ကိုယ့်ကိုယ်ကိုယ် ထိန်းချုပ်နိုင်စွမ်း

အ​​ဝေးမသွားခင် သမီး​လေးကို တဖွဖွ သင်ရတာ​လေး​တွေ

ကိုယ့်ကိုယ်ကိုယ် ထိန်းချုပ်နိုင်စွမ်း

လူကြီး မဖြစ်ခင် ​လေ့ကျင့်ပြင်ဆင်​ပေးသင့်တဲ့ စွမ်းရည်​တွေထဲမှာ အ​ရေးအကြီးဆုံး တစ်ခုက ကိုယ့်ကိုယ်ကိုယ် ထိန်းချုပ်နိုင်စွမ်း ပါပဲ။

မိဘ​တွေ၊ ဆရာ​တွေ၊ မိသားစုဝင်​တွေရဲ့ ကူညီထိန်း​ကျောင်းမှု မပါဘဲ
■ ကိုယ့်ကိုယ်ကိုယ် စည်း​​တွေဘောင်​တွေချပြီး တိတိကျကျ လိုက်နာနိုင်တာမျိုး
■ ​ကောင်းမွန်တဲ့ အ​လေ့အကျင့်​တွေကို စွဲစွဲမြဲမြဲ ကျင့်သုံးနိုင်တာမျိုးပါ။

အလွယ်​ပြောရမယ် ဆိုရင်​တော့
■လုပ်ချင်​ပေမဲ့ မလုပ်သင့်တာကို မလုပ်တာမျိုး
■ မလုပ်ချင်​ပေမဲ့လည်း လုပ်သင့်တာကို လုပ်နိုင်တာမျိုးပါ။

မိဘနဲ့ ရင်အုပ်မကွာ ရှိ​နေသ​ရွေ့ မသိသာ​ပေမဲ့ မိသားစုနဲ့ ခွဲပြီး ​ထားရတဲ့အခါ အင်မတန် လိုအပ်တဲ့ အရည်အချင်း တစ်ခု ဖြစ်ပါတယ်။

ကိုယ့်ကိုယ်ကိုယ် ထိန်းတယ်ဆိုရာမှာလည်း အ​ပြောအဆို၊ အပြုအမူ​တွေကစလို့ အ​တွေး​တွေ၊ စိတ်ခံစားမှု​တွေအဆုံး အကုန် အကျုံးဝင်ပါတယ်။

က​လေးတို့ရဲ့ ​နေ့စဥ်ဘဝမှာ ကိုယ့်ကိုယ်ကိုယ် ထိန်းချုပ်ရခက်တာ​တွေ အများသားပါ။

​■ဒေါသ မကြီး​မိအောင်
■သူငယ်ချင်း​တွေ၊ ​မောင်နှမ​တွေနဲ့ ရန်မဖြစ်​မိအောင်
■မတည့်တာ​တွေ မစားမိ​အောင်
■မုန့်ဖိုး​တွေ အများကြီး မသုံးမိ​အောင်
■အချိန်မဆွဲမိ​အောင်
■ဂိမ်း​တွေ အကြာကြီး မကစားမိ​အောင် စသဖြင့်
စိတ်အလိုဆန္ဒ​တွေ၊ သာယာမှု​တွေကို ငြင်းဆန်ရတာ၊
ကိုယ့်ကိုယ်ကိုယ် တားဆီးရပ်တန့်ရတာ
က​လေးတို့အတွက် မလွယ်ပါဘူး။

■ ည​စော​စောအိပ်ပြီး မနက်​စော​စော ထဖြစ်​အောင်
■ အိမ်စာ​တွေ အချိန်မီ ပြီး​အောင်
■​ ရောင်စုံ အသီးအရွက်​တွေ စားဖြစ်​အောင်
■ ညတိုင်း ပုံမှန် စာကြည့်ဖြစ်​အောင်
■ တစ်ကိုယ်​ရေ သန့်ရှင်း​အောင်
စသဖြင့်
မကြိုက်ပေမဲ့လည်း လုပ်ကိုလုပ်ရမယ့်အရာ​တွေအတွက် ကိုယ့်ကိုယ်ကိုယ် တွန်းနိုင်ဖို့၊ ခိုင်းနိုင်ဖို့ ဆိုတာလည်း motivation ​တွေ အများကြီး လိုပါတယ်။

ကိုယ့်ကိုယ်ကိုယ် ​ရေရှည် ထိန်းချုပ်နိုင်ဖို့ဆိုတာ က​လေးမှာ အ​တွေ့အကြုံ​တွေ၊ အ​လေ့အကျင့်​တွေ အများကြီး လိုပါတယ်။

ကိုယ့်ကိုယ်ကိုယ် ထိန်းချုပ်နိုင်စွမ်း ရှိ​လာအောင် ဘယ်လို ​လေ့ကျင့်​ပေးရမလဲ????????

 အသိဥာဏ်ရှိဖို့ အ​ရေးအကြီးဆုံးပါပဲ။
အမှန်/ အမှား ​ခွဲခြားသိနိုင်တဲ့ ဥာဏ်ရည်၊
ဝေဖန်ပိုင်းခြား ​တွေး​ခေါ်နိုင်စွမ်း၊
အကျိုးအ​ကြောင်း ဆက်စပ် ​တွေး​ခေါ်နိုင်စွမ်း​တွေ ရှိဖို့ လိုပါတယ်။
ကိုယ့်အန္တရာယ်ကိုယ် သတိပြုတတ်၊ ​ရှောင်ရှားတတ်ရပါမယ်။
ကိုယ့်ကို အ​နှောင့်အယှက် ​ပေးနိုင်တဲ့ အရာ​တွေ၊ လူ​တွေနဲ့ ခပ်​ဝေး​ဝေးမှာ ​နေနိုင်ရပါမယ်။

 စည်းကမ်း​တွေကို လိုက်နာ တတ်ဖို့ လိုပါတယ်။
အသက်အရွယ်နဲ့ လိုက်​လျော ညီ​ထွေရှိမယ့် စည်းကမ်း​တွေကို လိုက်နာခိုင်းရပါမယ်။
ဘာ​ကြောင့် ဒီစည်းကမ်းကို လိုက်နာဖို့ လိုသလဲ ဆိုတာ က​လေးကို အမြဲ စိတ်ရှည်လက်ရှည် ရှင်းပြ​ပေးသင့်ပါတယ်။
စည်းကမ်းသတ်မှတ်ပြီးရင်လည်း တသမတ်တည်း ထားရပါမယ်။ ဒီ​နေ့ တင်းလိုက်၊ ​နောက်​နေ့ ​လျှော့လိုက် မလုပ်ရပါဘူး။
​ကျောင်းစည်းကမ်း၊ အိမ်စည်းကမ်း၊ လမ်းစည်းကမ်း၊ ကစားရင်​တောင် ကစားပွဲရဲ့ စည်းကမ်း​တွေကို အ​လေးအနက် ထားတတ်​အောင် သင်​ပေးရပါမယ်။
စည်းကမ်းလို့ တိတိကျကျ သတ်မှတ်ထားတဲ့ ပြဌာန်းချက်​တွေ၊ မဖြစ်မ​နေ လိုက်နာရတဲ့ ကိုယ်ကျင့်တရား​တွေ ရှိသလို လူပီသဖို့၊ လူသားဆန်ဖို့ ဖြည့်ဆည်းရတဲ့ လူ့ကျင့်ဝတ်​တွေကိုလည်း အခွင့်ကြုံတိုင်း လက်​တွေ့ သင်ကြား​ပေးသင့် ပါတယ်။
ကိုယ့်ကိုယ်ကိုယ် လုံခြုံ​အောင် ကာကွယ်ရင်း သူတပါးကိုလည်း မထိခိုက်​အောင် ​စောင့်ထိန်းနိုင်ဖို့ သင်ကြား​ပေးကြရမှာပါ။

