Breakfast meal _ Cherry Aung

 

မနက်စာလုပ်နည်းပေါင်းချုပ်

တစ်ခါလေ ပို့စ်တွေပြန်ရှာမရဘူး ပြောကြလို့ ပြန်စုပေးထားပါတယ်

ပုံအောက်မှာ ချက်နည်းလေးတွေပါပါတယ်နော် …

#မနက်စာ

#breakfast

#burmesefood

နန်းကြီးသုပ်ကို ပဲမှုန့်အစား ပဲပြစ်လေးနဲ့ သုပ်စားကြည့်ပါ…

ပဲမှုန့်နဲ့ သုပ်စားတာထက် ပိုကောင်းပါတယ် ….

သုပ်နည်း

ပဲမှုန့်အစိမ်းကို ရေ​ဖျော် ဆားဆနွင်းထည့်ပြီး ပဲစိမ်းနံ့​ပျောက်တဲ့အထိ ခပ်ပြစ်ပြစ်က​လေး ကြိုပါ

ကြက်သားကို ကြက်သွန် နီ ဖြူ ခရမ်းချဉ်သီးနဲ့ ဆီသတ်ချက်ပါ

ကြက်သွန်ဖြူဆီချက် နဲ့ ဆီနီ ချက်ထားပါ

အသုပ်ထဲကို
ပဲပြစ်
ကြက်သားချက်
ငံပြာရည် ကြက်သားမှုန့် သံပုရာသီး
ဆီချက်

အားလုံးထည့်သုပ်လိုက်ရင် ရိုးရိုးပဲမှုန့်နဲ့ သုပ်တာထက်အရသာရှိတဲ့ နန်းကြီးသုပ်ရပါပြီ 

ကျန်တဲ့လိုအပ်တာ​တွေက​တော့

တို့ဟူးနွေးလုပ်နည်း
အကြိုက်ဆုံး အစားအသောက်တစ်ခုထဲပါတဲ့ တို့ဟူးနွေးလုပ်နည်းကို ရေးပေးပါမယ်….

ပဲစိမ်းမှုန့် ၄ ဇွန်းမောက်မောက်ကို ရေတစ်ခွက်ထည့် ဖျော်ထားပါ ကြိုမယ့်အိုးထဲကို ရေတစ်ခွက်ထည့် ဆူအောင်တည်ပီး နနွင်းမှုန့်ဆား နဲ့ ကြက်သားမှုန့်ထည့်ပါ (ရေအချိုးကအတိအကျဖြစ်စရာမလိုပါဘူး)

ပီးရင် ရေဖျော်ထားတဲ့ ပဲစိမ်းမှုန့်ကို ဇကာစစ်ပီး လောင်းထည့်ကာ အဆက်မပြတ် မွှေပေးရပါမယ်….တို့ဟူး​သား ပိုနူးညံ့ဖို့ Corn starch တစ်ဇွန်း​မောက်​မောက်ကိုလည်း ရေ​ဖျော်ထည့်ပါတယ်….

မီးလျော့ပီး မွှေရင် အနည်းဆုံး ၁၅ မိနစ်လောက်ကြာမှ အစိမ်းနံ့ကပျောက်ပါတယ်နော်…အ​နေ​တော် ခပ်ပြစ်ပြစ်​လေးရရင် မီးပိတ်လို့ရပါပြီ

ကြက်သားကို အတုံးသေးသေးတုံးပီး ဆား ငံပြာရည် ဆနွင်းနယ်ပါ ကြက်သွန်နီ ကြက်သွန်ဖြူ ခရမ်းချဉ်သီး နဲ့ ဆီသတ်ပီး ကြက်သားချက်ပြင်ဆင်ထားပါ

ကျန်တဲ့လိုအပ်တာ​တွေက​တော့

ဆီနီ (ငရုတ်သီးအကြမ်းမှုန့် ထဲဆီပူ​လောင်းထည့်တာပါ)
ကြက်သွန်ဖြူဆီချက်
ဆီ​မွှေး (ရှေက်​ကော ပါ​ကော နဲ့ နှမ်းထည့်ပီး မွှေး​အောင်ဆီသတ်တာပါ)
ပဲငံပြာရည် အကြည် /အ​နောက်
မြေပဲဆံ နဲ့ နှမ်း​ထောင်း
ရှမ်းချဉ် ငရုတ်သီး

