BETTER BURMA တော်လှန်ရေးကို ကူနေလှူနေသူများအတွက်သာ (Build Yourself)

MISSION ၁။နွေဦးတော်လှန်ရေးမှာ မြင်သလောက်နိုင်သလောက်ပါတင်ကူညီဖြည့်ဆည်းပေးရေး။ ၂။ NUGpay နဲ့SDB bank အသုံးပြုမှု ပြည်သူတွေကြားတိုးတက်စေရေး။ ၃။ပြည်သူသို့တော်လှန်ရေးသတင်းအချက်အလက်အမှန်စီးဆင်းစေရေး။ ၄။မိမိနိုင်ငံအနေဖြင့် အရှေ့တောင်အာရှ၏ ပထမဆုံးဒီမိုကရေစီနိုင်ငံဖြစ်စေရန် တထောင့်တနေရာမှအစဉ်မပြတ်အားထုတ်လှုံဆော်နိုင်ရေး။

Monday, September 29, 2025

#1 Narcissism Doctor: Toxic Signs You're Dealing With A Narcissist Causing Trauma & Disease | Ramani

Dating Someone with BPD? Signs, Challenges & How to Support Them

Dr. Ramani: Everyone’s Calling It Narcissism — And It’s Getting Dangerous

Borderline or Narcissistic? How to Tell the Difference in Real Life

Psychopath or Sociopath | What You Need to Know

Friday, September 26, 2025

Secret Agent: Never Be Yourself At Work! Authenticity Is Quietly Sabotaging You! Evy Poumpouras

Thursday, September 25, 2025

တရုတ်လူမျိုးတွေ ဘာကြောင့် အသံကျယ်ကျယ်နဲ့ ပြောတတ်ကြပြီး တန်းစီတဲ့အခါ ဘာကြောင့် ကြားဖြတ်ဝင်တတ်ကြတာလဲ။

တရုတ်လူမျိုးတွေ ဘာကြောင့် အသံကျယ်ကျယ်နဲ့ ပြောတတ်ကြပြီး တန်းစီတဲ့အခါ ဘာကြောင့် ကြားဖြတ်ဝင်တတ်ကြတာလဲ။"

တရုတ်ရဲ့ ယဉ်ကျေးမှုနဲ့ တရုတ်လူမျိုးများကို လေ့လာကြည့်ရှုခြင်း

++++++++++++++++++++++++++++++++

ကျွန်တော်တို့ မြန်မာနိုင်ငံဟာ ကမ္ဘာ့အင်အားကြီးတရုတ်နိုင်ငံနဲ့ အိမ်နီးချင်းနိုင်ငံ ဖြစ်ပါတယ်။ မြန်မာနိုင်ငံရဲ့ နိုင်ငံရေး၊ စီးပွားရေး အခင်းအကျင်းမှာ တရုတ်နိုင်ငံက အမြဲတမ်းပါဝင်ပတ်သက်နေပါတယ်။

ကျွန်တော်တို့ မြန်မာလူမျိုးတွေဟာ စစ်တပ်အုပ်ချုပ်မှုအောက်က အလွန်ညံ့ဖျင်းတဲ့ ပညာရေးအောက်မှာ သင်ကြားခဲ့ရတဲ့အတွက် လေ့လာသုံးသပ်မှုစွမ်းရည် အလွန်နည်းသလို အချက်အလက်အပေါ်မှာ အခြေခံပြီး ပြောဆိုတာမျိုးလည်း မလုပ်တတ်ကြပါဘူး။

ဂျပန်နိုင်ငံကတော့ အားလုံးသိကြတဲ့အတိုင်း အနောက်နိုင်ငံတွေက အသိအမှတ်ပြုရတဲ့ နည်းပညာ အရရော စီးပွားရေးအရရော လွန်စွာဖွံ့ဖြိုးတိုးတက်ပြီး ကမ္ဘာ့အဆင့်မီနိုင်ငံတစ်ခု ဖြစ်ပါတယ်။ ဂျပန်လူမျိုးတွေနဲ့ နှစ်ပေါင်း၂၀ ကျော်ကြာ လက်တွဲအလုပ်လုပ်နေတဲ့သူတစ်ဦးအနေနဲ့ ဂျပန်လူမျိုးတွေရဲ့ သုသေတနစွမ်းအားနဲ့ လေ့လာသုံးသပ်နိုင်စွမ်းကို မျက်မြင်တွေ့ရှိနေရပြီး ဘာကြောင့် စစ်ရှုံးနိုင်ငံတခုအနေနဲ့ ပြာပုံဘဝကနေ တိုးတက်လာခဲ့တာလဲဆိုတာရဲ့ အဖြေကိုလည်း တွေ့မြင်ထားတဲ့သူတစ်ဦးအနေနဲ့ တရုတ်လူမျိုးတွေရဲ့ ယဉ်ကျေးမှုတွေကို အခြေခံကနေ လေ့လာနေတဲ့စာရေးဆရာ ကွန်ဒို ဒိုင်းဆုကေရဲ့ စာအုပ်တွေထဲကနေ အချက်အလက်အချို့ကို ကောက်နှုတ်တင်ပြလိုက်ပါတယ်။

ကမ္ဘာ့အင်အားကြီးတရုတ်နိုင်ငံနဲ့ အိမ်နီးချင်းနိုင်ငံ ဖြစ်တဲ့ မြန်မာလူမျိုးတွေအနေနဲ့ တရုတ်တွေကို နားလည်ထားဖို့ လိုအပ်ပါတယ်။

ပထမကောက်နှုတ်ချက်အနေနဲ့ "တရုတ်လူမျိုးတွေ ဘာကြောင့် အသံကျယ်ကျယ်နဲ့ ပြောတတ်ကြပြီး တန်းစီတဲ့အခါ ဘာကြောင့် ကြားဖြတ်ဝင်တတ်ကြတာလဲ။" ဆိုတဲ့ အချက်ကို ဘာသာပြန်ပြီး ကောက်နှုတ်တင်ပြလိုက်ပါတယ်။

