သင်ကြားပြသမှုကို ထိရောက်ချင်တဲ့ ဆရာ/မတိုင်းသိထားသင့်တဲ့ Gagne (ဂန်းညေး) ရဲ့ သင်ကြားပြသမှုအခိုက်အတန့် (9) ခု

 သင်ကြားပြသမှုကို ထိရောက်ချင်တဲ့ ဆရာ/မတိုင်းသိထားသင့်တဲ့ Gagne (ဂန်းညေး) ရဲ့ သင်ကြားပြသမှုအခိုက်အတန့် (9) ခု ဆိုတာ

Super Sunday တော့ရောက်လာပြန်ပါပြီ ဆရာ/မတို့ရေ။ ဒီတစ်ပတ်မှာတော့ ဘာသာစကားသင်ကြားသူဆရာ/မများသာမက သင်ကြားရေးနယ်ပယ်က မည်သူမဆိုအတွက် အကျိုးရှိမယ့် သီအိုရီလေး တစ်ခုကို ဖောက်သည်ချလိုက်ရပါတယ်။

သင်ကြားရေးဆိုင်ရာဒီဇိုင်းနဲ့ပတ်သက်ပြီး ထင်ရှားတဲ့ ပညာရှင်တစ်ယောက်ကတော့ အမေရိကန်ပညာရှင် Gagne ပါ။ သူ့ရဲ့ သီအိုရီများစွာထဲကမှာ စိတ်ဝင်စားစရာကောင်းတဲ့ မူဘောင်တစ်ခုကတော့ သင်ကြားပြသမှုအခိုက်အတန့် ကိုးခု (nine events of instruction) ဆိုတာဟာလည်း နာမည်ကြီးပါတယ်။

သူ့ရဲ့ သီအိုရီအရ သင်ကြားတဲ့အခါမှာ ပါဝင်ရမယ့် အခိုက်အတန့်ကိုးခုကတော့

1. gain attention (အာရုံစူးစိုက်မှုရအောင်လုပ်ခြင်း)

2. inform leaners of objectives

(သင်ယူမှုဦးတည်ချက်များကို ကျောင်းသားများ သိရှိအောင်လုပ်ခြင်း)

3. stimulate recall of prior learning

(ယခင်သင်ယူခဲ့သည်များကို

ပြန်လည်အမှတ်ရစေခြင်း)

4. present content

(အကြောင်းအရာသစ်ကို တင်ပြခြင်း)

5. provide learner guidance

(သင်ယူရာတွင် လမ်းညွှန်မှုပေးခြင်း)

6. elicit performance

(သင်ယူပြီးသည့်အရာကို

လုပ်ဆောင်စေခြင်း/ လေ့ကျင့်စေခြင်း)

7. provide feedback

(တုံ့ပြန်အကြံပြုချက်ပေးခြင်း)

8. assess performance

(လုပ်ဆောင်မှုကို အကဲဖြတ်ခြင်း)

9. enhance retention and transfer

(စွဲထင်ခြင်းနှင့် အခြားနေရာတွင်

အသုံးချနိုင်မှုကို ပိုမိုကောင်းမွန်စေခြင်း)

ဆိုတဲ့ အဆင့်ကိုးဆင့်ပဲဖြစ်ပါတယ်။

တဆင့်ချင်းကို ဘယ်လိုလုပ်ဆောင်ကြမလဲဆိုတာကို ကြည့်ကြရအောင်

1. gain attention

(အာရုံစူးစိုက်မှုရအောင်လုပ်ခြင်း)

- ice-breaker, warm-up, lead-in စတဲ့ activity တွေ

- စဉ်းစားမှုကို နှိုးဆွပေးတဲ့ မေးခွန်းတွေနဲ့ စတင်တာ

- အံ့ဩသွားစေမယ့်အရာ၊ မင်သက်သွားစေမယ့်အချက်အလက်တွေနဲ့ ကျောင်းသားတွေရဲ့ အာရုံစူးစိုက်မှုကို စတင်ရယူပါ။

ကျောင်းသားတွေသင်ယူဖို့အဆင်သင့်ဖြစ်အောင်လုပ်ပါ။ တန်းပြီးသင်လိုက်ရင် ကျောင်းသားရဲ့ အာရုံစူးစိုက်မှုကိုမရနိုင်ပါဘူး။

2. inform leaners of objectives

(သင်ယူမှုဦးတည်ချက်များကို ကျောင်းသားများ သိရှိအောင်လုပ်ခြင်း)

ဒီသင်ရိုးနဲ့ သင်ခန်းစာတစ်ခုချင်းစီအပြီးမှာ ဘာတွေလုပ်တတ်သွားဖို့လိုတယ်ဆိုတဲ့ သူတို့အတွက်ရှိနေတဲ့ သတ်မှတ်ချက်တွေကို ပေးသိထားဖို့လိုပါတယ်။ သူတို့ဆီက ဘာကိုမျှော်လင့်တယ်ဆိုတာသိမှ သူတို့ကလည်း ဘာလုပ်ပြရမယ်ဆိုတာသိမှာပါ။

ဘယ်လိုစစ်ဆေးမယ်၊ ဘယ်လို စံနှုန်းသတ်မှတ်ချက်တွေပါဝင်တယ်ဆိုတာကို ပြောပြပါ။ အမှတ်ပေးအကဲဖြတ်မယ့် ပုံစံကို နားလည်ထားအောင်ပြောပြထားပါ။

