Magnesium ဗဟုသုတ

 

Magnesium ၃ မျိုး ဘာကွာလဲ မေးကြတယ် ထွေး ထင်တာကတော့ Malate -citrate -glycinate ကို မေးကြတာထင်တယ် magnesium တော်တော်များက အိပ်ပျော်စေတယ် အရိုးအတွက်ကောင်းတယ်

#Magnesium malate

Magnesium malate မှာ မက်ဂနီဆီယမ် နှင့် malic acid ပါဝင်တယ်ခန္ဓာကိုယ်က ကောင်းကောင်းစုပ်ယူနိုင်တယ် အရိုးအဆစ်နာကျင်ခြင်းတွေအတွက် သုံးကြတယ် အိပ်ယာထ ခြေဖဝါးနာကျင်တာ တော်ရုံ ဒူးနာတာတွေ အတွက်သုံးကြတယ်
Magnesium malate သည် ပရိုတင်းထုတ်လုပ်မှု၊ သွေးပေါင်ချိန်ထိန်းညှိမှု၊ သွေးတွင်းဂလူးကို့စ်ထိန်းချုပ်မှုနှင့် အခြားအရာများအပါအဝင် ဇီဝဗေဒဆိုင်ရာတုံ့ပြန်မှု ၃၀၀ ကျော်ကို ပံ့ပိုးပေးသည့် မဂ္ဂနီဆီယမ်ဓာတ်ပါ၀င်သော ဖြည့်စွက်စာဖြစ်သည်။

#Magnesium citrate

Magnesium citrate ကလဲ အသုံးပြုသူများပါတယ် Magnesium citrate ကို ခန္ဓာကိုယ်က ကောင်းကောင်းစုပ်ယူနိုင်တယ်
ဝမ်းချုပ်တဲ့သူတွေ အသုံးပြုကြတယ် ဝမ်းသွားစေတတ်သောအစွမ်းရှိတယ် သွေးပေါင်ချိန်ကျအောင် ကူညီပေးနိုင်ပါတယ်
အမျိုးအစား ၂ ဆီးချိုရောဂါဖြစ်နိုင်ချေကို လျှော့ချပေးသည်
ပိုမိုကောင်းမွန်သော အိပ်စက်ခြင်းကို မြှင့်တင်နိုင်ပါစေ
စိုးရိမ်ပူပန်မှုကို လျှော့ချပေးနိုင်ပါတယ်
Migraine မဖြစ်အောင် ကူညီပေးနိုင်ပါတယ်
အရိုးကျန်းမာရေးကို ကောင်းမွန်အောင် ကူညီပေးနိုင်ပါတယ်

#Magnesium glycinate

Magnesium glycinate သည် အာရုံကြောစနစ်နှင့် ကြွက်သားများကို ပြေလျော့စေသောကြောင့် နှစ်ခြိုက်စွာ အိပ်ပျော်စေရန်အတွက် အထိရောက်ဆုံး မဂ္ဂနီဆီယမ်အမျိုးအစားပါ နှလုံးခုန်နှုန်းကိုထိန်းညှိပေးပါတယ် အမျိုး အစား 2 ဆီးချိုရောဂါဖြစ်ပွါးမှုကို ထိန်းပေးပါတယ် လေ့ကျင့်ခန်းစွမ်းဆောင်ရည်ကို မြှင့်ပေးပါတယ်

Htwe Htwe -09954291444/ 09766889456
#MDY


Magnesium အကြောင်း သိကောင်းစရာ ——-

Magnesium သတ္တုဓာတ် နည်းနေရင် တွေ့ရလေ့ရှိသည့် လက္ခဏာများ

၁.ခြေသလုံး ကြွက်တက်/ ကြွက်သားတွေ တောင့်တင်းနေခြင်း
၂ နွမ်းလျပြီး ခွန်အားတွေ ဆုတ်ယုတ်နေခြင်း
၃.အရိုးတွေ ချိနဲ့နေခြင်း
၄.အိပ်ပျော်ဖို့ ခက်ခဲခြင်း
၅.ဝမ်းချုပ်ခြင်း
၆.ခေါင်းကိုက်ခြင်း
၇မျက်ခွံလှုပ်ခြင်း
၈.စိတ်ပူ စိတ်စော စိတ်ဆတ်နေတတ်ခြင်း
၈.အချို့ဆေးများဟာလည်း Magnesium လျော့နည်းစေသည်။
ဥပမာအချို့ ——
Acid blockers/ Antacids
၉.နှလုံးခုန် မမှန်ခြင်း (Arrhythmias)
၁၀.ကိုယ်ဝန်ဆိပ်တက်ခြင်း/ လ မစေ့သေးဘဲ မွေးခြင်း နဲ့လဲ ဆက်စပ်နေတတ်ပါတယ်။

၁၁.အရေးကြီးနဲ့ နောက်တစ်ချက်ကတော့ Vitamin D3 မှန်မှန် သောက်ပြီး တွဲဖက် Magnesium ပါ မသောက်ရင် Magnesium ဓာတ် ချို့တဲ့နေတတ်ပါတယ်”
Vitamin D3 ဟာ အလုပ်လုပ်နိုင်ဖို့ Magnesiumကို အသုံးချရပါတယ်။ ပြန် ဖြည့်မပေးနိုင်ရင် Magnesiumဓာတ် လျော့နည်းလာတတ်ပါတယ်။

