အမျိုးသားတွေရဲ့ တိတ်ဆိတ်တဲ့ တောင့်တမှု

 အမျိုးသားတွေရဲ့ တိတ်ဆိတ်တဲ့ တောင့်တမှု

အချစ်ရေးနဲ့ အိမ်ထောင်ရေး ကိစ္စတွေမှာ "မိန်းကလေးတွေ ဘာလိုချင်လဲ" ဆိုတာကိုပဲ အာရုံစိုက် ဆွေးနွေးလေ့ရှိကြပေမယ့် တကယ်တမ်း အမျိုးသားတွေမှာလည်း သူတို့ နှုတ်ကနေ ထုတ်မပြော ဖြစ်ပေမယ့် ရင်ထဲကနေ အသည်းအသန် တောင့်တနေတဲ့ စိတ်ပိုင်းဆိုင်ရာ လိုအပ်ချက်တွေ ရှိနေ ပါတယ်။

လူ့အဖွဲ့အစည်းက သတ်မှတ်ထားတဲ့ "ယောကျ်ားဆိုတာ သန်မာရမယ်၊ ခံစားချက်ကို မြိုသိပ် ထားရမယ်" ဆိုတဲ့ ဘောင်ကြောင်တွေကြောင့် သူတို့ရဲ့ လိုအပ်ချက်တွေဟာ မကြာခဏ လျစ်လျူရှုခံရတတ်ပါတယ်။ ကျွန်တော်အခု ရေးမှာက မျက်မြင်ရုပ်ဆင်းရူပကာတွေထက် ပိုနက်ရှိုင်း တဲ့၊ အမျိုးသားတစ်ယောက်ကို စိတ်ပိုင်းဆိုင်ရာ အရ ရေရှည်ဆွဲဆောင်နိုင်တဲ့ အဓိက အချက် ၄ ချက်ကို သုံးသပ်ရေးသားမှာပါ။

Respect and Appreciation

အမျိုးသမီးတွေက "ချစ်ခြင်းမေတ္တာ" (Love) ကို အဓိက လိုအပ်သလို၊ အမျိုးသားတွေကတော့ "လေးစားမှု" (Respect) ကို အသက်တမျှ တန်ဖိုးထားတတ်ကြပါတယ်။အမျိုးသားတစ်ယောက်အတွက် အကြီးမားဆုံး ခွန်အားဟာ သူ့ရဲ့ လက်တွဲဖော်က သူ့ကို ယုံကြည်နေတယ်ဆိုတဲ့ အသိပါပဲ။ "ရှင် လုပ်နိုင်ပါတယ်"၊ "ရှင့်ဆုံးဖြတ်ချက်ကို ကျွန်မ ယုံတယ်" ဆိုတဲ့ စကားတစ်ခွန်းဟာ သူတို့အတွက် တောင်ကိုတောင် ဖြိုနိုင်တဲ့ စွမ်းအားမျိုး ပေးပါတယ်။

ဘယ်လောက်ပဲ ရင်းနှီးပါစေ၊ သူတပါးရှေ့မှာ သူ့ရဲ့ အားနည်းချက်ကို ထောက်ပြတာ၊ နှိမ်ချပြောဆိုတာ မျိုးကို ဘယ်အမျိုးသားမှ သည်းမခံနိုင်သလို၊ သူ့ရဲ့ ဂုဏ်သိက္ခာကို ကာကွယ်ပေးတဲ့ အမျိုးသမီးကို သူတို့ အရမ်းတန်ဖိုးထားပါတယ်။ သူကြိုးစားလုပ်ကိုင်ထားတဲ့ အရာသေးသေးလေးတွေကို "ဒါကတော့ ယောကျ်ားပဲ လုပ်ရမှာပေါ့" လို့ မတွေးဘဲ၊ "ပင်ပန်းလိုက်တာ၊ ကျေးဇူးပဲနော်" လို့ အသိအမှတ်ပြုပေး တာဟာ သူတို့အတွက် ကြီးမားတဲ့ ဆုလာဘ်ပါပဲ။

