တိုက်ခွဲအမှတ်(၃၂)သဲအင်းဂူ အောင်လံဆရာတော်ဘုရားကြီး ရေးသားထားသော “ယောနသံစင်ရော်၏ နက်နဲသော ပဟေဠိများကို ဖွင့်ဆိုခြင်း” စာအုပ်အား “ထာဝရငြိမ်းချမ်းရာ ရှာဖွေခြင်း” (The Journey to Eternal Peace) အမည်ပြောင်း၍ ကမ္ဘာအရပ်ရပ်သို့ဖြန့်မည့် စာမူကို Finland နိုင်ငံမှ Mr.Timo Törrönen ဖတ်ရှူပြီး အဖြေထုတ် သုံးသပ်ချက်
အောင်လံဆရာတော် : “ ထာဝရငြိမ်းချမ်းမှုဟူသော စကားရပ်သည် အလွန်မှလေးနက်သည်။ ထာဝရငြိမ်းချမ်းမှုရှိသည်ဟုဆိုလျှင် ဖတ်ရသူ၊ ကြားရသူတို့က ရယ်မောမိကြပေလိမ့်မည်။ ရူးများနေရော့သလားဟုပင် သုံးသပ်ကြလိမ့်မည်ဟု စာရေးသူတွက်ထားပြီးဖြစ်သည်။ မှန်ပါသည် ၊ အဘယ်ကြောင့်ဆိုသော် လူသားများသည် အဆုံးစွန်သော အမှန်တရားများကို
မသိမြင်နိုင်ကြခြင်းကြောင့်ဖြစ်သည်။ “
Timo : ဒီစာပိုဒ်က အလွန်ကောင်းမွန်ပြီး တစ်ယောက်ယောက်က ထာဝရငြိမ်းချမ်းမှုရတယ်လို့ပြောရင် ကျန်တဲ့သူတွေကဝိုင်းပြီးလှောင်ပြောင်သရော်ကြမဲ့ အမှန်တရားကို ဆွေးနွေးထားတဲ့အချက်ကိုသဘောကျမိပါတယ်။ ဘာလို့လဲဆိုတော့ Finland နိုင်ငံမှာလဲ တော်တော်များများက ကိုယ့်ရဲ့အပြုအမူတွေမှာ တခြားသောသူများရဲ့လွှမ်းမိုးမှုတွေခံနေရတာများလို့ပါ။
အောင်လံဆရာတော် : “စစ်တိုက်သောနိုင်ငံအားလုံးရှုံးမည်ဖြစ်ပြီး စစ်မတိုက်သော နိုင်ငံများနိုင်မည့်ပွဲပင်ဖြစ်သည် ….. မည်သူမျှမသတ်ပဲ ေ သ ရမည့်လူသားချင်းအတူတူ မ ေ သ မီနေရမည့်အချိန်ကို ငြိမ်းချမ်းစွာမနေနိုင်ကြပေ”
Timo : “စစ်တိုက်သောနိုင်ငံအားလုံးရှုံးမည်ဖြစ်ပြီး စစ်မတိုက်သော နိုင်ငံများနိုင်မည့်ပွဲပင်ဖြစ်သည်” လို့ရေးထားတဲ့အချက်ကိုသဘောကျပါတယ်။ အဲ့ဒီလိုမျိုး ကမ္ဘာစစ်ပွဲတွေ ၊ ကြီးမားတဲ့အပျက်အစီးတွေကြောင့် ဘယ်တော့မှသာယာကြည်နူးဖွယ်ကောင်းလာမှာ ၊ ဂုဏ်ကျက်သရေရှိလာမှာမဟုတ်ပါဘူး။ အထူးသဖြင့် နောက်ဆုံးစာကြောင်းက “မည်သူမျှမသတ်ပဲ ေ သ ရမည့်လူသားချင်းအတူတူ မ ေ သ မီနေရမည့်အချိန်ကို ငြိမ်းချမ်းစွာမနေနိုင်ကြပေ” ဆိုတာ ထူးကဲသောရှူထောင့်ဖြင့်ရေးထားခြင်းပါ။
