=•=•=•=•=•=•=•=•=•=•=•=•=•=•=•=•=•=•=•=•=
ကလေးငယ်တွေဟာ မိဘတွေနဲ့ အပြုသဘော ဆက်ဆံ
ရေးတစ်ခု တည်ဆောက်ရင်း လူလောက အကြောင်း
စတင်သင်ယူရတာပါ။ ကလေးတွေဟာ ကြီးထွားဖွံ့ဖြိုး
ပြောင်းလဲလာရင်း မိမိတို့ဟာ ဘေးကင်းလုံခြုံရဲ့လား၊
အချစ် ခံကြရရဲ့လားဆိုတာ သိဖို့ မိဘတွေကိုကြည့်ရပါ
တယ်။ ဒီအချက်ဟာအနာဂတ် လူမှုဆက်ဆံရေးရဲ့
အခြေခံလည်းဖြစ်ပါတယ်။
သင်အနေနဲ့ ကလေး သက်တောင့်သက်သာ စူးစမ်းနိုင်
မယ့် ပတ်ဝန်းကျင်လေးဖန်တီးပေးခြင်း၊ ကလေးနဲ့
အတူ အရည်အသွေးရှိတဲ့ အခိုက်အတန့်အချိန်လေး
များ ဖန်တီးပေးခြင်းဖြင် မိဘနဲ့ကလေး အပြုသဘော
ဆက်ဆံရေးတစ်ခုတည်ဆောက်နိုင်ပါတယ်။
ကလေးတွေနဲ့ ကောင်းမွန်တဲ့ ဆက်ဆံရေးတစ်ခု
တည်ဆောက်ရတာ ပင်ပမ်း ခက်ခဲမှုတွေလည်းရှိ
ကောင်းရှိပါလိမ့်မယ်။ အောက်ပါအကြံပြုချက်များ
ကို စမ်းသပ်အသုံးချကြည့်ပါ။
၁။ မိဘ ချစ်ခြင်းမေတ္တာပြသပါ။
မိဘရဲ့ ယုယပိုက်ထွေး ထိတွေ့မှု၊ ချစ်ခြင်းမေတ္တာပြသမှု
တွေဟာ ကလေးရဲ့ စိတ်လှုပ်ရှားမှုဆိုင်ရာကျန်းမာရေး၊အာရုံကြောနဲ့ဇီဝဗေဒဆိုင်ရာကျန်းမာရေးတို့အတွက် မရှိ
မဖြစ်လိုအပ်ပါတယ်။ ကလေးကိုချစ်ခြင်းမေတ္တာပေးတဲ့
အခါ နှောင်ကြိုးမဲ့ချစ်မေတ္တာပေးပါ။ ဆိုလိုတာက မင်း
ဘာလုပ်ရင်ချစ်မယ်၊ ဘာလုပ်ရင်မချစ်ဘူးလို့ဆိုတာဟာ
နှောင်ကြိုးတွေပါလာပါတယ်။ အဲလိုမဟုတ်ဘဲ မင်းဘာ
လုပ်လုပ်၊ ဘယ်လိုလူမျိုးဖြစ်ဖြစ် ချစ်နေတယ် လက်ခံနေ
တယ်ဆိုတာ ကလေးသိအောင်ပြပါ။ ဒီလိုဆိုလိုတာဟာ
ကလေးကို မကောင်းတာတွေ အလုပ်ခိုင်းရမယ်လို့
ဆိုလိုတာ မဟုတ်ပါ။ ချစ်ခြင်းမေတ္တာပြစဉ်မှာ ကလေးနဲ့
ပြောဆိုဆက်ဆံတိုင်း ကလေးဟာ သင်ထံက နူးညံ့တဲ့
ထိတွေ့ပွေ့ပိုက်မှု၊ နွေးထွေးတဲ့ ပြောဆိုနှုတ်ခွန်းဆက်မှု၊
မျက်လုံးချင်းဆုံအောင်ကြည့် ပြုံးပြမှု၊ ရိုးသားစွာတုံ့လှယ် ဆက်ဆံမှုတို့လိုတယ်လို့ ဆိုလိုတာပါ။
