Ray Dalio: We’re Heading Into Very, Very Dark Times! America & The UK’s Decline Is Coming!

တော်လှန်ပိုက်ဆံ

 ■ တော်လှန်ပိုက်ဆံ

အမေရိကန်၏ စူပါပါဝါဖြစ်မှုဟာ စစ်ရေးအင်အားနှင့်ဒစ်ပလိုမေစီ သပ်သပ်ကြောင့်မဟုတ်ပဲ အမေရိကန်ဒေါ်လာ ( US Dollar ) ရဲ့အခန်းကဏ္ဍကလည်း အခရာတခုဖြစ်တယ် ။

နိုင်ငံတကာဗဟိုဘဏ်တွေရဲ့ အရံငွေကြေး ( Foreign Exchange Reserces ) ထက်ဝက်ကျော်ခန့်ဟာ အမေရိကန်ဒေါ်လာဖြင့် ကိုင်ထားတာဖြစ်ပြီး စွမ်းအင်နှင့်ရေနံအပါအဝင် အပြည်ပြည်ဆိုင်ရာကုန်သွယ်ရေးရဲ့ ငွေပေးခြေမှုတွေမှာလည်း အမေရိကန်ဒေါ်လာကို အသုံးပြုကြတယ် ။ သည်အရေးပါတဲ့ အမေရိကန်ဒေါ်လာကို အမေရိကန်ဗဟိုဘဏ်ကထိန်းချုပ်ထားတာမို့ အခြားနိုင်ငံတွေကို လွှမ်းမိုးနိုင်တယ် ၊ သြဇာရှိတယ် ၊ စီးပွားရေးပိတ်ဆို့တဲ့ ဆန်ရှင်လုပ်လို့ရတယ် ။ စျေးကွက်ထဲ လည်ပတ်နေတဲ့ " ငွေကြေးတခုကို ထိမ်းချုပ်ထားနိုင်ခြင်းရဲ့ တန်ခိုးအစွမ်း " ကိုတွေ့နိုင်တယ် ။

▪︎ ဤမျှအရေးပါတဲ့ ငွေကြေးတွေကို ဘာနဲ့အာမခံထားသနည်း ။ မည်သည့်အရာ ( Assets or Physical Commodities ) နှင့်မျှ ထောက်ခံ/ အာမခံထားခြင်း ( ဥပမာ - ရွှေပေါင်ထားခြင်း ) မရှိပါ ။ တချိန်က ရွှေပေါင်ထားခဲ့သည့် စနစ်ရှိခဲ့သော်လည်း ပထမကမ္ဘာစစ်ကြီးအပြီး ထိုစနစ်ပျက်သွားခဲ့တယ် ။ လက်ရှိမှာ နိုင်ငံတနိုင်ငံ၏ အစိုးရတရပ်က ထုတ်ဝေသည့်ငွေကြေး ဟူသည့် တချက်တည်းဖြင့် ယုံကြည်စိတ်ချစွာ အသုံးပြုကြခြင်းဖြစ်တယ် ။ သည်ငွေကြေးတွေ အားလုံးကို Fiat Money ဟု ခေါ်ပါတယ် ။ အမေရိကန်ဒေါ်လာ ၊ မြန်မာကျပ် စတဲ့ ငွေကြေးအားလုံးဟာ Fiat Money တွေပါ ။ အစိုးရ ဗဟိုဘဏ်တွေဟာ ငွေကြေး ( Fiat Money ) ကို မည်မျှရိုက်ထုတ်မလဲကို ဆုံးဖြတ်နိုင်တယ် ။ များများရိုက်ထုတ်လျှင် ငွေတန်ဖိုးကျဆင်းတယ် ။ ဒါကိုထိန်းညှိဖို့ အတိုးနှုန်းအတင်အချ ၊ နိုင်ငံခြားအရံငွေတွေ ထုတ်ရောင်းတာမျိုး အစရှိတဲ့ နည်းတွေရှိသေးတယ် ။

တိုတိုပြောရလျှင် " နိုင်ငံသားတွေလက်ဝယ်က ငွေကြေးတန်ဖိုး ၊ စီးပွားရေးလုပ်ငန်းတွေကို ကံကြမ္မာကို ဗဟိုဘဏ်က ဆုံးဖြတ်နိုင်တယ် " ။ ပြည်သူတွေ ကိုင်ထားတဲ့ ငွေကြေးတွေဟာ " ယုံကြည်မှု / Faith " တခုတည်းနဲ့ ကိုင်ထားရတာလည်း ဖြစ်တယ် ။

▪︎ CBDC ဆိုကတော့ အစိုးရဗဟိုဘဏ်က ဖန်တီးတဲ့ ဒစ်ဂျစ်တယ်ငွေကြေး ( Central bank digital currency ) ဖြစ်ပြီး Stablecoin တွေလိုပဲ Fiat Money ငွေကြေးတန်ဖိုး ဒဲ့ချိတ်ဆက်ထားတယ် ။ ဒါပေမယ့် အစိုးရဗဟိုဘဏ်က တိုက်ရိုက်ထုတ်တာဖြစ်လို့ Fiat Money နဲ့ အသွင်တူတယ် ။ ငွေကြေးမည်မျှ ဖန်တီးမလဲကို ဗဟိုဘဏ်က ဆုံးဖြတ်နိုင်တယ် ။

