စိတ်တန်ခိုး ရှင် အက်ဂါကေစီ၏
လောကဘုံ ၇ ဆင့်
နိုင်အောင်(conqueror)
စကြဝဠာ၏ လျှို့ဝှက်ချက်........၃
အမေရိကန် စိတ်တန်ခိုးရှင် အက်ဂါ
ကေစီ (၁၈၇၇-၁၉၄၅) သည် တမူထူး
ခြားသော သူတစ်ဦးဖြစ်သည် ။
သူသည် အတိတ်၊အနာဂတ် တို့ကို
လည်းမြင်နိုင်၊ ဟောနိုင်သည် ။
လောကကြီးတစ်ခုလုံး ကို လည်း
မြင်နိုင်။သိနိုင်သည် ။ ဝေဒနါခံစား
နေရ သောလူနာ များ ကို လည်းစိတ်
တန်ခိုးဖြင့်ကုသပေးနိုင်သည် ။
ကမ္ဘာလောက ကြီးတွင် ဖြစ်လာမည့်
အကြောင်းအရာ ၊အဖြစ်အပျက် များ
စွာကိုလည်း ကြိုတင် ဟောကြားခဲ့
သည် ။
သို့သော် သူသည် အကြားအမြင်
ကိစ္စများ ကို တွက်ချက် ခြင်း အာရုံပြုခြင်း နည်း တို့ဖြင့် သိမြင် ခြင်း မဟုတ် ပါ။
သူသည် အကြောင်းအရာတစ်စုံတစ်ခု
သိလိုလျင် သူ့ကိုယ်
သူအိပ်မွေ့ချ၍ အိပ်တဝက်နိုးတဝက်
အခြေအနေ သို့ အရင်ရောက်စေသည် ။
ထိုအခြေအနေသို့ရောက်မှ
သိလိုသောအချက်အလက်များ ကို
တယောက် က မေးလျင် သူ က ထို
အကြောင်းအရာကို မသိစိတ် ဖြင့်
တတွတ်တွတ် ပြောဆိုရေရွတ် သည်
ဟု ဆိုသည် ။
သူပြောကြားသည်များကို ဘေးမှ
တယောက်က လိုက်လံရေးမှတ်ထား
ရသည် ။သူက နိုးလာလျင် ဘာမှမမှတ်မိ ပါ ။
ထို့ကြောင့်သူ့ ကို "အိပ်နေသော
တန်ခိုးရှင်"ဟု ခေါ်ဆိုကြသည် ။
ထိုသို့ သော အိပ် ၍ ဟောသောနည်း
ဖြင့် အတိတ်၊အနာဂတ် များကိုလည်း မြင်နိုင်၊ဟောနိုင်သည် ။
လူနာများကိုလည်း ယခုဘဝရောဂါ
များအား အတိတ်ဘဝ ကိုဖော်ထုတ် ၍ ဆက်စပ်ကုသပေးနိုင်သည် ။
သူ၏အချို့လူနာများသည် လွန်ခဲ့
သော နှစ်ပေါင်းတစ်သောင်းကျော်
က ထွန်းကားခဲ့သော အတ္တလန်တစ်
မြို့တော် မှ ဖြစ် သည် ဟုလည်း
ဟောကြားခဲ့သည် ။
ဆိုလိုသည်မှာ သူသည် အတိတ် နှစ်
ပေါင်းသောင်းဂဏန်း အနာဂတ် နှစ်
ပေါင်းသောင်းဂဏန်းလောက်ထိ အချိန် အပိုင်းအခြား မရှိ ဒိုးယို ပေါက် သိနိုင်၊မြင် နိုင် သည့် သဘော
ဖြစ်သည် ။
အနာဂတ် ဟောကိန်းများ
ကေစီကြိုတင်ဟောကြားခဲ့သည့်
အနာဂတ် ဟောကိန်းများ အနက်မှ
-၁၉၂၉အမေရိကန်စတော့စျေးကွက်ပြိုလဲခြင်း
- ၁၉၃၉ဒုတိယကမ္ဘာစစ်ဖြစ်ပွားခြင်း
-တကမ္ဘာလုံးနေရာအနှံ့ မှချက်ခြင်း မြင်နိုင်၊ကြားနိုင်၊ဆက်သွယ်နိုင်ခြင်း