တရုတ်လူမျိုးတွေက ဘာကြောင့်　အသံကျယ်ကျယ်နဲ့ ပြောပြီး တန်းစီတဲ့အခါ ဘာကြောင့် ကြားဖြတ်ဝင်တတ်ကြတာလဲ။　ဂျပန်လူမျိုးတွေရဲ့ ခံစားချက်နဲ့ နားလည်ဖို့ ခက်ခဲတဲ့　တရုတ်လူမျိုးရဲ့ လုပ်ရပ်တွေရဲ့ အရင်းခံမှာ ကျွန်တော်တို့ စိတ်ကူးလို့တောင် မရနိုင်တဲ့ ခက်ခဲကြမ်းတမ်းတဲ့ လူ့အဖွဲ့အစည်းရဲ့ အခြေခံမူတွေ ပုန်းကွယ်နေပါတယ်။

ဂျပန်နိုင်ငံရဲ့ ထိပ်တန်း တရုတ်လေ့လာသူဖြစ်တဲ့ စာရေးဆရာ ကွန်ဒို ဒိုင်းဆုကေရဲ့ “တကယ့်တရုတ်ပြည် ဂျပန်လူမျိုးတွေ မသိတဲ့ အတွေးအခေါ်နဲ့ လုပ်ဆောင်ပုံ အခြေခံမူများစာအုပ်ထဲက ဂျပန်လူမျိုးတွေမသိတဲ့ တရုတ်လူမျိုးတွေရဲ့ ထူးခြားတဲ့ အတွေးအခေါ်နဲ့ လုပ်ဆောင်ပုံနဲ့ အခြေခံမူတွေကို ရှင်းပြထားပါတယ်။

ဒီတစ်ကြိမ်မှာတော့ ဒီစာအုပ်ထဲကနေ အချို့အစိတ်အပိုင်းတွေကို ထုတ်နုတ်ပြီး တရုတ်လူမျိုးတွေက ဘာလို့ အသံကျယ်ကျယ်နဲ့ ကိုယ့ပဲမှန်ကြောင်း ပြောတတ်ကြတာလဲ။ အဲဒီနောက်ကွယ်က "အားကြီးသူသာ ရှင်သန်တယ်" ဆိုတဲ့ တရုတ်လူ့အဖွဲ့အစည်းရဲ့ အခြေအနေမှန်တွေကို မိတ်ဆက်ပေးသွားပါမယ်။

အသံကျယ်သူက အနိုင်ရတဲ့ လူ့အဖွဲ့အစည်း

ဂျပန်နိုင်ငံမှာ တရုတ်ခရီးသွားတွေကို တွေ့ရတဲ့အခါ တရုတ်လူမျိုးတွေဟာ အမြဲတမ်း အသံကျယ်ကျယ်နဲ့ စကားပြောနေတာကို တွေ့ရတတ်ပါတယ်။ ဖုန်းပြောတာတောင် အသံကျယ်ကြတယ်။ ဘာလို့ တရုတ်လူမျိုးတွေက အသံကျယ်ကျယ်နဲ့ ပြောတာလဲ။

ကျွန်တော် စဉ်းစားမိတဲ့ အကြောင်းရင်း ၅ ခု ရှိပါတယ်။

ပထမတစ်ခုကတော့ သူတို့ရဲ့ နိုင်ငံက ကျယ်ပြန့်ပြီး "နေထိုင်မှုစကေး" က ကြီးမားလို့ပါ။

ဒုတိယတစ်ခုကတော့ "အသံကျယ်သူက အနိုင်ရတဲ့ လူ့အဖွဲ့အစည်း" ဖြစ်နေလို့ပါ။

တတိယတစ်ခုကတော့ နောက်ပိုင်းမှာ ဖော်ပြမယ့်အတိုင်း ပါးစပ်ဖွင့်ပြီး ပေါက်ကွဲသံတွေထွက်အောင် ပြောရတဲ့ ရှုပ်ထွေးတဲ့ တရုတ်စာရဲ့ ဖွဲ့စည်းပုံကြောင့်ပါ။

စတုတ္ထတစ်ခုကတော့ "ခေါင်းလောင်းသံလို အသံကျယ်ကျယ်နဲ့ ပြောဆိုဖတ်ကြားပါ" လို့ သင်ကြားတဲ့ ကျောင်းပညာရေးရဲ့ သက်ရောက်မှုကြောင့်ပါ။

ပဉ္စမတစ်ခုကတော့ ပတ်ဝန်းကျင်က လူတွေကို ဂရုမစိုက်လို့ပါ။

ယေဘုယျအားဖြင့် ပြောရရင် သူတို့ကိုယ်တိုင် အသံကျယ်ကျယ်နဲ့ ပြောနေတယ်ဆိုတဲ့ အသိစိတ်တောင် မရှိကြပါဘူး။

စကားမစပ် တရုတ်လူမျိုးတွေဟာ တီဗီကြည့်တဲ့အခါမှာလည်း အသံကျယ်ကြီးနဲ့ ဖွင့်ထားတတ်ပြီး သူတို့အိမ်ကို အလည်သွားတဲ့အခါ အံ့အားသင့်ရတဲ့ အဖြစ်မျိုးတွေ ရှိပါတယ်။

ဒါ့အပြင် အပိုဆောင်းပြောရမယ်ဆိုရင် ပုစဉ်းရင်ကွဲအော်သံဟာလည်း တရုတ်ပြည်က ပုစဉ်းရင်ကွဲတွေက ဂျပန်က ပုစဉ်းရင်ကွဲတွေထက် အများကြီး ပိုကျယ်ပြီး ပိုပြီးတော့ ကြမ်းတမ်းစွာ အော်တတ်ပါတယ်။