အောင်လံဆရာတော် : “…ခုနစ်နှစ်သားအရွယ် နိဂြောဓသာမဏေ ဆွမ်းခံကြွနေသည်ကို တွေ့မြင်ရသည်… အကယ်၍ ဂေါတမဗုဒ္ဓ၏တရားတော်သည် လူသားအကျိုးပြုသည့် တရားစစ် တရားမှန်မဟုတ်ခဲ့လျှင် ဘုရင်ကြီးနှင့်သားသမီးများတို့သည် ကိုရင်လေးကို လွယ်လွယ်နှင့် ကိုးကွယ်ယုံကြည်ကြမည် မဟုတ်သလို ဘုရင့်သားသမီးတို့သည်လည်း မင်းသားမင်းသမီးဘဝကို လွယ်လွယ်နှင့်စွန့်ပြီး သာသနာ့ဘောင်သို့ ဝင်ကြမည်မဟုတ်ပေ။”
Timo : လောကီချမ်းသာအားလုံးကိုခံစားလို့ရနေတဲ့ပုဂ္ဂိုလ်တွေဖြစ်နေကြပါလျက် အကုန်စွန့်လွှတ်ပြီး ရဟန်းဝတ် သာသနာ့ဘောင်ဝင်သွားကြတယ်ဆိုတဲ့အချက်ကိုဖော်ပြထားတာ အမြော်အမြင်ကြီးကြီးနဲ့ကောင်းမွန်စွာဖော်ပြထားတာပါ။
အောင်လံဆရာတော် : “ပထဝီဓာတ်ထင်ရှားသော ဆံပင် ၊ ….. (၃၂)ကောဋ္ဌာသဖြင့် သက်ရှိ သတ္တဝါများကို ဖွဲ့စည်းထားသည်။ ထိုအစိတ်အပိုင်းများကို ပေါင်းစုလိုက်သောအခါ ခြေ ၊ လက် ၊ ကိုယ် ၊ ခေါင်းဖြင့် ပေါင်းစုထားသည့် လူ ၊ တိရစ္ဆာန်ဟု ခေါ်ဝေါ်သမုတ်ထားသော သဏ္ဌာန်အမျိုးမျိုးတို့ ဖြစ်ပေါ်လာသည်။ ….”
Timo : (၃၂)ကောဋ္ဌာသအဖွဲ့အစည်း အကြောင်းရေးထားတာက ထူးကဲသောရေးသားခြင်းမျိုးပါ။ အဲ့ဒီလိုရေးသားထားတာက ကျိုးကြောင်းဆီလျော်ပြီး ဘယ်လိုစာဖတ်သူမျိုးအတွက်ဘဲဖြစ်ဖြစ် လွယ်လွယ်ကူကူသဘောပေါက်နားလည်နိုင်မှာပါ။
အနှစ်ချုပ်သုံးသပ်ချက်Timo : ဒီစာအုပ်က စိတ်ဝင်စားဖို့ကောင်းပြီး စဉ်းစားမိအောင်စေ့ဆော်ပေးတဲ့ အချက်တွေပါတဲ့ ကောင်းမွန်ကျစ်လစ်သိပ်သည်းစွာရေးထားတဲ့ စာအုပ်ကောင်းတစ်အုပ်ဖြစ်ပါတယ်။ ဆရာတော်ရဲ့ ယောနသံစင်ရော်နဲ့ဆက်စပ်ပြီးရေးထားတာတွေက တကယ်ကိုကောင်းမွန်ပြီး စာဖတ်သူတွေအတွက် စာအုပ်ရဲ့အဓိကဆိုလိုရင်းကို အခက်အခဲမရှိလွယ်လွယ်ကူကူသိနိုင်ပါတယ်။ ယောနသံစင်ရော်စာအုပ်တစ်အုပ်လုံးကို ယောနသံစင်ရော်ဇာတ်ကြောင်းထဲကအကြောင်းအရာတွေကို ပိုပြီးများများပါအောင်ထည့်ရေးစေချင်ပါတယ်။ ဘာဖြစ်လို့လဲဆိုတော့ ဆရာတော်က ယောနသံစင်ရော်ထဲက အချက်တွေနဲ့တစ်ခုပြီးတစ်ခုထုတ်ရှင်းပြတိုင်း ရှင်းပြချက်တွေက အလွန်စိတ်ဝင်စားစရာကောင်းပြီး ဆွဲဆောင်မှုရှိလို့ပါ။