(အင်တာနက်၊ဗီဒီယို ကောလ်) တို့ မှာ
မှန်ခဲ့ပြီဖြစ်သည် ။
ဖြစ်လာနေ ဆဲစောင့်ကြည့်ရမည့်
ဟောကြားချက်များမှာ
-ကမ္ဘာ့ဝင်ရိုးစွန်း နှစ်ခု ပြောင်းပြန်
ဖြစ်မည် ။
(ယခင် က ကနေဒါ တွင်ရှိ ခဲ့သော
မြောက်ဝင်ရိုးစွန်း မှာ ယခုအခါ ဆိုင်ဘေးရီးယန်းဘက်သို့ ဖြည်းဖြည်းခြင်း တနှစ်လျင် ၁၀မှ၂၀ ကီလိုမီတာ
နှုံးဖြင့် ရွေ့လျားနေသည်)
-ရှေးဟောင်း အတ္တလန်တစ် မြို့တော်ပြန်လည် ပေါ်လာမည် ။ဘဟားမား နိုင်ငံ အနီး ဘီမီနီ တွင်စတင် တွေ့ရှိမည် (၁၉၃၈)
( ၁၉၆၈ တွင် ဘဟားမားနိုင်ငံ တွင်
ပင်လယ်ရေအောက်၁၈ ပေ အနက်ခန့်တွင်ကျောက်တုံး တန်း ၃ တန်း စီစီရီ ရီ ခင်းထားသည့် အကာအရံလို ၊ လမ်းလို ပုံစံဖြစ်နေသည့် ပေ ၂၆၀၀ ခန့် ရှည်သည့်ဘီမီနီ လမ်းကို ရှာဖွေ တွေ့ရှိ ခဲ့ကြသည်)
-ပင်လယ်ရေမျက်နှာပြင် မြင့်လာပြီး
ကုန်းမြေအဟောင်းအချို့ နစ်မြုပ်၍
ကုန်းမြေ အသစ်များပေါ်မည် ။
(ထင်ထင်ရှားရှားကြီးကြီးကျယ်ကျယ် မဖြစ်လာသေးသော် လည်း
ရာသီဥတု ပြောင်းလဲမှု ၊ရေ လွှမ်းမိုးမှု များ ကြောင့် အချို့ နေရာများ
စတင်ပြောင်းလဲ နေ ပြီဖြစ်သည်)
-ရောဂါအချို့ကို အသံ၊အလင်း၊ကြိမ်
နှုန်းကုထုံးများသုံး၍ ကုသမည်။
၁။ဂီတနှင့်အသံသည် ဝိညာဉ်နှင့်သက်ဆိုင်သော အင်အားတစ်ခုဖြစ်ပြီး၊ လူခန္ဓာကိုယ်၏ frequency (စွမ်းအင်လှုပ်ရှားမှု) ကို မြှင့်တင်ပြီး သဘာဝတရားနှင့် ချိတ်ဆက်ပေးနိုင်သည်။
ယနေ့ခေတ်မှာ
အသံကြိမ်နှုံးကုထုံး (Sound Frequency Therapy)
ဂီတ စွမ်းအင် ကုထုံး ( Binatural beats healing) များ ပေါ်ပေါက် ပြီ
ဖြစ်သည် ။
၂။ အလင်း ၊အရောင်တိုင်းသည်
ကြိမ်နှုံး (frequency )တစ်ခုစီရှိပြီး၊ လူ့ခန္ဓာကိုယ်ရှိ အာရုံလှုံ့ဆော်အစိတ်အပိုင်း များ (ဥပမာ – pineal gland, pituitary, etc.) ကိုလှုံံ့ဆော်
နှိုးဆွပေးနိုင်သည် ။
ယခုခေတ် တွင် အလင်းကုထုံး
(Light Therapy) များ စတင်သုံးစွဲနေပြီဖြစ်သည် ။
-ခရစ်သက္ကရာဇ်၂၀၀၀ခန့်မှစ၍ ဘာသာရေး၊တရားရှုမှတ်ခြင်း ၊
ဝိညာဥ် ရေးရာ ၊ စိတ်စွမ်းအင် အလေ့အကျင့်များ ထွန်းကားလာ
သော အသိဉာဏ်နိုးကြား( Spritual Awaking )ခေတ်သစ်ဖြစ်မည် ။