လိုအပ်နေတဲ့ Magnesium ကို ပြန်ဖြည့်ပေးဖို့ ကျတော့
အစားအသောက်ကဆိုရင် Magnesium rich food ကတော့ Almond ဖြစ်ပါတယ်။
1 oz of Almond= 71mg Magnesium
6 အောင်စ စားမှ လိုအပ်သည့် ပမာဏကို ရနိုင်မှာ ဖြစ်ပါတယ်။

Magnesium ဟာ ခန္ဓာကိုယ်ဇီဝဓာတုဖြစ်စဉ် အမျိုးပေါင်း ၃၀၀ ကျော်မှာ မရှိ မဖြစ်ပါ။

ဗဟုသုတကဏ္ဍ——-

Vitamin D ကို သဘာဝအားဖြင့် ခန္ဓာကိုယ်တွင်း ထုတ်လုပ်ရေးမှာ Magnesium ဟာ သော့ချက်ပါ။

နေပူခံပြီး ultraviolet ray နဲ့ အရေပြားရှိ cholesterol တွေ့ထိပြီးနောက် Vitamin D ထုတ်လုပ်ရေးအဆင့်ဆင့် ဇီဝဖြစ်စဉ်မှာ မရှိမဖြစ် အကူဓာတ် cofactor အနေနဲ့ Magnesiumဟာ ပါဝင်ရပါတယ်။

Magnesium ဓာတ် နည်းနေရင် ချို့တဲ့နေရင် နေပူခံပါသော်လည်း Vitamin D ထုတ်လုပ်ရေးမှာ ပြဿနာ ရှိနေပါတယ်။

ထုတ်လုပ်ရေးသာမက ကလာပ်စည်းတွေထဲမှာ Vitamin D နဲ့ အတူ ဆိုင်ရာအလုပ်တွေ လုပ်ဖို့ Magnesiumဟာ vitamin D ရဲ့ လက်တွဲဖော် ဖြစ်နေပါတယ်။

ခန္ဓာကိုယ်ကတော့ လိုအပ်သလို ရှိတာကို အသုံးချသွားမှာ ဖြစ်ပါတယ်။
ယခုခေတ်မှာ အကြောင်းအမျိုးမျိုးကြောင့် Magnesium ဓာတ် လျော့ပါးလာနေတာက တစ်ကြောင်း ဗဟုသုတတွေ ရလာကြပြီး vitamin D တွေ စတင် သောက်သုံးကြတာက တစ်ကြောင်း Magnesiumဓာတ်တွေ လျော့နည်းလာတတ်ပါတယ်။

Magnesium လျော့နည်းလာတဲ့ လက္ခဏာ အချို့ကတော့
ပျို့အန်ခြင်း
အစာစားချင်စိတ် မရှိခြင်း
ခေါင်းကိုက်ခြင်း
ခြေလက် ထုန်ကျင်ခြင်း
ကြွက်တက်ခြင်း
ကြွက်သားတွေ အားမရှိခြင်း
နှလုံးခုန်နှုံး မမှန်ခြင်း စသည်တို့ ဖြစ်ပါတယ်။

Vitamin D သွေးထဲမှာ များနေသူများသတိပြုရမဲ့အချက်ဖြစ်နေလို့ ဗဟုသုတ အနေနဲ့ တင်ပြပေးလိုက်တာ ဖြစ်ပါတယ်။

Vitamin D များနေလို့ သောက်နေတာကို ရပ်လိုက်မယ်ဆိုရင် ၂ ပတ်အတွင်းတစ်ဝက်လျော့ကျ သွားနိုင်ပါတယ်၊
Half life of vitamin D about 15 days ပါတဲ့။
Magnesium သောက်ဖို့တော့ မမေ့နဲ့ပေါ့။

Vitamin D blood level ကောင်းနေပေမဲ့ တခါတရံ ကိုယ်လိုချင်တဲ့ အာနိသင် မရနိုင်တဲ့ အကြောင်းတစ်ပါး ဖြစ်နေပါတယ်။

မိမိကိုယ်ကို စောင့်ရှောက်တတ်သူ / စောင့်ရှောက်နိုင်သူများ ဖြစ်ကြပါစေ။

#CrdToAbetterHealth
#magnesium
#HealthPlus

#crdဒေါက်တာဒေါ်ခင်နွယ်ဝင်း 

ဘဝရဲ့ အကောင်းဆုံး ခန္ဓာကိုယ်ပုံစံကို ပိုင်ဆိုင်နိုင်ဖို့အတွက် အစားအသောက် (Dieting) ဆိုင်ရာ အကြံပြုချက် ၂၅ ချက်

 ကျွန်တော်ကိုယ်တိုင် Fitness နယ်ပယ်ထဲရောက်လာတာ ၂၅နှစ်ရှိလာပြီး၊ အမျိုးသမီးတွေကို training ပေးလာတာ ၁၀-စုနှစ်တစုရှိလာပါပီ။ဒါကြောင့်အတွေ့အကြုံကိုအခြေခံပီး၊