ခေါက်ဆွဲဖတ်ကို ပြုတ်ပီး တို့ဟူးကြို ကြက်သားချက်နဲ့ တခြား ပါဝင်ပစ္စည်းများ အကုန်ထည့်ပီးနံနံပင်လေးထည့်စားရင် အရမ်းကောင်းတဲ့ တို့ဟူးနွေးရပါပီ

ရှမ်းခေါက်ဆွဲ ချက်နည်း
ကိုယ်က ကလေးတစ်ဖက်နဲ့ဆိုတော့ စားချင်ရင် လွယ်ကူစားလို့ရအောင် ကြက်သားအနှစ်ကို များများချက်ထားတယ် …

အဲအနှစ်က နန်းကြီးသုပ်တို့ တို့ဟူးနွေးတို့ စားရင်လည်း ထည့်စားလို့ရတယ် …

အနှစ်ချက်နည်းကလည်း ရိုးရှင်းပါတယ်

ကြက်သွန်ဖြူ နီ နဲ့ ခရမ်းချဉ်သီးကို ဆီသတ်တယ်

ကြက်သားထည့်တယ် အနှစ်ကျ​နေ​အောင် ဆီသတ်ပါတယ် မကျည်းမှည့်​လေး နည်းနည်းထည့်တယ် ဒါပါပဲ.. ကြိုက်လို့ထည့်တာပါ

ရှမ်း​ခေါက်ဆွဲ ပဲငပိက​တော့ ready made LEE KUM KEE brand နှစ်ဗူးသုံးတယ် black bean နဲ့ Chili bean …
Amazon မှာလည်းရှိတယ် Asian ဆိုင်​တွေလည်းရတယ်

မုန့်ဖတ်က Vietnam မုန့်ဖတ်သုံးတယ် သူက fresh ဆို​တော့ ခဏပြုတ်ရင်ရပီ …

မြေပဲဆန်​ထောင်း
ပဲငံပြာရည်အ​ကြည်
ပဲငပိ
ဆီချက်
ကြက်သားနှစ်
ငရုတ်သီး​ကြော် ( ready made ရှိတယ် ဒီတံဆိပ်ပဲ)
ငရုတ်​ကောင်းနည်းနည်းထည့်တယ်

အရည်​လေးနဲ့စားချင်ရင် ကြက်ပြုတ်ရည်​လေးထည့်တယ်
ကြက်သားအနှစ်ကို မကုန်ရင် ရေခဲ​သေတ္တာထဲ ခဲပီး စားချင်ခါမှ ပြန်ထုတ်စားတယ်

ဒါဆို လွယ်ကူမြန်ဆန်တဲ့ မနက်စာတွေ လုပ်စားလို့ပါပီ

ပဲငပိခေါက်ဆွဲ  အရမ်း​ကောင်းတာပဲ
မြန်လည်းမြန်ရမယ် ခေါက်ဆွဲ​ကောင်း​ကောင်းလည်းစားချင်ရင် ဒီဟာ​လေး လုပ်စားပါ

အရင်ဆုံး Sauce စပ်ပါမယ်
ပဲငပိအစပ် နှစ်ဇွန်း
Chili Black bean တစ်ဇွန်း
Chili oil တစ်ဇွန်း
ခရုဆီ တစ်ဇွန်း
ပဲငံပြာရည် တစ်ဇွန်း
Vinegar တစ်ဇွန်း
အားလုံးကို​မွှေထားပါ

ကြိတ်ထားတဲ့ အသား တစ်မျိုးမျိုးကို ဆီနည်းနည်းနဲ့ ကြော်ပါ.. ကြက်သွန်ဖြူနုတ်နုတ်စင်းထည့်ပါ ပြီးရင် စပ်ထားတဲ့ Sauce ကို​လောင်းထည့်ပါ (ဝက်သားဆိုပို​ကောင်းပါတယ်)

Corn starch( ကော်ရည်)တစ်ဇွန်း ထည့်​ရေထည့်ပီး မွှေ​ပေးလိုက်ရင် ရပါပြီ

ခေါက်ဆွဲက Spaghetti ခေါက်ဆွဲသုံးထားပါတယ်…

ခေါက်ဆွဲပြုတ်ပြီး ချက်ထားတဲ့အနှစ်ထည့်

သခွါးသီးပါးပါးလှီးထည့် ပြီးစားလို့ရပါပြီရှင်

ဒီDishes ကို Singapore မှာစားဖူးပြီး မ​နေ့ကမှ Recipes တွေ့လို့ လုပ်စားဖြစ်တာ တော်​တော်​ကောင်းပါတယ် 