တော်လှန်ပိုက်ဆံဖြစ်တဲ့ NUGPay ရဲ့ DMMK ဟာ အဆိုပါ CBDC သဘောဆောင်တယ် ။ ။ DMMK ယူနစ်တခုဟာ ငွေတကျပ်ဖြစ်တယ် ။ ဝါဇီက ငွေဘယ်လောက်ရိုက်ထုတ်မလဲကို စကစဗဟိုဘဏ်က ထိမ်းချုပ်ထားပေမယ့် DMMK ကို NUG ဗဟိုဘဏ်ကကိုင်တွယ်ထားတယ် ။ တန်ဖိုးချိတ်ဆက်ထားခြင်းဖြင့် အားနည်းချက်က မြန်မာကျပ်ငွေ တန်ဖိုးကျလျှင် DMMK ပါ တန်ဖိုးလိုက်ကျမယ် ၊ ဒါပေမယ့် ချိတ်ဆက်ခြင်းရဲ့ခိုင်မာမှု နှင့် NUGPay ရဲ့ DMMK စနစ်ကို သုံးစွဲမှုများလာတာနှင့် အမျှ မြန်မာကျပ်ငွေရဲ့တန်ဖိုးကို လွှမ်းမိုးနိုင်စွမ်းဟာ NUGPay ကို ထိမ်းချုပ်ထားတဲ့ NUG အစိုးရလက်ထဲကို တစိတ်တပိုင်းရောက်လာမှာ ဖြစ်တယ် ။

သည်အဆင့်ကို ရောက်ဖို့လိုအပ်သည်က NUGPay စနစ်အတွင်း လည်ပတ်နေသည့် ငွေကြေးပမာဏ များပြားလာဖို့နှင့် လက်တွေ့မြေပြင်မှာ အသုံးပြုမှု ပိုမိုလာဖို့လိုတယ် ။ Kpay , AyaPay တွေ အစား NUGPay ဟာပိုမိုတွင်ကျယ်လာပြီး လွတ်မြောက်နယ်မြေ ၊ တော်လှန်ရေးတပ်ဖွဲ့ နှင့် တိုင်းရင်းသားထိမ်းချုပ်နယ်မြေတွေရဲ့ စတန်းဒက် ဒစ်ဂျစ်တယ်ငွေကြေးဟာ NUGPay ( DMMK ) ဖြစ်လာလျှင် အကျိုးများမယ် ။

■ လက်ငင်းမျက်မြင် အကျိုးအမြတ်အနေနဲ့

၁ . စကစဗဟိုဘဏ်ရဲ့ လုပ်နိုင်စွမ်းကို တန်ပြန်ထားနိုင်တယ် ။ ပြည်တွင်းမှာလည်ပတ်နေတဲ့ ငွေကြေးစနစ်ကို လွှမ်းမိုးနိုင်ခြင်းဟာ အဂ္ဂမဟာဗျူဟာမြောက် အားသာချက်ဖြစ်တယ် ။

၂ . COC ပိုမို ခိုင်မာလိမ့်မယ် ။ တပ်ရင်းတပ်ဖွဲ့တွေရဲ့ လည်ပတ်နေတဲ့ ငွေကြေးတစိတ်တပိုင်းကို ထိမ်းချုပ်ထားနိုင်ခြင်းဟာ စစ်ရေးမှာ အရေးအကြီးဆုံးဖြစ်တဲ့ Chain of Command တည်ဆောက်ရေးကို အထောက်အကူ ပြုလိမ့်မယ် ။

၃ . စကစရဲ့ ထိမ်းချုပ်စောင့်ကြည်မှုမခံရပဲ လွတ်လပ်စွာ ငွေကြေးစီးဆင်းလို့ရတယ် ။ NUGPay အကောင့်ချင်း တိုက်ရိုက်လွှဲတဲ့ Transaction ဟာ စကစရဲ့ဗဟိုဘဏ် ၊ ခရိုနီဘဏ်တွေရဲ့ ထိန်းချုပ်မှုကလွတ်တယ် ။

၄ . NUGPay Account တွေအတွက် ဖြည့်တင်းတဲ့ ငွေကြေးတွေဟာ နိုင်ငံခြားငွေကြေးတွေကနေ ပမာဏအများအပြား Exchange လုပ်လာတာမို့ သည်ပမာဏ ဟာ တော်လှန်ရေးအတွက် တိုက်ရိုက်အထောက်အကူဖြစ်တယ် ။ Account ပိုင်ရှင်ဟာ DMMK ကို လက်ခံရှိသလို တော်လှန်ရေးအတွက်လည်း ထောက်ပို့ပြီးသားဖြစ်နေတယ် ။ Exchange လုပ်လိုက်ရတဲ့ Cash ကော ၊ ရရှိတဲ့ DMMK ပါ တလရအတွက်ဖြစ်မှာမို့ ၂ သီးစားဖြစ်တယ် ။