ရက် ၉၀ အတွင်း ဘဝရဲ့ အကောင်းဆုံး ခန္ဓာကိုယ်ပုံစံကို ပိုင်ဆိုင်နိုင်ဖို့အတွက် အစားအသောက် (Dieting) ဆိုင်ရာ အကြံပြုချက် ၂၅ ချက်ကို ဖော်ပြလိုက်ပါတယ်။

၁။ Keto Diet လုပ်ခြင်းကို ရပ်လိုက်ပါ။

၂။ အရက်သောက်သုံးခြင်းကို လျှော့ချပါ။

၃။ 80/20 နိယာမကို လိုက်နာပါ။ စားတဲ့အချိန်တိုင်းရဲ့ ၈၀% မှာ သဘာဝအစားအစာ (Whole Foods) တွေကို စားပြီး၊ ၂၀% မှာ ပြုပြင်ထားတဲ့ အစားအစာ (Processed Food) တွေကို စားပါ။

၄။ အစာမစားခင်နှင့် စားပြီးတိုင်းမှာ ရေ 0.5 လီတာ (လီတာဝက်) သောက်ပါ။ ဒါက သင့်ရဲ့ အစားစားချင်စိတ်ကို လျှော့ချပေးပါတယ်။

၅။ သင့်ရဲ့ ကယ်လိုရီ (Calorie) တွေကို ခြေရာခံပါ။ ဝိတ်ကျဖို့အတွက် Calorie Deficit ဖြစ်နေဖို့ လိုပါတယ်။

၆။ အဆီကျဖို့ အကောင်းဆုံးနည်းလမ်းကတော့: ကယ်လိုရီ လိုငွေပြ (Calorie Deficit) + ပရိုတင်းများတဲ့ အစားအစာ (High Protein Diet) + အလေးမ လေ့ကျင့်ခန်း (Resistance Strength Training) တို့ ပေါင်းစပ်ခြင်းပါပဲ။

၉။ ကိုယ်အလေးချိန် (၁-ပေါင်) တိုင်းအတွက် ပရိုတင်း 0.8-1 ဂရမ် စားသုံးသင့်ပါတယ်။ အကယ်၍ သင်က အလွန်အမင်း ဝနေသူဖြစ်ပါက၊ ဒီတွက်ချက်မှုကို ကိုယ်ဖြစ်ချင်တဲ့ ကိုယ်အလေးချိန် (Desired Bodyweight) ပေါ်မှာ အခြေခံ တွက်ချက်ပါ။

၁၀။ စားတဲ့ အစားအစာ (တစ်နပ်) တိုင်းမှာ ပရိုတင်း (Protein) ဓာတ် ပါဝင်အောင်ကြိုးစားပါ။

၁၁။ Protein Shake တွေက ကောင်းပါတယ်၊ ဒါပေမယ့် သင့်တစ်နေ့တာ ပရိုတင်း လိုအပ်ချက်ကို ဖြည့်ဖို့ လိုအပ်မှသာ သောက်သုံးသင့်ပါတယ်။

၁၂။ ကစီဓာတ် (Carbs) တွေက သင့်ရဲ့ အဓိက စွမ်းအင်ရင်းမြစ်ပါ။ သင်က အလွန်အကျွံ စားသုံးခြင်းမရှိသရွေ့ သူတို့က သင့်ကို မဝစေပါဘူး။

၁၃။ တစ်ပတ်တာလုံး လှည့်ပတ်စားသုံးဖို့ ကျန်းမာရေးနဲ့ ညီညွတ်တဲ့ အစားအစာ ၅ မျိုးမှ ၁၀ မျိုးလောက်အထိ ကြိုတင် စဉ်းစားထားပါ။

၁၄။ အစားအစာတွေကို အများကြီး ကြိုချက်ထားခြင်း (Bulk Cooking) က သင့်ရဲ့ Diet လမ်းကြောင်းပေါ်မှာ ဆက်ရှိနေအောင် ကူညီပေးနိုင်ပါတယ်။

၁၅။ သင် အကြိုက်ဆုံး အစားအစာတွေကို လုံးဝ ဖြတ်တောက်မပစ်ပါနဲ့။ သင့်ရဲ့ Diet က ရေရှည် (Sustainable) ဖြစ်ဖို့ လိုပါတယ်။

၁၆။ သင့်ရဲ့ စနေ၊ တနင်္ဂနွေ (Weekend) တွေက သင့်ရဲ့ တိုးတက်မှုကို ရပ်တံ့ပစ်နေတာပါ။ ဒါတွေကို စနစ်တကျ ပြန်ထိန်းချုပ်ပါ။

၁၇။ပြည့်ဝဆီ အချိုရည်/အချိုရည်ဘူး (Fizzy Drinks) တွေအစား သကြားမပါတဲ့ (Sugar-Free) အစားထိုး အချိုရည်တွေကို ပြောင်းသောက်တာက အလွယ်ကူဆုံး နိုင်ပွဲတစ်ခုပါပဲ။

၁၈။ ကြက်ဥ/ဘဲဥ (Eggs) တွေဟာ Super Food (အကောင်းဆုံး အစားအစာ) ပါ။ ကမ္ဘာပေါ်မှာ အကျန်းမာဆုံး အစားအစာတွေထဲမှာ ပါဝင်ပါတယ်။ နေ့တိုင်း စားသုံးပါ။