ဘယ်လိုပဲဖြစ်ဖြစ် တရုတ်လူ့အဖွဲ့အစည်းဟာ "ငါ" နဲ့ "ငါ" အချင်းချင်း အမြဲတမ်း ပြင်းပြင်းထန်ထန် ထိပ်တိုက် တွေ့နေတာကြောင့် အားကြီးသူသာ ရှင်သန်တဲ့ လူ့အဖွဲ့အစည်း ဖြစ်လာပါတယ်။ ခေတ်ကာလနဲ့အညီ လူ့အဖွဲ့အစည်းက နူးညံ့လာနေပေမယ့် အခြေခံပုံစံကတော့ လုံးဝမပြောင်းလဲသေးပါဘူး။

တရုတ်နိုင်ငံရဲ့ အားသာသူကို ဦးစားပေးသော ယာဉ်သွားလာရေး အခြေအနေများ

+++++++++++++++++++++++++++++

ဥပမာအားဖြင့် ဂျပန်နိုင်ငံရဲ့ ယာဉ်စည်းကမ်းတွေက အားနည်းသူများကို ကာကွယ်ဖို့အတွက် ရေးဆွဲထားပေမယ့် တရုတ်နိုင်ငံမှာတော့ အားသာသူတွေကိုပဲ ဦးစားပေးပါတယ်။

အားအကြီးဆုံးဖြစ်တဲ့ ပြည်သူ့လွတ်မြောက်ရေးတပ်မတော်အတွက် အမြန်လမ်းမပေါ်မှာ ဦးစားပေးလမ်းကြောပင် ရှိပါတယ်။ သာမန်လမ်းတွေမှာလည်း ကျွန်တော်နေထိုင်ခဲ့တဲ့ ပေကျင်းမြို့ရှိ တိုက်ခန်းအနီးမှာ ၈ လမ်းသွား လမ်းမကြီး တစ်ခုရှိခဲ့ပြီး၊ ဒီနေရာမှာ လူကူးလမ်းအတွက် မီးစိမ်းပြတာဟာ ၁၅ စက္ကန့်သာဖြစ်ပါတယ်။

ဒါ့ကြောင့် မီးနီကနေ မီးစိမ်းကို ပြောင်းတာနဲ့တပြိုင်နက် လူတွေဟာ အပြေးပြိုင်ပွဲဝင်သလို အရှိန် နဲ့ လမ်းဖြတ်ကူးကြရပါတယ်။ ဒီလိုနေရာတွေမှာ သက်ကြီးရွယ်အိုတွေနဲ့ မသန်စွမ်းသူတွေကို ကျွန်တော် တစ်ခါမှ မတွေ့ခဲ့ဖူးပါဘူး။

ကားမောင်းနှင်တာနဲ့ ပတ်သက်ပြီးပြောရရင်လည်း ဂျပန်နိုင်ငံမှာ ယာဉ်မောင်းသူတွေဟာ တစ်ဦးကိုတစ်ဦး လမ်းပေးတာကို ယဉ်ကျေးမှုတစ်ခုအဖြစ် သတ်မှတ်ထားပါတယ်။ ဒါပေမယ့် တရုတ်နိုင်ငံရဲ့ လမ်းတွေပေါ်မှာတော့ ယာဉ်မောင်းတွေကတော့ အနည်းငယ် လစ်ဟသွားတာနဲ့ “ငါအရင်” ဆိုတဲ့စိတ်နဲ့ ရှေ့ကို ဝင်ရောက်နိုင်ဖို့ ကျားတစ်ကောင်လိုမျိုး အသင့်စောင့်ကြည့်ပြီး မောင်းနှင်နေကြပါတယ်။

ကားတိုက်ခံရသူကပဲ အမှားဖြစ်နေတာလား

++++++++++++++++++++++++

ကျွန်တော် တစ်ခါတုန်းက တရုတ်ပြည်မှာ လမ်းဖြတ်ကူးနေတုန်း ဘေးကနေ ရုတ်တရက် ထွက်လာတဲ့ မော်တော်ဆိုင်ကယ်တစ်စီးနဲ့ တိုက်မိပြီး လဲကျသွားခဲ့ပါတယ်။ ခြေထောက်နာနေလို့ မထနိုင်ဘဲ ရှိနေတုန်းမှာ ဆိုင်ကယ်မောင်းတဲ့ အလယ်ပိုင်းအရွယ် အမျိုးသားက ကျွန်တော့်ကို လက်ညှိုးထိုးပြီး အသံကျယ်ကျယ်နဲ့ အပြစ်တင်ခဲ့ပါတယ်။

"မင်းကြောင့် မှန်ကွဲသွားပြီ၊ အခုချက်ချင်း လျော်ပေး!"

ကျွန်တော် မနည်း ထရပ်ပြီး ပြန်ပြောဖို့ ကြိုးစားခဲ့ပေမယ့် ခြေထောက်နာနေလို့ အသံက တုန်နေခဲ့ပါတယ်။ ဆိုင်ကယ်မောင်းသူကတော့ စုရုံးလာတဲ့ ပွဲကြည့်ပရိသတ်တွေကို အသံကျယ်ကြီးနဲ့ အော်ဟစ်ပြောဆိုခဲ့ပြီး ရောက်လာတဲ့ ယာဉ်ထိန်းရဲကိုလည်း အသံကျယ်ကျယ်နဲ့ပဲ ပြောခဲ့ပါတယ်။ အဲဒီရဲ့ရလဒ်ကတော့ ယာဉ်ထိန်းရဲက ကျွန်တော့်ကို ပြောလိုက်တာက...