3. stimulate recall of prior learning

(ယခင်သင်ယူခဲ့သည်များကို

ပြန်လည်အမှတ်ရစေခြင်း)

ရှေ့သင်ခန်းစာတွေအကြောင်းပြန်မေးပါ။

သူတို့ရဲ့အတွေ့အကြုံတွေအကြောင်းပြန်မေးပါ။

သင်ရိုးတစ်ခုလုံးနဲ့ သင်ခန်းစာနဲ့ ချိတ်ဆက်ပေးပါ။

အရင်သင်ခဲ့တာနဲ့ အခုသင်ခန်းစာ ချိတ်ဆက်ပေးပါ။

4. present content

(အကြောင်းအရာသစ်ကို တင်ပြခြင်း)

- အကြောင်းအရာတစ်ခုကို ပုံစံအမျိုးမျိုးနဲ့ တင်ဆက်ခြင်း ( ဗီဒီယိုပြခြင်း၊ ရှင်းပြခြင်း၊ အဖွဲ့လိုက်ခွဲဝေဖတ်ရှုစေခြင်း)

- Active learning strategies များကို သုံး၍ ကျောင်းသားများပါဝင်လာစေခြင်း

-ပြင်ပက အရင်းအမြစ်များကို ကူညီရှာဖေွပေးခြင်း

5. provide learner guidance

(သင်ယူရာတွင် လမ်းညွှန်မှုပေးခြင်း)

- သင်ယူရာတွင် အကျိုးရှိထိရောက်မည့် သင်ယူသည့်နည်းလမ်းများကို သင်ပေးခြင်း (အတိုကောက်မှတ်နည်းများ၊ ခွဲခြမ်းစိတ်ဖြာနည်းများ)

- လိုအပ်မည့် အကူအညီပေးခြင်း၊ အကူအညီကို တဖြည်းဖြည်းမှ လျှော့သွားခြင်း ( control-guided-free)

- နမူနာများ၊ လေ့လာစရာ ဥပမာဖြစ်ရပ်များကို ပေးခြင်း

6. elicit performance

(သင်ယူပြီးသည့်အရာကို

လုပ်ဆောင်စေခြင်း/ လေ့ကျင့်စေခြင်း)

သင်ယူပြီးသည့် အရာကို မှန်မှန်ကန်ကန် နားလည်မှုရှိကြောင်း သေချာစေမည့် သင်ယူမှုလုပ်ငန်းများကို လုပ်ကိုင်စေပါ။

- Quiz များ၊လေ့ကျင့်ခန်းများ၊ လက်တွေ့လုပ်ငန်းများ လုပ်ကိုင်စေခြင်း

- အဖွဲ့လိုက်/ တစ်ဦးချင်း ပရောဂျက်များ၊ Formative assessment နည်းလမ်းများအသုံးပြုခြင်း

7. provide feedback

(တုံ့ပြန်အကြံပြုချက်ပေးခြင်း)

လိုအပ်ချက်များကို အချိန်မီသတိထားမိစေရန်ထောက်ပြပေးခြင်း

မှန်သည့်နေရာများကိုလည်း မှန်ကန်ကြောင်းသိသာစေခြင်း

အချင်းချင်းအပြန်အလှန် အကြံပြုစေခြင်း စသည်တို့ကို ပြုလုပ်နိုင်သည်။

8. assess performance (လုပ်ဆောင်မှုကို အကဲဖြတ်ခြင်း)

pre/ post test များစစ်ဆေးခြင်း

ဉာဏ်စမ်းမေးခွန်းများစသည့် formative assessment နည်းလမ်းများကို အသုံးပြုခြင်း

စစ်ဆေးမှုနည်းလမ်းအမျိုးမျိုးကို ထည့်သွင်းထားခြင်း

အက်ဆေးများ၊ ပရောဂျက်များကို စစ်ဆေးနိုင်စေရန် ထိရောက်သည့်အမှတ်စည်းမျဉ်းများ၊ ဦးတည်ချက်များကိုရေးသားထားခြင်း

9. enhance retention and transfer (မှတ်မိခြင်းနှင့် အခြားနေရာတွင် အသုံးချနိုင်မှုကို ပိုမိုကောင်းမွန်စေခြင်း

သင်ယူရရှိလာသည့်သင်ခန်းစာကို အခြားသင်ခန်းစာများ၊ အခြားသုံးချနိုင်သည့်နေရာများ

လက်တွေ့ဘဝအကြောင်းအရာများနှင့်ချိတ်ဆက်ပေးခြင်း

အကြောင်းအရာကို ပုံစံတစ်မျိုးနှင့် ပြန်လည်တင်ပြစေခြင်း (စာသားကို မြေပုံအဖြစ်ပြောင်းလဲစေခြင်း၊ presentation ပြန်ပေးစေခြင်း)

နိဂုံး

ထိရောက်တဲ့ သင်ကြားမှုဖြစ်ဖုိ့ဆိုရင်ဒီအဆင့်ကိုးဆင့်ပါဝင်ရမယ်လို့သီအိုရီက ဆိုပါတယ်။

ဖတ်ပြီးတဲ့အခါ ကိုယ်က ဘယ်အချက်တွေလုပ်ဖြစ်နေလဲ၊ ဘယ်အချက်တွေမှာတော့ အားနည်းနေသေးလဲ သုံးသပ်ကြည့်ပါအုံး။

ချိန်ထိုးစဉ်းစားစရာတစ်ခုရမယ်လို့ မျှော်လင့်ပါတယ်။