၁၉။ ဘယ်ရီသီး (Berries) တွေနဲ့ ကီဝီသီး (Kiwi) တွေဟာ အကောင်းဆုံး (Elite) ကယ်လိုရီနည်းတဲ့ အဆာပြေ အစားအစာတွေ ဖြစ်ပါတယ်။

၂၀။ မမြင်ရတဲ့ ကယ်လိုရီ (Hidden Calories) တွေကို သတိထားပါ။ ကယ်လိုရီတွေကို (အစားအစာလို) သောက်သုံးခြင်း (Drinking your calories) က ဒီအတွက် အဓိက သံသယရှိသူပါ။

၂၁။ ရက် ၃၀ / ရ၅ ရက်ချဲလင့် (Challenges) တွေက သင့်ကို ဝမြဲ ဝနေစေပါတယ်။

၂၂။ လေ့ကျင့်ခန်းလုပ်ခါနီး အချိန်တွေမှာ ကစီဓာတ် (Carbs) စားသုံးဖြစ်အောင် သေချာလုပ်ပါ။ ဒါက ကြွက်သား တည်ဆောက်မှုကို လောင်စာ ဖြည့်ပေးပါတယ်။

၂၃။ သင် အိပ်မက်မက်ထားတဲ့ ခန္ဓာကိုယ်ပုံစံကို ရရှိဖို့ လျှောက်ရမယ့်လမ်းက သွေးဆောင်မှုတွေနဲ့ ပြည့်နေပါလိမ့်မယ်။ "NO" (ငြင်းပယ်) လို့ ပြောတတ်အောင် လေ့ကျင့်ပါ။

၂၄။ တစိုက်မတ်မတ် လုပ်ဆောင်ခြင်း (Consistency) က အဓိကသော့ချက်ပါ။ တစ်ရက် ပျက်သွားခဲ့ရင်၊ နောက်တစ်ရက်မှာ ချက်ချင်း ပြန်လုပ်ပါ။

၂၅။ သင်၏ ပထမဆုံး (ပေါင်) ၁၀+ ကျဖို့ အထောက်အကူပြုမယ့် ကျွန်တော့်ရဲ့ အခမဲ့ (FREE) ပညာဒါန group join ပါ။ကောမင့်ထဲ

လင့်ခ် ချပေးထားပါမယ်။

ကျန်းမာကြပါစေ။

လေးစားလျက်-

နိုင်ဦး-၁၁၉

#ဝိတ်ချခြင်းအနုပညာ

ငြင်းပယ်ခြင်း အနုပညာ

 ငြင်းပယ်ခြင်း အနုပညာ

---------------------------

"To refuse what ought to be refused is an act of true courage and responsibility."

ကျွန်တော် ထိုစကားလေးကို သဘောကျသည်။

"ငြင်းသင့်တာကို ငြင်းပယ်ခြင်းဟာ စစ်မှန်တဲ့သတ္တိနဲ့ တာဝန်ယူခြင်းပဲ" ဟူ၍ ပြန်ရမည်ထင်ပါသည်။

ငြင်းသင့်သည်ကို ငြင်းပယ်ရဲသည့်သတ္တိ ကျွန်တော်တို့မှာ ရှိသင့်သည်။

ငြင်းသင့်တာကို ငြင်းပယ်ခြင်းသည် ခေါင်းဆောင်မှု (Leadership)၊ ကိုယ်ကျင့်တရား (Integrity) နှင့် ဘဝ၏ ဆုံးဖြတ်ချက်ချမှတ်မှု (Decision-Making) တို့တွင် အလွန်အရေးပါသည့် အခန်းကဏ္ဍတွင် ပါဝင်နေပါသည်။

စစ်မှန်သည့်သတ္တိ (True Courage) ဆိုသည်မှာ အဘယ်နည်း။

သတ္တိဆိုသည်ကို လူတွေက ရုပ်ပိုင်းဆိုင်ရာ အန္တရာယ်ကို ရင်ဆိုင်ရဲခြင်းဟု ထင်ကြသည်။ လုပ်ရဲ၊ ကိုင်ရဲ၊ ရင်ဆိုင်ရဲတာကို သတ္တိဟု မြင်ကြသည်။

“ငြင်းပယ်ခြင်း” ဆိုသည်မှာ စိတ်ပိုင်းဆိုင်ရာသတ္တိဖြစ်သည်။ တစ်နည်းပြောရလျှင် ကိုယ်ကျင့်တရားဆိုင်ရာ သတ္တိ (Moral Courage) ဖြစ်သည်။

စဉ်းစားဉာဏ်ရှိသည့် လူတစ်ယောက်သည်

“ဒါလုပ်သင့်လုပ်ထိုက်တဲ့အလုပ်မဟုတ်ဘူး”

“ဒါကြီးကမှားနေတယ်” ဆိုတာကိုသိပြီး ကိုယ့်အထက်လူကြီး သို့မဟုတ် အဖွဲ့အစည်းနှင့် လူအများ၏ဆန္ဒကို ကြည့်ကာ ငြင်းသင့်တာကို ငြင်းလိုက်ခြင်းသည် ထိုသူတွင် စိတ်ဓာတ်ခွန်အားရှိခြင်းဖြစ်သည်။ မိမိလုပ်လိုက်သည့် အလုပ်တစ်ခုသည် မိမိဘဝနှင့် ရင်းရမည်ကိုသိလျှင် ငြင်းသင့်သည်ကို ငြင်းရမည်။