၂။ ချစ်တဲ့အကြောင်း မကြာခဏ ပြောပေးပါ။
သားက/သမီးက ချစ်စရာတအားကောင်းတာပဲ။
မေမေကချစ်လိုက်တာ။ ဖေဖေကချစ်လိုက်တာ စသဖြင့်
မကြာခဏ ကလေးကို ပြောပေးပါ။ ကလေးကိုပြောရဆို
ရခက်ချိန်၊ သင်မကြိုက်တာလုပ်တဲ့အချိန်မှာပင် သူ့ကို
နှောင်ကြိုးမဲ့မေတ္တာပြဖို့ သင်ကိုယ်သင် သတိရနေစေ
ရန်ဖြစ်ပါတယ်။ အဲဒီအချက်ဟာ ကလေးနဲ့သင်ရဲ့
ရေရှည်ဆက်ဆံရေးကို အကျိုးပြုစေပါလိမ့်မယ်။
၃။ စည်းမျဉ်း၊ စည်းကမ်း၊ ၄င်းတို့ရဲ့အကျိုးဆက်
များကိုလည်း ကလေးနားလည်အောင် ရှင်းလင်းစွာ
ချမှတ်ပါ။ ကလေးတွေဟာ ကြီးပြင်းလာချိန် မိမိ
ပတ်ဝန်းကျင် ကမ္ဘာလောကအကြောင်းသင်ယူရာမှာ
စည်းစနစ်ကျမှု၊ လမ်းပြမှုတို့လိုအပ်ပါတယ်။ သင်က
သူ့ကို ဘာလိုဖြစ်စေလိုတဲ့အကြောင်း နားလည်အောင်
ပြောထားပါ။ စည်းကမ်းဖောက်ရင် သူ့အသက်အရွယ်နဲ့ဆီလျှော်တဲ့ အကျိုးဆက်တို့ နေရာတင်ပေးပါ။ သားသား
ဟာ မေမေ ပြောစကားနားမထောင်ရင် မေမေသားသားနဲ့
ကစားပေးမှာ မဟုတ်ဘူးစသဖြင့်ပြောပါ။ ကစားပြီး
ပစ္စည်းတွေကူမသိမ်းရင် မေမေသားသားနဲ့ မကစားဘူး
သဖြင့်ပြောပါ။ စည်းကမ်းကို တသမတ်တည်းထားပါ။ ခုတစ် မျိုးတော်ကြာတစ်မျိုးမဖြစ်သင့်ပါ။
၄။ နားထောင်ပေးပါ။ သူနေရာကဝင်၍ခံစားပေးပါ။
ကလေးနဲ့ဆက်သွယ်ဖို့ သူပြောတာကိုနားထောင်ပေး
ခြင်းကစရပါတယ်။ ကလေးရဲ့ခံစားမှုများကို အသိ
အမှတ်ပြုပြီး သူ့ကို နားလည်ကြောင်းပြသပါ။ သူ
လိုအပ်ချိန်တိုင်း သူ့အတွက် သင် အသင့်ရှိကြောင်း
သူစိတ်သက်သာအောင်လုပ်ပေးပါ။ သူ့ရှုထောင့်က
ကြည့်မြင်တတ်အောင်ကြိုးစားကြည့်ပါ။ ထို့သို့လုပ်
ဆောင်ခြင်းဖြင့် ကလေးနဲ့သင် အပြန်အလှန်လေးစား
မှု ရလာပါလိမ့်မယ်။
၅။ ကလေးနဲ့အတူကစားပါ။ ကလေးရဲ့ဖွံ့ဖြိုးမှုအ
တွက် ကစားခြင်းက အရေးကြီးပါတယ်။ ကစား
ခြင်းဟာ ဘာသာစကားစွမ်းရည်၊ စိတ်လှုပ်ရှားမှု
