အစာအိမ်အချဉ်ရည် ပြန်တက်ခြင်း (GERD) ကို ဘယ်လိုကုသရမလဲ

 အစာအိမ်အချဉ်ရည် ပြန်တက်ခြင်း (GERD) ကို ဘယ်လိုကုသရမလဲ

သဘာဝဆေးများနှင့် ကုသခြင်း

ချင်း (ဂျင်း) (Ginger)

--------------------

ချင်းတွင် အအန်ပျောက်စေသော အာနိသင် (Anti-emetic action) နှင့် အစာအိမ်ထိခိုက်မှုမှ ကာကွယ်ပေးနိုင်သော အာနိသင် (Gastroprotective action) တို့ပါရှိသောကြောင့် အစာအိမ်အချဉ်ရည် ပြန်တက်ခြင်းနှင့် အထူးသင့်တော်ပါသည်။ အအန်ပျောက်စေသောအာနိသင်က အစာအိမ်အတွင်းမှ အက်ဆစ်များ အစာရေမျိုအတွင်းသို့ ပြန်မတက်လာအောင် လုပ်ဆောင်ပေးပါသည်။ ထို့ကြောင့် အစာအိမ်နှင့် အစာရေမျို နံရံတို့ကို အက်ဆစ်ဒဏ်မှ ကာကွယ်ပေးနိုင်သည်။

နွယ်ချို (Licorice)

-----------------

နွယ်ချိုတွင် ပါဝင်သော ဆေးဖက်ဝင် ဒြပ်ပေါင်းများက အစာအိမ်နှင့် အစာရေမျိုတွင် အက်ဆစ်ဒဏ်မှ ကာကွယ်ပေးသော ချွဲ (Mucous) ကို ပို၍ထွက်စေပါသည်။ ထို့ပြင် နွယ်ချိုတွင် အစာအိမ်အက်ဆစ်ဓာတ် ဖြေပေးနိုင်သော (Antacid) အာနိသင်လည်း ပါရှိပါသည်။ ထို့ကြောင့် အစာအိမ်အချဉ်ရည် ပြန်တက်ခြင်းနှင့် အစာအိမ်နာရောဂါများအတွက် မရှိမဖြစ် သဘာဝဆေးတစ်ခု ဖြစ်ပါသည်။

နနွင်း (Turmeric)

----------------

နနွင်းနှင့် နနွင်းတွင် အဓိကပါဝင်သော ဆေးဖက်ဝင် ကာကူမင်ဒြပ်ပေါင်းတို့သည် အစာအိမ်အက်ဆစ် အထွက်နှုန်းကိုလည်း လျော့နည်းစေပါသည်။ ထိုမျှသာမက အစာအိမ်နှင့် အစာရေမျို ရောင်ရမ်းမှုကို သက်သာစေသည့်အပြင် အစာအိမ်မှ အက်ဆစ်ဓာတ်များ ဆန်တက်မှုကို သက်သာစေပါသည်။ ထို့ကြောင့် အစာအိမ်အချဉ်ရည် ပြန်တက်ခြင်း ခံစားနေရသူများသည် နနွင်းကို အသုံးပြုသင့်ပါသည်။

ပရိုဘိုင်အိုတစ်များ (Probiotics)

-----------------------------

အကျိုးပြုအဏုဇီဝလေးများဖြစ်သော ပရိုဘိုင်အိုတစ်များသည် အစာအိမ်နှင့် အူလမ်းကြောင်း ကျန်းမာရေးအတွက် အလွန်အရေးပါသည်။ နိုင်ငံတကာတွင် ပြုလုပ်ထားသော သုတေသနများအရ ပရိုဘိုင်အိုတစ်များသည် အစာအိပ်အချဉ်ရည် ပြန်တက်ခြင်း လက္ခဏာများဖြစ်သည့် ရင်ပူခြင်း၊ ပျို့အန်ချင်း၊ အစာမကျေ ရင်ပြည့်ရင်ကယ် ဖြစ်ခြင်း၊ ဗိုက်နာခြင်းနှင့် လေပွခြင်းတို့ကို သက်သာစေနိုင်ကြောင်း တွေ့ရပါသည်။ ထို့ကြောင့် ဘေးထွက်ဆိုးကျိုး မရှိသလေက်နည်းသော ပရိုဘိုင်အိုတစ်များကို အစာအိပ်အချဉ်ရည် ပြန်တက်ခြင်းအတွက် မဖြစ်မနေ သောက်သုံးပေးသင့်ပါသည်။

အနောက်တိုင်းဆေးများနှင့် ကုသခြင်း

• အက်ဆစ်ဓာတ်ဖြေဆေးများ (Antacids) (ဥပမာ - Gelmag)

• အစာအိမ်အက်ဆစ်ထွက်ခြင်းကို နည်းစေသောဆေးများ (H2 blockers and proton pump inhibitors) (ဥပမာ - Ranitidine, Omeprazole)

• အအန်ပျောက်ဆေးများ (Prokinetics) (ဥပမာ - Metoclopramide, domperidone) စသည်တို့နှင့် ကုသရနိုင်ပါသည်။

လိုအပ်လာလျှင် အစာအိမ်မှန်ပြောင်းကြည့်ခြင်းနှင့် ခွဲစိတ်ကုသမှုများလည်း ပြုလုပ်ရနိုင်ပါသည်။

ဘာတွေကို ဆောင်ရ၊ ရှောင်ရမလဲ

လူနေမှုပုံစံ ပြောင်းလဲတဲ့အနေနဲ့

အစာကို တစ်ကြိမ်တည်း ပြည့်အင့်အောင်မစားဘဲ တစ်ကြိမ်လျှင် နည်းနည်းစီသာ စားပါ။

အပူအစပ်၊ အဆီ၊ ကော်ဖီ၊ အရက်နှင့် ဆေးလိပ်တို့ကို ရှောင်ပါ (သို့) လျှော့သောက်ပါ။

အဝလွန်လျှင် ကိုယ်အလေးချိန် လျှော့ချပါ။

အိပ်လျှင် ခုတင်၏ ဦးခေါင်းဘက်ပိုင်းကို အနည်းငယ်မြှင့်ပြီး အိပ်ပါ။

အစာစားပြီး ချက်ချင်းလှဲအိပ်ခြင်းကို ရှောင်ကြဉ်ပါ။ အကယ်၍ လှဲချင်လျှင် အနည်းဆုံး ၂ နာရီကြာမှ လှဲအိပ်ပါ။

ဒေါက်တာခင်မောင်လွင် (FAME)