 ကိုယ့် စိတ်ခံစားမှု​တွေကို ကိုယ့်ကိုယ်ကိုယ်နားလည်ဖို့ လိုပါတယ်။
ကိုယ့်စိတ်ကိုယ်ထိန်းနိုင်​​အောင်လည်း ငယ်ငယ်ထဲက ဂရုတစိုက် ​လေ့ကျင့်​ပေးခဲ့သင့်ပါတယ်။
​ပေါက်ကွဲပြီး ဖွင့်ထုတ်တဲ့ ပုံစံမျိုးကို အားမ​ပေးရပါဘူး။
စိတ်ခံစားမှု​တွေ ပြင်းထန်လွန်းရင် အသက်ရှူ​လေ့ကျင့်ခန်း​တွေ၊ စိတ်ထိန်းတဲ့ ​လေ့ကျင့်ခန်း​တွေ လုပ်ခိုင်းပါ။
က​လေးကို သိပ်အလိုလိုက်လွန်းရင် ဖျက်ဆီးသလို ဖြစ်သွားတတ်ပါတယ်။ ငယ်ငယ်ထဲက ဆန္ဒ​တွေ၊ ​လောဘ​တွေ၊ ​ဒေါသ​​တွေကို ထိန်းနိုင်​အောင် အ​လေ့အကျင့် လုပ်​ပေးထားသင့်ပါတယ်။
ကိုယ့်ကိုယ်ကိုယ် သနားလွန်း​နေတာမျိုး၊ စိတ်​ပျော့လွန်းတာမျိုး၊ စိတ်အလိုလိုက်လွန်းတာ​မျိုး​တွေ က​လေးမှာ ​ပေါ်လာရင် အချိန်မီ ပြုပြင်​ပေးသင့်ပါတယ်။
က​လေး​တွေက ငယ်တုန်းမှာ ကိုယ့်ခံစားချက်​တွေ၊ ကိုယ့်ဆန္ဒ​တွေကိုပဲ ဗဟိုပြု​ပြီး နေကြတာ များပါတယ်။ ကိုယ့်​ကြောင့် တခြားသူ မထိခိုက်​အောင်ဆိုတာမျိုး ထည့်မ​တွေးတတ်ပါဘူး။ လူကြီးက ​ပြောပြ​ပေးမှ တခြားသူ​တွေကို စာနာတတ်၊ ထည့်တွက်တတ် လာတာပါ။
တစ်ခုခု မ​ပြောခင်၊ မလုပ်ခင် စဥ်းစား ချင့်ချိန်တဲ့ အ​လေ့အကျင့် လုပ်​ပေးရပါမယ်။
စိတ်လိုက်မာန်ပါ မတုံ့ပြန်မိခင် ကိုယ့်ကိုယ်ကိုယ် ​ချော့တတ်ဖို့၊ နှစ်သိမ့်အား​ပေးတတ်ဖို့၊ အာရုံလွှဲတတ်ဖို့ လိုပါတယ်။

 ကိုယ့်ကိုယ်ကိုယ် ယုံကြည်မှု ရှိတဲ့ က​လေး​လေး ဖြစ်ဖို့လည်း လိုပါတယ်။
ကိုယ့်ကိုယ်ကိုယ် ယုံကြည်တဲ့သူ၊ အ​ကောင်းမြင် တန်ဖိုးထားတတ်သူ​တွေပဲ ကိုယ့်ကိုယ်ကိုယ် ထိန်း​ကျောင်းနိုင်ဖို့ ကြိုးစားကြတာပါ။
မိဘ​တွေ ကိုယ်တိုင်ကလည်း က​လေးကို ယုံကြည်​မှု​တွေ ပေးရပါမယ်။
​ရွေးချယ် ဆုံးဖြတ်ခွင့်​တွေ၊ အခွင့်အ​ရေး​တွေ၊ လွတ်လပ်ခွင့်​​တွေ ​ပေးရပါမယ်။ က​လေး တစ်​ယောက်နဲ့ တစ်​ယောက် လွတ်လပ်မှုကို ခံနိုင်ရည်ရှိပုံချင်း မတူတဲ့အတွက် ကိုယ့်က​လေးရဲ့ အသိဥာဏ်နဲ့ ရင့်ကျက်မှု​ပေါ် မူတည်ပြီး တဖြည်းဖြည်း တိုး​ပေးသွားသင့်ပါတယ်။

 ​ကောင်းမွန်တဲ့ ပတ်ဝန်းကျင်မှာ ကြီးပြင်းခွင့် ရဖို့လည်း လိုပါတယ်။
Peer pressure ​ကြောင့် ကိုယ့်ကိုယ်ကိုယ် မထိန်းနိုင်တဲ့ က​လေး​တွေ အများကြီးပါ။
အ​ပေါင်းအသင်း​ကောင်းဖို့ အင်မတန် အ​ရေးကြီးပါတယ်။
အများလုပ်တိုင်း လိုက်မ​လုပ်ဘဲ လိုအပ်လာရင် No ​ပြောရဲ​အောင်၊ ​No ပြောဖို့ အားမနာ​အောင် လည်း ​လေ့ကျင့်​ပေးဖို့ လိုပါတယ်။

 ကိုယ့်အ​ကြောင်းကိုယ် ​ကောင်း​ကောင်း သိဖို့လည်း လိုပါတယ်။
ကိုယ့်ရဲ့ အားနည်းချက်​တွေ၊ အားသာချက်​တွေ၊ ပန်းတိုင်​တွေကို ရှင်းရှင်းလင်းလင်း သိထားမှ ကိုယ့်ကိုယ်ကိုယ် အ​ကောင်းဆုံး ထိန်း​ကျောင်းနိုင်မှာပါ။
က​လေးရဲ့ ရည်မှန်းချက်​တွေအတွက် အချိန်​ပေးပြီး ​ဆွေး​နွေး​ပေးပါ။ဖြစ်ချင်တာ​တွေကို ချ​ရေးခိုင်းပါ။ ဘယ်လို ပြီး​မြောက်​အောင် လုပ်မလဲဆိုတာ အ​သေးစိတ် plan ​တွေ ဆွဲခိုင်းပါ။
စိန်​ခေါ်မှု​တွေ၊ အခက်အခဲ​တွေကို ခွဲခြမ်းစိတ်ဖြာပြီး တစ်ဆင့်ချင်း၊ တစ်ကန့်ချင်း ​ဖြေရှင်းတဲ့ အ​လေ့အထကို သင်​ကြားပေးပါ။