အက်ဂါ ကေစီ ဟောကိန်းများအရ ယခု အချိန်အခါသည်အသိဉာဏ်မြင့်မား မှု (spiritual consciousness) မြင့်တက်လာသည့် လူ့သမိုင်းကာလတစ်ခုပင် ဖြစ်ပါသည်။
ဤကာလကို “အကွားရီးယတ်စ် ခေတ်(Age of Aquarius)” ဟု လည်း ခေါ်ဆိုကြသည်။
အသိဉာဏ်နိုးကြားလာသောအခါ
လူ တို့၏ စိတ်သဘော ထား၊ခံယူချက် များ ပြောင်းလဲလာသည် ။ရုပ်ဝတ္ထု ကို အဓိကထားနေရာ မှ
စိတ် စွမ်းအား များ ၊ သဘာဝတရား
၏ သက်ရောက်မှုများ ကို ဂရုစိုက်
လာသည် ။
ကေစီ ပြောခဲ့သည်မှာ “လူတို့သည် မျှော်မှန်းချက်၊ ခံစားချက်၊ ခံယူချက်တို့အား လောကီအရာမှ မကွာခင် နတ်ပြည်ဆန်သော သဘောသစ်သို့ ပြောင်းလဲလာမည်” ဟု ဆိုခဲ့ပါသည်။
ဆိုလိုသည် မှာ စိတ်ထားမြင့်မြတ်
သော၊မေတ္တာ၊ဂရုဏာ၊မုဒိတာ၊ဥပေက္ခာ စိတ် ထားရှိသော၊ ငြိမ်းချမ်းကြည်လင်သော စိတ် မျိုး သို့ ပြောင်းလဲ လာသည် ကို
နတ်ပြည်ဆန်သောစိတ်ဟု ဆိုလိုခြင်း
ဖြစ်ပါမည် ။
ယနေ့ခေတ်တွင် သမထ ဝိပသနာ (mindfulness meditation) စိတ်စွမ်းအင် ကုထုံး( energy healing )
စသည့် စိတ်စွမ်းအား ပညာများ ထွန်းကားတိုးတက် လာခြင်းသည် ၎င်း၏ စတင်ခြင်းတစ်စိတ်တစ်ပိုင်း ဖြစ်နိုင်ပါသည်။
-ရှိ၊မရှိအငြင်းပွားနေကြ သည့်ရှေးဟောင်းအတ္တလန်တစ်မြို့တော်၏သမိုင်းအချက်အလက် များအားအီဂျစ်၊ဘဟားမား၊မက္ကဆီကိုနိုင်ငံတို့တွင် တွေ့ရှိ မည် ။
( အီဂျစ်နိုင်ငံ ၏ ပိရမစ် ကြီးများ၊
စဖင့် ရုပ်ထုကြီးများ တွင် လျှို့ဝှက်ချက် အများအပြားရှိနေပြီး ယခု အချိန်ထိ တော့ အတ္တလန်တစ် မြို့
တော် နှင့်ပတ်သက်သည် များ မတွေ့ရသေးပါ ။
မက္ကဆီကို နိုင်ငံတွင်လည်းပိရမစ်
ကြီးများရှိပြီး လျှို့ဝှက်ချက်များ
ရှိသည့်နေရာဖြစ်သည် ။
၁၉၆၈ တွင်ဘဟားနား နိုင်ငံ၌ ဘီမီနီ
ကျောက်တုံးများကို တွေ့ရှိ ခဲ့သည် )
အက်ဂါကေစီ ၏ လောက ဘုံ ၇ ဆင့် အမြင်
-သေဆုံးခြင်းသည် အဆုံးသတ် မဟုတ်၊တုန်ခါနှုံး(ပုံစံပြောင်းခြင်း)
ပြောင်းလဲခြင်းသာ ဖြစ်သည် ။
-ယခုဘဝ ၏ ရုပ်ခန္ဓာ ၊ဘုံ တစ်ခုမှ
အခြားသော ဘုံတစ်ခု၏ ရုပ်ခန္ဓာ သို့
ပြောင်းလဲခြင်းဖြစ်သည် ။
-ယခုဘဝတွင်ရှိသောစိတ်နေစိတ်ထား၊ကျန်းမာရေး၊ဝါသနာ၊ကျွမ်းကျင်မှု၊ အလေ့အကျင့်များ
သည် တမလွန်ဘဝ တွင်သက်ရောက်
