စျေးကဝယ်လာတဲ့ အမဲသား နဲ့ အမဲသားဆီကို ရေဆေး ရေသုတ်ပြီး ရေခဲသေတ္တာ အခဲခန်း ထဲမှာ ၂ နာရီလောက်ခဲထားပေးပါ။
ပထမဆုံး ၂နာရီလောက်ခဲထားတဲ့ အမဲသားဆီ ကို ညက်အောင် ကြိတ်ပြီး ရေခဲသေတ္တာထဲပြန်ထည့်ထားပေးပါ။
ပြီးရင် ရေခဲသေတ္တာထဲက ထုတ်လာတဲ့ အမဲသားတွေကိုလည်း ညက်အောင်ကြိတ်ပါ။
အရသာမှုန့်တွေ အကုန်ပြင်ဆင်ထားပါ(ပါဝင်ပစ္စည်းကိုအောက်မှာရေးထားပေးပါတယ်ခင်ဗျာ)
အရသာတွေအားလုံး ထည့်ပြီး ပြန်ညက်အောင် ကြိတ်ပေးပါ။
ရေခဲထည့်ပေးပါ။ ကြိတ်ပေးပါ။
ရေခဲတွေတခါတည်း ထည့်မကြိတ်ဘဲ ၃ ခါလောက် ခွဲထည့်ပြီး ကြိတ်ပေးပါ။
ဒါမှ ကြိတ်တဲ့စက်လည်း အပူမလွန်သလို ရေခဲတွေလည်း ကြေမှာဖြစ်ပါတယ်။
ပြီးမှ ပီလောပီနံမှုန့်ထည့်ပြီးကြိတ်ပေးပါ။ အားလုံးကြေသွားပြီဆိုရင်
ရေခဲသေတ္တာထဲမှာ ပြန်ခဲထားတဲ့ အမဲဆီ တွေကိုလည်း ထည့်ကြိတ်ပေးပါ။
ကြိတ်ထားတဲ့အသားတွေက စီးပိုင်လာပြီဆိုရင် အသားကို လုံးလို့ရပါပြီ။
လက်ကို ရေစွတ်ပြီး ကြိတ်သားတွေကို ညှစ်ပြီး ဇွန်းနဲ့ ခြစ်ယူပေးပါ။
ပြုတ်မယ့်အိုးထဲက ရေက နွေးနွေးလေးဖြစ်လာပြီဆိုရင် အသားတွေကိုညှစ်ပြီး ထည့်ပေးပါ။
မီးအားက အနည်းဆုံးပဲထားပေးရမှာဖြစ်ပါတယ်။ ရေပွက်ပွက်မဆူရပါ။
ရေပေါ်မှာ အသားလုံးတွေ ပေါ်လာရပါမယ်။ အသားတွေအရောင်ပြောင်းရင် မီးအားမြင့်ပြီး ၁၀ မိနစ်လောက်ပဲတည်ပေးပါ။ ပြီးတာနဲ့ ဆယ်ယူပြီးရေအေးထဲပြန်စိမ်ထားပါ။
ဒါဆိုရင် တထုတ်ထုတ်နဲ့စားကောင်းတဲ့ အမဲလုံး ရပါပြီ။
ပါဝင်ပစ္စည်းများကတော့
အမဲသား ၂၃၀၀ ဂရမ်
အမဲဆီ ၂၀၀ ဂရမ်
ဆား ၅၀ ဂရမ်
ကြက်သားမှုန့် ၁၅ ဂရမ်
ငရုတ်ကောင်းမှုန့် အမဲ နဲ့ အဖြူ ၅ ဂရမ်စီ
ဘိတ်ကင်းပေါင်ဒါ ၃ ဂရမ်
ကြက်သွန်ဖြူမှုန့် ၁၀ ဂရမ်
သကြား ၅ ဂရမ်
ရေခဲ ၄၀၀ ဂရမ်
ပီလောပီနံမှုန့် ၁၀၀ ဂရမ်
ဒါဆိုရင် တထုတ်ထုတ်နဲ့စားကောင်းလွန်းတဲ့ အမဲသားလုံးရပါပြီ။
တရုတ်ပြည်က ဟင်းချက်ပြတဲ့ နည်းကို ဘာသာပြန်ပြီးတင်ပြခြင်းသာဖြစ်ပါသည်။
No comments:
Post a Comment