"တကယ်ပဲ မင်းက ကားတိုက်ခံရတဲ့သူဖြစ်ပေမယ့် မင်းမှားတယ်ကွ။ အခုပဲ ၃၀ ယွမ် (၆၀၀ ယန်းခန့်) ကို မောင်းသူကို ပေးလိုက်"

အဲဒီနေ့ကစပြီး ကျွန်တော်ဟာ မနက်အိပ်ယာထတာနဲ့ မှန်ရှေ့မှာ ကိုယ်ဟန်အမူအရာတွေပါ ထည့်ပြီး အသံကျယ်ကျယ်နဲ့ အသံထွက်လေ့ကျင့်ခန်း လုပ်ခဲ့ပါတယ်။ အဲဒီကတည်းက ဒဏ်ကြေးတွေ ပေးရတော့တာ မရှိတော့ပါဘူး။

ဂျပန်မှာတော့ ယာဉ်နဲ့လူမှာ လူကို ဦးစားပေးတဲ့နိုင်ငံဖြစ်တဲ့အတွက် တိုက်မိလို့လဲသွားတဲ့သူကို ဘာမှမလုပ်ပေးရင် အဲ့ဒီယာဉ်မောင်းမှာ အပစ်ရှိပါတယ်။

Grace ဘာသာပြန်သည်။

အရှောင်အတိမ်းဂျက်ဆီဂျိမ်း DNA ပိုင်ဆိုင်သည့် တ ရုတ်လူမျိုးများ

အရှောင်အတိမ်းဂျက်ဆီဂျိမ်း DNA ပိုင်ဆိုင်သည့် တရုတ်လူမျိုးများ

တရုတ်လူမျိုးတွေ ဘာကိုတွေးပြီး ဘယ်လို လုပ်ဆောင်ကြပါသလဲ။

တရုတ်လူမျိုးတွေ နားမလည်နိုင်သော "ဂျပန်ယဉ်ကျေးမှု" ဂျပန်လူမျိုးတွေ မသိတဲ့ တရုတ်လူမျိုးတွေရဲ့ အတွေးအခေါ်

တရုတ်လူမျိုးတွေ ဘာကိုတွေးပြီး ဘယ်လို လုပ်ဆောင်ကြပါသလဲ။

Kodansha မှ ထုတ်ဝေသည့် ' ဂျပန်လူမျိုးများ မသိသော တရုတ်တို့၏ အတွေးအခေါ်နှင့် လုပ်ဆောင်မှုနိယာမ' စာအုပ်သစ်တွင် ဂျပန်နိုင်ငံ၏ ထိပ်တန်းတရုတ်လေ့လာသူတစ်ဦးက တိကျပြတ်သားစွာ ရေးသားထားပါသည်။

ဤဆောင်းပါးတွင် "တရုတ်လူမျိုးများ အံ့အားသင့်ခဲ့ရသော ဂျပန်၏ အသင်းအဖွဲ့စိတ်ဓာတ်" နှင့် အဘယ်ကြောင့် တရုတ်လူမျိုးများသည် အသင်းအဖွဲ့စိတ်ဓာတ် အားနည်းရသလဲ" ဆောင်းပါးပြီးနောက် တရုတ်လူမျိုးများတွင် ရှိသော "ထွက်ပြေခြင်း" နှင့် "တိမ်းရှောင်ခြင်း" ဟူသည့် "DNA" အကြောင်းကို ဆက်လက်ဖော်ပြသွားပါမည်။

*ဤဆောင်းပါးကို Kondo Daisuke ၏ 'တကယ့်တရုတ် ဂျပန်လူမျိုးများ မသိသော အတွေးအခေါ်နှင့် လုပ်ဆောင်မှုနိယာမ' (Kodansha Gendai Shinsho) စာအုပ်မှ ကောက်နုတ်ပြီး ဘာသာပြန်တည်းဖြတ်ထားပါသည်။

အရှောင်အတိမ်းဂျက်ဆီဂျိမ်း DNA ပိုင်ဆိုင်သည့် တရုတ်လူမျိုးများ

၂၀၂၄ ခုနှစ်တွင် တရုတ်လူမျိုးများ၏ ကိုယ့်ကိုယ်ကိုယ် သတ်သေမှု အရေအတွက်သည် ၄.၈၆ သိန်းအထိ ရှိခဲ့ကြောင်း သတင်းကို မြင်တွေ့ရသောအခါ အံ့အားသင့်ခဲ့ရသည်။ အဆိုပါနှစ်အတွင်း ဂျပန်လူမျိုးများ၏ ကိုယ့်ကိုယ်ကိုယ် သတ်သေမှု အရေအတွက်မှာ ၂၀,၃၂၀ ဦး ဖြစ်သောကြောင့် လူဦးရေ အချိုးအစားအရ ကြည့်မည်ဆိုပါက ဂျပန်ကို များစွာ ကျော်လွန်နေပါသည်။

၎င်းသည် တရုတ်စီးပွားရေး ကျဆင်းမှုမှာ အလွန်ပြင်းထန်သောအဆင့်သို့ ရောက်ရှိနေပြီဖြစ်ကြောင်း ဖော်ပြနေပါသည်။ တစ်ချိန်တည်းမှာပင် တစ်ဦးတည်းသော သားသမီးဖြစ်သည့် လူငယ်များ၏ ပင်ပန်းဆင်းရဲမှုကိုလည်း ထင်ဟပ်စေသည်။

ကျွန်ုပ်ကဲ့သို့သော ရှေးခေတ် "တရုတ်လေ့လာသူများ" သည် "တရုတ်လူမျိုးများသည် ကိုယ့်ကိုယ်ကိုယ် သတ်သေလေ့မရှိ" ဟူသော စွဲမြဲနေသည့် အယူအဆ ရှိခဲ့ကြသည်။ အဘယ်ကြောင့်ဆိုသော် ယေဘုယျအားဖြင့် တရုတ်လူမျိုးများသည် "မကောင်းသောအဖြစ်" တစ်ခုခု ကြုံလာပါက "ထွက်ပြေးခြင်း" သို့မဟုတ် "တိမ်းရှောင်ခြင်း" ဟူသည့် "DNA" ရှိသောကြောင့် ဖြစ်ပါသည်။