 အချိန် စီမံ ခန့်ခွဲမှု​တွေ၊ ​ငွေ​ရေး​ကြေး​ရေး စီမံ ခန့်ခွဲမှု​တွေကိုလည်း အ​လေ့အကျင့် လုပ်​ပေးရပါမယ်။

 ပြဿနာ တစ်ခုခု ကြုံလာတိုင်း ​ခေါင်း​အေး​အေးထားပြီး ​ပြေ​ပြေလည်လည် ​ဖြေရှင်းတတ်​အောင် သင်​ပေးပါ။
က​လေးကိုယ်တိုင် ​ဖြေရှင်းဖို့ အခွင့်အ​ရေး ​ပေးပါ။

 က​လေးက လုပ်သင့်တာ​တွေ သူ့ဘာသာသူ အစပြုလုပ်တဲ့အခါတိုင်း၊ မလုပ်သင့်တာ​တွေကို ကြိုးစား​ရှောင်ရှားနိုင်တဲ့ အခါတိုင်းမှာ အသိအမှတ်ပြု ချီးကျုး​ပေးရပါမယ်။
မိဘ​တွေကိုယ်တိုင်ကလည်း ကိုယ့်ကိုယ်ကိုယ် ထိန်းချုပ်နိုင်စွမ်း ရှိရပါမယ်။

က​လေးက ကိုယ့်ကိုယ်ကိုယ် ထိန်းချုပ်နိုင်တယ်လို့ ချိီးကျူးခံရရင်ကိုပဲ
■ ဥာဏ်ပညာရှိတယ်
■ ရင့်ကျက်တယ်
■ စိတ်ဓါတ် ကြံ့ခိုင် သန်မာတယ်
■ ဇွဲ​ကောင်းတယ်
■ စိတ်အားထက်သန်မှု ရှိတယ် စတဲ့ အရည်အချင်း ​တော်​တော်များများကို ကိုယ်စားပြုပါတယ်

မိဘကို ​ကြောက်လို့၊ မလွန်ဆန်နိုင်လို့ လိမ္မာ​နေတာမျိုးထက် ကိုယ့်ကိုယ်ကိုယ် ​လေးစားတန်ဖိုးထားပြီး
ကိုယ့်စိတ်ကိုယ်နိုင်ပြီး
ကိုယ့်ကိုယ်ကိုယ် ထိန်းကျောင်းနိုင်တဲ့ သားသားမီးမီးတို့ ဖြစ်လာ​အောင် ကျွန်မတို့ အများကြီး ကြိုးစားကြရမှာပါ။

​ဒေါက်တာ ​မေ​မွန်

မတ် ၁၂၊ ၂၀၂၅ 

Looking for activities to do with your kids? These 3 game ideas are fun for the whole family!

အာ​ဏာရှင်​တွေရဲ့ ပါရာနွိုင်ရာ Paranoia

 ရောက်တတ်ရာရာများ (၄)

အာဏာရှင်တွေအကြောင်းပြောရင်း နိုင်ငံရေးစိတ္တဗေဒနဲ့ပတ်သက်တဲ့ စာတအုပ်ကို သွားအမှတ်ရမိတယ်။ Robert Robin နဲ့ Jerrold Post တို့ ရေးတဲ့စာအုပ်။ “Political Paranoia: the Psychopolitics of Hatred” တဲ့၊ ဗမာဘာသာပြန်ရရင်တော့ “နိုင်ငံရေးပါရာနွိုင်ရာ၊ အမုန်းတရား၏ စိတ္တနိုင်ငံရေး”လို့ပြန်ရမယ်ထင်ပါရဲ့။ နိုင်ငံ​ရေးပါရာနွိုင်ရာလို့သာ ပြော​ရတာ တကယ်က​တော့ အာ​ဏာရှင်​တွေရဲ့ ပါရာနွိုင်ရာပါပဲ။

ပါရာနွိုင်းရာဆိုတာက စိတ်ဖောက်ပြန်မှုအခြေအနေတမျိုး၊ အလွယ်ပြောရရင် ကိုယ့်ကိုကိုယ်ဗဟိုပြုပြီး သံသယလွန်ကဲ တဲ့ စိတ်ရောဂါလို့ပြောရင် သင့်မလားမသိ။ သံသယလွန်ကဲစိတ်ဘာညာစကားလုံးဖလှယ်တာ​တွေရှိ​ပေမယ့် ပါရာနွိုင်ရာ ကို ပါရာနွိုင်ရာလို့ပဲ(ယေဘုယျ)အသံဖလှယ်သုံးတာကောင်းမယ်ထင်ပါရဲ့။

နိုင်ငံရေးပါရာနွိုင်ရာမှာ ရောဂါလက္ခဏာ(၇) ခုရှိတယ်လို့ Robin နဲ့ Post တို့က ဆိုကြပါတယ်၊ အဲ့ဒီလက္ခဏာ​တွေက​တော့

(၁) အလွန်အမင်း သံသယစိတ်လွန်ကဲတာ၊

(၂) အရာရာ ကိုယ့်ကိုဗဟိုပြုစဉ်းစားလွန်းတာ(Centrality)၊

(၃) ကိုယ့်ကိုကိုယ် အလွန်အမင်းကြီးမြတ်တယ်လို့ ယုံကြည်တာ (Grandiosity)၊

(၄) အမျက်အသိုရန်လိုစိတ်ကြီးတာ(Hostility)၊

(၅) မိမိကိုယ်ကိုဗဟိုပြုစဉ်းစားလွန်းတဲ့အခါကျတော့ အဲ့ဒီမိမိအတ္တကိုထိခိုက်လာမှာကို စိုးရိမ်ပြီး ဆတ်ဆတ်ထိမခံ ဒေါသဖြစ်တတ်တာ၊

(၆) မိမိအားနည်းချက်ကို တပါးသူတွေမှာ ပုံဖော်တတ်တာ၊ (projection)၊

(၇) ထင်ယောင်ထင်မှားအတွေးလွန်တာ (Delusion) စတဲ့ လက္ခဏာတွေပါပဲ။ သူတို့ ရေးပြတဲ့ ရောဂါလက္ခဏာတခုချင်းစီရဲ့ဖွင့်ဆိုမှု​တွေဟာ အင်မတန်မှ စိတ်ဝင်စား စရာ​ကောင်းပါတယ်။ ရှည်မှာစိုးလို့ အ​သေးစိတ်​တော့ မ​ရေးပြ​တော့ပါဘူး။

ပြောရရင် အဲ့လို နိုင်ငံရေးပါရာနွိုင်ရာစိတ်ရောဂါလက္ခဏာတွေဟာ အာဏာရှင်​တွေမှာ တနည်းမဟုတ်တနည်းနဲ့ တွေ့ရလေ့ရှိပါတယ်။ မြန်မာနိုင်ငံက အာဏာရှင်တွေဆိုရင်​တော့ ပြောမနေနဲ့တော့။ မြန်မာအာဏာရှင်များရဲ့ နိုင်ငံရေးပါရာနွိုင်ရာဆိုပြီး ကျမ်းတစောင်ရေးကြရင်တောင် ကုန်မယ် မထင်ပါဘူး။ တကယ်လဲရေးသင့်တဲ့ကျမ်းပါ။ စိတ်ဖောက်လွဲဖောက်ပြန်ဖြစ်နေတဲ့ အာဏာရှင်တွေဟာ တိုင်းပြည်ကို ရစရာမရှိအောင် ဘယ်လိုများဖျက်ဆီးသွားကြလဲဆိုတဲ့အ​ကြောင်း​ပေါ့။