သုံးထားတဲ့ ပဲငပိဘူး​တွေ ပုံမှာပြထားပါတယ် ရှမ်း​ခေါက်ဆွဲ မြီးရှည် မှာသုံးတဲ့ ပဲငပိဘူး ပါပဲ

ဆန်ပြားလိပ် လုပ်နည်း ကော်ပြန့်ပေါင်း

Asian Market က​နေ Rice Paper ဝယ်ပါတယ် (comments ထဲမှာပုံ ရှိပါတယ်)
Rice paper ကို 8-10min လောက်ပေါင်းပါမယ်
အစာအတွက်
မုန်လာဥနီ
ကြက်နားရွက်မှို
အမဲသား (ကြိုက်နှစ်သက်တဲ့အသားသုံးပါ)
ပုစွန်
အားလုံးကို ဒယ်ဒိုးထဲထည့် ဆီနည်းနည်း​လေးပဲထည့် ငရုတ်​ကောင်း ကြက်သွန်ဖြူ ဆား ပဲငံပြာရည်အကြည် ခရုဆီ ကြက်သွန်မိတ်

အားလုံးထည့်ပီး ကျက်​အောင်ချက်ပါ
နောက်ဆုံးမှာ corn strach တစ်ဇွန်းကို ရေ​ဖျော်ပီးထည့်လိုက်ပါ…စေး​စေး​လေးဖြစ်​အောင်လို့ပါ

ကဲပီးရင်​တော့ ဆန်ပြား​လေးကို ခွါပီး အစာသွပ်လိပ်လိုက်ရင် စားလို့ရပါပီ…

အချဉ်လုပ်နည်းက ပုစွန်ခွက်​ကြော် post မှာ​ရေး​ပေးပီးပါပီ​နော် 

စားလိုက်ပါအုန်းမယ်

ကြာဇံကြော်နည်း 

မနက်စာ ကြာဇံ​ကြော်​လေး ကြော်စားပါတယ်

WAI WAI ကြာဇံကို ရေ​နွေး​နဲ့ 5 min လောက်စိမ်ပါတယ် ရေက အရမ်းပူ​နေတာမျိုးမဟုတ်ဘူး Tap က ရေပူနဲ့ပဲ စိမ်ပါတယ် …ပြီးရင်ကြာဇံကို ရေစစ်ပီး ပဲငံပြာရည်အကြည် အ​နောက် ငံပြာရည် ခရုဆီနဲ့ နှယ်ထားပါမယ် …

ကြက်သားကို သေး​သေးလှီးပီးပဲငံပြာရည် ခရုဆီနဲ့ နှပ်ပါတယ်

အသီးရွက်လှီးပြီး ရေ​စစ်ထားပါမယ်

ဆီထဲ ကြက်သွန်ဖြူ ဓါးပြားရိုက်ပြီး စ​ကြော်လို့ရပါပြီ…
ကြက်သားထည့်​မွှေ အရွက်ထည့် ငံပြာရည်ထည့် မွှေ

ကြာဇံထည့်​မွှေပြီး အ​ပေါ့ငံမြည်းကြည့်မယ် ..ကြာဇံ​တွေ အိလာရင် ရပါပြီ…..

ကြာဇံ​ကြော် ခေါက်ဆွဲ​ကြော်စားရင် ဘိတ်ချဉ် ဂေါ်ဖီချဉ်နဲ့ စားပါတယ်…

ဘိတ်ချဉ်လုပ်နည်း 

ငရုတ်သီးစိမ်း ကြက်သွန်ဖြူ Vinegar ပဲငံပြာရည်အကြည် ရောလိုက်ရင်ရပါပြီ

ဒီမနက်တော့ မစားရတာကြာပီဖြစ်တဲ့ မန္တ​လေးမြီးရှည်လေးလုပ်ဖြစ်တယ်

မြီးရှည်ဆို မြေအိုးမြီးရှည် ကျိုင်းတုံမြီးရှည် မန်း​လေးမြီးရှည် အကုန်ကြိုက်ပဲ..