တရုတ်နိုင်ငံတွင် ပညာသွားသင်ဖူးသူ သို့မဟုတ် သွားရောက် တာဝန်ထမ်းဆောင်ဖူးသူတိုင်း မကြာမီပင် "ဥပဒေရှိလျှင် ဂယ်ပေါက်ရှိသည်" ဆိုသည့် တရုတ်စကားကို လူတိုင်းနီးပါးသိကြသည်။

တရုတ်ဘာသာစကားတွင် လူသိများသည့် စကားပုံ နှစ်ခုတွင် ပထမတစ်ခုက "ရေစက်များ ဆက်တိုက်ကျနေပါက ကျောက်တုံးကိုပင် ဖောက်နိုင်သည်" ဟု အဓိပ္ပာယ်ရသည်။ ဒုတိယတစ်ခုမှာ “Liezi” တွင် ဖော်ပြထားသော ပုံပြင်တစ်ခုဖြစ်ပြီး "လူအ (Gong) သည် နောက်ဆုံးတွင် တောင်ကို ရွှေ့ခဲ့သည်" ဟူသည့် (ဇွဲရှိရှိ ကြိုးစားအားထုတ်မှုကြောင့်) ပုံပြင်ဖြစ်ပါသည်။ ၎င်းကို ဥက္ကဋ္ဌမော်စီတုန်းက ကိုးကားခဲ့ပြီး "မော်စီတုန်း၏ ကမ္ဘာ" ကို နှစ်သက်သည့် ဥက္ကဋ္ဌ ရှီကျင့်ဖျင်ကလည်း ၎င်း၏မိန့်ခွန်းများတွင် မကြာခဏ ကိုးကားလေ့ရှိပါသည်။

သို့သော် ၎င်းတို့သည် 'အပေါ်ယံစကားများ' သာဖြစ်ပြီး ယေဘုယျအားဖြင့် တရုတ်လူမျိုးများသည် ၎င်းတို့၏ အကျိုးစီးပွားနှင့် တိုက်ရိုက်သက်ဆိုင်သောအခါတွင်သာ အလေးအနက်ထားကြသည်။

ယေဘုယျအားဖြင့် တရုတ်လူမျိုးများသည် ဂျပန်လူမျိုးများထက် ပိုမိုပြောင်းလွယ်ပြင်လွယ် ရှိပါသည်။ ထို့ကြောင့် ကျွန်ုပ်သည် ပေကျင်းရှိ ကုမ္ပဏီတစ်ခု၌ ကျွန်ုပ်၏ တရုတ်လက်အောက်ငယ်သားများကို မနှစ်မြို့ဖွယ်ကောင်းသော အလုပ်တစ်ခုကို လုပ်ခိုင်းသည့်အခါတွင်ပင် "ဒါမျိုး မလုပ်နိုင်ပါဘူး" ဟု လုံးဝ မပြောကြပါ။

၎င်းတို့သည် "ရပါတယ်" ဟု ဖြေခြင်း သို့မဟုတ် တိတ်ဆိတ်စွာ ခေါင်းညိတ်ပြီး တစ်နေရာရာတွင် ရှောင်ပြေးနိုင်သည့် လမ်းကြောင်း သို့မဟုတ် ထွက်ပေါက် ရှိမရှိကို ရှာဖွေကြသည်။ ၎င်းသည် အပေါ်ယံတွင်သာ နာခံခြင်းဖြစ်ပြီး တရုတ်ဘာသာစကားဖြင့် “(Xūxīn jiēshòu, jiānjué bù gǎi) ဟုခေါ်ဆိုပြီး (စိတ်ထားပျော့ပျောင်းစွာ လက်ခံသော်လည်း မည်သည့်အခါမျှ မပြုပြင်ပါ) ဟု အဓိပ္ပာယ်ရပါသည်။

တရုတ်လူမျိုးများ၏ “(Grey Zone) မီးခိုးရောင်ဇုန်”

ဤအခြေအနေမျိုးသည် ဂျပန်နှင့် တရုတ်ကုမ္ပဏီများအကြား စာချုပ်ချုပ်ဆိုသည့်အခါတွင်လည်း အလားတူပင်ဖြစ်ပါသည်။ တရုတ်ကုမ္ပဏီများသည် အလွယ်တကူ လက်မှတ်ရေးထိုးမည်ဟု ထင်ရသော်လည်း မကြာမီပင် စာချုပ်ချိုးဖောက်လုနီးပါး အခြေအနေများ ဆက်တိုက် ဖြစ်ပေါ်လာတတ်ပါသည်။

ဤသို့သော မီးခိုးရောင်နယ်ပယ်ကို ရှေ့ဆက်သွားခြင်းကို တရုတ်ဘာသာစကားဖြင့် (Cābiānqiú) ဟုခေါ်ဆိုပါသည်။ ၎င်းသည် တရုတ်နိုင်ငံ၏ အမျိုးသားအားကစားဖြစ်သည့် ပင်ပေါင် (Ping Pong) အားကစားမှ ဝေါဟာရဖြစ်ပြီး စားပွဲ၏အစွန်းနားကို ထိသွားသည့် ဘောလုံးကို ရိုက်ခြင်းကို ဆိုလိုပါသည်။

တရုတ်လူမျိုးများသည် ဤစကားလုံးကို အလွန်နှစ်သက်ကြပြီး နေရာအမျိုးမျိုးတွင် အသုံးပြုကြသည်။ လွန်ခဲ့သော ဆယ်စုနှစ်များစွာက ဂျပန်တွင် "အုတ်တံတိုင်း (အကျဉ်းထောင်) ပေါ် လျှောက်သွားသော်လည်း အတွင်းသို့ လုံးဝမကျသည့် အမျိုးသား" ဟုခေါ်ဆိုသော ထင်ရှားသည့် နိုင်ငံရေးသမားတစ်ဦး ရှိခဲ့ဖူးပါသည်။ တရုတ်လူမျိုးများသည်လည်း ထိုကဲ့သို့သော မီးခိုးရောင်နယ်ပယ်တွင် ရှင်သန်နေထိုင်ရမည့် အခြေအနေမျိုးနှင့် မကြာခဏ ရင်ဆိုင်ကြုံတွေ့ရပါသည်။ ၎င်းသည် တရုတ်နိုင်ငံမှာ အမျိုးမျိုးသော ရှုထောင့်မှကြည့်လျှင် အန္တရာယ်များသည့် လူ့ဘောင်အဖွဲ့အစည်းတစ်ခုဖြစ်ကြောင်း ဖော်ပြနေပါသည်။