တကယ်​တော့ အာဏာရှင်​တွေအ​ကြောင်းနဲ့ နိုင်ငံ​ရေးပါရာနွိုင်ရာအ​ကြောင်းဆက်စပ်စဉ်းစားမိတာက ရတနာနတ်မယ် ရေးတဲ့ သူ့အတ္ထုပတ္ထိထဲက ဗိုလ်​နေဝင်းအ​ကြောင်း​တွေကို ဖတ်ရင်း ဟို​တွေးဒီ​တွေး​ စဉ်းစားမိတာပါ။

ရတနာနတ်မယ်ရဲ့ရေးသားချက်​တွေအရ​ဆိုရင်​တော့ သူနဲ့လက်ထပ်တဲ့အချိန် (၁၉၇၆)ပိုင်းမှာ ဗိုလ်​နေဝင်းဟာ စိတ်ပိုင်းဆိုင်ရာပုံမှန်ရောဟုတ်ရဲ့လားလို့ စဉ်းစားမိပါတယ်။ သူဟာစိတ်ပိုင်းဆိုင်ရာမလုံမခြုံဖြစ်နေတတ်သလို စိတ်ဓာတ်အတက်အကျလဲဖြစ်တာလဲမြန်ပါတယ်။ လမ်းစဉ်ပါတီညီလာခံမဲ​ရွေးချယ်မှုမှာ သူဟာ တတိယ​နေရာ ရောက်သွားတဲ့အတွက် စိတ်ဓာတ်​တွေ အကြီးအကျယ်ကျခဲ့တယ်လို့ ရတနာနတ်မယ်က​ရေးပါတယ်။ အဲ့ဒီ ညီလာခံရလဒ်​ကြောင့် ပါတီထဲက ဦးသန်းစိန်၊ ဦးထွန်းလင်း တို့အပါအဝင် ထိပ်ပိုင်း​ခေါင်း​ဆောင်​တွေကို လာဘ်စားမှုနဲ့ စွဲချက်တင်ပြီး အချင်းချင်းကို ရက်ရက်စက်စက်ရှင်းထုတ်​ထောင်ချပစ်ခဲ့ပါတယ်။ (အဲ့ဒီတုန်းကရှင်းထုတ်ခံရတဲ့အထဲပါသွားတဲ့ ဦးတင်ဝင်းညိုရဲ့သမီး မြ​နှောင်းညိုက အဲ့ဖြစ်စဉ်ကို စာတအုပ်​ ရေးခဲ့ဖူးပါတယ်။ စာအုပ် က တရားရုံးမှတ်တမ်း​တွေနဲ့ ရှုပ်​ထွေး​နေ​ပေမယ့် မှတ်တမ်း​အ​နေနဲ့​တွေ့ရခဲတဲ့ အဖြစ်အပျက်ကို မှတ်တမ်းပြုထား​တာဆိုတော့ ဖတ်ရတာအကျိုးရှိတဲ့စာအုပ်ပါ။)

နောက်ပြီး ချူအင်းလိုင်​သေ​တော့ တရုတ်က ဗိုလ်​နေဝင်းကို လူရာမသွင်း၊ စျာပနမဖိတ်ခဲ့တာကိုလဲ သူအတော် ခံစားရပုံပါပဲ။ ဗိုလ်​နေဝင်းက “ချူအင်လိုင်းကိုသူ လေးစားတဲ့အ​ကြောင်း​နဲ့ ပေကျင်းက သူ့ကို စျာပန မဖိတ်တဲ့ အ​ကြောင်း​“ပြောပြီး မျက်ရည်ကျတယ်လို့ ရတနာနတ်မယ်က ရေးပါ တယ်။ အာဏာရှင်ကြီးမျက်ရည်ကျတာကို သူ အဲ့တခါပဲ မြင်ခဲ့ရတယ်လို့ ရတနာနတ်မယ်က ရေးပါတယ်။

သူ့ကိုဘယ်သူ​တွေက တိုက်ခိုက်မယ်၊ ဘယ်သူ​တွေက​တော့ ဖြင့် လုပ်ကြံမယ်ဆိုတဲ့မလုံခြုံစိတ်​တွေ၊ သံသယစိတ်​တွေဟာ ဗိုလ်နေဝင်းရဲ့ပါရာနွိုင်းရာကို ပိုသည်းထန်စေပုံပါပဲ။ ဒါကတော့ အာဏာရှင်​တွေအားလုံးဖြစ်တတ်ကြတဲ့ စိတ်ဂ ယောင်​ချောက်ခြား အခြေခံပါရာနွိုင်းရာလို့​ပြောရမယ်ထင်တာပဲ။ ဒါ​ကြောင့် ဗိုလ်​နေဝင်းဟာ သူ့လုံခြုံ​ရေးကို အကြီးအကျယ် ဂရုစိုက်တယ်။ ဂေါက် သွားရိုက်မယ်ဆိုရင်​တောင်ဂေါက်ကွင်းသွားတဲ့လမ်းတ​လျှောက်နဲ့ ဂေါက်ကွင်းမှာ လုံခြုံ​ရေးကို အထပ်ထပ်ချထားခိုင်းပါတယ်။

အစားအ​သောက်စီမံတဲ့​နေရာမှာလဲ သူ့ထမင်းချက် ရာဂျူးကြီးကလွဲရင် ဘယ်သူ့ကိုမှ ယုံပုံမရပါဘူး။ ဒီ​တော့ ဘယ်​နေ ရာသွားသွားရာဂျူးကြီး​ခေါ်သွားရပုံပါပဲ။ စိတ်မချဆိုလဲ မချစရာကိုး။ တွဲဖက်ကြီးလို့ဆိုကြတဲ့ မဆလပါတီက တွဲဖက် အတွင်းရေးမှူးဦး​သောင်းကြည် သေ​တော့ ဂေါက်ကွင်းမှာ သံပုရာရည်​သောက်ပြီး သေသွားတာကိုး၊ နှလုံးရပ်သေသလိုလို၊ ဦးနှောက်​သွေး​ကြောပြတ်​သေသလိုဆို​ပေမယ့်လည်း သူ့သမီးလဲ့လဲ့နဲ့ နီးစပ်သူ​တ​ယောက်ပြန်ပြောတာက​တော့ သေတဲ့အချိန်မှာ အဆိပ်မိသလို ခန္ဓာကိုယ်က ပြာတတ်လာတယ်လို့ တဆင့်ကြားခဲ့ရတာကို မြ​နှောင်းညိုက ပြန်​ရေးဖူးပါတယ်။ အချင်းချင်း​တွေ ဒီလို အကျင့်အကြံ​တွေရှိ ကြ​တော့ ဗိုလ်​နေဝင်းလဲ သူ့​နောက်​ကျော ဘယ်လုံပါ့မလဲ။

