ပုစွန်ခရုဆီစပ်မွှေး
(ကြက် / ဝက် / ပြည်ကြီးငါး / ကင်းမွန် တို့နဲ့လဲ ချက်လို့ရပါတယ်)
အခွံသင်ပြီး ကျောခွဲ သန့်စင်ပေးထားတဲ့ ပုစွန်ကြားကြီးကြီး ၇ကောင် ( ၃၀ကျပ်သား) ကို အချိုမှုန့် ဆား
ပါတယ်ဆိုရုံံလေးနဲ့ နယ်ထားပါတယ်
ကြက်သွန်ဖြူဥကြီး ၅မွှာနဲ့ ငရုတ်သီးစိမ်း (အနီ +အစိမ်း) ၁၅တောင့်ခန့်ကို နုတ်နုတ်စဥ်းထားပေးပါတယ်
ကြက်သွန်မြိတ်အနည်းငယ်ကို အရွယ်တော်ပိုင်းဖြတ်ပေးထားပါတယ်
ဆီပူအောင်တည်ပြီး အရသာနယ်ထားတဲ့ ပုစွန်ထည့်ကြော်ပေးပါတယ် အနီရောင်သန်းပြီး အနည်းငယ်ကျက်သွားတာနဲ့ အိုးထဲက ဆယ်ထုတ်ထားပါမယ် ( အကြာကြီး ကြော်ရင် ပုစွန်က မာသွားပြီး စားလို့မကောင်းပါဘူး)
အိုးထဲမှာ ဆီအနည်းငယ်ပဲချန်ထားခဲ့ပြီး ကြက်သွန်ဖြူ ငရုတ်သီးစိမ်း ထည့်ဆီသတ်ပါတယ်
မွှေးလာရင် ကြော်ထားတဲ့ပုစွန်ထည့်ပါတယ်
ပဲငံပြာရည်အကျဲ ထမင်းစားဇွန်းရှည် ၁ဇွန်း
ခရုဆီ ထမင်းစားဇွန်းရှည် ၁ဇွန်းလျော့လျော့
ပဲငံပြာရည်အပျစ် ထမင်းစားဇွန်းရှည် တစ်ဝက်
ထည့်ပြီး အရသာဝင်အောင်မွှေကြော်ပေးပါတယ်
ပြီးမှ ရေနဲ့ကျဲကျဲဖျော်ထားတဲ့ ပြောင်းကော်မှုန့် လဘက်ရည်ဇွန်း ၁ဇွန်း ထည့်မွှေပေးပါတယ်
ကော်ရည်ကျက်တာနဲ့ ကြက်သွန်မြိတ်အုပ်ပြီး မီးဖိုကချပါတယ်ရှင်
No comments:
Post a Comment