ဆိုရှယ်လစ်နိုင်ငံဖြစ်သည့် တရုတ်နိုင်ငံတွင် ကွန်မြူနစ်ပါတီနှင့် အစိုးရ၏ လိုအပ်ချက်များသည် ပုံမှန်အားဖြင့် တင်းကျပ်ပါသည်။ ထို့အပြင်၊ အထက်တွင်ဖော်ပြထားသည့်အတိုင်း မည်သည့်အဖွဲ့အစည်းမဆို ထိပ်တန်းမှ စီမံခန့်ခွဲသောစနစ်ဖြစ်သောကြောင့် "ထိပ်တန်းမဟုတ်သူများ" သည် အမိန့်နှင့် ညွှန်ကြားချက်များကို အမြဲတမ်း လက်ခံရရှိနေပါသည်။

၎င်းတို့ကို အားလုံးတိုက်ရိုက်လက်ခံလိုက်နာပါက လူသည် ပင်ပန်းနွမ်းနယ်သွားမည်ဖြစ်သည်။ ထို့ကြောင့် ၎င်းတို့သည် လိမ္မာပါးနပ်စွာ "ရှောင်တိမ်းခြင်း" သို့မဟုတ် "ထွက်ပြေးခြင်း" ကို ပြုလုပ်ကြသည်။

အမှန်တကယ်တော့ ရှေးခေတ်ကတည်းက အစိုးရ၏ ရက်စက်ကြမ်းကြုတ်သော အခွန်ကောက်ခံမှုနှင့် ပြစ်ဒဏ်ပေးခြင်းတို့ကို ခံစားခဲ့ရသော တရုတ်လူမျိုးများသည် "ထွက်ပြေးခြင်း" သို့မဟုတ် " ရှောင်တိမ်းခြင်း " ဟူသော "DNA" ကို ပိုင်ဆိုင်ကြသည်။ "သမိုင်းမှတ်တမ်းများ (စမားချီ)" ၏ "ဟန်မင်းဆက် တည်ထောင်သူဘုရင်၏ အတ္ထုပတ္တိ" အရ ဟန်မင်းဆက်ကို တည်ထောင်သူ လျူပန်သည် ချင်မင်းဆက်ဘုရင်၏ အမိန့်ဖြင့် အလုပ်ကြမ်းလုပ်ရန် ခေါ်ဆောင်သွားစဉ် ထွက်ပြေးပြီး ပုန်ကန်ခဲ့သည်။

ထို့နောက် ချင်မင်းဆက်ကို တည်ထောင်သူ ဘုရင် ကွယ်လွန်ပြီးနောက် ကမ္ဘာကြီးကို ငြိမ်သက်အောင်လုပ်ဆောင်ရန် ကြိုးစားနေသော ချူပြည်နယ်မှ အစွမ်းထက်သူဖြစ်သည့် ရှီရန်ယူက လျူပန်အား ခေါ်ခဲ့သည်။ ၎င်းသည် ရှေးခေတ် တရုတ်သမိုင်းတွင် အကျော်ကြားဆုံး ပွဲတော်ဖြစ်သည့် "ဟုန်မွန်ပွဲတော်" အတွင်း လျူပန်သည် လူပုံအလယ်တွင် ထွက်ပြေးခဲ့ပြီး သေဘေးမှ အသက်ရှင်လွတ်မြောက်ခဲ့ပြီးဟန်မင်းဆက်ကို တည်ထောင်သူ ဖြစ်လာခဲ့သည်။

ထို့အပြင် "သမိုင်းမှတ်တမ်းများ" တွင် နိုင်ငံရေးသမားများ၊ အရာရှိများ၊ စစ်ဗိုလ်များနှင့် သာမန်လူများအထိ "ထွက်ပြေးခြင်း" သို့မဟုတ် " ရှောင်တိမ်းခြင်း" အခန်းကဏ္ဍများကို မကြာခဏ တွေ့ရှိရသည်။

ထို့ကြောင့် တရုတ်လူမျိုးများသည် ဂျပန်၏ ဘူရှီဒိုစိတ်ဓာတ်၊ ဆေပူကုပြုလုပ်ခြင်း (ကိုယ့်ကိုကိုယ်သတ်မိန့်ချ၍ သေဒဏ်ပေးခြင်း) နှင့် ကာမီကာဇေတပ်များကဲ့သို့သော "တိုက်ပွဲဝင်ပြီး ကျရှုံးခြင်း" နှင့် "ကြွေကျသွားသော ချယ်ရီပန်းများတွင် အလှတရားရှိသည်" ဟူသော ယဉ်ကျေးမှုကို နားမလည်နိုင်ပါ။ အဘယ်ကြောင့်ဆိုသော် တရုတ်လူမျိုးများက "ပြဿနာတစ်ခုနှင့်ထိပ်တိုက် ရင်မဆိုင်ဘဲ ထွက်ပြေးခြင်း သို့မဟုတ် ရှောင်တိမ်းခြင်း" ကို ပြုလုပ်သောကြောင့် ဖြစ်သည်။

တရုတ်လူမျိုးများသည် ဂျပန်လူမျိုးများ အလွန်နှစ်သက်သည့် ဟာကိုနေ အေကိဒင်း (ဟာကိုနေ လက်ဆင့်ကမ်းပြေးပွဲ) ကို မနှစ်သက်ရခြင်း၏ မထင်မှတ်ထားသော အကြောင်းရင်းကို သိရှိခဲ့ရပြီး အံ့သြခဲ့ရသည်။