လူတစ်စုက “လုပ်လိုက် … လုပ်လိုက်” ဟု အမှားတစ်ခုခုပြုစေရန် တိုက်တွန်းနေချိန်တွင်

“ဒါ မဟုတ်ဘူး”

“ဒါ မမှန်ဘူး”

“ငါ မလုပ်ဘူး” ဟု ရဲရဲဆုံးဖြတ်ခြင်းသည် ကိုယ့်မှန်ကန်သည့် ရပ်တည်ချက်ကို ကိုယ်တိုင် ကာကွယ်ခြင်းဖြစ်သည်။ တစ်နည်းအားဖြင့် ရေစီးကြောင်းအတိုင်း မလိုက်ဘူးဆိုသည့် ဆန့်ကျင်ရဲသော သတ္တိလည်းဖြစ်သည်။

မလုပ်သင့် မလုပ်ထိုက်သည်တို့ကိုလုပ်လိုက်လျှင်အပြစ်ခံရမည်၊ ဒဏ်ခတ်ခံရမည် သို့မဟုတ် အရှက်ရမည် ဆိုခြင်းကို သိပြီး၊ ကိုယ့်လမ်းကြောင်းအမှန်အတိုင်း ရွေးချယ်နိုင်စွမ်းသည် စစ်မှန်သောသတ္တိဖြစ်သည်။ တစ်နည်းဆိုရလျှင် “ပညာသတ္တိရှိခြင်း” ဟုလည်းဆိုနိုင်သည်။

ငြင်းပယ်နိုင်ခြင်းသည် အနုပညာတစ်မျိုးလည်းဖြစ်သည်။

ငြင်းပယ်ခြင်းသည် လုပ်ဆောင်မှုတစ်ခုခုကို မပြုရန် ရပ်တန့်ခြင်းဖြစ်သည်။ တစ်နည်းအားဖြင့် စစ်မှန်သော တာဝန်ယူမှု (True Responsibility) တစ်ခုလည်းဖြစ်သည်။

အသိပညာဉာဏ်ရှိသော လူတစ်ယောက်အနေဖြင့် အမှားတစ်ခုကို လုပ်ဆောင်လိုက်ခြင်းအတွက် ဖြစ်ပေါ်လာနိုင်သည့် ဆိုးကျိုးအားလုံးကို ကြိုတင်မြင်နိုင်ရမည်။ ထိုဆိုးကျိုးကြီး မဖြစ်လာစေရန် ကိုယ်တိုင်က ငြင်းပယ်လိုက်ခြင်းသည် မကောင်းမှုတစ်ခုမဖြစ်လာစေရန် တားမြစ်လိုက်ခြင်းလည်းဖြစ်သည်။

ငြင်းပယ်လိုက်ခြင်းသည် အလှတရားတစ်ခုလည်းဖြစ်သည်။ အနည်းဆုံးတော့ ကိုယ့်လိပ်ပြာက လှနေမည် ဖြစ်သည်။

“ဒီအလုပ် လုပ်လိုက်ရင် ငါ့ကိုယ်ငါ ရှက်မိလိမ့်မယ်၊ ဒါဟာ ငါ့အနေအထားနဲ့လည်း မကိုက်ညီဘူး” ဟူ၍ တွေးပြီး ငြင်းပယ်လိုက်ခြင်းသည် ကိုယ့်အတွင်းစိတ် (Conscience) ကိုတာဝန်ယူလိုက်ခြင်းလည်းဖြစ်သည်။

ငြင်းပယ်တတ်ခြင်းသည် ကိုယ့်အနာဂတ်ကို ကိုယ်တာဝန်ယူခြင်းလည်းဖြစ်သည်။ အကျိုးအမြတ် တစ်ခုခု အတွက် သို့မဟုတ် ကြောက်ရွံ့မှုအတွက် မလုပ်သင့်တာကို လုပ်လိုက်ခြင်းမှာ ရေရှည်ကြီးမားသော ပျက်စီးမှု တစ်ခုခုကို ဖြစ်စေနိုင်လျှင် ငြင်းရမည်သာဖြစ်သည်။

ငြင်းသင့်သည်ကို ငြင်းပယ်ခြင်းသည် အမှန်တရားကိုမြတ်နိုးခြင်းလည်းဖြစ်သည်။

မှန်ကန်မှုကို လက်ကိုင်ထားပြီး၊ လွဲမှားသည့်လမ်းကြောင်းကို တည့်တည့်ဝင်မတိုးခြင်းလည်းဖြစ်သည်။

မဖြစ်နိုင်သည်ကို “မဖြစ်နိုင်ဘူး” ဟု ပြောရဲခြင်းသည် အမှားကို တားဆီးခြင်းလည်း ဖြစ်သည်။

မလုပ်သင့် မလုပ်ထိုက်သည်ကို “မလုပ်နိုင်ဘူး” ဟု ငြင်းခြင်းသည် စစ်မှန်သောသတ္တိဖြစ်သည်။

