"အိမ်မှာ မိခင်ဘာသာစကားပဲ များများပြောပါ" လို့ USA မှာ ဆရာမတွေက ဘာလို့ပြောတာလဲ?
ကျမတို့ မြန်မာမိဘတော်တော်များများ ကြားဖူးတယ် "Teacher က အိမ်မှာ မြန်မာလိုပဲ ပြောပါတဲ့၊ English မပြောနဲ့တဲ့"
"ဟင်... English တတ်အောင် English ပြောရမှာပေါ့" လို့ ကျမတို့ ထင်မိကြတယ် ဟုတ်တယ်ဟုတ်
တကယ်တော့ ဆရာမတွေ အဲ့လိုပြောတာ သိပ္ပံနည်းကျ အကြောင်းပြချက် ၅ ခု ရှိပါတယ်
၁။ "မိခင်ဘာသာက အတွေးရဲ့ အုတ်မြစ်" ဖြစ်လို့
ကလေးက ဦးနှောက်ထဲမှာ "အယူအဆ Concept" ကို အရင်ဆောက်ရတယ်။
ဥပမာ: "တြိဂံ" ဆိုတဲ့ ပုံသဏ္ဍာန်၊ "ဝမ်းနည်းတယ်" ဆိုတဲ့ ခံစားချက်
အဲ့ဒီ Concept ကို အမေနဲ့အဖေ ပြောတဲ့ ဘာသာစကားနဲ့ အရင်တည်ဆောက်တာ အခိုင်ဆုံးပဲ။မိဘက English မကျွမ်းဘဲ တလွဲပြောရင် ကလေးက "Broken English + Concept မခိုင်" ဖြစ်သွားရော။
မိခင်ဘာသာနဲ့ "တြိဂံဆိုတာ ထောင့်သုံးထောင့်" လို့ ရှင်းရှင်းလင်းလင်း နားလည်သွားမှ
ကျောင်းမှာ "Triangle has three angles" ဆိုတာ ချက်ချင်း ကူးပြောင်းတတ်သွားတာ။
အုတ်မြစ် ခိုင်မှ တိုက် မြင့်မြင့်ဆောက်လို့ရတယ်။
၂။"ဘာသာစကား ၂ မျိုး တတ်တာကဦးနှောက်အတွက် Gym" ဖြစ်လို့
သုတေသနတွေအရ Bilingual ကလေးတွေက:
• ပြဿနာဖြေရှင်းတာ ပိုတော်တယ်
• အာရုံစူးစိုက်မှု ပိုကောင်းတယ်
• သင်္ချာ၊ သိပ္ပံမှာ အမှတ်ပိုကောင်းတယ်
• အသက်ကြီးရင် Dementia ဖြစ်နှုန်း နည်းတယ်
ဘာလို့လဲ? ဘာသာစကား ၂ မျိုး Switch လုပ်နေရတာ ဦးနှောက်က ၂၄ နာရီ Workout လုပ်နေရသလိုပဲ။မိခင်ဘာသာကို သတ်လိုက်ရင် ဒီ "ဦးနှောက် Gym" ကြီး ဆုံးရှုံးသွားပြီ။
၃။ "Identity နဲ့ မိသားစုနှောင်ကြိုး" မပျက်သွားအောင်
USA မှာ ကြီးတဲ့ မြန်မာကလေး တော်တော်များများ (အားလုံးကို မဆိုလိုပါ) အသက် ၁၅ လောက်ဆို အဖေ၊ အမေ၊ ဖွားဖွားနဲ့ စကားမပြောတတ်တော့ဘူး။မိဘက မြန်မာလို ပြောတယ်၊ သားသမီးက English လို ပြန်ဖြေတယ်။
နောက်ဆုံး ထမင်းဝိုင်းမှာ တိတ်ဆိတ်သွားရော
မိသားစု ယဉ်ကျေးမှု၊ ပုံပြင်တွေ၊ အဖွားရဲ့ ဟင်းချက်နည်းတွေ — အကုန် ပြတ်သွားပြီ။
ဆရာမတွေက ဒါကို နေ့တိုင်းမြင်နေရတယ်။ စိတ်ပိုင်းဆိုင်ရာ ထိခိုက်တဲ့ ကလေးတွေ အများကြီး။
ဒါကြောင့် "အိမ်မှာ မြန်မာလိုပဲ ပြော၊ မင်းရဲ့ အမြစ်ကို မဖြတ်နဲ့" လို့ သတိပေးတာဖြစ်တယ်။
၄။ "English ကို ကျောင်းက သင်ပေးလိမ့်မယ်၊ မြန်မာလိုကျ မိဘပဲ သင်ပေးနိုင်တယ်"
ဒါ အရှင်းဆုံးအချက်ပဲ။
ကလေးက ကျောင်းမှာ တစ်နေ့ ၇ နာရီ English ပတ်ဝန်းကျင်ထဲ နေတာ။ TV က English, သူငယ်ချင်းက English, Teacher က English.
၅ နှစ်အတွင်း Native လို ဖြစ်သွားရော။
မိဘက စိတ်ပူစရာကို မလိုပါဘူး။
ဒါပေမဲ့ မြန်မာလို?
အမေနဲ့အဖေ မပြောရင် ဘယ်သူနဲ့ ပြောမှာလဲ? YouTube က သင်ပေးလို့မရဘူး။အသက် ၁၀ ကျော်ရင် နောက်ကျသွားပြီ။လျှာက မလိမ်တော့ဘူး။
ဒါကြောင့် ဆရာမက "ငါ English သင်ပေးမယ်၊ နင်က မြန်မာလို သင်ပေး" လို့ Team ဖွဲ့ခိုင်းတာပါ။
၅။ "မိဘရဲ့ Broken English က ကလေးကို အန္တရာယ်ပေးလို့"
(ကျမလိုပေါ့
)ဒါက နည်းနည်းခါးပေမဲ့ အမှန်ပါပဲ
မိဘတော်တော်များများက "eat the rice" ကို "eat rice" လို့ပြောတယ်၊ "he don't like" ကို "he doesn't like" မှန်းမသိဘူး။
ကလေးက အဲ့ဒီ Broken Grammar ကြီးကို ကျမတို့ ဆီကနေ အရင်သင်သွားရော။ကျောင်းရောက်မှ Teacher က ပြန်ပြင်ရတာ ပိုခက်တယ်။
"အမေ အဲ့လိုပြောတာပဲ" ဆိုပြီး ဆရာမနဲ့ ငြင်းတဲ့ ကလေးတွေ အများကြီး။
ဒါကြောင့် ဆရာမက:
"နင်တို့ မြန်မာလို အမှန်ပြော။ ငါ English အမှန်သင်ပေးမယ်။ ကလေးရှုပ်ကုန်မယ်" လို့ ပြောတာ။
ဒါကဆရာမတွေရဲ့ စေတနာပါ
ဒီလိုပြော/ရေးလို့ အားလုံးကိုမဆိုလိုပါဘူးနော်၊ မေမေမျိုးကတော့ ချင်းအမျိုးသမီးဖြစ်တဲ့အတွက် ကလေးလေးတွေကို ချင်းဘာသာစကားပြောပါတယ်။
ချစ်တို့ရော အိမ်မှာ ဘယ်ဘာသာစကားကို အသုံးပြုလဲ?
မေမေမျိုး