ဒါဟာ ထင်ရှားတဲ့ အားသာချက်တချို့သာဖြစ်သေးပြီး သီအိုရီအရ သည့်ထက်အများကြီးလုပ်လို့ရတဲ့ အကွက်တွေရှိသေးတယ် ။

▪︎ NUGPay နှင့် SDB အကောင့်တွေ အသုံးပြုသူပိုမိုများဖို့ NUG ဘက်က လုပ်ဆောင်နိုင်တာက MOD အောက်က တပ်ရင်း တပ်ဖွဲ့များ ၊ အုပ်ချုပ်ရေးအဖွဲ့ ရုံးအဖွဲ့တွေ ၊ ပူးပေါင်းဆောင်ရွက်နေတဲ့ အဖွဲ့အစည်းတွေ အနေနဲ့ NUGPay နဲ့ SDB Account များကို မရှိမဖြစ် ဖွင့်လှစ်စေရန် " စံ " လုပ်ထားစေချင်တယ် ။ ကိုယ်ပိုင်နံပါတ်ရှိပြီးသား တပ်သားတဦးချင်းဆီမှာလည်း NUGPay အကောင့်တခုဆီရှိနေလျှင် နောက်တဆင့် လုပ်နိုင်တာတွေရှိသေးတယ် ။

NUGPay နှင့် မြေပြင်မှာ လက်တွေ့ ရောင်းဝယ်ဖောက်ကား နေဖို့ပရိုမိုးရှင်းလိုတယ် ။ ဥပမာအားဖြင့် မိမိထိမ်းချုပ်နယ်မြေက စားသောက်ဆိုင် ၊ ကုန်ဆိုင်တွေမှာ NUGPay QR ကုဒ်ကို ပရင့်ထုတ် ကပ်ထားပြီး NUGPay နဲ့ ငွေပေးချေနိုင်တယ် ဆိုတာမျိုးက ဖြစ်လာသင့်တယ် ။

အရပ်သားတွေ အနေနဲ့ကတော့ စကစရဲ့ ကျပ်ငွေအပေါ်ချုပ်ကိုင်ထားနိုင်မှုကို လျော့ချပြီး မိမိတို့၏အစိုးရလို့ ယုံကြည်တဲ့ အဖွဲ့အစည်းထံ ဗဟိုဘဏ်တခုရဲ့ လုပ်နိုင်စွမ်းကို ရရှိစေဖို့ NUGPay အသုံးပြုပေးခြင်းဖြင့် ကူညီနိုင်တယ် ။ အမေရိကန်ဒေါ်လာကို ထိမ်းချုပ်နိုင်စွမ်းနှင့် စူပါပါဝါ ဖြစ်စေနိုင်သလို NUGPay ရဲ့ လုပ်နိုင်စွမ်းဟာ လယ်ဗယ်မြင့်လွန်းတယ် ။

" ငါတို့ ငွေကြေးစနစ် ငါတို့ပိုင်တယ် "

မိမိတို့ရဲ့ တော်လှန်ရေးငွေကြေးစနစ်ပေါ် " Faith / ယုံကြည်မှု " ရှိတယ်လို့ ယုံကြည်မိတယ် ။

NUGPay Application ကို iOS စနစ်သုံးဖုန်းများအတွက် ရယူရန် : https://apps.apple.com/de/app/nugpay/id1635551833?l=en-GB

NUGPay Application ကို Android စနစ်သုံးဖုန်းများအတွက် ရယူရန် : https://play.google.com/store/apps/details...

NUGPay Facebook : https://www.facebook.com/nugpaymyanmar

■ နောက်ဆက်တွဲ

Fiat Money နှင့်အပြိုင် အသုံးပြုလာကြတဲ့ Crypo-Currencies တွေကြတော့ ဗဟိုဘဏ်တွေရဲ့ ထိမ်းချုပ်မှုကနေ လွတ်ကင်းတယ် ။ ဒါပေမယ့် Crypto ငွေကြေးပမာဏတွေကို အနှိုင်းအဆမရှိ လွယ်လွယ်နဲ့ ဖန်တီးရင် ငွေကြေး တန်ဖိုးမဲ့သွားနိုင်တာမို့

" Proof of Work သို့မဟုတ် Proof of Stake " ကိုအခြေခံပြီး Crypto ငွေကြေးတခုချင်းဆီပေါ် သုံးစွဲသူတွေရဲ့ ယုံကြည်မှုရှိအောင် လုပ်ထားရတယ် ။

Crypto ငွေကြေးတွေထဲမှာ Fiat Money တွေရဲ့တန်ဖိုးနဲ့ ချိတ်ဆက်ထားတာဟာ Stablecoin တွေဖြစ်တယ် ။ Stablecoin တွေကို ဗဟိုဘဏ်က ထုတ်ပေးတာမဟုတ်ပေမယ့် ဥပမာအားဖြင့် USDT တခုဟာ အမေရိကန်ဒေါ်လာတခုနဲ့ ညီတယ် ။ Stabecoin တွေကို လိုသလောက် ဖန်တီးပြန်လျှင် ယုံကြည်မှုပျက်မှာမို့ တန်ဖိုးနဲ့ညီမျှတဲ့ Assets တွေနဲ့ Backing လုပ်ထားရတယ် ။