ငြင်းပယ်သင့်သည်ကို ငြင်းပယ်ခြင်းသည် လူ့အဖွဲ့အစည်း၏ မှားယွင်းသော ဆုံးဖြတ်ချက်များ၊ ကိုယ်ကျင့်တရား ပျက်ယွင်းနေမှုများမှ ကယ်တင်နိုင်မည့် စစ်မှန်သော ခေါင်းဆောင်မှု အရည်အချင်းတစ်ခုလည်း ဖြစ်သည်။

ခေါင်းဆောင်လုပ်လိုသူတိုင်း ငြင်းပယ်ခြင်းအနုပညာကို ကျွမ်းကျင်စွာ တတ်မြောက်ထားရန်လိုသည်။

သင်ဘယ်နှကြိမ် ငြင်းခဲ့ပြီးပြီနည်း။

တင်ညွန့်

၃၀.၁၀.၂၀၂၅

ဘဝတိုင်းမှာ ခွေးဖြစ်ပါစေ ညီလေး

 တနေ့က

မသာအောင်လေး ကျွန်တော်ရှိတဲ့ ဘာတာပွဲစားတန်းကို ရောက်လာတယ်။ ကျွန်တော့်နေရာမှာ ကျွန်တော်ကျွေးထားတဲ့ ခွေးလေးတကောင်က အနားမှာ လာအိပ်နေတာကို အောင်လေးက သေသေချာချာကြည့်ပီး

#ကျွန်တော်ခွေးဖြစ်ချင်တယ်အကို#တဲ့

ဟျောင့် မင်းရူးနေပီလားဆိုတော့

#အကိုစဉ်းစားကြည့်လေ ဒီခွေးလေးဟာ

စစ်မှုထမ်းဥပဒေ ကို ဂရုမစိုက်ဘူး

အာဏာသိမ်းတာ သူနဲ့မဆိုင်ဘူး

သားသမီးအတွက်စိတ်မပူရဘူး

ဗီဇာမလိုဘူး၊မှတ်ပုံတင်မလိုဘူး

ကွန်ဒို မလိုဘူး၊ မွေ့ယာ မလိုဘူး

ဆီးချိုမရှိဘူး၊သွေးတိုးမရှိဘူး

ဘီယာမသိဘူး၊ဝီစကီမသိဘူး

LV မသိဘူး၊ Brand တွေ စိတ်မဝင်စားဘူး၊

အတင်းမပြောဘူး၊ မကြွားတတ်ဘူး၊

အကြွေးမရှိဘူး၊ ငွေတိုးမချေးစားဘူး၊

ဘာကားမှမစီးဘူး၊ ဓါတ်ဆီဈေးတက်တာ စိတ်မဝင်စားဘူး ။

ဆိုတော့ကာ
ကျွန်တော်တို့ရင်ဆိုင်နေရတဲ့ အပူတွေအားလုံး သူ့မှာ တခုမှ မရှိဘူး၊
သူဟာ
အေးချမ်းနေတယ်
လွတ်လပ်နေတယ်
ပူပန်စရာမရှိဘူး
ကျွန်တော့်ဘဝနဲ့ တခြားဆီပဲ

ဒါကြောင့် ဖြစ်နိုင်ရင်
ကျွန်တော် သူ့လို ခွေးဖြစ်ချင်တယ်အကို ဆိုပီး အဝေးကို ငေးမောကြည့်နေလေရဲ့။

ကျွန်တော် ပါးစပ်အဟောင်းသားနဲ့သူ့ကိုကြည့်နေမိတယ်။ ရင်ထဲမှာတော့ ဖြစ်လေရာ ဘဝတိုင်းမှာ ခွေးဖြစ်ပါစေ ညီလေးလို့ လှိုက်လှိုက်လဲလဲ ဆုတောင်းပေးနေမိပါတော့တယ်။