မှုရှိသည် ။
-ထို့အတူ ယခုဘဝ တွင် ရှိနေသော
ဉာဏ်ရည်၊အရည်အချင်း၊ကျွမ်းကျင်မှု၊စိတ်ထားတို့သည် လည်းယခင်ဘဝ၏ အကျိုးဆက်ရလဒ် များဖြစ်သည် ။
-စိတ်ကြမ်းတမ်းခြင်း၊နူးညံ့ခြင်း ၊
အလိုဆန္ဒ များခြင်း၊နည်းပါးခြင်း
တို့ အပေါ်မူတည် ၍ တမလွန်ဘဝဘုံ
တခုခုသို့ ရောက်မည် ။
-ဘုံ ၇ ဆင့် ခွဲခြား နိုင်သည် ။
အကြမ်းတမ်းဆုံးမှာ ရုပ်ခန္ဓာထင်ရှား
ရှိသော ကာမဘုံ(Physical Plane) ဖြစ် သည် ။
စိတ်ထားကောင်းခြင်း၊ကိလေသာနည်းပါးခြင်း၊ မေတ္တာတရားပြည့်ဝခြင်း တို့ ကိုလိုက်၍ ဘုံအဆင့်ဆင့်
မြင့်တက် သည် ။
အမြင့်ဆုံးမှာ သဘာဝတရားနှင့်
တသားတည်းဖြစ် သွားသည့် သဘာဝဘုံ Divine Plane (Oneness)ဖြစ်သည် ။
-လူတို့သည် ဘဝ တိုင်းတွင် စိတ်ထားကောင်းခြင်း၊ဉာဏ်ရည်တိုး
တက်ခြင်း၊ သီလ၊သမာဓိ ကောင်းခြင်း တို့ ဖြင့် ပို၍မြင့်ေသာဘုံအဆင့်ဆင့်သို့ တက်လှမ်းနိုင်သည် ။
-ထို့အတူ ဆန့်ကျင်ဘက်အားဖြင့်
စိတ်ထားကြမ်းတမ်းခြင်း၊ကိလေသာထူပြောခြင်း၊ဉာဏ် နည်းခြင်း တို့
ကြောင့် ပို၍ပို၍ နိမ့်သော ၊ဆင်းရဲ
သောဘုံတို့ သို့ ကျ နိုင်သည် ။
-သံသရာ တလျှောက် ပြုလုပ်ခဲ့သော
ကောင်းမှု၊မကောင်းမှုများ၊စိတ်ခံစား
မှုများ၊အဖြစ်အပျက်များအားလုံးသည် စကြဝဠာ တွင်မှတ်တမ်းအဖြစ်
ရှိနေသည် ။
(ကေစီ က လူနာ တစ်ဦးအား ကုသ
မှုပေးမည်ဆိုလျင် အိပ် မွေ့ချ မသိစိတ်ဖြင့် ထိုသူ၏ စကြဝဠာ မှတ်တမ်း ကို စိတ် တန်ခိုးဖြင့်သွားရောက်ကြည့်ရှု ပြီး လူနာ၏အတိတ်က အဖြစ်အပျက်များကို ပါထည့်သွင်းစဥ်းစားသည်။
ကေစီ မှ လူတိုင်း၏ အတိတ်၊ လက်ရှိ၊ အနာဂတ် ဖြစ်ရပ်များဟာ
စကြဝဠာမှတ်တမ်းတိုက်
Akashic Record လို့ခေါ်သည့် တစ်နေရာ မှာ သိမ်းဆည်းထားသည်ဟု ဆိုသည် ။ အိပ်တဝက်နိုးတဝက်အ
ခြေအနေတွင်
သူ့စိတ်သည် ထို စကြဝဠာမှတ်တမ်းတိုက်” ကို တိုက်ရိုက် ချိတ်ဆက်နိုင်သည် ။
ထိုမှတ်တမ်းနေရာမှ သိလိုသူ၏ အတိတ်ဘဝများ၊ ကံကြမ္မာအခြေအနေ၊ အနာဂတ်တို့ ကို ဖတ်နိုင်သည် ဟု ဆိုသည်)
ဆက်ရန်
(၁.၁၁.၂၅)နိုင်အောင် conqueror
အကြားအမြင် ရစိတ်တန်ခိုးရှင်များ၏
အနာဂတ်ဟောကိန်းများ
အပိုင်း........................................၂