" တန်ဖိုးတူချင်းဟု ချိတ်ထားပေမယ့် အစိုးရဗဟိုဘဏ်ထုတ် ငွေကြေးဟာ Assets အပေါင်ထားစရာမလိုဘူး ၊ Stablecoin ကလုပ်ဖို့ လိုအပ်တယ် "

CBDC တွေကတော့ အစိုးရကိုယ်တိုင်က ဖန်တီးတာဖြစ်လို့ Stablecoin လိုလိုက်လုပ်စရာမလိုပဲ Fiat Money နှင့် သဘောတရားတူတယ် ။

NUGPay နှင့် Spring Development Bank ( SDB ) ၂ခုက သဘောတရားမတူဘူး ။ NUGPay ဟာ ဒစ်ဂျစ်တယ်ငွေကြေးတခုရဲ့ Wallet ဖြစ်ပြီး SDB က ဘဏ်ဖြစ်တယ် ။ ဘဏ်ဖြစ်တာမို့ ဘဏ်တခုရဲ့ လုပ်ထုံးလုပ်နည်း စည်းကမ်းတွေကို လိုက်နာရတယ် ။ အားသာချက်ကိုယ်စီရှိပြီး ၂ မျိုးလုံးလိုအပ်တယ် ။ NUGPay စနစ်မှာ ကိုယ့်လက်ကိုယ့်ခြေနဲ့ အပြည့်အဝပိုမိုထိမ်းချုပ်နိုင်တယ် ။

Augustus Linn

#Pax_Birmania

CBDC (Central Bank’s Digital Currency) အကြောင်း Myan Crypto မှာလေ့လာရန်

page link: https://www.facebook.com/myancryptocurrency 

1.ကမ္ဘာ့နိုင်ငံတွေရဲ့ ဗဟိုဘဏ် 94% ကျော်ဟာ ကိုယ်ပိုင် CBDC (Central Bank’s Digital Currency) ထုတ်ဖို့ လေ့လာနေကြကြောင်း BIS (Bank for International Settlements) ရဲ့ စစ်တမ်းတခုအရ သိရပါတယ်။ ဒီစစ်တမ်းထဲမှာ ဗဟိုဘဏ်ပေါင်း 86 ခု ပါဝင်ခဲ့ကြပြီး ဒီထဲကမှ 94% ဟာ သူတို့ကိုယ်ပိုင် CBDC ထုတ်ဖို့အတွက် လေ့လာနေကြသလို အချို့ကတော့ စမ်းသပ်တဲ့ကာလအထိပါ ခရီးပေါက်နေပါပြီ။

.

CBDC တွေကို တနိုင်ငံလုံးအတိုင်းအတာနဲ့ ကျယ်ကျယ်ပြန့်ပြန့်သုံးနေတာကတော့ တရုတ်နဲ့ အိန္ဒိယဖြစ်ပြီး Digital Yuan နဲ့ Digital Rupee ကို launch ထားခဲ့တာ 2 နှစ်နီးပါးအထိ ရှိခဲ့ပါပြီ။ ဒါပေမယ့် ပြည်တွင်းမှာ အသုံးပြုမှုနှုန်းနည်းနေတာကြောင့် တရုတ်အစိုးရဟာ Digital Yuan အသုံးပြုမှုုတွင်ကျယ်လာဖို့အတွက် နည်းလမ်းပေါင်းစုံသုံးနေပြီးတော့ အချို့မြို့တွေမှာ ပင်စင်လစာတွေကို Digital Yuan နဲ့ပဲ ပေးတာမျိုးတွေ လုပ်လာပါတယ်။

အိန္ဒိယမှာလည်း Digital Rupee သုံးသူတွေကို အထူးအခွင့်အရေးတွေပေးမယ်ဆိုတဲ့ ပုံစံမျိုးနဲ့ လူတွေကြား ပျံ့နှံ့နိုင်အောင် ကြိုးစားနေပါတယ်။

.

မြန်မာမှာကတော့ NUGPay မှာ သုံးနေကြတဲ့ DMMK ဟာ CBDC ပါပဲ။ Stella blockchain ပေါ်မှာတည်ဆောက်ထားပြီး 1 DMMK ဟာ MMK ၁ ကျပ်နဲ့ ညီမျှတယ်လို့ NUG က တာဝန်ယူကြေညာထားပါတယ်။

မကြာခင်မှာလည်း NUGPay ပေါ်မှာ feature အသစ်တွေ ထပ်ထည့်သွားဖို့ ရှိနေတယ်လို့ ကြားသိရပါတယ်။

.

ပြည်သူအများစုကတော့ DMMK ကို CBDC ထက်စာရင် တော်လှန်ရေးငွေကြေးတရပ်အနေနဲ့ မြင်ကြပါတယ်။ လောလောဆယ်မှာ NUGpay ဟာ တော်လှန်ရေးအသိုင်းအဝိုင်းကြားမှာ ငွေကြေးစီးဆင်းမှု တခုအနေနဲ့ ရပ်တည်လျက်ရှိပြီး ပြည်သူလူထုအတွက် နေ့စဥ်သုံးငွေကြေး တခု ဖြစ်လာဖို့ကတော့ လောလောဆယ်အခြေအနေတွေအရ အခက်အခဲတွေ အများအပြားရှိနေပါတယ်။

.