#ရင်မောသောကများပြေပျောက်နိုင်ကြပါစေ#

ပိုင်နက်

 ကျမ ၃၂ နှစ်အရွယ်တုန်းက

၃၈ နှစ်အရွယ် တခုလပ်အမျိုးသားတဦးနဲ့

ချစ်ကြိုက်ခဲ့ဖူးတယ်။

-

အစောပိုင်းထဲက သူ့မှာ မယားဟောင်း ရှိပြီး

၉ နှစ်အရွယ် သမီးတယောက်လည်း ရှိကြောင်း

ပြောပြခဲ့တယ်။

-

အဲဒီတုန်းက တာဝန်ယူမှုနဲ့ ရင့်ကျက်မှုအတွက်

သူ့ကို လေးစားမိခဲ့တယ်။

ကျမ မတိုင်မီ သူ့မှာ မိသားစုဘဝ ရှိခဲ့တာကိုတော့

ဂရုမစိုက်ပါဘူး။

-

ကျမကိုယ်တိုင်ကတော့

ကိုယ့်ဖာကိုယ် ကလေး မလိုချင်ပေမဲ့

တခြားသူကလေးတော့ ချစ်တတ်ပါတယ်။

-

သူက စနေ၊ တနင်္ဂနွေ ရုံးပိတ်ရက်တွေမှာ

သူ့သမီးကို သွားတွေ့လေ့ရှ်ိတယ်။

-

ပန်းခြံခေါ်သွားတယ်၊ ရုပ်ရှင်လိုက်ပြတယ်။

တခါတလေ ကျမတောင် ပါသွားလေ့ရှ်ိတယ်။

-

ကျမ အမြဲမလိုက်တာက

သူ့အမေနေရာ ကျမက အတင်းဝင်ယူတယ်

ကလေးက ထင်ပြီး ခံစားရတာမျိုး မဖြစ်စေချင်လို့ပါ။

-

တနှစ်လောက်ကြာတော့

သူက သူ့သမီးကို ကျမအိမ် ခေါ်လာပါတော့တယ်။

ပထမအကြိမ်တွေတုန်းက နာရီပိုင်းလေးပါပဲ။

နောက်ပိုင်း ညအိပ်ပါ ခေါ်လာတယ်။

-

ကျမ ဘာမှမပြောခဲ့ဘူး၊ သူက အဖေတယောက်ပဲလေ။

နောက်တော့ တခုခုလွဲကုန်ပြီ လို့ခံစားလာရတယ်။

-

သူ့သမီးကို ခေါ်လာပြီးတိုင်း

သူ့မယားဟောင်းက သူ့ကို ဖုန်းအမြဲခေါ်တတ်တယ်။

-

သမီး ထမင်းမှ ကောင်းကောင်းစားရဲ့လား၊

‌အချိန်မှန်မှန်အိပ်ရဲ့လား၊ အိမ်စာတွေ လုပ်ရဲ့လား

အစအဆုံးအကုန်မေးတော့တာပဲ။

-

တရက်တော့ ကျမ အလုပ်ထဲရှိနေတုန်း

တိုက်လုံခြုံရေးက ကျမဆီ ဖုန်းခေါ်လာတယ်။

အမျိုးသမီးတယောက်က

“ သူ့သမီး ကျမအခန်းမှာ ရှိနေတယ် “ ‌ဆိုပြီး

အခန်းကို တက်ဖို့ ခွင့်တောင်းနေတယ် တဲ့။

-

ကျမက ပြတ်ပြတ်ပဲ၊ ပေးမတက်နဲ့ လို့ပြောလိုက်တယ်။

အမျိုးသားက နောက်တော့ပြောပြလာတယ်၊

ကလေးအတွက် ဆေး ပေးရုံပါပဲ ဆိုလို့

ကျမလိပ်စာ သူ့မယားဟောင်းကို ပေးလိုက်တာပါတဲ့။

-

“ သူ့မှာလည်း သူ့ကလေး ဘယ်မှာရှိနေသလဲ

ဆိုတာ သိပိုင်ခွင့်တော့ ရှိတာပဲလေ “ တဲ့။

စည်းကျော်တာတွေ ဆက်တိုက်ဖြစ်လာတယ်။

-

စနေနေ့ တမနက် ကျမ အိပ်ရာနိုးတော့

ဧည့်ခန်းထဲ သူ့မယားဟောင်းက ကော်ဖီသောက်ရင်း

သူနဲ့ စကားဖေါင်ဖွဲ့ပြောနေတာ တွေ့လိုက်ရတယ်။

-

သူတို့အိမ်လို သဘောထားနေသလားပဲ။

အမျိုးသားက သူ့သမီးကို လာပို့တာပါ၊

မကောင်းတတ်လို့ ပျူပျူငှာငှာ ပြန်ပြောနေတာ

လို့ဆိုလာတယ်။

-

ကျမက သူ့မယားဟောင်းကို ပြန်သင့်ပြီ

လို့ပြောလိုက်တော့

သူ့မယားဟောင်းက ကျမကို ပြန်အော်တယ်။

-

သူ့ကို ဘာလုပ်ရမယ် ဆိုတာ ကျမက ပြောပိုင်ခွင့်မရှိဘူး၊

သူ့သမီးကို တွေ့ချင်တဲ့အချိန် တွေ့ချင်တဲ့နေရာ

သူ့မှာ တွေ့ပိုင်ခွင့်ရှိတယ် တဲ့။

-

အဲဒီညမှာ ကျမတို့နှစ်ယောက်

အကြီးအကျယ်စကားများကြတယ်။

ကျမ အပြတ်ပြောလိုက်တယ်၊

ရှင့်မယားဟောင်းကို ကျမခွင့်ပြုချက်မရှိပဲ

ကျမပိုင်နက်ထဲလာတာ လက်မခံနိုင်ဘူး လို့။

-

သူက ကျမကို ရိုင်းစိုင်းတယ် အတ္တကြီးတယ် တဲ့။

