်စည်းတွေ ပျက်စီးသွားတာကိုလည်း ပြုပြင်နိုင်စွမ်းရှိပါတယ်။

အရိုးပြုတ်ရည်၏အကျိုးအာနိသင်များ

၁.အရိုးအဆစ်ရောင်အမ်းခြင်းမှ သက်သာစေခြင်း။

၂.နှာစေးချောင်းဆိုးကို ဖြစ်စေတတ်တဲ့ virus ပိုးများကိုတားမြစ်စေနိုင်ခြင်း။ခန္ဓာကိုယ်ခုခံအား ကောင်းစေပါတယ်။

၃.ခန္ဓာကိုယ်တွင်း‌ ယောင်ကိုင်းခြင်းမှ သက်သာစေပါတယ်။

၄.အရိုးတွေကိုခိုင်ခံ့ကျန်းမာစေပါတယ်။

၅.ဆံပင်နဲ့လက်သည်းခြေသည်း ကျန်းမာရေးတွက်လည်း ကောင်းပါတယ်။

၆.ဦးဏှောက်နှင့်အာရုံကြော အတွက်လည်း အလွန်ကောင်းပါတယ်။Autism ကလေး တွေကိုလည်း တိုက်ကြည့်စေချင်ပါတယ်လိုစသည်ဖြင့်ရေးသားထားကြောင်းသိရပါတယ်။

ကျွန်တော်ပြောတာမရှင်းလင်းရင်လည်းကိုရီးယား
အမဲရိုးစွတ်ပြုတ်လုပ်နည်းကိုYoutube မှာလေ့လာ
နိုင်ပါကြောင်း။

မူရင်းပိုင်ဆိုင် ဒေါက်တာဒေါ်ခင်နွယ်ဝင်း

https://www.facebook.com/photo/?fbid=912783837644768&set=a.136380161951810