ဂျပန်နိုင်ငံတွင် ဂျပန်နှစ်သစ်ကူးချိန်ဖြစ်သည့် နှစ်စဉ် ဇန်နဝါရီလ နှစ်ရက်နေ့မှ သုံးရက်နေ့အထိ ဂျပန်နိုင်ငံ တက္ကသိုလ်များ ပါဝင်ပြီး Hakone Ekiden ဟာကိုနေ အေကိဒင်းဟုခေါ်သည့် တိုကျိုမှ ဟာကိုနေအထိ လက်ဆင့်ကမ်းပြေးပြီး ဟာကိုနေမှတိုကျိုအထိ လက်ဆင့်ကမ်းပြန်လည်ပြေးသည့် အပြေးပြိုင်ပွဲကို ကျင်းပလေ့ရှိသည်။ အသွားခရီးဖြစ်သည့် တိုကျိုမှ ဟာကိုနေအထိ ၁၀၇.၅ ကီလိုမီတာရှိပြီး အပြန်ခရီး ဟာကိုနေမှတိုကျိုအထိ ၁၀၉.၆ ကီလိုမီတာ အကွာအဝေးကို ဂျပန်နိုင်ငံ တက္ကသိုလ်ကျောင်းသားလူငယ်များ၏ လက်ဆင့်ကမ်း အပြေးပြိုင်ပွဲ ဖြစ်သည်။ ယင်းအပြေးပြိုင်ပွဲကို ဂျပန်လူမျိုးများ အလွန်နှစ်သက်ပြီး ဂျပန်လူမျိုးအများစုက နှစ်သစ်တွင် ရုပ်မြင်သံကြားမှ တိုက်ရိုက်ထုတ်လွှင့်မှုကို ကြည့်ရှုကြသည်။

နှစ်သစ်ကူးတွင် ရုပ်မြင်သံကြား၌ ဟာကိုနေ လက်ဆင့်ကမ်းပြေးပွဲကို ကြည့်ပြီး စိတ်လှုပ်ရှားကြည်နူးမှုကို ခံစားသူများသည် ဂျပန်လူမျိုးများ ဖြစ်သည်။ တိုကျိုတွင် နေထိုင်သော တရုတ်လူမျိုးတစ်ဦးက ကျွန်ုပ်ကို ဤသို့ပြောခဲ့သည်။

"နှစ်သစ်ကူးမှာ သွားတွေကြိတ်ပြီး ပြေးနေတဲ့လူတွေကို အကြာကြီးကြည့်ရတာ ဘာများပျော်စရာကောင်းလဲဆိုတာ ကျွန်တော် နားမလည်နိုင်ပါဘူး။ ကျွန်တော် အလယ်တန်းနဲ့ အထက်တန်းကျောင်းသားဘဝတုန်းက ကိုယ်လက်လှုပ်ရှား ပညာဘာသာရပ်မှာ မာရသွန်ကို ထည့်သွင်းဖို့ ကြိုးစားတဲ့ ဆရာတစ်ဦးရှိခဲ့ပြီး ကျောင်းသားတွေကို တစ်ခါတည်း အကြာကြီး ပြေးခိုင်းခဲ့ပါတယ်။ အဲဒီအခါ ကျွန်တော်အပါအဝင် လမ်းတစ်ဝက်မှာ စက်ဘီးနဲ့ လျှို့ဝှက်စီးနင်းသွားတဲ့ ကျောင်းသားတွေ အများကြီး ပေါ်လာတာကြောင့် အဲဒီနောက်ပိုင်း မာရသွန် မရှိတော့ပါဘူး။" ဟု ပြောဆိုခဲ့ဖူးသည်။

တရုတ်ရိုးရာ ရှောင်လင်သိုင်းဝိဇ္ဇာတွင်လည်း “ရှောင်ရှားခြင်းပညာ” များသည် အလွန်များပြားပါသည်။ ၎င်းသည် ဂျပန်၏ ဆူမိုနပန်း၊ ကင်ဒိုနှင့် ဂျုဒိုစသည့် “ထိပ်တိုက်ရင်ဆိုင်ခြင်းပညာ” များနှင့် ကွဲပြားပါသည်။

တရုတ်လူမျိုးများသည် မနှစ်မြို့ဖွယ်ရာ သို့မဟုတ် ပင်ပန်းဆင်းရဲသောအရာများနှင့် ရင်ဆိုင်ရသောအခါ သွားတွေကြိတ်ပြီး အဆုံးအထိ ကြိုးစားလုပ်ဆောင်မည့်အစား တစ်နည်းနည်းဖြင့် ထွက်ပြေးရန် သို့မဟုတ် ရှောင်ရှားရန် ကြိုးစားကြသည်။

ယေဘုယျအားဖြင့် တရုတ်လူမျိုးများသည် ဂျပန်လူမျိုးများထက် ပို၍ ပျော့ပျောင်းသည်။ ထို့ကြောင့် ကျွန်ုပ်သည် ပေကျင်းမြို့ရှိ ကုမ္ပဏီတစ်ခုတွင် ကျွန်ုပ်၏ဝန်ထမ်း တရုတ်လူမျိုးများကို ၎င်းတို့အတွက် မနှစ်မြို့ဖွယ်ကောင်းသော အလုပ်ကို တာဝန်ပေးသည့်တိုင် "ကျွန်တော်တို့ လုပ်လို့မရပါဘူး" ဟု လုံးဝမပြောပါ။

"နားလည်ပါပြီ" ဟု ပြန်ဖြေခြင်း သို့မဟုတ် တိတ်တဆိတ် ခေါင်းညိတ်ပြီး တစ်နေရာရာတွင် ထွက်ပြေးလမ်း သို့မဟုတ် လွတ်မြောက်ရာလမ်း မရှိမရှိ ရှာဖွေတတ်သည်။

Grace ဘာသာပြန်သည်။

ဓာတ်ပုံများ။

ဂျပန်နိုင်ငံမှ ဟာကိုနေလက်ဆင့်ကမ်းအပြေးပြိုင်ပွဲတွင်တွေ့ရသော ဂျပန်တက္ကသိုလ်မှ ကျောင်းသားလူငယ်များ

If YOU Give Me 1 Hour, You’ll Seduce & Influence Anyone

Tuesday, September 23, 2025

ငါးပါးသီလ‌ သီလပေးတရား ပါမောက္ခချုပ်ဆရာတော်

Sunday, September 21, 2025

To a better health Zoom section link

To a better health

Zoom session

Date: November 2, 2025

Day: Sunday.