ဗိုလ်​နေဝင်းက လုံခြုံ​ရေးနဲ့ပတ်သက်လို့ ရူပဗေဒပါမောက္ခ ဒေါက်တာတင်အောင်ရေးတဲ့ အဖေကြီးနှင့်ခရီးသွားခြင်းစာအုပ်မှာရေးထားတာလေး တခုကိုလဲသွားသတိရမိပါတ​ယ်၊ ဗိုလ်​နေဝင်းဟာ ခရီးသွားရင် ရှေ့ကသွားတဲ့ သူ့ကားမှာ မစီးဘဲ သူတို့လိုက်လာတဲ့ ကားမှာ တက်စီးရင်း စကားပြောလေ့ ရှိတတ်တဲ့အကြောင်းပါ။ တခြားသူတွေနဲ့ ရောနှောနေပြီး ခင်ခင်မင်မင်နေတယ်လို့ ထင်စရာရှိပေမယ့် သူ့လုံခြုံရေး အတွက် သူဘယ်ကားစီးလဲဆိုတာ သူ့ကိုလုပ်ကြံသူ​တွေကမသိ​အောင်လုပ်တာလဲ ဖြစ်နိုင်တယ်လို့ စာ​ရေးသူက ကောက် ချက်ချပါတယ်။

ရတနာနတ်မယ်ကတော့ ဗိုလ်နေဝင်းအာဏာဟာ အပြင်က ကြည့်ရင် ခိုင်ခံ့တယ် ထင်ရပေမယ့် အနီးကပ်ကြည့်သူတဦး အနေနဲ့ကတော့ ထင်သလောက်မခိုင်မြဲကြောင်ကောက်ချက် ချပါတယ်၊ တကယ်လဲအမှန်ပါပဲ။ အာဏာ ရှင်တွေရဲ့ အာဏာဟာ အပြင်ကကြည့်ရင် ခိုင်ခံ့တယ်လို့ထင်ရ​ပေမယ့် တကယ့်တကယ်က​တော့ အတွင်းထဲမှာ ယိုင်နဲ့​နေ​လေ့ရှိတာ သဘာဝပဲမဟုတ်လား။

ဓာတ်ပုံ - SMH

We don't do small fights

တကယ်ပါ ဟိုးရည်းစားဘ၀ထဲက စန္ဒကူးတို့ ဘာမဟုတ်တဲ့ ကိစ္စသေးသေးလေးတွေနဲ့ ရန်မဖြစ်ဘူး

Our trust and understanding is way bigger than that

- ဖုန်းမကိုင်ဘူး၊ မအားဘူးမလား ချထားလိုက်တာပဲ အားရင်ပြန်ခေါ်လိမ့်မယ်

- အိမ်ပြန်‌နောက်ကျတယ်လား အင်း ဂရုစိုက်မောင်း ပြန်ရောက်ရင် ပြောပဲ

- အခန့်မသင့်လို့ အော်လိုက်မိလား ဪ သူစိတ်အဆင်မပြေစရာရှိနေတယ် ထားလိုက်မယ် ခဏနေပြန်တောင်းပန်လိမ့်မယ်ဆိုပြီး နေလိုက်တာပဲ တဖန်ပြန်စိတ်ဆိုးရန်ဖြစ်မနေဘူး

တယောက်ရဲ့ လုပ်ရပ်တိုင်းကို တယောက်က နားလည်သလို နားမလည်‌ရင်တောင် နောက်ကွယ်မှာ ခိုင်လုံတဲ့ Reason ရှိတယ်ဆိုတာ တယောက်က ယုံထားတယ်

ချိန်းထားတာ နောက်ကျရုံ ၊ ဖုန်းမအားရုံ ၊ မုန့်လေးယူစားမိရုံ ၊ ပန်းကန်လေး မဆေးမိရုံလိုမျိုး သေးသေးမွှားမွှားနဲ့ ခဏခဏ စကားများကြတဲ့ အတွဲတွေတွေ့ရင် အံ့ဩရတယ်

တခါကနေ နှစ်ခါ ဒီပြသနာအသေးလေးတွေကို Resolution မရကြဘူးလား‌ပေါ့နော်

ပုံစံတူ ပြသနာတခုကို တခါကနေ နှစ်ခါ မက သုံးခါလောက်ဖြစ်လာပြီဆိုရင်တော့ ပြသနာက ပြသနာမဟုတ်တော့ပဲ လူတွေက ပြသနာဖြစ်လာပြီလို့ စန္ဒကူးတော့ ယူဆတယ်

ဥပမာ အလှပြင်တာ စောင့်နေရလို့ စကားများတယ်

တခါစကားများပြီး နောက်တခါ ငါအလှစောပြင်လိုက်မယ်လို့ လုပ်တာ or တဖက်က သူမိန်းကလေးပဲ လှလှလေးသွားချင်မှာပေါ့ သူအလှပြင်ပြီဆို ငါလည်း ငါ့ဟာငါ စိတ်အေးအောင် ဂိမ်းဆော့ရင်းစောင့်နေလိုက်မယ်ဆိုတာမျိုး Resolution ကို မရပဲ ဒါကိုပဲ ထပ်ခါထပ်ခါရန်ဖြစ်နေတယ်ဆိုရင်တော့ လူတွေက လွဲနေတာဖြစ်သွားပြီလို့ ထင်တယ်

ကလေးတွေမဟုတ်ကြတော့လို့ ရည်းစားတွေထား အိမ်ထောင်တွေပဲ ကျနေပြီမလား Emotionally Mature လည်း ဖြစ်ရမှာပေါ့

ကိုယ်က Childish ဖြစ်နေပြီး တဖက်ကို Toxic Toxic နဲ့ လက်ညှိုးထိုးနေလို့ မရဘူးလေ

ပြီးတော့ရှိသေးတယ် ရန်ဖြစ်ရင် နိုင်အောင်ပြောမှာပဲ နာအောင်ပြောမှာပဲ ဒါသဘာ၀ပဲ စိတ်ဆိုးစရာမရှိဘူးဆိုတဲ့လူတွေ။ Nooo ရန်ဖြစ်တုန်း စိတ်ဆိုးလို့ ပြောမိတာ တကယ်စိတ်ထဲမပါဘူးဆိုတာ မရှိဘူး။ အဲ့လိုဖြစ်ရအောင် ပါးစပ်ကမပြောခင် ဦးနှောက်က Filter မခံဘူးလား? ခေါင်းက အလုပ်မလုပ်တော့တာလား? စိတ်ပျက်စရာနော်။ ကျွန်မလိုလူနဲ့တော့မဖြစ်ဘူး ကိုယ်တိုင်လည်း I mean every word I say မလို့ အဲ့လိုဟာတွေ နားမလည်နိုင်ဘူး တကယ်။ ဘာပဲဖြစ်ဖြစ် ရန်ဖြစ်တုန်းပြောတဲ့စကားလည်း ဆတူ တဖက်လူကို နာကျင်စေတာပဲ။ အမှတ်သညာရှိတဲ့သူက မှတ်တာပဲ။

ပန်းကန်တချက်ကို တမင်ပဲပစ်ချချ မတော်တဆပဲ လွတ်ကျကျ အပ်ရာက အပ်ရာပဲမလို့ Not having small fights save a lot of pains in relationships ပါ

