အမေစုက ဒလတံတား ပန္နက်ရိုက်ပွဲကို ဒလဘက်ခြမ်းမှာ သွားတက်အပြီး သင်္ဘောဆိပ်ရောက်တော့ ခဏရပ်၊ ထုံးစံအတိုင်း ကဲ ဒီအမှိုက်တွေ ဘယ်သူပစ်သလဲ ဆူရော။ ပြည်သူတွေကလည်း အမေစုကို ကိုယ်ဆိုးလို့ရတဲ့ အမေလိုပဲ ခံစားကြရတာဆိုတော့ အမှိုက်တွေက ရေစီးနဲ့ မျောလာတယ် လုပ်ကြသေးတာ။ အမေစုက မှန်မှန်ပြောနော်ဆိုတော့မှ တချို့က ကျနော်တို့ ပစ်ထားတာပါ၊ တောင်းပန်ပါတယ် အမေလို့ အော်ပြောကြတယ်။ အဲတာ့ အမေက ဝန်ခံရဲတဲ့စိတ်ဓါတ်ကိုတော့ သဘောကျတယ်၊ ဒါပေမဲ့ တာဝန်ယူရဲတဲ့ စိတ်လည်း ရှိမယ်၊ ဒီအမှိုက်တွေကို ရှင်းဖို့ကိစ္စမှာလည်း ဝိုင်းကူရမယ်၊ စည်ပင်သာယာမှာပဲ တာဝန်ရှိတယ်လို့ တွေးလို့ မရဘူး၊ အမေတို့ နိုင်ငံက လိုအပ်ချက်တွေ သိပ်များတော့ အားလုံးဝိုင်းလုပ်ရမယ်လို့ ဆုံးမတယ်။ အဲ့အကြောင်းကို မန္တလေးတက္ကသိုလ်ထဲက ရသစာပေစကားဝိုင်းထဲမှာ အမေစုက တခုတ်တရ ထပ်ပြီး ပြန်ပြောဖူးတယ်။
အခုပြည်သူတွေက ဒလတံတားဖွင့်တော့ အဆန်းတကြယ် တက်ကြည့်ကြတယ်။ စိတ်မကောင်းဖြစ်ရတယ်။ ဒီလို တံတားမျိုးဆိုတာ နိုင်ငံတကာမှာ ဥဒဟို ဟိုနားမှာ တခု၊ ဒီနားမှာ တခုပဲ။ သို့သော် မြန်မာပြည်မှာကျ ဒါမျိုးက နောက်ကျတယ်။ အခု အာဏာသိမ်းလိုက်လို့ ၅ နှစ် ထပ်နောကိကျသွားတယ်။ တကယ်လို့သာ အာဏာမသိမ်းခဲ့ရင် မြန်မာပြည်က ၅ နှစ်ပိုတိုးတက်မှာတောင်မဟုတ်။ အနည်းဆုံး ၁၀ နှစ်စာလောက် ရှေ့ရောက်နေမှာ အသေအချာပဲ။ ပြည်သူတွေအဖို့မှာလည်း ဒလတံတားကို အဆန်းတကြယ် သွားကြည့်စရာတောင် မလိုတဲ့ တိုးတက်မှုမျိုးနဲ့ နေသားတကျ ဖြစ်နေကြမှာ အသေအချာပဲ။
ဆက်ပြီး ရုန်းကန်ကြတာပေါ့ 
အမေစု ကျန်းမာပါစေ 
ပြည်သူတွေကို နွေးထွေးစေတဲ့ ခေါင်းဆောင်၊ မျက်နှာ မငယ်ရစေတဲ့ ခေါင်းဆောင် အမေစုလည်း ကျန်းမာပါစေ။ ပြည်သူတွေလည်း နေ့စဉ်နဲ့အမျှ ကြုံနေရတဲ့ ဘေးဒုက္ခပေါင်းစုံကနေ အမြန်ကင်းလွတ်ကြရပါစေ။
(အမေစုရဲ့ ၂၀၁၅-၂၀၂၀ ကြား လှုပ်ရှားမှုတွေကို နေ့ရက်အလိုက် ပြန်ပြီး စုစည်းတင်ပြပေးသွားပါမယ်။ ဓါတ်ပုံမှတ်တမ်း မူရင်းရိုက်ကူးသူများအားလုံးကို ကျေးဇူးတင်ပါတယ်။)
No comments:
Post a Comment