တဖက်မှာလည်း စစ်ကောင်စီက ငွေသားတွေနေရာမှာ mobile banking တွေအစားထိုးသုံးစွဲမှု ပိုပြီးကျယ်ပြန့်လာဖို့ ဖိအားပေးလာနေပြီးတော့ ဒီအခြေအနေဟာ စကစကိုယ်ပိုင် CBDC ထုတ်တဲ့အခြေအနေဆီရောက်သွားနိုင်ပါတယ်။

2022 ခုနှစ်အတွင်းက သတင်းစာရှင်းလင်းပွဲတခုမှာလည်း စကစအနေနဲ့ CBDC ထုတ်ဖို့အစီအစဉ်ရှိကြောင်း စကစပြောခွင့်ရ ဇော်မဲလုံးက ဆိုထားခဲ့ဖူးပါသေးတယ်။

.

CBDC တွေဟာ နိုင်ငံတခုရဲ့ နိုင်ငံသုံးငွေကြေးကို ၁ အချိုး ၁ ညီမျှအောင် ဖန်တီးထားတဲ့ digital currency တခုဖြစ်ပြီး blockchain နည်းပညာပဲ သုံးထားတာဖြစ်ပါတယ်။ ဒါပေမယ့် အစိုးရက အပြည့်အဝထိန်းချုပ်ထားမှာဖြစ်လို့ ယုံကြည်စိတ်ချရမှုအပိုင်းမှာတော့ အစိုးရကောင်းရင်ကောင်းသလို ယုံကြည်စိတ််ချရနိုင်ပါတယ်။ ဥပမာအနေနဲ့ CBDC တွေရဲ့ smart contract တွေထဲမှာ ငွေပမာဏတွေကို လိုသလို လွှမ်းမိုးခြယ်လှယ်လို့ရတဲ့ code တွေထည့်ရေးထားတာကြောင့် ဘရာဇီးဗဟိုဘဏ်ဟာ အတော်လေးဝေဖန်ခံခဲ့ရဖူးပါတယ်။ ဒါကြောင့် CBDC ထုတ်ချင်တဲ့ ဗဟိုဘဏ်တွေထဲမှာ စကစရဲ့ ဗဟိုဘဏ်ပါနေတယ်ဆိုရင်တော့ ယုံကြည်စိတ််ချရမှုက သုညဖြစ်နေပါလိမ့်မယ်။

.

Reference Link: https://www.coindesk.com/.../more-central-banks-are.../

.

အကူအညီလိုရင် စာရေး ဆွေးနွေးလို့ရတဲ့ Group ကတော့ ဒီမှာ join နိုင်ပါတယ်

https://t.me/myancrypto

https://t.me/myancryptochannel

.

Crypto နဲ့ ပတ်သက်တဲ့သင်တန်း video တွေကို ဒီမှာ လေ့လာနိုင်ပါတယ်

https://www.youtube.com/c/MyanCrypto

.

Crypto ကိုဘယ်ကစရမလဲ လေ့လာနေသူများအတွက် Study Room on Discord

https://discord.gg/zxJK6sVMDH

.

Binance Myanmar Telegram Group

https://t.me/BinanceBurmese

.

Trader တစ်ယောက် အတွက် မရှိမဖြစ်လိုအပ်မှာကတော့ 10% discount ရတဲ့ Binance account link ပဲဖြစ်ပါတယ် အဲ့ဒီ link နဲ့ ဖွင့်ထားတဲ့အကောင့် မဟုတ်ဘူးဆိုရင် ဒီ link နဲ့ အကောင့်သစ် ဖွင့်ပြီးမှ Trading ကိုလုပ်သင့်ပါတယ်

https://accounts.binance.com/en/register?ref=UAPFLEFU

.

Future Trading အတွက် Referral Code: myancrypto

Mining Account အတွက် Referral Code: E381THBL

Credit to:

Myan Crypto

2.US သမ္မတ Biden ရဲ့ ရွေးကောက်ပွဲအဖွဲ့ဟာ 2024 ရွေးကောက်ပွဲမဲဆွယ် campaign တွေမှာ လှူဒါန်းမှုတွေကို cryptocurrency နဲ့ Coinbase ကနေတဆင့် လက်ခံဖို့ စီစဉ်နေကြကြောင်း သိရပါတယ်။

.

Biden ရဲ့ အဓိကပြိုင်ဖက် Donald Trump ဟာ crypto industry ကို အတော်လေး အာရုံစိုက်မဲဆွယ်နေပြီး ကိုယ်ပိုင် NFT Collection တွေထုတ်တာ၊ crypto နဲ့ပတ်သက်တဲ့ ဥပဒေတွေကို လျှော့ပေါ့ပေးပြီး သူ့လက်ထက်မှာ US ဟာ crypto industry မှာ နောက်ကောက်ကျမကျန်ခဲ့စေရဘူးလို့ ကတိပေးတာလိုမျိုးအထိကို စကားကုန်ပြောနေတာပါ။

.

