ကျန်းမာမှုမရှိတဲ့ မိသားစုဆက်ဆံရေး (Unhealthy Family System) ထဲမှာ ပြဿနာကို အများဆုံး ရင်ဆိုင်ရသူတွေဟာ Healthy ဖြစ်နေသူတွေလည်း ဖြစ်ကောင်းဖြစ်နေတတ်ပါတယ်။
ဒါဟာ အမြဲတမ်း ကိုယ်တိုင်ဟာ တစ်ခုခုမှားနေလို့ မဟုတ်ပါဘူး။ ကိုယ့်ဘက်က -
စည်းဘောင်တွေကို သိလာတဲ့အခါ ပြောင်းလဲမှုတွေကို ရွေးချယ်လာတဲ့အခါ ဖြစ်သင့်တဲ့အရာတွေ၊ ကျန်းမာတဲ့ ဆက်ဆံရေးတွေကို နားလည်လာတဲ့အခါ… ယခင်ကတည်းက မညီညာမချောမွေ့ခဲ့တဲ့ ဒီ system ကြီးအတွက်တော့ ကိုယ်လက်ရှိ နားလည်သိမြင်လာတဲ့အရာတွေဟာ အနှောက်အယှက်လိုမျိုး ဖြစ်လာနိုင်တယ်။
ကိုယ်တိုင် ကုစားနိုင်လာတဲ့အခါ၊ “စည်းဘောင်တွေဟာ ရှိသင့်တယ်၊ လေးစားသင့်တယ်” ဆိုတာကို နားလည်လာတဲ့အခါနဲ့ တစ်ဘက်ကို ထိခိုက်နာကျင်စေတဲ့ အပြုအမူတွေကို လက်ခံဖို့ မသင့်ဘူး ဆိုတာကို ထောက်ပြလာနိုင်တဲ့အခါ…ဒီ ပြောင်းလဲမှုတွေအပေါ် တခြားသော မိသားစုဝင်တွေအနေနဲ့ လက်ခံရခက်ကောင်း ခက်နေတတ်တယ်။ အဲ့ဒီအချိန်မှာ resistance တွေ ပေါ်လာတတ်ပြီး တုံ့ပြန်မှုတွေ၊ ဖိအားတွေ ပါလာတတ်ပါတယ်။
ဆက်ဆံရေး dynamic တစ်ခုထဲမှာ တစ်ယောက်ယောက် ပြောင်းလဲလာတဲ့အခါ… အဲ့ဒီပြောင်းလဲမှုကို ချက်ချင်းလက်မခံနိုင်ကြတာကြောင့် တုံ့ပြန်မှုတွေပေါ်လာတာဟာ သဘာဝကျပါတယ်။
ဒါပေမယ့် ကိုယ့်ရဲ့ ပြောင်းလဲနိုင်ခြင်းတွေဟာ သတ္တိရှိတဲ့ လုပ်ရပ် လို့ ဆိုလိုလို့ ရပါတယ်။ ဒါဟာ ကိုယ်တစ်ယောက်တည်းအတွက်သာ မဟုတ်ဘဲ နောင်လာမယ့် မျိုးဆက်တွေ၊ ကိုယ့်ရဲ့ အနာဂတ် generation ဆီပါ ပိုပြီး healthier patterns တွေကို လက်ဆင့်ကမ်းနိုင်ဖို့ ဖြစ်လာစေပါတယ်။
အလုပ်မဖြစ်တဲ့ cycle ကို break လုပ်ရတာဟာ ထင်သလောက် မလွယ်ကူပါဘူး။ ဒါပေမယ့် နောင်လာမယ့် မျိုးဆက်တွေအတွက် ကျန်းမာအဆင်ပြေတဲ့ ဆက်ဆံရေးတွေကို ဖန်တီးနိုင်ဖို့ဆိုရင် ဒီပြောင်းလဲမှုဟာ အမှန်တကယ် ထိုက်တန်ပါတယ်။မေတ္တာဖြင့်
Andrea\
No comments:
Post a Comment