ရေဆေးသန့်စင်ထားတဲ့ အသားကို အတုံးကြီးကြီးတုံးရေစင်အောင် စစ်ထားပြီးမှ အချိုမှုန့် ဆား နနွင်း ဂျင်းမှုန့် စပါးလင်မှုန့် တို့နဲ့ အရသာဝင်အောင်နယ်ပေးပါတယ်
( အမှုန့်တွေ မသုံးရင် ဂျင်းနဲ့ စပါးလင်းကို ညက်နေအောင်ထောင်းပြီးထည့်ပေးလို့ရပါတယ်)
အရသာနယ်ထားတဲ့ အသားတွေကို ဒယ်အိုးထဲ ထည့်ပြီး အသားထဲက ထွက်လာတဲ့ ရေကုန်သွားသည်အထိ လှိမ့်ပေးပါတယ်
ဆီများများ ထည့်ထားတဲ့အိုးကို Hot Plate ပေါ်မှာ
800 W နဲ့ အရင်တည်ပေးပါတယ်
အနည်းငယ်ပူလာတော့မှ ခုနက လှိမ့်ထားတဲ့ အသားတွေထည့်ပေးပြီး မီးအပူကို 200 W ကို လျော့ချပေးပါတယ်
( အဓိက က အသားတွေအားလုံး ဆီထဲ မြုပ်နေဖို့ လိုပြီး
မီးအပူရှိန် မပြင်းပဲ မီးအေးအေးနဲ့ ထားဖို့ပါ
ဆီရဲ့အပူချိန်နဲ့ ဖြည်းဖြည်းချင်း နူးစေတဲ့ သဘောပါရှင်
အပူချိန်များရင်တော့ ဆီနဲ့ အချိန်ကြာကြာ ကြော်လိုက်သလိုဖြစ်တာမို့ အသားက မအိပဲ မာပြီး ကျစ်သွားတတ်ပါတယ် )
အိုးအဖုံးအုပ်ပြီး တည်ထားပေးရပါမယ်
အသားထဲ ကျန်နေတဲ့ ရေအနည်းငယ် ထွက်လာပြီး တဖြည်းဖြည်းနဲ့ ရေပြန်ခမ်းကာ ဆီအရောင်က ပြန်ပြီး ကြည်လာပါတယ် ကိုယ်လိုချင်တဲ့ အသား အနေအထားရတဲ့အထိ ဆက်တည်ထားပေးရုံပါပဲ
ကျမကတော့ အသားလုံးဝနူးအိသွားဖို့အတွက် အချိန် (၂)လောက်ပဲ ထားပေးရပါတယ်ရှင်
No comments:
Post a Comment