ဒါ့အပြင် မကြာသေးခင်ကပဲ Trump ဟာ ရွေးကောက်ပွဲအတွက် Bitcoin၊ Ethereum၊ USDC နဲ့ Solana တို့အပါအဝင် cryptocurrency တွေနဲ့ အလှူငွေလက်ခံနေပါတယ်။ လွန်ခဲ့တဲ့ရက်ပိုင်းက San Francisco မှာ လုပ်ခဲ့တဲ့ ရန်ပုံငွေပွဲတခုမှာလည်း crypto industry ထဲက နာမည်ကြီးပုဂ္ဂိုလ်အတော်များများနဲ့ တွေ့ဆုံဆွေးနွေးခဲ့သလို သူ့ကိုယ်သူလည်း “crypto သမ္မတ” တယောက်အဖြစ် သုံးနှုန်းသွားခဲ့ပြီး ဒီရန်ပုံငွေပွဲကနေ $12 million အထိ အလှူငွေရသွားခဲ့ပါသေးတယ်။

.

ဒါကြောင့် Biden တို့ဖက်ကလည်း crypto industry ကို ပစ်ထားလို့မရကြောင်း သဘောပေါက်လာပုံရပြီး cryptocurrency တွေကို အသိအမှတ်ပြုတဲ့အနေနဲ့ အလှူငွေတွေကို crypto နဲ့ လက်ခံသွားဖို့ စီစဉ်လာတာဖြစ်နိုင်ပါတယ်။

.

တကယ်လို့သာ Biden တို့ဖက်ကပါ cryptocurrency တွေနဲ့ အလှူငွေလက်ခံကြောင်း ကြေငြာလိုက်ရင်တော့ crypto industry မှာ သမိုင်းတွင်တဲ့ ရွေးကောက်ပွဲတခုဖြစ်သွားမှာဖြစ်သလို ဈေးကွက်အပေါ်လည်း အကျိုးသက်ရောက်မှုတွေ ရှိလာနိုင်ပါတယ်။

3.Booking website တခုဖြစ်တဲ့ Travala ဟာ သူတို့ရဲ့ website ပေါ်မှာ TON နဲ့ ငွေပေးချေလို့ ရနိုင်ပြီဖြစ်ကြောင်း ကြေငြာလိုက်ပါတယ်။ နိုင်ငံပေါင်း 230 နိုင်ငံက hotel တွေ၊ လေယာဉ်လက်မှတ်တွေ၊ tour service တွေအတွက် booking ယူတဲ့အခါ credit card payment တွေအပြင် Telegram ရဲ့ native coin TON နဲ့ပါ ငွေပေးချေလို့ရနိုင်ပါပြီ။

.

တကယ်တော့ Travala website ဟာ BTC၊ ETH၊ XRP နဲ့ USDT တို့လို major cryptocurrency တွေအပြင် cryptocurrency အတော်များများကို support ပေးထားပြီး TON ကတော့ အခုမှ နောက်ဆုံးစာရင်းဝင်ဖြစ်လာခဲ့တာပါ။

.

Travala website ပေါ်မှာ credit card တွေနဲ့ ပုံမှန်လို ငွေပေးချေလို့ရနိုင်သလို crypto network တွေနဲ့ပါ ငွေပေးချေလို့ရနိုင်တဲ့အပြင် BinancePay၊ Cryptocom တို့ကနေပါ တိုက်ရိုက် ငွေပေးချေလို့ရနိုင်ပါသေးတယ်။

.

$400 ဖိုး booking ယူပြီးတိုင်းမှာလည်း Travala ရဲ့ ကိုယ်ပိုင် NFT Collection ဖြစ်တဲ့ Travel Tiger NFT Collection ထဲက NFT mint ခွင့်ရှိဦးမှာပါ။

.

Cryptocurrency တွေ အသုံးများလာတာနဲ့အမျှ လေကြောင်းလိုင်းတွေ၊ booking website တွေဟာ cryptocurrency တွေနဲ့ ငွေလက်ခံတာတွေ၊ အထူးအခွင့်အရေးစီစဉ်ပေးတာတွေ လုပ်လာကြပြီးတော့ ကိုယ်ပိုင် NFT Collection တွေပါ ထုတ်လာကြပြီး crypto bro တွေကြား တိုးပေါက်နိုင်အောင် ကြိုးစားလာကြပါတယ်။

.