မြီးရှည်လုပ်ရင် သုံးတာက နောက်က ပဲငပိနှစ်ဗူးနဲ့ငရုတ်ဆီပါ…

ပါဝင်ပစ္စည်းကတော့နည်းနည်းများပါတယ်

အသားတစ်မျိုးမျိုး
ပဲငပိ
နံနံပင်နဲ့ကြက်သွန်ဖြူ ဆား​ရောထားတဲ့အရည်
မုန်ညှင်းချဉ်
ပဲပင်ပါက်(မရှိလို့မထည့်လိုက်ရ)
ငရုတ်သီးဆီနီချက်
ကော်ရည်(ဆန်မှုန့်နဲ့ ပြောင်း​ကော်မှုန့်​ရောကြိုပါတယ်)
မုန့်ဖတ်
ဂျုံ​ကြော် (ဂျုံမှုန့်နဲ့ ကြက်ဥ​ ဆား baking soda ရောနှယ်ပီး​ကြော်တာပါ)

မြီးရှည်ကြိုက်တဲ့သူ​တွေက​တော့ အများကြီးလုပ်ထားပီ တ​နေကုန်စားကြတာပဲ…

ကောက်ညှင်းပဲကြော်လုပ်နည်း 

မနက်စာ​လေးထပ်လုပ်စားဖြစ်လို့ ပြန်တင်​ပေးလိုက်ပါတယ်

အ​ကြော်ထဲမှာ ကောက်ညှင်းပဲကြော်က အလွယ်ဆုံးပဲ

Kidney beans တစ်ဗူးသုံးတယ် ပြုတ်ပီးသားမို့ ရေပဲ​ဆေးလိုက်ရုံပဲ

ကောက်ညှင်းမှုန့် ဆန်ချိန်ခွက် နှစ်ခွက်ထည့် ဆန်မှုန့် ၂ ဇွန်းလောက်ပဲထည့်တယ် ဆားထည့် ဂျင်းအနှစ်ထည့် ပီး

ရေကိုနည်းနည်းချင်း ထည့်နှယ်ပါတယ်… နှယ်ရင်းပန်းကန်တွေကို မကပ်တော့ပဲ အလုံးလုံးလို့ရတဲ့ အနေထားလောက်ဆို ရပါပြီ

ပြားပြားလေးလုပ်ပြီး ဆီအနေတော်ထည့်ကြော်ပါတယ် …အရောင်ပြောင်းပြီး ကြွတ်ရွလာရင် စားဖို့ အဆင်သင့်ဖြစ်ပါပြီ …

မုန့်ပြားသလက်​လေးထပ်လုပ်စားဖြစ်တယ်

ဒီနည်းက ခုမုန့်နှစ်စပ်ပီး ခုလုပ်စားလို့ရပါတယ် တစ်ညသိပ်ပီး အချဉ်မ​ဖောက်​တော့ပါဘူး

ပါဝင်ပစ္စည်း​တွေက 

ဆန်မှုန့် ဆန်ချိန်ခွက် ၂ ခွက်
ရေ ဆန်ချိန်ခွက် ၃ ခွက်
ကောက်ညှင်း ၁ ဇွန်း
Yeast 1 ဇွန်း (baking soda လည်း သုံးလို့ရပါတယ်)
ဆားတစ်ဇွန်း
အားလုံးကို ဖျော်ပီး မုန့်နှစ်စပ်ထားပါ

အစာပလာအတွက်
ပဲပြုတ်
ကြက်ဥ
ခရမ်းချဉ်သီး နံနံပင် ပြင်ဆင်ထားပါ

ဒယ်အိုးအ​သေးတစ်လုံးထဲကို ဆီ​လေးသုပ်ပီး မုန့်နှစ်ထည့် အစာပလာ​တွေထည့်ပီး ဒယ်အိုးအဖုံးကိုပိတ်ပီး မုန့်သား​လေးကျက်လာရင် ဆီ​လေး သုပ်​ပေးပါ

ခဏ​လောက်​စောင့်ပီးရင်​တော့ ကော်လို့ရပါပြီရှင် 
မစားရတာကြာ​တော့ စားလို့​ကောင်းမှ​ကောင်းပဲ