ဗုဒ္ဓရဲ့အတွေးအခေါ်အယူအဆတွေက ခုချိန်အထိဆန်းသစ်နေသေးတာဖြစ်လို့ Finland နိုင်ငံသားတွေအတွက် ဒီစာအုပ်ကအများကြီးအထောက်အကူဖြစ်စေမှာပါ။ လမ်းညွှန်ချက်တွေက ရှင်းလင်းပြီးနားလည်လွယ်ပါတယ်။ ပုံစံတွေနဲ့ဖော်ပြထားတာက ကြည့်လိုက်ရင်နားလည်ရခက်မယ်လို့ထင်ရပေမဲ့ အဲ့ဒီပုံတွေကဘဲပိုပြီးနားလည်သွားအောင် အကူအညီဖြစ်ပါတယ်။ ယောနသံစင်ရော်မူရင်းစာအုပ်ထဲက အကြောင်းအရာတွေကို နှိုင်းယှဉ်ရေးသားထားတဲ့အချက်တွေက ပိုပြီးမှတ်မိလွယ်စေပြီး စာဖတ်သူတွေကို တော်တော်နဲ့မေ့မသွားစေတဲ့အချက်တွေဖြစ်လို့ပါ။ ဘဝရဲ့အမှန်တရားတွေကိုပိုပြီးသိရှိအောင် အဲ့ဒီအချက်တွေကဘဲ အကျဉ်းချုံးနည်းနဲ့မှတ်မိလွယ် ပိုသိလွယ်လို့ပါ။
စာဖတ်သူတွေက ဘယ်သူဖြစ်ဖြစ် စင်ရော်တစ်ကောင်ကိုပုံဖော်လို့ရနိုင်တာဖြစ်လို့ ဒီနည်းလမ်းနဲ့ဖော်ပြခြင်းက စာဖတ်သူတွေကို လွယ်လွယ်နဲ့ဆွဲဆောင်သိမ်းသွင်းနိုင်ပြီး ဆရာတော်သိစေချင်တဲ့နက်နဲတဲ့အဓိပ္ပာယ်တွေကို လွယ်လွယ်ကူကူ ရိုးရိုးရှင်းရှင်းနဲ့ နားလည်စေနိုင်ပါတယ်။ ဒီလိုမျိုးစင်ရော်တစ်ကောင်ရဲ့အကြောင်းကိုအခြေခံပြီး ဆရာတော်သိစေချင်တဲ့လမ်းညွှန်ချက်တွေကိုရေးသားထားတာက ကောင်းမွန်ပြီး အများကြီးအကျိုးရှိပါတယ်။ ဇယားတွေ ပုံစံတွေနဲ့ဖော်ပြထားတာကိုလဲသဘောကျပါတယ် ၊ အဲ့ဒီလိုဖော်ပြထားတာက စာဖတ်သူတွေကို ဆရာတော်သိစေချင်တဲ့အချက်ကို လွယ်လွယ်ပုံဖော်နိုင်ပြီး ပိုမှတ်မိအောင်ကူညီပေးနိုင်လို့ပါ။
ဒီစာအုပ်ကို Finland ဘာသာပြန်ရန်အတွက်ဖတ်ရတာက အလွန်စိတ်ဝင်စားစရာကောင်းပြီး အကျိုးကျေးဇူးက တရားထိုင်တဲ့နေရာမှာ လမ်းပြပေးသလိုဖြစ်နေပါတယ်။ ထူးခြားတာတစ်ခုက ဒီစာအုပ်ကိုပိုပြီးထဲထဲဝင်ဝင်ဖတ်လေ ပိုပိုပြီးစိတ်ဝင်စားစရာကောင်းတဲ့အချက်တွေကို ရှာဖွေတွေ့ရှိခဲ့ပါတယ်။ The Journey to Eternal Peace စာအုပ်မှာ သစ္စာလေးပါးတရားတော် နဲ့ ပဋိစ္စသမုပ္ပါဒ်တရားတော်ကို တစ်ကမ္ဘာလုံးက ဘယ်လူမျိုး ၊ ဘယ်ဘာသာဝင်ဘဲဖြစ်ဖြစ် နားလည်လွယ်အောင် အလွန်ရိုးရှင်းစွာနဲ့ သရုပ်ဖော်ရေးသားထားတဲ့ စာအုပ်ကောင်းတစ်အုပ် ဖြစ်ပါတယ်။
No comments:
Post a Comment