Cryptocurrency တွေဟာ အခုမှ mainstream ကို ထိုးဖောက်နေဆဲ အချိန်ကာလတခုမှာသာ ရှိသေးတာကြောင့် ကျနော်တို့တွေဟာ အခုချိန်အထိ အစမှာပဲ ရှိသေးတယ်လို့ ဆိုလို့ရနိုင်ပါတယ်။

Binance P2P

Binance P2P မှာ SDB အသုံးပြုပါ။

နွေဦးဘဏ်ချစ်သူတို့ရေ.. Binance ရဲ့ P2P မှာ SDB ကို payment တခုအဖြစ် လုံခြုံစိတ်ချစွာ အသုံးပြုလို့ရနိုင်ပြီ ဖြစ်ကြောင်းကို အားလုံးလည်း သိပြီးဖြစ်မယ်လို့ ယုံကြည်ပါတယ်။

Binance အကောင့်ရှိထားသူများအနေနဲ့ မိမိရဲ့ Account Setting > Payment Method > P2P Payment Method သို့ ဝင်ရောက်ပြီး Add a new payment method ကို နှိပ်ကာ “Spring Development Bank” ကို ရွေးချယ် ထည့်သွင်းနိုင်ပါတယ်။

ဒီနေ့မှာတော့ " Binance P2P မှာ SDB payment method ကို သုံးပြီး USDT ဘယ်လိုရောင်းရမလဲ"ဆိုတဲ့ မေးခွန်းများအတွက် နည်းပညာအထူးပြု မိတ်ဖက်ကောင်းဖြစ်တဲ့ Myan Crypto ရဲ့ Step by Step Guide လေးကို အားလုံးသိရအောင် မျှဝေပေးလိုက်ပါတယ်။

ခေတ်မီနည်းကျ Binance P2P မှာ SDB ကို အသုံးပြုကြ။

#chooseSDB

#SpringDevelopmentBank

#realbankrealfreedom

Credit to:

Spring Development Bank 

Crypto အကြောင်း တစေ့တစောင်း

အစက မရေးတော့ဘူးလို့ဆုံးဖြတ်ထားပင်မဲ့ လာလာမေးကြလို့ မဆုသိသလောက် နှမ်းစိလောက် information လေးမျှဝေပေးလိုက်ပါတယ်။

Crypto ကိုဘာလုပ်ကြလဲ?

Crypto နဲ့ပတ်သက်ပြီးဆရာကြီးလဲမဟုတ်ပါဘူး။မဆုကိုယ်တိုင်လဲ မနေ့တစ်နေ့ကမှ အကောင့် တစ်ခု အောင်အောင်မြင်မြင်ဖွင့်နိုင်သွားပြီး Crypto currencies အချို့ ၀ယ် အောင်းထားရုံပါ။ တစ်ယောက်နဲ့ တစ်ယောက် အယူအစချင်းမတူတာမို့ Strategy ချင်းလဲ ကွာခြားနိုင်ပါတယ်။ မဆု သွားမဲ့ ဗျူဟာ က ဥပမာ မြေတွေ၀ယ်ထားပြီး ၁၀ နှစ်လောက် ထိုင်အောင်းထားပြီး မှ အစမတန် မြတ်တဲ့အချိန်ကျမှ ထုတ်ရောင်းမဲ့အကွက်ပေါ့။ သူက ကြားထဲမှာ အတက်အကျ ရှိတယ်။ အဲ့အတက်အကျပေါ်မှာ သွေးမကြောင် ပဲ သစ္စာရှိရှိဆက် ဥ ထားရပါမယ်။

နောက် တစ်နည်းက တော့ အချိန်နဲ့ အမျှ ၀ယ်လိုက်ရောင်းလိုက် မြတ်လိုက်ရှုံးလိုက်ပေါ့။ သူက တော့ စျေးတွေ နားလည်ရတယ်။ Trend တွေမြင်တက်ရပြီးတချိန်လုံး analyze လိုက်လုပ်နိုင်မှ တော်ကာကျမဲ့သဘောပေါ့။ သူကလဲ ရေတိုမှာ အမြတ် ကျန် တယ်တဲ့။

မဆု လုပ်ဆောင်တဲ့ ပထမနည်းက Psychology of money ထဲ မှာ stock market တွေ invest လုပ်တဲ့ concept အတိုင်းသွားထားတာဖြစ်ပါတယ်။ သူက နှစ်နဲ့ ချီပြီးစိတ်ရှည်ရပင်မဲ့ ရေရှည်ကျတော့ သူက လုံးကနဲ ခဲကနဲ မြတ်တယ်တဲ့။ ဒါပင်မဲ့ ကိုယ့် ပိုက်ဆံနဲ့ ကိုယ် မိမိစိတ်ကြိုက်သာ လုပ်ဆောင်ကြပါ။

မဆု ၀ယ်ထားတဲ့ Crypto currencies တွေ။

အားလုံးသိကြတာ Bitcoin ပေါ့။။ Bitcoin ကတော့ ရေပန်းအစားဆုံးပဲ။ အလားတူ mainstream ဖြစ် လာတဲ့ currencies တွေလဲ ရှိပါ့။ မဆုတော့ အသေးစိပ် research မလုပ်ထားဘူး။ မိမိ invest ချင်ရင် invest ချင် တဲ့ currency ရဲ့ ယေဘုရ စျေးအတက်အကျ လေးတော့ အရင်ဆုံး တီးမိခေါက်မိ လေ့လာထားစေချင်တယ်။

မဆု လောလောဆယ် အောင်းထားတာ Bitcoin, USDT နဲ့ SOL ၃ ခု ပါ။ ဒီ ၃ ခုပဲ ကြားဖူးလို့ လောလောဆယ်ဒါပဲအရင် ၀ယ်စုထားတယ်။ (ပိုက်ဆံ အရေးပေါ် လို ခဲ့သည်ရှိသော် ပေါက်စျေးနဲ့ ပြန်ရောင်းမှာပါ)