ဆိုင်ရာ ဖော်ပြတတ်မှု၊ တီထွင်ဖန်တီးတတ်မှု၊ လူမှု
ဆက်ဆံရေးစွမ်းရည် စသည်တို့ဖွံ့ဖြိုးမှုအတွက် အရေး
ကြီးပါတယ်။ သင်နဲ့ ဆက်ဆံရေးခိုင်မာစေတဲ့
ပျော်ရွှင်စရာနည်းလမ်းတစ်ခုလည်းဖြစ်ပါတယ်။
ဘာကစားနည်းကစားကစားအရေးမကြီး။ သင်နဲ့
ကလေးနှစ်ခြိုက်မှုနဲ့ မမှိတ်မသုန် အာရုံစူးစိုက်မှုရ
စေဖို့ပဲ ဖြစ်ပါတယ်။
၆။ စိတ်ပျံလွှင့် စိတ်အနှောက်အယှက်ကင်းစေသော
အချိန်အလေးတစ်ခု သင်နဲ့ကလေးအတွက် သတ်မှတ်
ပါ။ သင့်ကလေးနဲ့ စိတ်ပျံ့လွှင်မှုမရှိပဲ စကားစ
မြည်ပြောဖို့ တစ်နေ့ ဆယ်မိနစ်လောက်အချိန်လေး
ပေးခြင်းဟာ ဆက်သွယ်စကားပြောဆိုတတ်တဲ့စွမ်း
ရည်ကောင်လေးရအောင်ဖန်တီးပေးနိုင်ပါလိမ့်မယ်။
တီဗီတွေ ဖုန်းတွေပိတ်ပြီး ကလေးနဲ့ ဆယ်မိနစ်လောက်
စကားပြောဖို့လုပ်ပါ။ သင့်ဘဝမှာ သင်ဟာသူ့ကို ဦးစား
ပေးတယ် ဆိုတာ ကလေးသိဖို့လည်းလိုပါတယ်။
၇။ ထမင်းအတူစားပါ။ မိသားစုထမင်းအတူစားခြင်းဟာ
ထမင်းဝိုင်းမှာ စကားပြောချိန်ရပြီး မိသားစုသံယောဇဉ်
ခိုင်မာစေပါတယ်။ ကလေးနဲ့လည်း ပိုပြီးသံယောဇဉ်
ခိုင်မာစေပါတယ်။ မိသားစုထမင်းဝိုင်းဟာ အဟာရ
ညီညွတ်ပြည့်ဝတဲ့ အစားအသောက် တွေ ဘယ်လိုစား
သောက်နိုင်တယ်ဆိုတာ ကလေးကို သင်ကြားပေးဖို့
အခွင့်အလမ်းလည်းရစေပြီး ကိုယ်-စိတ် ကျန်းမာရေး
နှစ်မျိုးလုံး အတွက် ဂရုစိုက်မှုရစေပါလိမ့်မယ်။
၈။ မိဘ-သားသမီးအထိန်းအမှတ်ပွဲလေးများ ကျင်း
ပပေးပါ။ သင့်မှာ ကလေးတစ်ဦးမက ရှိရင် ကလေး
တို့နဲ့အတူ မွေးနေ့ကျင်းပတာ၊ အားလပ်ရက် ခရီးအတူ
ထွက်တာ၊ မိသားစုလိုက် အပြင်ထွက် ထမင်းစားတာ
စသဖြင့် အထိန်းအမှတ်ပွဲလေးများလည်း ကျင်းပ
နိုင်ပါတယ်။ ထိုသို့လုပ်ဆောင်ခြင်ဖြင့် ကလေးတို့ကို
တန်ဖိုးထားပြီး သူတို့ရဲ့ အတ္တအလေးအမြတ်ထားမှု
ကို မြှင့်တင်ပေးရာ ရောက်ပါလိမ့်မယ်။
ဒေါက်တာမြင့်လွင်(စိတ်ပညာ)
No comments:
Post a Comment