Time: 8:30 a.m US Eastern standard time

8:00 p.m Myanmar Time

Topic: Health

ID: 9024218439

Passcode: 425106

မြန်မာစံတော်ချိန် ပြောင်းသွားတာကို သတိပြုစေချင်ပါတယ်။

(Because of US daylight saving time on November 2)

Zoom Session

Date : 2025.

Day : Every Sunday.

Time : 8:30 a.m US Eastern Standard Time

7:00p.m. Myanmar Time.

Topic: Health.

ID : 9024218439

Passcode: 425106

Kriz, Adam Oo - Daisy (Official Music Video) #ဒေစီ

SHINE - Min Atwat Ngar ( Myanmar Version ) [ Official Audio ]

သီချင်းလေးကြားရင် - နေမင်းအိမ် l Tha Chin Lay Kyar Yin - Nay Min Eain ( Official MV)

May - ဆေးလိပ်နဲ့မီးခြစ် [Official Music Video]

Htoe a chit Kyaunk (ထို့ အချစ်ကြောင့်)

Lu Hpring - လေဟာနယ် (Official Music Video)

အရာရာ (A Yar Yar) Gae Gae

Thursday, September 18, 2025

Hip pain isn’t always coming from your hips!

Ancient Body Dance

မဟာဗျူဟာ မြင်နိုင်မှု သိမှုစွမ်းရည်

စစ်တုရင်ကစားရာမှာ Beginner တွေဟာ

One move thinking ahead ခေါ်တဲ့

ပြိုင်ဘက်ရဲ့Counter Attack တစ်ကြိမ်ကိုသာ

မြင်နိုင်တဲ့အဆင့်ပဲရှိကြပါတယ်။

Intermediate Level မှာတော့ ပြိုင်ဘက်ရဲ့

သွားလမ်းနဲ့ ပြောင်းလဲနိုင်တဲ့ အခြေအနေဆိုတဲ့ နှစ်ခု

Two move thinking ahead ကို မြင်နိုင်ကြတယ်။

Advanced or Expert ကျွမ်းကျင်သူအဆင့်မှာတော့

3-4 move thinking ahead ဆိုတဲ့

သုံးလေးလှည့်ကို ကြိုမြင်နိုင်တဲ့ တွေးခေါ်မှုကိုရရှိကြပြီး

မိမိအတွက် အသင့်လျှော်ဆုံးလမ်းကြောင်းကို ရှာဖွေတတ်ကြတယ်။ တနည်းအားဖြင့် နည်းဗျူဟာကို စဉ်းစားနိုင်ပြီ။

5-6 more move thinking ahead ကိုမြင်နိုင်စွမ်းရှိသူတွေကိုတော့ Master အဆင့်လို့သတ်မှတ်ကြပါတယ်။

အဲ့ဒီအဆင့်မှာသာ မဟာဗျူဟာဆိုတာကို သုံးနိုင်ကြတာပါ။

အဲ့ဒီတော့ တစ်ဆင့်/တစ်ကွက်မြင်သူတွေဟာ မမှားဘူး။

သူ၏ မြင်နိုင်မှု သိမှုစွမ်းရည်သည် ဒီလောက်ပဲလို့

ကျွန်တော်တို့နားလည်ထားရမယ်။

ဒါပေမယ့်

အခု ကျွန်တော်ပြောနေတာတွေက

စစ်တုရင်ထိုးတဲ့ အကြောင်းတော့ မဟုတ်ဘူးပေါ့ဗျာ။

MT 9.15.25

Air Fryer နဲ့ Beefsteak medium လုပ်နည်း

Air Fryer နဲ့ Beefsteak medium လုပ်နည်း။ အလွယ်တကူ 6-6-6 method လို့မှတ်တယ်။

အမဲသားကို ရေပြောင်အောင်သုတ်။
ဆား/ ငရုတ်ကောင်းမှုန့်နဲ့ နှံ့အောင်နယ်။ Air Fryer ထဲကို အမဲသားထည့် အမဲသားပေါ် Butterတင်
ကြက်သွန်နီ/ ကြက်သွန်ဖြူ/ မုန်လာဥနီ/ ကညွတ်တို့လို့ တွဲစားချင်တဲ့ အသီးအနှံတွေထည့်။
အပူချိန် ၂၀၀ နဲ့ ၆မိနစ်ကင်
အမဲသားကို တဖက်လှန် အပူချိန် ၂၀၀ နဲ့ ၆မိနစ်ကင်
ပြီးရင်ထုတ်ပြီး ၆မိနစ်အအေးခံပြီး လှီး။ အာရှဆန်ဆန် အမဲသားကို ထမင်းဖြူနဲ့ပဲ တွဲစားတယ်။ အမဲသားကနေပိုတဲ့ Butter တွေကိုဆားထည့်ပြီး ထမင်းနဲ့နယ်။ အမဲသားနဲ့ တွဲစားဖို့ Seafood Sauceနဲ့။
ကြက်ဥအနှစ်ကို ပဲငံပြာရည်စိမ်ထားတာရှိရင် ထည့်စားတာပိုကောင်းတယ်။