ရတနာနတ်မယ်ပြန်ရေးတဲ့အာဏာရှင်ကြီးဇာတ်လမ်း

 ရောက်တတ်ရာရာများ (၈)

မြန်မာပြည်အာဏာသိမ်းသမိုင်းကြောင်းနဲ့ ကမ္ဘာ့အစီအစဉ် ကြီးအကြောင်း ကြီးကြီးကျယ်ကျယ်တွေရေးပြီးတော့ ပေါ့ ပေါ့ပါးပါးလေး ရောက်တတ်ရာရာ ဆက်ပြောတာပေါ့။

တကယ်တော့ ရောက်တတ်ရာရာတွေ စပြီး တွေးဖြစ်၊ ရေးဖြစ်သွားတာက ရတနာနတ်မယ် [June Rose Bellamy] ရဲ့ “Le Mie Nove Vite”ဆိုတဲ့ သူ့ကိုယ်တိုင်ရေး အတ္ထုပတ္ထိ စာအုပ်ကိုလက် ဆောင်ရလို့ အဲ့စာအုပ်ဖတ်ရင်း ဟိုတွေး၊ဒီတွေး ရင်းကနေ စရေးဖြစ်တာပါ။

ရတနာနတ်မယ်ရဲ့စာအုပ်က ထွက်တာ​က​တော့၂၀၂၀ထဲကထွက်တာပါ၊ ဒါပေမဲ့လူတွေသိပ်သတိမထားမိကြဘူး။ အီ တလီဘာသာနဲ့ဖြစ်တာရယ် အင်္ဂလိပ်ဘာသာပြန် မရှိသေး တာရယ်ကြောင့် သတိမထားမိကြတာဖြစ်မယ်။ Le Mie Nove Vite ဆိုတော့ အဓိပ္ပာယ်က​တော့ “ကျမရဲ့ဘဝကိုးခု” ပေါ့။ [အင်္ဂလိပ်ဘာသာပြန်ထွက်လာရင်​တော့ ဘာသာပြန် ဆရာ​တွေလဲ ဗမာဘာသာပြန်ကြမှာပါ။]

ဒီစာအုပ်ထဲမှာ ဗိုလ်နေဝင်းနဲ့ အကြောင်းတွေကို အတွင်းကျ ကျရေးသားထားမယ်လို့ မျှော်လင့်ရပေမယ့်လည်းတကယ် တမ်းကျတော့ အခန်းတိုလေးတခုပဲ ပါပြီး သိပ်တော့ မထူး ခြားလှပါဘူး။

သူတို့နှစ်ဦး လက်ထပ်ပြီး ၅ လ​လောက် အကြာ စလည်ဝင်အိုး ဖင်မမဲခင်ကွဲတဲ့”အကြောင်းလောက်ပဲ အဓိက စိတ်ဝင် စားစရာရှိမယ်ထင်ပါတယ် ။ ဘာလို့လဲဆို​တော့ ဗိုလ်နေဝင်းနဲ့ ရတနာနတ်မယ်ကွဲကြရတဲ့အကြောင်းနဲ့ ပတ်သက်ပြီး အ ပြင်မှာ ကောလာဟလတွေ၊ ထင်ကြေးတွေကမျိုးစုံဖြစ်ခဲ့ကြတာကိုး။

ကြားရတတ်တဲ့ ကောလာဟလတမျိုးကတော့ ရတနာနတ် မယ်ဟာ စီအိုင်အေသူလျှိုဖြစ်လို့ ဗိုလ်နေဝင်းက ကွာလိုက် တာဆိုတဲ့ဇာတ်လမ်းပါ။ ရတနာနတ်မယ်ကတော့ဒီကောလာ ဟလဟာ စစ်ထောက်လှမ်ရေးက လွှင့်တဲ့လံကြုတ်သက် သက်လို့ ငြင်းပါတယ်။

သူ့ရဲ့ရေးသားချက်အရတော့ အဓိက ကွဲကြတာ ညစာစားပွဲ တခုမှာဖြစ်တဲ့ပြသနာကြောင့်ပါ။ ဗိုလ်နေဝင်းက ဂျပန်ခေတ် က သူ့မိတ်ဆွေ​ဟောင်း ကာတာဂျီမာကို အိမ်မှာ ညစာစားပွဲ တည်ခင်းဧည့်ခံနေရင်း စီးပွါးရေးသီအိုရီတွေနဲ့ပတ်သက်ပြီး ဟိတ်တလုံးဟန်တလုံး ပြောနေချိန်မှာ ရတနာနတ်မယ်က “မြန်မာနိုင်ငံရဲ့ လက်ရှိအခြေအနေတွေကို ကြည့်ရမယ်ဆို ရင်တော့ ရှင်ဟာ စီးပွါးရေးအကြောင်းတွေ ဘာတွေပြောဖို့ အသင့်တော်ဆုံးလူမဟုတ်ဘူး”လို့ ခနဲ့တဲ့တဲ့ပြောချလိုက်တဲ့ အခါ ဒေါသကုမ္မာရ ဗိုလ်နေဝင်းတယောက် ယမ်းပုံမီးကျ ဖြစ်ပါလေရော၊

တကယ်တော့လဲ ရတနာနတ်မယ် ပြောလဲပြောချင်စရာပါ။ တိုင်း ပြည်က ကုန်းကောက်စရာမရှိအောင် ဆင်းရဲနေချိန် သူ က ဟန်ကြီးပန်ကြီးနဲ့ စီးပွါးရေးသီအိုရီတွေ ပြောနေတာကိုး။ ဒါလဲ ဗမာစစ်ဗိုလ်တွေရဲ့ဝသီဖြစ်မလားပဲ။ သူတို့ အကုန်သိ အကုန်တတ်လို့ထင်ကြတာကိုး။ ဒါကြောင့်လဲဒေးဗစ်စတိုင်း ဘတ်က မြန်မာပြည်က စစ်ဗိုလ်ချုပ်တွေကို တခြားနိုင်ငံက စစ်အာဏာရှင်တွေနဲ့ နှိုင်းယှဉ်ပြီး “ဗမာပြည်ကစစ်ဗိုလ်ချုပ် တွေဟာ သူတို့ ဘာကို မသိဘူးလဲဆိုတာကို ကောင်းကောင်း မသိဘူး”လို့မှတ်ချက်ရေးဖူးတယ်။

ဥပမာ-ပတ်ချုံဟီးက သူတို့စစ်ဗိုလ်ချုပ်တွေဟာ စီးပွါးရေးအကြောင်းကို မသိဘူးဆိုတာကို သဘောပေါက်တဲ့အတွက် စီးပွါးရေးပညာရှင်တွေကိုပြန်ခေါ်ပြီး တောင်ကိုရီးယား စီး ပွါးရေးကိုလည်ပတ်မောင်းနှင်ခဲ့တယ်။ ဗိုလ်နေဝင်းကတော့ စီးပွါးရေးသီအိုရီတွေကိုဟန်ကြီးပန်ကြီးနဲ့ ပြောနေရင်းတိုင်း ပြည်က မွဲသထက်မွဲသွားတာပါပဲ။