Emotional Sanctuary

ပြင်ပလောကမှာ ယှဉ်ပြိုင်မှုတွေ၊ ဖိအားတွေနဲ့ ရင်ဆိုင်နေရတဲ့ အမျိုးသားတွေဟာ အိမ်ပြန်ရောက် တဲ့အခါ၊ ဒါမှမဟုတ် ချစ်သူနဲ့ တွေ့တဲ့အခါ "စစ်မြေပြင်" မဟုတ်တဲ့ "နားခိုရာ" ကို လိုချင်ကြပါတယ်။ မလိုအပ်တဲ့ ပြဿနာရှာတာတွေ၊ အတိတ်က အကြောင်းတွေကို ပြန်တူးဆွပြီး ရန်ဖြစ်တာတွေ၊ စိတ်ကောက်ပြီး စကားမပြောဘဲ နေတာတွေဟာ အမျိုးသားတွေကို အိမ်ပြန်ချင်စိတ် ကုန်ဆုံးစေ ပါတယ်၊ သူတို့ လိုချင်တာက ရိုးရှင်းအေးချမ်းမှု (Peace) ပါ။သူ့ရဲ့ အားနည်းချက်တွေ၊ မပြည့်စုံမှုတွေကို ပြုပြင်ဖို့ ကြိုးစားနေမယ့်အစား၊ "သူ့ပုံစံအတိုင်း လက်ခံပေးတာ" ကို လိုလားပါတယ်၊ သူ့ကို ပြောင်းလဲ ပစ်ဖို့ အတင်းကြိုးစားနေတဲ့ ဆက်ဆံရေးဟာ သူ့အတွက် စိတ်ဖိစီးမှုတစ်ခု ဖြစ်လာတတ်ပါတယ်၊ အလိုလိုက်အကြိုက်ဆောင်နိုင်ရင်လည်း ခဏပေါ့ဗျာ။

Space and Independence

ဒါဟာ ချစ်ခြင်းမေတ္တာ လျော့နည်းသွားတာမျိုး မဟုတ်ပါဘူး၊ အမျိုးသားတွေရဲ့ သဘာဝကိုက "ဂူအောင်း" (Cave Time) ဖို့လိုတတ်ကြပါတယ်၊သူ စိတ်ညစ်တဲ့အခါ၊ ဒါမှမဟုတ် အလုပ်များတဲ့အခါ သူ့ဘာသာသူ စဉ်းစားဖို့၊ အနားယူဖို့ အချိန်ပေးတာကို လိုချင်ကြပါတယ်။ ဒီလိုအချိန်မှာ "ဘာဖြစ်နေတာလဲ" လို့ ဇွတ်အတင်း မေးမြန်းနေမယ့်အစား၊ လွှတ်ထားပေးနိုင်တဲ့ အမျိုးသမီးကို သူတို့ ပိုပြီး လေးစားချစ်ခင်လာတတ်ပါတယ်။

သူငယ်ချင်းတွေနဲ့ ဘောလုံးကန်တာ၊ ဂိမ်းဆော့တာ၊ ဒါမှမဟုတ် သူ့ဝါသနာတစ်ခုခုကို လုပ်ဆောင်ဖို့ အချိန်ပေးတာကို "အချိန်ဖြုန်းတယ်" လို့ မမြင်ဘဲ နားလည်ပေးတဲ့ လက်တွဲဖော်မျိုးကို ရှာဖွေတတ် ကြပါတယ်။

Loyalty and Trustworthiness

ဒါကတော့ ကျား/မ မရွေး လိုအပ်တဲ့ အရာဖြစ်ပေမယ့်၊ အမျိုးသားတွေအတွက်တော့ "ကျောခိုင်းထား ရဲတဲ့ ယုံကြည်မှု" ဟာ အလွန်အရေးကြီးပါတယ်၊ သူ ရင်ဖွင့်ထားတဲ့ အားနည်းချက်တွေ၊ လျှို့ဝှက်ချက် တွေကို သူငယ်ချင်းတွေ၊ မိသားစုတွေဆီ ပြန်မပြောဘဲ ထိန်းသိမ်းပေးနိုင်သူ ဖြစ်ရပါမယ်။

ဘဝမှာ အဆင်မပြေမှုတွေ၊ စီးပွားရေးကျဆင်းမှုတွေ ကြုံလာတဲ့အခါ "မင်းဘေးမှာ ငါရှိတယ်" ဆိုပြီး ခိုင်ခိုင်မာမာ ရပ်တည်ပေးနိုင်တဲ့ အမျိုးသမီးဟာ သူတို့အတွက် တန်ဖိုးအဖြတ်မရတဲ့ ရတနာပါပဲ။

အမျိုးသားတွေ တကယ်လိုချင်တဲ့ လက်တွဲဖော်ဆိုတာ ရုပ်ရည်ချောမောလှပနေဖို့ထက်၊ သူ့ရဲ့ စိတ်ဝိညာဉ်ကို "အေးချမ်းမှု" (Peace) ပေးနိုင်တဲ့သူ ဖြစ်ပါတယ်၊သူတို့ဟာ ရှင်ဘုရင်တစ်ပါးလို ဆက်ဆံခံချင်တာမျိုး မဟုတ်ပါဘူး၊ ဒါပေမယ့် သူတို့ရဲ့ ကြိုးစားအားထုတ်မှုတွေကို "အသိအမှတ်ပြု" ပြီး၊ သူတို့ ပင်ပန်းတဲ့အခါ ခေါင်းအုံးအိပ်စက်နိုင်မယ့် "ရင်ခွင်တစ်စုံ" (Comfort) ကို ပိုင်ဆိုင်ထားတဲ့ အမျိုးသမီးမျိုးကိုသာ တစ်သက်တာ လက်တွဲဖော်အဖြစ် ရွေးချယ်လေ့ရှိကြပါတယ်။

#dryin
#advisor
#Inno_vertex