သိဖို့မလိုသူကို သိအောင် မကြိုးစားတဲ့သူ …
မာနကြီးတယ်လို့ ထင်ရတဲ့သူ …
အပေါင်းသင်း များများစားမရှိတဲ့သူ …
တစ်ယောက်တည်း နေရတာကို ပိုသဘောကျတဲ့သူ …
ပြောရတာထက် တွေးနေရတာကို ကြိုက်တဲ့သူ …
အဲဒီလိုလူဟာ သူ့ဘေးနာမှာ လူတစ်ယောက်ကိုထားရင် … ပေါင်းသင်း ချစ်ခင်နေရင် …
အဲဒီလူဟာ သူ့အတွက် သက်သောင့်သက်သာဖြစ်တယ်လို့ ခံစားရလို့ပဲ ဖြစ်တယ် ။
တော်ရုံဆို ဘယ်သူနဲ့မှ Hangout မဟုတ်ပဲ
တစ်ကိုယ်တည်း သွားလာ စားသောက်တတ်သူက ..
ကိုယ့်ကို တကူးတက ချိန်းဆိုပြီး အချိန်ပေးတာဟာ
သူ့အတွက် ကိုယ်ဟာ Energy ကိုက်နေလို့ပါ ။
အစက မာနကြီးတယ်လို့ထင်ရတဲ့သူက ကိုယ်နဲ့သိလာတာကြာတော့ သူ့ရဲ့ စကားအများဆုံး ၊ ပေါချာချာအနိုင်ဆုံး Face ကို ထုတ်ပြလာတာဟာ .. ကိုယ့်အနားနေရင် လုံခြုံတယ်လို့ ခံစားရလို့ ဖြစ်တယ် ။
အဲလိုလူမျိုး ကိုယ့်အနားရှိရင် တန်ဖိုးထားဖို့လိုတယ် ။
ဘာလို့ဆို အဲလိုလူဟာ မိတ်ဆွေကောင်း ဖြစ်ဖို့ ရာခိုင်နှုန်းများတာမို့ပဲ ။
အပြောထက် အလုပ်နဲ့ သက်သေပြတဲ့သူမျိုးသာ ဖြစ်လိမ့်မယ် ။
ကိုယ့်အပေါ် သစ္စာရှိတဲ့သူ ဖြစ်လိမ့်မယ် ။
အဲဒီလူဟာ ကိုယ့်နောက်ကျော ဓားထိုးမဲ့ … စကားတွေ သယ်ပို့မဲ့သူမျိုး ဘယ်တောမှ ဖြစ်လာမှာ မဟုတ်ဘူး ။
ပေါင်းသင်းရခက်တဲ့သူက … ရှားရှားပါးပါး မိတ်ဆွေသူငယ်ချင်းရလာတဲ့အခါ … အစစ်မှန်ဆုံး မေတ္တာကိုသာ ပေးတတ်ကြတယ် ။
ဟန်ဆောင်ပြီးတောင် ပြုံးပြဖို့ခက်တဲ့သူမျိုးက .. အတုယောင် ခင်မင်မှုမျိုး ၊ ချစ်မြတ်နိုးမှုမျိုး အတွက် ဘယ်တော့မှ လုပ်ယူနိုင်မှာ မဟုတ်ဘူးလေ … ။
ဒါပေမဲ့ အဲလိုလူမျိုးဟာ ghost တဲ့ နေရာမှာလည်း ဘယ်သူနဲ့မှ တူမှာမဟုတ်ဘူး ။
သူ့စိတ်က ပြီးပြီလို့ သတ်မှတ်လိုက်ရင် ရာသက်ပန် ပြီးပြီပဲ ။ ဘာလို့ဆို ဘယ်သူရှိမှ ဖြစ်မယ်ဆိုတဲ့စိတ်ဟာ သူ့မှာအစတည်းက မရှိလို့ပဲ ။ လူတစ်ယောက်ကို သူ့အနားခေါ်ထားတာဟာ မေတ္တာရှိလို့ တစ်ခုတည်းအတွက်ပဲ ဖြစ်တယ် ။
သူတို့က ဘယ်အချိန်မှာ ghost တတ်သလဲဆို …
လုံခြုံတယ်လို့ မခံစားရတော့တဲ့အခါ …
သူ Serious ထားတဲ့ ဆက်ဆံရေးကို အရိုသေတန်စေတဲ့အခါ …
ဟန်ဆောင်တဲ့ စကားနှင့် မတည်တဲ့ ကတိတွေကို ခဏတိုင်း လုပ်လာတဲ့အခါ …
အသွားပြန် မညီမျှတဲ့ ဆက်ဆံရေးတစ်ခု ဖြစ်လာတဲ့အခါ …
ဘဝထဲကနေ ပယ်ထုတ်ပြီး .. အရင်က သူ့ပုံအတိုင်း သူ့ဘဝနဲ့သူသာ ခပ်ဝေးဝေးမှာ သွားနေနေလိမ့်မယ် ။
လူတိုင်းအတွက်မဟုတ်ပဲ … ကိုယ့်အတွက် သီးသန့် ဖြစ်လာတဲ့ သူ့စေတနာ မေတ္တာကို တန်ဖိုးထားတတ်ဖို့လိုတယ် ။
အဲလိုလူတွေရဲ့ ချစ်ခင်လေးစားမှုဟာ သိပ်ရှာပါးတဲ့ အရာပဲ … ။
No comments:
Post a Comment