စကားပြန်ဆက်ရရင် ဗိုလ်နေဝင်းလဲ ယမ်းပုံမီးကျပြီး အနား က ဆေးလိပ်ခွက်နဲ့ ရတနာနတ်မယ်ကို ကောက်ပေါက်ပါ လေရော။ ရှောင်လိုက်​ပေမယ့် ပါးရိုးကို ထိသွားတယ်။ ဒါကို မကျေနပ်သေးဘဲ ပြေးပြီးရိုက်နှက်ထိုးကြိတ်ဖို့ ပြင်တဲ့အခါ သူ့ကိုယ်ရေးအရာရှိတွေက ဝိုင်းဆွဲကြရတာပေါ့။ အဲ့ဒီအခါ ထောက်လှမ်းရေးမျက်မှန်ကြီးတင်ဦးက ရတနာနတ်မယ်ကို ခေါ်ပြီး နိုင်ငံခြားရေးရုံးက ဦး​လေး​မောင်ရဲ့အိမ်ကို လိုက်ပို့ပေးပြီး အဲ့ဒီမှာ ညအိပ်နေစေပါတယ်။

နောက်နေ့ကျတော့ စန္ဒာဝင်းလိုက်လာပြီးပြေရာပြေကြောင်း ပြောတာပေါ့။ “ဖေဖေက ခုတလော စိတ်မတည်မငြိမ်နဲ့စိတ် တိုနေလို့ပါ။ ယောကျာ်းဆိုတာက ဒေါသကြီးတာဖြစ်တတ် ပါတယ်။ ကျမအမေတုန်းကဆိုရင်လဲ သူ ဒါမျိုးလုပ်ခဲ့တာ ဘယ်နှစ်ခါမှန်း​တောင်မသိပါဘူး၊ ခွင့်လွှတ်​ပေးလိုက်ပါ” ဆို ပြီးပြောတာပေါ့။

ရတနာနတ်မယ်ကတော့ “ညဉ်းအမေကိုဘယ်လိုလုပ်ခဲ့တယ် ဆိုတာနဲ့ ငါနဲ့မဆိုင်ဘူး။ ငါတော့ ဆက်မပေါင်းနိုင်တော့ဘူး ဆိုပြီး အပြတ်ဖြတ်ပါတော့တယ်။ နောက်ဆုံးတော့ ရတနာ နတ်မယ်လည်း လန်ဒန်ကိုထွက်သွားပါတယ်။ သူ့ရဲ့ပါးရိုးက တော့ ခွဲစိတ်ကုသဖို့လိုတဲ့အတွက် လန်ဒန်မှာ ခွဲစိတ်ကုသခဲ့ရပြီး လိုအပ်တဲ့ ပိုက်ဆံကိုတော့ လန်ဒန်က မြန်မာသံရုံးကနေ တောင်းခဲ့တယ်လို့ ဆိုပါတယ်။ ဒါနဲ့ပဲ သူတို့နှစ်ဦးရဲ့ ဇာတ် လမ်းတခန်းရပ်သွားခဲ့ပါတယ်။

ဒါကတော့ ရတနာနတ်မယ်ပြန်ရေးတဲ့ဇာတ်လမ်းပါ။ ဘယ် လောက်ထိမှန်မမှန်ဆိုတာတော့တခြားမှတ်တမ်းတွေနဲ့တိုက် ဆိုင်ကြည့်ဖို့ခက်လို့ ပြောရခက်ပါတယ်။ ကြေးမုံဦးသောင်း ကတော့ ဆေးလိပ်ပြာခွက်နဲ့ပစ်ခံရပြီး မျက်နှာထိလို့လန်ဒန် ထွက်သွားပြီး ကွာလိုက်တယ်လို့ရေးဖူးပါတယ်။ ရောဘတ် တေလာကတော့ ညစာစားပွဲမှာ ကိုယ်ထိလက်ရောက် ရန် သတ်ကြလို့ နှစ်ယောက်စလုံး ဒဏ်ရာတွေရကြပြီး ကွဲတယ် လို့ရေးပါတယ်။

ဘယ်လိုပဲဖြစ်ဖြစ် ရတနာနတ်မယ်ရေးတဲ့အဖြစ်သာ မှန်ရင် တော့ အားလုံးက ဖိန့်ဖိန့်တုန်အောင် ကြောက်နေရပြီး လူတ ကာထက် ခေါင်းတလုံး ပိုမြင့်တယ်လို့ အထင်ရောက်နေတဲ့ အာဏာရှင်ကြီးကိုလူကြားထဲမှာ “တိုင်းပြည်ဒီလောက်ဆင်း ရဲနေချိန်မှာ ရှင်ဟာစီးပွါးရေးအကြောင်းတွေပြောရလောက် တဲ့ အဆင့်မရှိဘူး”ဆိုတာမျိုး ပြောချပစ်လိုက်တဲ့ စကားက တော့ အ​တော်​ပြောင်​မြောက်တယ်လို့​ပြောရမှာပါပဲ။အာဏာ ရှင်ကြီး အရှိုက်ထိမယ် ဆိုလဲ ထိ​လောက်ပါ​လေရဲ့။

ဝက်အသဲ

မြန်မာအငတ်ဘေး

 

မြန်မာအငတ်ဘေးကို ဖြေရှင်းဖို့ ဒေါ်လာသန်း၁၀၀၀ နီးပါး လိုတယ်လို့ UN က ဆိုထားပါတယ်။

သန်း ၃၀၀ လောက်ပဲ ရသေးတယ်ဆိုပဲ။

ငွေက
ပေါပါတယ်။

US မှာ
မြန်မာပြည်သူပိုင်​ငွေ
( အာဏာရှင်ပိုင်မဟုတ်)
သန်း ၁၀၀၀ ရှိတယ်။

US အစိုးရက
Freeze လုပ်ထားလို့
မြန်မာပြည်သူ
သုံးစွဲခွင့် မရတာ။

စင်ကာပူနိင်ငံက ဘဏ်​တွေမှာ
စွမ်းအင်​ရောင်းရ​ငွေ
ဒေါ်လာသန်း ၇၀၀၀ ရှိတယ်။

ဒါလည်း
မြန်မာပြည်သူ သုံးစွဲခွင့်
မရဘူး။

မြန်မာစစ်ဗိုလ်ချုပ်နဲ့
ခရိုနီ တော်​တော်များများဟာလည်း
ဘီလီယံနာ​တွေပဲ။

အာဏာရှင်အသစ်​တွေ
မ​ပြောနဲ့ အာဏာရှင်​ဟောင်း

“တရုပ်လူမျိုး”

ဗိုလ်ချုပ်​နေဝင်းရဲ့သမီး စန္ဒာဝင်းနဲ့ သား အေး​နေဝင်း​တွေ​တောင် ဒေါ်လာ ၄ ဘီလီယံ
ချမ်းသာတယ်။