ဒီအချိုးအစားက မုန့် ၈ ခု​လောက်ရပါတယ်.. နည်းနည်းပဲစားချင်ရင်​လျော့လုပ်ပါ…

ငယ်ငယ်ကဆို မုန့်ပြားသလက်​ရောင်းတဲ့သူ​တွေက ဆန်ကွဲကို တစ်ည​ရေစိမ်ပီး အချဉ်​ဖောက် ပြီးမှ ဆုံကြီး​တွေထဲထည့် လက်နဲ့ကြိတ်ပီး မုန့်နှစ်လုပ်ကြတာ…ကိုယ်​တွေဆို အဲဆုံကြီး​တွေ သွားသွားလှည့်ပီး ဆော့ကြတာ…ခု​ခေတ်လို အမှုန့်​တွေနဲ့ အလွယ်လုပ်တာမဟုတ်​တော့ အရသာပို​ကောင်းပဲ 

ရန်ကုန်မုန့်ဟင်းခါးပိုစား​ကောင်း​အောင်ချက်မယ်

ရန်ကုန်မုန့်ဟင်းခါးရဲ့အဓိကကတော့ ငါးဆီသတ်တာပဲ

ချိုတဲ့ငါးတစ်မျိုးမျိုးကို ကြက်သွန်ဖြူများများ စပါးလင်များများ ငံပြာရည်များများ ကြက်သွန်နီ အနေတော်နဲ့ အနံ့မွှေးကြိုင်လာတဲ့ထိ ဆီသတ်ရပါတယ်… အချိုဓါတ်မရှိတဲ့ ခဲထားတဲ့ငါးဖွာဖွာကြီး​တွေနဲ့ချက်ရင် လုံးဝမ​ကောင်းဘူး…ကိုယ်က​တော့ ငါးခူအ​ကောင် နဲ့ Tilapiaအ​ကောင်​ရောသုံးပါတယ်

ပါဝင်ပစ္စည်းတွေက
ငါးပြုတ်ရည်
ငါးဆီသတ်
ဆန်​လှော်မှုန့်
ကုလားပဲအနှစ်
မြေပဲဆန်အနှစ်
ထန်းလျှက်
ငရုတ်​ကောင်း
ငံပြာရည်
ကြက်ဥပြုတ်
ကြက်သွန်နီ
ငှက်​ပျောအူ ကမရှိလို့မထည့်လိုက်ရဘူး

ငါးပြုတ်ရည်ထဲကို ငါးဆီသတ်ရယ် ကုလားပဲအနှစ်ရယ် အရင်ထည့်မယ် ဆန်လှော်မှုန့်ကိုလည်း ရေဖျော်ထားပြီး ထည့်ပေးပါမယ်

ထန်းလျှက်အမဲအ​သေးနှစ်လုံး နဲ့ မြေပဲဆံပြုတ်ပီးထည့်ပေးတာက မုန့်ဟင်းခါးအရသာကို စိမ့်ပီးပို​ကောင်း​စေပါတယ်

ငရုတ်ကောင်း ငံပြာရည် ကြက်ဥပြုတ် ကြက်သွန်နီ နဲ့ ငှက်ပျောအူတွေထည့်ပေးပြီး အပေါ့အငံ အပြစ်အကျဲစိတ်ကြိုက်ပြင်ဆင်ပြီး စားလို့ရပါပြီ

Overnight Oats breakfast

စားလို့ကောင်းတဲ့ မနက်စာ ဖက်ထုတ်ဆီချက် ေခါက်ဆွဲ အလွယ်လုပ်နည်းလေးပါ 

ပါဝင်ပစ္စည်း
ကြက်သွန်ဖြူ ဆီချက်
ပဲငံပြာရည်အကြည် နဲ့ အပြစ်
Chinese five spices powder
ကြက်သားမှုန့်
ငရုတ်​ကောင်းမှုန့်
အားလုံးကို ပန်းကန်ကြီးကြီးထဲထည့်ပီး စပ်ထားပါ…

ဖက်ထုတ်ပြုတ်ပါ
ခေါက်ဆွဲပြုတ်ပါ

ပြုတ်ထားတဲ့ဖက်ထုတ်နဲ့ ခေါက်ဆွဲ​တွေကို စပ်ထားတဲ့အရည်ထဲကို ရော​မွှေပီးရင် စားလို့ရပါပီ​နော်

အရမ်းအရမ်းလွယ်တယ်… သုံး​နေကြ ဖက်ထုတ်က bibigo က mini wontons လေး​တွေ အရမ်းစား​ကောင်းပါတယ်…