Crypto account ဖွင့်ဖို့။

မဆု အခု ဖွင့်ထားတာက Bitkub ပါ။ သူက ထိုင်းမှာ legitimate အဖြစ်ဆုံးလို့ ပြောလို့ ရတယ်။ ထိုင်းဘဏ်အကောင်းနဲ့ ချိန်ဆက်လို့ ရပြီး currencies တွေ ၀ယ်ရောင်းလုပ်လို့ ရတယ်။ အများဆုံး transaction တစ်ခု ကို 20,000,000 ဘတ် အထိ ထုတ်လို့ ရတယ်။ ဘယ်လောက်ထုတ်ထုတ် transaction တစ်ခု ဘဏ်ထဲပြန်ထည့်ရင် တော့ ဘတ် ၂၀ transaction fees ဖြတ်ပါတယ်။

အကောင့်ကို အောက်ပါလင့်မှာ ၀င်ပြီး register လုပ်နိုင်ပါတယ်။

https://www.bitkub.com/en/signup

အရင် ဆုံး မိမိ passport နဲ့ register လုပ်နိုင်ပါတယ်။ register လုပ်ပြီးရင် crypto အကြောင်း Quiz လေးတွေဖြေရပါတယ်။ နောက် တစ်ဆင့်က အောက်ပါ တို့ အနက် မှ အနည်းဆုံး ၂ ခုရှိရင် verification လုပ်လို့ ရပါပြီ။

- TM 30

- ထိုင်းယဥ်မောင်းလိုင်ဆင်

- Work permit

- ကျောင်းသားဆိုရင် ကျောင်း နဲ့ ပတ်သက်တဲ့ စာရွက်စာတန်းတစ်ခုခု

အထက်ပါအဆင့် အောင်မြင်သွားပြီဆိုရင် နောက်ဆုံးအဆင့်အနေနဲ့ သူတို့ က email ပို့ ပြီး video Interview လုပ်ရပါတယ်။ Interview အတွက် ထိုင်း (သို့) အင်္ဂလိပ်ဘာသာ တစ်မျိုးရွေးနိုင်ပါတယ်။ အကယ်၍ နှစ်မျိုးလုံးအဆင် မပြေဘူးဆိုရင် translator တစ်ဦးခေါ်ထားနိုင်ပါတယ်။

အင်တာဗျူးပြီး ရက်အနည်းငယ်အကြာ verification အကုန်လုံးပွင့်သွားရင် မိမိ ထိုင်းဘဏ်အကောင့်နဲ့ ချိတ်ဆက်ပြီး စတင် လှုပ်ရှားလို့ရပါပြီ။

တစ်ခုသတိထားရမှာက Crypto currencies တွေဟာ အတက်လဲရှိသလို လုံး၀ထိုးကျပြီး သုည အထိ ဆင်းသွားပြီး ပျောက်ကွယ်သွားတာတွေလဲရှိတာမို့ သတိလေးနဲ့ တော့ လုပ်ဆောင်စေချင်ပါတယ်။ မိမိရဲ့ saving အကုန် ထည့်ထားတာမျိုး က အရမ်းအန္တရာယ်များပါတယ်။ အဆုံးအရှုံးခံနိုင်တဲ့ ပမာဏလောက်ပဲ calculated risk ယူတာမျိုးကပိုမိုသင့်တော်ပါမယ်။

နောက်ထပ်အဆင်ပြေတဲ့အချက်က နိုင်ငံတကာက ငွေလွှဲ ငွေသွင်းတွေလုပ်တဲ့ အခါ transaction fees အရမ်းသက်သာပါတယ်။ ဘဏ်ကဆိုရင် exchange rate တွေဘာတွေက အရမ်းကွာတာမို့ ငွေးနည်းနည်းပွန်းနိုင်တာကြောင့် ဒီ crypto နဲ့ လွှဲပြီးမှ ဘဏ်အကောင့်ထဲပြန်သွင်းရင် ပိုသက်သာနိုင်ပါတယ်။

အခုနောက်ပိုင်း တော်တော်များများ BTC တို့ လို crypto တွေနဲ့ စီးပွားရေးလုပ်ကြတာ ငွေရှင်းကြတာတွေလဲ တွေ့နေရပါပြီ။ Online payment ဆိုရင် လဲ crypto တွေက option တစ်ခုအနေနဲ့ ရွေးချယ်နိုင်လာပါပြီ။

အဲဒါကြောင့် အကောင့်လေးတစ်ခု လောက်ဖွင့်ထားတာမမှားဘူးလို့ ထင်ပါတယ်။

(နောက်ပိုင်းဆို Verification က ကြပ်ရင် ကြပ် လာအုံးမှာ ပြောလို့ ရတာမဟုတ်ဘူး။)

Currencies တွေ အကြောင်းက တော့ စိတ်မ၀င်စားတော့ လေ့လာဖြစ်လိမ့်မယ်လဲမထင်ပါဘူး။ မဆုသိသလောက်ကတော့ ဒါပါပဲရှန်။

မဆု

Credit to:

မဆု - Ma Su