တရုပ်​နေဝင်းက
ဒေါ်လာ ၄ ဘီလီယံကိုခိုးပြီး
တရုပ်ပြည်မှာ စုထားခဲ့တာ။

ခရိုနီ​တေဇရဲ့ဘဏ်က​နေတဆင့်
စန္ဒာဝင်းဆီ လွဲခဲ့တာ။

US ပိတ်ဆို့​မှုကြောင့်
အာဏာရှင်အသိုင်းအဝိုင်းက
တရုပ်ဘဏ်​တွေကို သုံး​နေကြတာပါ။

ဒါကတပိုင်း။

ပြောချင်တာက၊
မြန်မာနိင်ငံမှာ ငွေမရှားပါဘူး။

ခက်တာက
အငတ်​ဘေးအတွက်ကျ​တော့
ရံပုံ​ငွေ မ​လောက်ဘူး ဖြစ်​နေတာပါပဲ။

ဒါဟာ
လုံးဝခွင့်လွှတ်လို့
မရတဲ့ကိစ္စပဲ။

မြန်မာ​ပြည်သူတွေဟာ လက်ဖြန့်​တောင်းခံတတ်တဲ့ သူ​တောင်းစား​တွေ မဟုတ်ကြပါ။

လုပ်ပိုင်ခွင့် မရကြတာသာ
ဖြစ်တယ်။

အခု​တောင်
အာဏာရှင်အသိုင်းအဝိုင်းဟာ
သူတို့ဘယ်​လောက်
ချမ်းသာကြ​ကြောင်း
ကြွားဝါကြလို့
ကောင်းတုန်းပါ။

ရန်ကုန်မြို့ကြီးမှာ
တွေ့မြင်​နေရပါတယ်။

မြန်မာအငတ်​ဘေးရဲ့ သ​ဘောသဘာဝက
အဲ့သလိုရှိတယ်။

မြန်မာအငတ်​ဘေးပြသနာ။

အငတ်​ဘေး။

သတ္တိ ၃ဖြာ

 လမ်းမှာ သွားရင်းလာရင်း ဘာမှမဟုတ်ပဲ အဆဲခံရတာ ရန်စခံရတာမျိုးတွေ ခဏခဏ ကြုံဖူးတယ်။ အရင်ခေတ်တုန်းက ကိုယ့်ဟာကိုယ် ကားမောင်းသွားတာ ဟိုင်းလပ်လိုင်းကားတစ်စီးက အတင်း ကျော်တက်ပြီး ဖင်နဲ့ရမ်းတာမှာ ကားကို အသာလေး ဘေးကို တိမ်းလိုက်ရတာမျိုးလဲ ရှိတယ်။ သူ့ကားကို ကျော်တက်ခဲ့လို့ နေမှာပေါ့။ အမှန်က ကိုယ့်လမ်းကို သွားတာမှာ သူ့ကို ကျောတယ် ထင်သွားလား မသိဘူး။ အရင်ခေတ်က အဲဒါမျိုးတွေ ရှိတယ်။

ဘာကြောင့်မှန်းမသိ ကုန်ကားတစ်စီးက အနောက်က လိုက်လာပြီး ကိုယ့်ကားရှေ့ လာရပ် ကားပေါ်ကနေ ဆဲတာမျိုးလဲ ရှိတယ်။ ဘာမှ ပြန်မပြောပဲ ဘေးက ပတ်မောင်း ထွက်လာခဲ့လိုက်တယ်။ သူတို့ ဘာတွေ စိတ်တိုနေမှန်းလဲ မသိပါဘူး။

အဲလို ကိုယ်က ပြန်ရန်မလုပ်ပဲ ရှောင်ရှောင်လာတာမှာ သူတို့ကတော့ ကိုယ့်ကို သတ္တိမရှိဘူး၊ လူကြောက်ပါကွာ ဆိုတာမျိုး ထင်ပြီး သူတို့ကို သူတို့ သိပ်သဘောကျနေကြမယ် ထင်ပါတယ်။ သူတို့အပေါင်းအသင်းတွေကို ငါ ဒီနေ့ ဘယ်လို ဖြဲလာတာ ဆိုတာမျိုးလဲ ဂုဏ်ယူဝင့်ကြွားစွာ ပြောကောင်း ပြောကြပါမယ်။

Facebook ပေါ် post လေးတွေ ထွေလီကာလီ တင်တာမှာ တစ်ချို့သော သူများက ဘာကြောင့်ရယ်မသိ ခုနကလို အကြောင်းမဲ့ တိုက်ခိုက်တာမျိုးတွေ ကြုံပါတယ်။ တစ်ခါတစ်လေ တစ်ချို့ကတော့ မသိမသာပေါ့၊ တစ်ချို့ကတော့ နာမည်တပ်ပြီးတော့ကို ပြောတာပါ။ engineering တွေ ပြောတာမှာ တစ်ချို့ concepts တွေက ဥဒါဟရုံ သက်သက်တွေပါ။ ဟူသော်ရ၏ ဆိုတာမျိုးတွေ၊ မယူလဲ ဘာမှ မဖြစ်။ ခုံတော်မောင်ကျဘမ်းတို့လို အိမ်မှာရှိတော့ အိမ်မြောင်၊ ကျောင်းမှာရှိတော့ ကျောင်းမြောင်၊ လက်ထဲရှိလို့ လက်မြောင်ဆိုပြီး စကားတွေ ကပ်သပ်နေတာမျိုးတွေကို ပြန်ပြောပြဖို့ တော်တော်ခက်ပါလိမ့်မယ်။ ခုံတော်မောင်ကျဘမ်းလဲ ရှင်ဥတ္တမကျော်နှင့် တွေ့တော့ ခံရတာပါပဲ။

သတ္တိ ၃ဖြာ ဆိုတာကို မှတ်သားဖူးတယ်။ ကာယသတ္တိ၊ ဉာဏသတ္တိ နှင့် စရဏသတ္တိပါ။ ကာယသတ္တိ ဆိုတာကတော့ ကိုယ်ကာယ ထွားကျိုင်းသန်မာလို့ သတ္တိရှိတာ၊ ဉာဏသတ္တိ ဆိုတာကတော့ ဉာဏ်ပညာကြီးမားလို့ သတ္တိရှိတာ၊ စရဏသတ္တိ ဆိုတာကတော့ အကျင့်စာရိတ္တနှင့် ဆိုင်တဲ့ သတ္တိပါ။ ကိုယ်ကျင့်တရားနှင့် စိတ်နေသဘောထားမြင့်မားရာက ထွက်လာတဲ့ သတ္တိမျိုးပါ။ ဆင်ခြေတုံတရားနှင့် ဒါလုပ်လိုက်ရင် အကျိုးယုတ်ဖို့ပဲ ရှိတယ်၊ ဘာမှ အကျိုးမရှိဘူး။ ဒေါသကို ချုပ်တည်းပြီး သည်းခံလိုက်နိုင်တာကလဲ အစွမ်းသတ္တိ တစ်မျိုးပါပဲ။ အဲဒီ သတ္တိမျိုးက ထင်သာမြင်သာတဲ့ ကာယသတ္တိ၊ ဉာဏသတ္တိတို့ထက် ပိုမိုခက်ပြီး ပိုမိုမြတ်တဲ့ သတ္တိပါ။

The Zero - အပေါင်းလက္ခဏာ (Official Lyrics Video)

ဗျောသံ (ဗောဓိရွှေကျောင်းကဗျာ) - သီဆိုသူ ကိုထွန်းရွှေ