လူဆိုတာ သူ့စည်းနဲ့သူ လေးစားသမှု ရှိရမယ်၊

-

ဒါ ရိုင်းစိုင်းတာလဲ မဟုတ်သလို

အတ္တကြီးတာလဲ မဟုတ်ဘူး လို့ပြန်ပြောပစ်လိုက်တယ်။

ဒါ ယဉ်ကျေးတဲ့လူတိုင်း လိုက်နာကျင့်သုံးရတယ် လို့။

-

ရက်တပတ်လောက်အကြာမှာ

ကျမအခန်းရဲ့သော့ပိုတချောင်းကို

သူ့ဂျာကင်အိတ်ထဲမှာ တွေ့လိုက်ရတယ်။

-

အရေးပေါ်ကိစ္စဖြစ်လာရင်

သူ့မယားဟောင်းလာနိုင်အောင် ကော်ပိီကူးမိတာပါ

လို့ဝန်ခံတယ်။

-

အဲဒါ နောက်ဆုံးအကြိမ် သည်းခံနိုင်တဲ့

လက်ကျန်သံယောဇဉ်တမျှင်ပဲ ဖြစ်မယ်။

-

ဇာတ်လမ်းအဆုံးကတော့

တရက် ကျမအလုပ်က အိမ်အပြန်လာမှာ

သူ့မယားဟောင်းဟာ ကျမမီးဖိုခန်းထဲ ချက်ပြုပ်နေတာ

ပက်ပင်းတွေ့လိုက်ရတယ်။

-

သူတို့သမီးလေးက အိမ်စာတွေ လုပ်နေတယ်။

အမျိုးသားတော့ အိမ်မှာ မတွေ့ရဘူး။

-

အဲဒီညပဲ ကျမ သူ့ကို လက်မခံတော့ဘူး၊ သွားတော့

လို့ပြောပစ်လိုက်တယ်။

-

သူက

ကျမက လိုတာထက် အလွန်အကျူးဖြစ်နေတာ တဲ့။

-

ဟုတ်တယ် မှန်တယ်။ သမီးကို လက်ခံနိုင်ပေမဲ့

သူ့မယားဟောင်းကိုတော့ ကျမအိမ်ကို

နေရာဖဲ့မပေးနိုင်ဘူး လို့ပြောလိုက်တယ်။

-

နောက်နေ့မနက်

ကျမ အခန်းသော့ကို အသစ်လဲလိုက်တယ်။

သူ့တယ်လီဖုန်းနံပတ်ကိုလည်း

ဘလောက်လုပ်လိုက်တယ်။

-

ကျမ ဘယ်တော့မှ နောင်တမရဘူး။

ဒါ ကျမအိမ်၊ ကျမပိုင်နက်။

ဘယ်သူမှ ကျမခွင့်မပေးပဲ၊ ကျမတံခါးမဖွင့်ပေးပဲ

ကျမပိုင်နက်ထဲ ဝင်ထွက်ပိုင့်ခွင့် မရှ်ိစေရဘူး။

-

-

credit; Htin Aung

To Regrow bones

Beef stew

အရသာရှိတဲ့ Beef stew ချက်ကြမယ်

ဒီညစာတော့ အာဟာရလည်းရှိ တစ်ခွက်ထဲနဲ့လည်း စားလို့မြိန်တဲ့ Beef stew ချက်ပါတယ်

STEW ချက်ရင်တော့ Instant pot လေးနဲ့မှ အချိန်ကုန်သက်သာတာဆိုတော့ instant pot နဲ့ပဲ ချက်ဖြစ်တယ်

ထမင်း​ပေါင်းအိုးနဲ့ ချက်လည်းရတယ်

စျေးသိပ်မကြီးတဲ့ beef Sirloin Tip Steak ကိုသုံးထားပါတယ် Stew beef လည်း​ကောင်းတယ်

အသားကို အတုံးအ​နေ​တော်တုံးပီး ဆား ငရုတ်​ကောင်း နဲ့ နှယ်ပီး အ​ပေါ်ယံတင်း​အောင် ဒယ်အိုးထဲမှာ ဟိုဘက်ဒီဘက်ကင်လိုက်ပါတယ် မကင်လည်းရတယ်

ပြီးရင် Instant pot ထဲထည့် ကြက်သွန်နီ ခရမ်းချဉ်သီး နဲ့ ကြက်သွန်ဖြူကို ကြိတ်ထည့်ပါတယ်…

အ​ရောင်တင် ဆနွင်းမှုန့် မဆလာ ဆား ငရုတ်​ကောင်း ထည့်ပါတယ်

ဆီနည်းနည်းနဲ့ 100% beef stock သို့ chicken stock ထည့်ပါ ရေနည်းနည်းထည့် အဖုံးပိတ်ပြီး meat stew မှာ 30 min timer ပေးလိုက်ပီး တည်ထားလိုက်ပါ…

အာလူး ဥနီ နဲ့ မှိုတို့ကို အဆင့်သင့်လုပ်ထားပါ အချိန်ပြည့်သွားတာနဲ့ လေထုတ် အဖုံးဖွင့်ပီး vegetables တွေထည့်ပါ meat stew mode နဲ့ပဲ ဆက်တည်ထားလိုက်ပါနော် အဖုံးပိတ်စရာမလိုပါ

အနံ့လေးပိုကောင်းဖို့ Thyme နဲ့ ကရဝေးအရွက်လေးထည့်ပါတယ် (မထည့်လည်း မဆလာနဲ့တင်မွှေးနေပါပီ)

အားလုံးကျက်ရင်​တော့ အရသာအပေါ့အငံမြည်းပီး ထမင်းနဲ့ ငရုတ်သီးထောင်းနဲ့ စားလိုက်ရင် ကောင်းမှကောင်းပဲ…

#beefstew

#cherryaung